Derek_lee97的個人專頁

🇭🇰#香港捐窿捐罅記韓國食菜直送韓式Fine Dining初體驗🍡老闆認真到自己有塊田種米🍚平時大家韓國嘢就食得多，炸雞呀，豬手，醬油蟹果啲，但係相信大家都好少有機會食到韓國嘅dine fining 🤣因為我就有機會體驗到韓式嘅fine dining 究竟係什麼一回事😈 套餐好多食材都係由韓國嗰邊直接送過嚟，特別係釜山，而且最驚訝係原來連個白飯都係老闆親自去種，自己喺韓國釜山買咗田去種😀 之後再供應返俾餐廳，感覺到成件事都幾有心🤣 最後就係上咗去餐廳仲有個靚景睇，如果去食一定要坐窗邊😆-🐮 #九道菜tastingmenu 🐮 （$1480）（7.5/10）🍤 #烤釜山鰻魚 🍤 （8/10）第一次食到韓國嘅鰻魚，出奇地好食😈個皮烤到好脆，肉就超級彈牙，食得出係新鮮嘅鰻魚💁🏻‍♂️ 熱辣辣食真係冇得輸😆下面個薯蓉係有薑味，不過佢就唔係西式creamy果種，而係比較有口感啲🤙🏻.🐃 #1++韓牛 🐃 （8/10）又係另一樣平時好少見嘅食材，韓牛係近年先開始批准出口💁🏻‍♂️而1++ 正正係最高級數嘅😆見到佢係啱啱好三成熟，食落牛味幾重👍🏻而且油脂分布都幾好，係有自己嘅特徵😛.🐣 #韓式蔘雞湯燴飯 🐣 （7.5/10）服務員會喺飯上噴上蔘酒，個飯食落去雞味幾重，不過人蔘味就相對冇咁勁🙂要配埋隔離嗰幾片人蔘就啱啱好😬食落感覺係幾滋潤嘅😛.🍚 #自家農田珍珠米 🍚 （7.25/10）老闆自己親自種嘅米，食落米香比一般嘅好好多💁🏻‍♂️而且好飽滿，同平時嘅好唔同🙂用埋果五種伴菜一齊食，五種伴菜嘅味道都比較重🤙🏻 用嚟送白飯就一流.🍨 #糯米年糕窩夫餅 🍨 （7.25/10）糯米窩夫熱辣辣送上，口感煙韌仲有少少脆脆地😈餐廳雪糕係自家製，一凍一熱有冰火嘅效果😛總結來說 幾特別嘅初體驗 了解當地食材💁🏻‍♂️-🎈銅鑼灣糖街25-31號Sugar+23樓平均傷害：$1480好味值：7.5/10…查看更多

🇭🇰#香港捐窿捐罅記 #菠蘿王子經濟圈著名良心品牌嘅姊妹店💛罕見香檳火鍋食材日本直送🐮今日介紹嘅呢間餐廳，相信大家對佢嘅姊妹店都唔會陌生，就係申子，大家就算冇聽過或多或少都有食過 😈咁申子本身除咗係有良心嘅店舖之外，食物質素都有一定嘅保證🤙🏻 但係今次佢哋就唔再開居酒屋，反而開一間主打火鍋嘅餐廳😂 而且火鍋嘅類別都幾特別，有啲我哋平時都好少見到嘅，例如鮟鱇魚肝鍋，仲有今次食嘅香檳廣島蠔鍋，都係平時好少機會接觸到😬 而且了解到佢哋大部份食材都係日本直送，所以都應該幾新鮮🤙🏻 而且佢仲有供應一啲串燒，雖然感覺上似係炸😂-🍾 #廣島蠔香檳鍋 🍾 （$798）（7.25/10）服務員介紹話日本傳統食法係唔會加湯，所以教我地首先將生蠔同大蝦食晒，之後先再食蔬菜，咁蔬菜自己就會釋出水份，就會做到唔使加湯嘅效果😈 服務員會將半支香檳倒落個湯底度，識落就會有少少酸酸地開胃嘅味道👍🏻生蠔全部都好新鮮飽滿，全部都好鮮甜😆大蝦亦都好大隻，脹卜卜🙂而且佢有一大鍋嘅蔬菜俾你食，有好多唔同嘅品種，最正係福袋同金針菇，個豆卜都唔錯😆最後服務員仲會整個芝士雜坎，呢個真係幾好食，用咗吸收晒食材精華嘅湯底，再加上芝士，就算食到再飽都有胃口食埋佢🤣一定要趁熱食 🔥.🍠 #開心果奶油芝士夾餅 🍠 ($48) (7/10)用咗法國cream cheese 去整，食落冇芝士蛋糕咁cheesy反而實心少少😬紫薯味比開心果更重，係幾特別嘅🤗總結來說 有心機嘅火鍋 可go go go💁🏻‍♂️-🎈旺角奶路臣街17號The Forest1樓114號舖平均傷害：$450好味值：7.25/10…查看更多

