首先餐廳喺T.O.P.，交通真係超方便，地鐵一出就到，唔洗行遠，啱晒懶人！餐廳裝修企理，通風系統唔錯，所以唔會好大陣油煙味！
我哋嗌咗佢哋嘅「雨」任食套餐。講真，呢個套餐嘅性價比真係勁高，因為除左當日有折扣優惠之外，最緊要係成個套餐包咗大量高質食材以及多元化嘅飲品選擇，所以真係抵到爛！
先講海鮮類：鮑魚爽口彈牙，冇腥味；元貝鮮甜多汁，鮮味十足；花甲乾淨冇沙。
全餐飯另一個回本位係佢哋嘅燒和牛，真心正！A4黑毛和牛薄切油花靚，入口即溶；後腰肉肉味濃郁；牛肩啖啖肉，咬落有口感；三角腩油脂豐富唔膩；和尚頭嫩滑又有肉香。每一件都係燒肉嘅極品！
另外，佢哋嘅炸物選擇都好多，唔係得嗰幾樣交差。炸蟹柳外脆內香，炸蟹餅入口流心，蟹味好出，煎餃子煎到金黃香脆，冇半點油膩。每一樣炸物都熱辣辣，相當唔錯！
總括嚟講，「八木橋」嘅「雨」套餐真係物超所值，食材新鮮選擇多，坐得舒服又唔迫，下次一定會再嚟！
