helenngann的個人專頁

自從禁晚市之後好耐都無打邊爐同放題，今次終於約左朋友午市時段去呢間牛舞試下，揀左佢地既薩摩和牛放題餐。食物既種類好多,可以同時燒肉同打邊爐，揀好之後店員就會送上拼盤,有薩摩牛牛肋肉、美國和牛肩小排、牛舌薄切、安格斯一口牛、澳洲和牛腹肉、美國雞腿肉同埋厚切豚腩肉。就咁睇d薩摩牛都睇到啲雪花紋好靚，肉質整體都好嫩滑，而且牛脂味更顯突出，燒肉油脂爆分，打邊爐又另一種風味。海鮮種類都好多選擇，而且整體都唔錯～最後點少得甜品，好多款甜品同雪糕可以揀。…查看更多

今日約左朋友去尖沙咀既烏蠅館食烤魚，一入到去已經有好大陣香味，7點去到已經差唔多坐滿，烤魚方面，佢有三款魚可以揀，分別係龍躉魚、三刀魚同多寶魚，問左店員三款魚既分別，因為我地唔想太多骨，所以就揀左三刀魚，送上枱之後用熱爐加熱，店員會留意住情況，食得就會幫我地收起個蓋，三刀魚肉質比較實，啖啖肉又唔多骨，烤魚會附送三個素菜，雲耳、芋絲同海帶，都非常吸味，食得好過癮。之後另外忍唔住再加左好多野黎打邊爐，黑豚肉同牛肉兩款，個人比較喜歡黑豚肉，比較嫩。另外，蓮藕、風琴豆腐、金菇呢幾款就比較吸味。整體既火鍋配料都好唔錯，特別要提既係寬粉！食落非常煙韌，又吸味，忍唔住嗌左兩份～…查看更多

今日同朋友黎到佐敦呢間燒肉店，環境好舒服，坐位分佈唔會好迫，好岩食飯傾偈，而且店員都好細心。🔸日本安曇野豆腐沙律($68)🔸牛魔再現($630)一共有三款肉-分別係美國Prime牛小排、美國Prime牛角切、日本産A4和牛肉眼(100g)，店員好細心咁會介紹食用次序同示範燒肉方法。三款牛味都好濃，特別係和牛肉眼，滿口油脂。🔸豚腩肉(鹽燒)($84)油脂分布平均，肉質都幾幼嫩，燒完後外脆內軟，好香口🔸特大緬甸虎蝦2隻($260)一上枱有d嚇一嚇，size非常大隻，真係成隻手板咁大，店員會不時留意住話比我地知幾時熟，食落彈牙啖啖肉，好新鮮🔸鰻魚炒飯($108)炒飯唔係好乾身的，有少少濕潤，鰻魚份量好多，每啖都有鰻魚🔸熱情果特飲、青蘋果特飲($28,$28)…查看更多

今日同朋友相約黎到坑口呢間西餐廳-Ocio環境好舒服，小清新風格，點餐後會先上餐湯，今日係南瓜湯，好香南瓜味，飲落好順口。🔸辣肉腸珍寶帶子手工意粉($138)手工意粉質感爽口，偏幼身，帶子新鮮肉質厚實，辣肉腸切粒，口感上有少少煙韌，而且咸香味十足🔸香煎美國保濕豬鞍伴蘋果燒汁($168)賣相好吸引，慢煮豬鞍令肉質唔會乾，食落仲充滿肉汁，配上兩款醬汁(燒汁、蘋果醬)，配蘋果醬食會更加清新，解膩一流。🔸雜莓窩夫($68)甜品選擇實在太多，最後揀左雜莓窩夫，窩夫外脆內軟，配上士多啤梨同藍莓，再加上雲呢拿雪糕同忌廉，完美既組合。🔸蜜桃梳打…查看更多

餐廳座位闊落，圓形枱感覺好有私人空間，可惜今次坐唔到，點餐後會先上餐包，估唔到仲有welcome drink，有驚喜🔸果木煙燻法國鵪鶉髀($168)每隻鵪鶉髀都有配一片蕃茄，食落會更清新，鵪鶉髀咸香味十足🔸白酒煮澳洲藍青口($228)本身唔係特別鍾意食青口，但呢個令我改觀，青口非常新鮮肥美，啖啖白酒香味，而且份量十足，推介！🔸阿拉斯加蟹肉海膽扁意粉($328)意粉味道濃郁，海膽同蟹肉都好新鮮，食到最後每條意粉都係充滿海膽味🔸28天熟成西班牙黑毛豬鞍($388)份量十足，一份有兩塊豬鞍，肥瘦適中，而且充滿肉汁，配上芥末醬，完全唔油膩🔸煙燻日式車打芝士蛋糕($118)上碟既時候會有煙霧，好岩打卡人士，味道都唔錯🔸Pink Perfume($128)🔸Emerald Love($128)飲品既呈現方式好特別，店員會即場係飲品上加泡泡，好夢幻…查看更多