🇭🇰#香港捐窿捐罅記台式火鍋放題任食🍲令你感覺身處台灣夜市🍡近排天氣開始涼咗少少，咁當然要去打下邊爐🔥今日就去咗間主打台式邊爐嘅放題餐廳食😈 入到去侍應會比張post card 你 等你可以自己寄返俾自己😂 咁你代入自己去咗台灣💁🏻‍♂️ 佢有好多前菜比你自己去拎，有好多唔同嘅滷水食物，仲有唔同火鍋用嘅丸 麵比你自己拎😈 當然仲有好多唔同嘅嘢飲💁🏻‍♂️ 落單就係用QR code 上菜嘅速度都幾快 😆特別提提佢哋嘅服務都幾好嘅👍🏻-🐮 #饌和牛吃到飽 🐮 （$368）（7/10）一個有七種唔同嘅牛可以叫🐮 肥瘦最均勻嘅就係饌和牛，牛味都幾重雖然未到入口即溶嘅地步 不過都唔錯🤟🏻 另外一個最鍾意嘅係封門柳，肉質夠淋而且佢加咗蛋上俾你，所以都夠滑🤤而且個鵝腸都幾好，煮十幾秒就食得 食落超級爽口👍🏻最後做到一樣抵讚 就係佢哋嘅甜品 除咗個樣靚之外 味道都好對板 大家記得叫🤟🏻總結來說 火鍋愛好者 可go go go 💁🏻‍♂️-🎈旺角彌敦道639號雅蘭中心2樓201號舖平均傷害：$368好味值：7/10...…查看更多

🇭🇰#香港捐窿捐罅記江戶前時代日本菜🍣日本時令新鮮食物供應🍥今日去嗰間餐廳一去到已經見到佢個靚裝修，成個感覺都好日本😂 雖然而家有得去旅行 但我未諗住去日本💁🏻‍♂️ 仲有聽講佢哋有兩位日本福岡師傅 不過果日就無緣見到 我見啲師傅都係用廣東話溝通😬 不過見佢哋工作都好認真 有板有眼🤟🏻 印象最深刻係食壽喜燒嘅時候 本身想自己點火 之後服務員自告奮勇話我幫你 點知淨係tick左一下就頭也不回走咗 個火係冇著😂🔥 過咗成分鐘先可以叫佢返嚟幫我tick著返🔥-🍣 #時令壽司 🍣 （$180 2件）（7.5/10）壽司入面有吞拿魚蓉，海膽，三文魚子，黑魚子🤤 見到呢個組合都知道冇得輸 海膽好鮮甜😆 一啖食落去好滿足👍🏻.🐮 #A4宮崎和牛壽喜燒 +棉花糖🐮 （$488 + $40）（7.25/10）第一次見到有棉花糖嘅壽喜燒😂 不過壽喜燒湯底本身較甜，所以加埋棉花糖就又冇乜太大分別，不過影相係幾特別🤟🏻有3塊宮崎和牛，睇個油脂分布都知好食😆全部都係入口即溶 煮到5成啱啱好 點埋個蛋汁係幾正💁🏻‍♂️.🐟 #二人刺身盛 🐟 （$500）（7/10）師傅將當日最新鮮嘅刺身供應比你👍🏻全部都好新鮮，最正有牡丹蝦同帶子🤟🏻兩樣都好鮮甜！不過性價比就只屬正正常常🙂.🍨 #天婦羅雪糕 🍨 （$78）（6.5/10）呢個幾特別，平時好少食到😈上到嚟有少少甩頭甩骨，個炸皮自己甩咗🥺不過都幾特別嘅，起碼有個雪糕冇溶🤤總結來說 環境幾好 有日本感覺 -🎈銅鑼灣登龍街1號金朝陽中心2期Midtown 8樓平均傷害：$800好味值：7/10...…查看更多

🇭🇰#香港捐窿捐罅記旺中帶靜地庫居酒屋🍶最啱辛苦嘅上班族去舒服一下🥂今日介紹嘅居酒屋位於尖沙咀呢個超級熱鬧嘅地段，餐廳嘅位置比較隱蔽係一個地庫入面😂 我去果時都搵咗一陣先搵到個入口，而且我成日經過果個位，但完全冇留意過原來有間居酒屋😂 你就知道有幾隱世🤪入到去見到有個魚池，你就知道啲海鮮有保證😆有啲似中式酒樓咁✋🏻 而且佢仲有個串燒吧枱 可以睇住師傅喺度燒🔥 夠晒新鮮😂佢每一日仲有唔同嘅優惠，我嗰日星期一去係晚市全單75折 都幾抵玩😛-🐣 #提燈 🐣 （$68）（7.5/10）係一個十分之罕有嘅部位🐥係受精左但係未有殼嘅雞蛋黃，加上母雞嘅輸卵管同卵巢😂由於唔係太多人接受到，所以都比較少見😆但係食落都幾正，好creamy同煙韌👍你可以當係升級版嘅雞肝咁😈建議接受到嘅人一定要試吓😛.🐟 #原條丸洲池魚姿造 🐟 （$268）（7.5/10）應該係我第二次咁樣食全條魚😂肉質好新鮮彈牙😛個魚腩位最正，好肥美🙂雖然佢唔係一種比較重味嘅魚，但係勝在佢個皮好食🤟🏻.🐮 #火炙和牛壽司 🐮 （$78）（7.5/10）師傅會喺你面前用火槍燒熟和牛🙈燒溶咗啲脂肪之後好香口😛師傅話會食到上癮，佢又真係冇講錯😂你個口會不停咀嚼，等啲牛味爆出嚟😗.🐃 #博多牛腸鍋 🐃 （$180）（7/10）有好多好肥嘅牛腸，咬落去啲油脂會爆出嚟🤪牛味感十足，個湯本身好似有啲韓式調味🙂飲落好開胃👍係一個幾特別嘅主食😆.🦪 #法國生蠔 🦪 （$45）（7/10）大家都知我本身好鍾意食生蠔㗎啦🦪有得叫當然會叫😛呢隻海水味比較重🤨食落有少少咸，所以一定要配埋佢個醬汁😂如果唔係會有少少over 😈總結來說 平均質素高嘅居酒屋 可go go go 💁🏻‍♂️-🎈尖沙咀加拿芬道44-46號地下7-8號舖平均傷害：$375好味值：7.5/10…查看更多

🇭🇰#香港捐窿捐罅記 #菠蘿王子經濟圈由沖繩過江而嚟嘅和牛天堂🐮自己人專用優質和牛專門店💛日本身為係我哋第二個家鄉，都知道大家呢幾年冇得去係幾辛苦😂 之前終於有啲零聲旅行團都報曬上新聞🙂 就知道大家忍咗好耐🙈今日介紹嘅呢間係日本嘅過江龍 本身來自沖繩嘅老字號 1955年已經開張 都有返咁上下嘅歷史 😛 餐廳嘅和牛都係嚟自日本 起碼係A4 以上 所以質素有保證 🥰 基本上你入到去都感到成個氣氛都係牛 牛魔王表示滿足🤪-🐮 #和牛皇者三食 🐮 （$728）（7.75/10）用咗三種唔同產地嘅牛，分別係本部牛，鹿兒島黑牛同石垣牛🐃職員建議由本部牛食起，牛味非常之濃郁，點少少鹽會令佢更突出🤤鹿兒島黑牛就油脂分布更突出，攞咗個平衡點🙂石垣牛就最肥美，完全係入口即融，真係要點wasabi 去平衡返😝佢底下仲有個鐵板去保持溫度，又用咗洋蔥煲底避免過熟，幾細心👍三隻牛肉都超級好食，但如果要揀一隻，我就最鍾意本部牛🐮.🐄 #海膽和牛丼飯 🐄 （$328）（7.5/10）一次過食晒兩樣我鍾意嘅食物🤤海膽同和牛🙈和牛仲要係和牛拖羅，雖然冇煮過，你用口嘅溫度已經可以將佢溶化🤪油脂嘅香味喺你個口度爆發🔥海膽就正正常常🤫.🐃 #日本產黑毛和牛肉肉膾 🐃 （$128）（7.25/10）他他就食得多🙂但係未試過日本和牛他他，所以叫嚟體驗下🤪 你俾晒啲配料俾你自己撈😝牛肉食得出好新鮮，醬汁係偏辣嘅，食落幾有口感👍係一個出色嘅前菜🥰.🐂 #燒和牛烏冬 🐂 （$168）（7/10）呢個主角係烏冬，聽職員講佢哋炒烏冬同呢個烏冬係用唔同嘅牌子🤤代表佢哋對食材都有要求🙂 烏冬好彈牙，而且有少少甜加埋胡麻醬（神醬）配合得幾好😗燒牛肉對比嗰日食嘅其他就相對正常🤨總結來說 高質素日本和牛 可go go go 💁🏻‍♂️-🎈銅鑼灣登龍街28號永光中心13樓平均傷害：$500好味值：7.5/10…查看更多

🇭🇰#香港捐窿捐罅記 #菠蘿王子經濟圈真香港人專用同聲同氣好地方💛本土罕有高質素日式居酒屋🍶大家有留意都知道 今日申子旺角總店又被逼停業14日 已經唔係第一次🤷🏻‍♂️ 再加上疫情 對佢哋嘅生意都真係大受影響🥲 所以決定出咗呢個post 先 等大家記得要多多支持佢哋🙂 呢間餐廳我大大話話都食咗超過5次🐖 質素次次都咁好👍而且服務都一流 各位同路人記得多多支持💁🏻‍♂️-🥩 #申子和牛燒 🥩 （$278）（7.75/10）用上咗鹿兒島和牛😆一睇就知係肉眼🤤師傅會即刻喺你面前用火槍燒，仲會問你生熟度 細心😗之後會用和牛包住日本蛋同日本飯💁🏻‍♂️有一口高潮嘅效果😆 入口即融👍蛋香即好重，有令你想食多幾啖嘅感覺🤤.🐟 #汁煮左口魚裙邊 🐟 （$138）（7.75/10）魚油味超重嘅一個部位，而且價錢普遍都平民🥰而且佢係完整一條長嘅俾你，記得要不停咀嚼咁樣啲魚油香先會出😗再加上三文魚子嘅鮮味 成件事好滿足🤤.🐖 #吉列三重芝士千層豚肉 🐖 （$248）（7.5/10）佢哋最出名嘅一個餸，每次食都一定要叫😈火候控制得啱啱好，芝士令到佢好creamy🤤外皮又炸得好脆，點埋神醬真係一流🍼但係略嫌芝士有少少鹹，冇我咁重口味嘅會覺得咸😗總結來說 高質居酒屋 可go go go 💁🏻‍♂️-🎈銅鑼灣渣甸街50號渣甸中心9樓平均傷害：$400好味值：7.75/10…查看更多

🇭🇰#香港捐窿捐罅記皇宮式邊爐宴會🥘俾大家感受下做貴族嘅樂趣🤴🏻打邊爐不嬲都係我哋香港人嘅最愛🙋🏻‍♂️ 無論乜嘢天氣我哋都可以打邊爐😂 只要開返部冷氣就得😛 今日去嗰間火鍋店位於尖沙咀，裝修風格係宮廷風🤴🏻 最痴線係真係有個皇位同黃袍俾你打卡😗 十足十以前嘅珍寶海鮮😂 唯一唔好係位置唔係太多，有少少迫🤨 不過尖沙咀呢啲黃金地段係咁🐷湯底方便叫咗椰子雞湯鍋，聞落去其實都好香 但係飲落去就反而冇想像中咁濃味 不過啲雞都幾滑🐣-🐥 #黃金即炸響鈴 🐥 （$88）（7.5/10）身為一個鹹蛋黃殺手，見到冇理由唔叫😛上到嚟仲係熱辣辣，為咗更濃味唔使點湯食😗超級惹味可口，簡直係啤酒殺手 🤞🏻.🐮 #手切新鮮牛胸尖 🐮 （$138）（7.5/10）我諗就係大家平時食開嘅牛胸爽😈一路咬油脂味一路出嚟😗 味道大爆發😂而且唔使煮好耐，難怪可以成為近期打邊爐嘅必叫😗.🐮 #花花公主牛魔王拼盤 🐮 （$498）（7/10）打邊爐一定要有牛😂 呢個係定律😈咁多個部位入邊最鍾意係日本和牛同黃喉😗對上一次食黃喉應該係重慶，超級爽口，主要係食口感💁🏻‍♂️日本和牛就唔使講，直接入口即溶👍.🥠 #沙白蜆 🥠 （$68）（7/10）係肥美飽滿嘅蜆，食落都幾鮮甜😛而且脹卜卜，最重要係冇沙😉同全部都有開口😂 即係新鮮野💁🏻‍♂️.🐣 #陳年花雕雞子 🐣 （$78）（7/10）以前任食打邊爐必叫😂 不過又唔係好多人鍾意食🐣雞子嘅酒香味都幾重，煮完之後脹卜卜好大粒😗而且冇任何異味，仲有少少酒香💁🏻‍♂️總結來說 鍾意華麗同邊爐嘅 可go go go 🥘-🎈 尖沙咀加拿芬道16號金輝大廈1樓平均傷害：$500好味值：7/10...…查看更多

打邊爐不嬲都深受香港人歡迎💁🏻‍♂️，特別係具有我哋特色嘅港式邊爐～ 基本上天氣都唔會影響到我哋對打邊爐嘅熱誠😈今日就係特登去到遙遠的他鄉荃灣 去試試一間主打宮廷風嘅餐廳😈 入到去真係好似去咗皇宮咁 一坐低就即刻俾個聖旨你😂真係會make you feel special 💁🏻‍♂️ 為咗支持環保 而家基本上都係用QR code 落單🙋🏻‍♂️咁由於全球化嘅關係 佢哋好多肉類都用上世界各地唔同嘅食材💁🏻‍♂️ 進一步升級左港式火鍋😗 不過唯一唔好處係冇水供應。一定要叫嘢飲😂怕肥呀-我哋特登叫咗為夏天而推出嘅新湯底，就係龍躉片木瓜魚湯鍋，飲落個魚湯味都幾濃 皮膚好似即刻好咗咁😛 反而掉晒啲肉落去之後，溝埋啲味就冇咁純粹 💁🏻‍♂️ 特別推薦佢個黃金炸響鈴，真係新鮮即炸，食落口係超級香口😈 反而覺得點左湯就會冇咁正😂然後肉就叫咗個四國拼盤💁🏻‍♂️ 分別有來自日本，澳洲，韓國嘅和牛🐮仲有個肥牛😂咁當然最正係日本和牛，建議大家由最瘦食起😗 如果唔係就會冇味😈在推薦一個必要嘅部位 ，就係牛胸尖，感覺上其實就係牛胸爽😛 只要煮十幾秒就可以食得😈 食落口超級爽口😙 而且好香油脂味😗 真係次次見到都要叫嚟食😗…查看更多

🇭🇰#香港捐窿捐罅記 #菠蘿王子經濟圈真香港人專用日式小店💛實惠價錢提供日本直送優質食材🍣今日又帶大家食日本嘢😈 仲要係相同理念嘅日本嘢😗 餐廳位於西環 地鐵站行2分鐘就會到 佢隔離就係超罕有嘅蛇羹黃店😂 大家可以一次過滿足兩個願望💁🏻‍♂️同個店主吹水嘅時候 了解到大部份嘅食材都係由日本空運到港 店主亦都會搜羅唔同嘅時令食材😌 務求大家食到最新鮮嘅💪-🦪 #兵庫縣生蠔 🦪 （$78/2隻）（8/10）見到生蠔唔食真係罪過🙏 生蠔身體飽滿，而且體型唔細💪食入口超級爽口，而且鮮甜💛咬幾啖就係我個口到融化咗🧊下次一定要試埋其他產地😛.🐟 #四色吞拿魚盛 🐟 （$148）（7.75/10）小店使用藍鰭吞拿魚🐟比起平時見到嘅黃鰭體型更大，而且油脂分佈更豐富🐳 當然價錢都貴好多💁🏻‍♂️ 入面分別有大拖羅，中拖羅，赤身同吞拿魚蓉🍣 前兩個都入口即融 超級香嘅魚油脂💁🏻‍♂️食得出係新鮮貨🍣.🍣 #極尚花見十貫壽司 🍣 （$268）（7.75/10）最時令嘅10款魚生😈 真係第一次食金木鯛🐟十貫最推薦嘅就係金木鯛，拖羅同海膽😤而且最特別係佢嘅壽司米，特別用咗赤米去調味💁🏻‍♂️所以睇落顏色偏紅，同出面一般嘅日式餐廳唔同🍣 .🥚 #日本松葉蟹肉玉子燒 🥚 （$68）（7.5/10）玉子燒食落偏甜，應該係落咗味醂🍻蟹肉釀咗喺玉子燒中間💁🏻‍♂️聞落去都幾香蟹味😗而且應該係用咗日本蛋，因為蛋味好濃🍳.🐮 #日本廣島蠔拼溫泉蛋安格斯牛肉 🐮 （$143）（7/10）特登叫個主食去飽肚😗 湯底係壽喜燒嘅味😂 配埋手打烏冬食好夾😌但係廣島蠔就因為煮得太耐，所以口感變咗麻麻哋🥲總結來說 同理念高質日式小店 可go go go🍣-🎈西環西營盤第一街129號順泰大廈地下1號舖平均傷害：$300好味值：7.75/10...…查看更多

🇭🇰#香港捐窿捐罅記 #菠蘿王子經濟圈人氣逆權日式居酒屋開到銅鑼灣💛而家唔使過海都食到高級野🐷呢間人氣日式居酒屋相信都唔使多介紹，本身總店位於旺角位置，長期爆滿食物質素又好💁🏻‍♂️基本上一定要訂位先食到 仲要早一個星期😂 不過近排佢哋終於開分店，而且係開係銅鑼灣，終於唔使過海都食到🤞🏻 而且仲更新咗啲食物，有一個新menu 😗 所以都幫大家去試試有乜好食，仲有睇睇新店嘅質素維唔維持到🍯-🐖 #吉列千層三重芝士豚肉 🐖 （$248）（8/10）佢哋最主打嘅一個菜🐖 基本上次次嚟都要叫😂外皮炸到好鬆軟，入邊嘅豬肉好juicy 💦而且入面係超多芝士，加埋蛋黃醬真心一流🤞🏻唔怪得差唔多枱枱都叫🐷.🐮 #極上鹽燒牛舌芯 🐮 （$118）（8/10）用咗牛舌最中心嘅位置去燒👅而且粒粒都好厚身🔥 食落爽口彈牙👍加埋啲蔥食好香，基本上次次我哋都一定會叫呢個餸😗永無失手.🐄 #申子和牛燒 🐄 （$278）（7.75/10）佢哋新分店嘅新菜單，係燒鹿兒島A4和牛🐄睇落應該係肉眼 再加上日本蛋同飯，侍應會係你面前燒熟佢🔥成個表演都幾正，有人係你面前玩火😂食落口入口即融，而且配埋蛋好creamy，好滿足飽滿嘅一啖😂缺點可能係份量略嫌少咗啲😗幾啖就比我食晒😮‍💨.🐥 #黃金聖衣 🐥 （$45）（7/10）其實就係燒雞皮，聽菜名都知一定好食🔥雞皮脆口而且香雞油味💦作為小食一流真係一個好邪惡嘅食物🐣食完即刻想飲番啖啤酒🍻.🍤 #明太子天婦羅 🍤 （$128）（6/10）第一次見到明太子都可以做天婦羅🤨但食入口超級咸😣 本身我個人都夠咸 佢仲犀利過我😅冇乜嘢都可以唔使叫呢個😂除非你想洗腎-🎈 銅鑼灣渣甸街50號渣甸中心9樓平均傷害：$450好味值：7.75/10...…查看更多

🇭🇰#香港捐窿捐罅記 #菠蘿王子經濟圈永冇失望真香港人法式私房菜💛精緻食物浪漫環境一流食物🤯今日介紹一間良心Fine dining俾大家，位於鬧市銅鑼灣之中，餐廳裝修都幾浪漫每枱都有支蠟燭🕯好適合慶祝啲特別節日👍而且最好知唔知係乜，就係佢唔收開瓶費同切餅費，呢啲餐廳簡直係可遇不可求😛餐廳嘅上菜速度都完全符合法國菜💁🏻‍♂️ 慢慢摸住酒杯底吹住水食啦🥂佢個菜單就係五道菜，價錢就取決於你揀邊樣做主菜💁🏻‍♂️ -🥂 #法式五道菜 🥂 （$758-$818）（8/10）🦪前菜🦪🍳 #白露旬溫泉蛋配黑松露荷蘭醬 🍳 （8.5/10）白露旬即係從來未接觸過陽光嘅露筍，只要一接觸陽光就會變綠色🫑 即係我哋平時成日見到果隻💁🏻‍♂️一上到枱已經聞到松露嘅香味👍 而且仲要係一片片😛 貴野～ 白露旬超級嫩口，完全冇渣🥰 荷蘭醬同溫泉蛋好creamy 配合得好好😈 仲有脆麵包增加口感，係一個幾完美嘅前菜✌🏻.🥑 #挪威三文魚塔 🥑 （7.5/10）呢個配搭不嬲都冇得輸🥑🐟三文魚好新鮮肥美，加上牛油果嘅creaminess 🥛食落去超級滿足，佢上面果舊泡泡仲要係豉油味😂 真係估佢唔到😛.🥣湯🥣🫕 #蟹肉柴椰菜忌廉湯 🫕（8/10）好足料嘅一個湯，差唔多每啖都食到蟹肉🦀而且個湯係好杰身，蟹肉味都好重😈佢上面果個泡泡就係黃姜味，同個蟹味配合得幾好💁🏻‍♂️去到呢度我哋睇得出廚師係鍾意玩泡泡💨.🦢 主菜前的小菜 🦢 🕊 #香煎鵝肝 🕊 （8/10）基本上你見佢咁厚切都知穩陣🥰外面煎到焦脆，入口即融🔥真係做到一口高潮嘅效果🤯我自己煎鵝肝果時 成日都唔知加唔加生粉好，加咗又怕太燶，唔加又怕唔脆🥲.🦀 #百味噌蛋黃醬焗皇帝蟹腳 🦀 （8/10）皇帝蟹點解咁貴就係因為每年得兩個月去捉，而且個環境係好惡劣😅 死亡率都高🥲皇帝蟹腳食落十分鮮甜，個百味噌蛋黃醬好香濃但又唔會喧賓奪主🦀個waitress仲特登提我話下面嘅石頭唔食得添😂 實在太細心😛.佢哋會係上主菜之前俾個雪芭你清清味蕾🙈今次係白桃味🍑 酸酸地咁幾開胃🍧🥘 主菜 🥘🐮 #澳洲M8和牛肉眼 🐮 （7.75/10）身為M8油脂分布都好夠💁🏻‍♂️ 每啖都有好香嘅牛脂味，而且因為係肉眼嘅關係所以牛味都足夠😈啱晒我呢啲牛魔王食🐮 三成熟世一🤞🏻.🦞 #法式焗龍蝦 🦞 （8/10）放咗芝士同蘑菇一齊去焗🧀而且幫你起埋隻鉗 唔使你郁手郁腳🥰龍蝦肉鮮甜乾身🦞 不過佢隔離舊薯仔都超級出色🥔 好creamy 又淋身😛果然係高質素嘅一道龍蝦.🧁 甜品 🧁🍎 #蘋果酥卷🍎 （7.5/10）睇嚟好似蘋果批🍎應該係自家製💁🏻‍♂️個酥皮好酥脆，入面係一粒粒嘅蘋果肉🍏配埋雲呢拿雪糕🍦 有冰火嘅效果🔥🧊.🍹 #Baileys朱古力慕絲 🍹 （7.5/10）自家製嘅Baileys 醬，但又唔會太重酒味🥃朱古力慕個味都幾濃，啱晒啲朱古力愛好者🍫而且佢係隔離畫咗幾隻字，如果要慶祝特別節日應該可以叫佢寫字🎂總結來說 道道菜都好有心機 絕對可以go go go 🍾-🎈 銅鑼灣霎西街28號必發商業大廈2樓平均傷害：$800好味值：8/10…查看更多

打邊爐不嬲都係我哋香港人好鍾意嘅活動，因為可以一班人一齊喺度烚吓烚吓😂亦都係一個飲酒嘅好藉口😂雖然而家天氣都仲係超級熱，但係都阻止唔到我喺冷氣房打邊爐嘅決心😂今日就去咗一間雞煲火鍋放題專門店，佢哋同其他火鍋店最唔同嘅地方，就係除咗雞煲之外都有豬腳煲，鴨煲等等，而且全部都係任叫😂-成餐飯入面最鍾意就係佢個豬腳煲，份量好多而且充滿骨膠原～仲要煮得入味同淋身，對比之下個鴨煲就相對冇咁出色，不過佢入邊混合左臘鴨，層次上都係幾豐富😂我哋食完兩個煲先開始打邊爐😂所以嗰時相對有少少飽💁🏻‍♂️ 不過佢哋嗰啲魚類都好出色，特別係鯇魚 食落超級爽口彈牙💁🏻‍♂️而鵝腸都幾爽💁🏻‍♂️ 最重要係價錢都幾相宜，適合一大班朋友去😗…查看更多

🇭🇰#香港捐窿捐罅記 牛舌關注組神級熱捧👅呢個厚度食完返唔到轉頭🐮牛舌啲人食物相信都好受大家歡迎，你睇到日本完全唔出口就知咩事😛 因為自己人都唔夠食😗 至於鍾意食牛舌嘅人都會爭拗嘅一個問題，就係究竟食厚身定薄身好😂 佢話都可以兩樣都鍾意嘅👅今日介紹嗰間位於天后，聽老闆講其實本身已經做咗28年 不過以前主要做壽司果類 近排轉左型就有唔同嘅定食😗 佢哋最主打嘅當然都係牛舌，嗰日去到差唔多每台都叫🤔 聽老闆娘講牛舌係來自巴西，而且定食係即叫即切，所以製作需時😗大家去到就記得耐心等候😛-👅 #關東風慢煮牛舌 👅 （$90）（7.75/10）牛舌超級淋身，食返最原始嘅牛味😈基本上連老人家都會食到，有少少入口即溶嘅感覺😙而且仲有牛舌最好嘅朋友芥末，可以提供多一層嘅味道💁🏻‍♂️佢下邊夠蘿蔔仲要係冇揸，個湯亦都十分清甜😶‍🌫️.🐮 #厚燒牛舌飯 🐮 （$108) (7.5/10)非常之香口嘅牛舌😈 而且都係厚到爆炸比頭先果個更有咬口💁🏻‍♂️牛味亦都更出🐮外皮亦十分脆口，仲要成5大塊，好滿足😉聽講係連好多男仔都食唔晒😗佢其他小食就正正常常，唔特別介紹啦😶‍🌫️總結來說 牛舌愛好者一定要去試下👅go go go 💁🏻‍♂️-🎈天后永興街23號地下平均傷害：$100好味值：7.5/10...…查看更多

🇭🇰#香港捐窿捐罅記 Instagram: foodkiller_dk正宗關西壽喜燒🥘日本神級三大和牛🐮瘋狂打400次電話先預約到📞今次食嘢都算係一種體驗🍍嘗試吓最頂級嘅壽喜燒係乜嘢味道😋 佢哋採用即係來自日本三大和牛之一嘅近江牛🐮咁我介紹一下日本三大和牛有邊三隻 分別就係松板 神戶同近江 佢哋都係公認日本最頂級嘅三種和牛💁🏻‍♂️ btw 我記得我好細個嗰時曾經食過神戶牛 但係對味道就已經冇任何印象 🌝 所以都算係我第一次試呢啲高級牛🤤 成餐飯最難就係要預訂😅 佢係每個月1號俾你預訂下個月嘅位 ，我由朝早10點開始打，打到四點先有人聽🥲 打咗超過400次，不過建議大家如果真係想預訂，直接去餐廳訂位更好，雖然都係會有一條長龍🐮全餐飯除咗牛舌係由澳洲入口之外（因為日本唔俾出口內臟），其他食材都係直接由日本入口，而且牛肉都係Mori師傅親手切, 壽喜燒醬汁更係得佢一個可以調出嚟，完全體驗到日本職人嘅精神🥷-🐮 #壽喜燒套餐 +牛舌 🐮 （$680+$100）（8.5/10）前菜： 北海道三文魚子飯🍣，金時番薯🍠，菠菜配白蘑菇🍄輕食嘅前菜，全部都中上水平，最出色係三文魚子，鮮甜鹹香，不過大家都知只係一個鋪排💁🏻‍♂️ 鋪排個主角🐮.蒸菜：舞茸菇蒸蛋 🥚日本餐廳就係鍾意有茶碗蒸，蛋蒸得幾滑，舞茸菇幾有咬口🍄 不過都只係正正常常，冇乜驚訝🌝.主菜：A4近江牛 🐮+ 澳洲和牛牛舌👅分別有肉眼，西冷同兩款唔同嘅牛肩🐄師傅會由最淡味嘅肉眼到最濃味嘅牛舌👅師傅會先落糖，然後加上自家製壽喜燒醬汁，食落表面焦香 味道微甜 入口即融 完全係一口高潮嘅味道🤤 點埋蛋汁令佢更加滑身 👍我個人最鍾意係肉眼 又肥美又有牛味😈而且白飯仲係任裝，仲可以解膩添🍚.單尾： 滑蛋牛肉飯🍚師傅將手切牛肉多咗嘅邊位，加蛋炒成滑蛋牛肉🐮蛋將晒成個鑊嘅精華吸收晒 食落超滿足 基本上好快就清晒😂.甜品 北海道3.6牛乳奶凍 + 青森蘋果🍏個奶凍先係主角，超濃牛乳味🥛食落好creamy同Milky 🍍完全係我杯茶 牛以外最鍾意係佢👍總結來說 係一種經歷 鍾意牛必go go go 🐮-🎈 中環荷李活道66號地庫平時傷害：$800好味值：8.5/10...…查看更多