今日黎到銅鑼灣既the grill room，好彩有訂枱，當晚雖然係平日，但都好full，餐廳唔算好大，但坐得幾舒服。🔸 葡式香辣燒雞配黑松露薯條($238)份量十足，雞肉非常嫩滑，連雞胸既位置都完全唔會柴，有配一個醬微辣，食落更惹味，黑松露薯條好好食，忍唔住食哂🔸燒美安格斯西冷扒配黑松露薯蓉($308)西冷牛扒煎得好好，食落牛味十足，另外有配兩個唔同既醬可以點，黑松露薯蓉食落係淡淡既薯香夾雜住黑松露香味，唔會過濃，店員仲好細心，會問需唔需要幫手切🔸巴馬火腿配溫泉蛋黑松露蘆筍沙律($78)好精緻，巴馬火腿唔會得個咸字，食落好香，蘆筍會有淡淡既黑松露香味🔸 Strawberry tea($38)🔸Peach tea($38)…查看更多

今日黎到鰂魚涌既Flame，只有outdoor座位，平日黎都幾full。🔸10oz RIB EYE STEAK & FRIES $168牛扒份量唔細，切開睇得出廚師煎得唔錯，而且幾嫩，唔會好韌，仲有配薯條，如果薯條再熱啲就Perfect🔸PERI-PERI CHICKEN & FRIES $128叫左half既份量，雞肉肉質幾嫩，佢都有配peri-peri醬，同雞翼既辣汁又有啲唔同，呢個比較傑身，相比雞翼既辣汁，相對無咁辣🔸 DEVIL WINGS $68雞翼炸得香脆，炸粉唔會好厚，醬汁係比較流質，開頭食唔會覺得辣，食多幾啖個辣味就慢慢出黎🔸 Strawberry Tea $38🔸Peach Tea $38…查看更多

約左朋友係荃灣食飯，行過見到環境幾靚，重點係坐得幾舒服，好岩同朋友食飯傾計～🔸餐湯、餐包、沙律餐湯係南瓜湯，飲落南瓜味好香，幾清新，餐包有一脆一軟，仲有配埋特製醬汁，沙律有西柚香橙，食落酸酸甜甜，幾開胃🔸初榨純橄欖油蒜香白酒煮紐西蘭海鑽蜆扁意粉賣相一流，加上個人好中意食蜆，蜆既份量好多，而且好肥美，意粉軟硬適中，好香既蒜味，而且有微微辣。🔸炭燒美國頂級1855西冷牛扒伴薯蓉牛扒一切落去已經感覺到係好嫩，食落肉汁十足，而且一啲都唔韌，要特別一讚個薯蓉，睇落無咩特別，食落好creamy，好香薯仔味，同時又有芝士味🔸Iced Green Tea Latte🔸Iced Peach Tea…查看更多

太耐無食過韓國野，同朋友講起，就即興一齊黎食，環境幾舒服，燈光比較暗既，坐位唔會好貼好迫。🔸香蒜蜜糖炸雞(半份)🔸蕃薯芝士條必定要叫既炸雞，今次試香蒜蜜糖味，因為兩個人食，所以叫左半份，半份既份量都好多，仲有大量既薯條同薯角。每舊炸雞都沾滿香蒜蜜糖，甜甜地又帶點蒜香味，雞肉都幾嫩滑，值得一試。我地仲另外加左蕃薯芝士條，芝士十足，而且可以拉到絲，但就唔係好覺有蕃薯。🔸豬肉炒年糕一盤滿足多個願望，除左有主角豬肉炒年糕之外，仲有粟米水牛車打芝士、紫菜飯、香炒泡菜同菠蘿粒。將粟米水牛車打芝士同年糕一齊食，完全係絕配，而且有大量蔬菜，唔會好油膩，菠蘿粒有啲驚喜，燒菠蘿既感覺，可以解膩。🔸Grapefruit …查看更多

今日同朋友一齊去左觀塘打邊爐，就試下呢間，仼食形式。侍應會先上刺身拼盤，一共有5款，分別係三文魚、鮑魚、希靈魚、北寄貝同帶子，水準中上，帶子比較出色，大大粒。之後就會有重慶雞煲，味道香濃，雞肉都幾嫩滑差唔多食完個雞煲就到重頭戲，一上枱既時候，畫面非常震撼，分量十足！4人份既時令海鮮拼盤，包括有龍蝦、蟶子皇、帶子、蝦、兩款魚等等。岩岩食完濃味既雞煲，所以湯底揀左個清d既冬瓜湯。龍蝦超大隻，一人有半邊，食落啖啖肉，好滿足另外仲有特級安格斯肥牛肉，分量跟人數而定。相比起仼叫的肥牛片，肉味濃郁好多，唔洗加太多醬汁都好食。…查看更多

今日黎到灣仔一間樓上既扒房，上到去環境氣氛好好，燈光係偏浪漫暗少少的，好適合情侶一齊黎🔸凱撒沙律、是日餐湯凱撒沙律上面除左有沙律醬之外，仲有芝士粉，食落幾清新，餐湯係南瓜湯，南瓜味好香，而且濃度適中🔸Cinnamon Bread and Butter Bread要特別講呢個餐包，餐包會先烘熱一面，再配自家製秘製肉桂牛油，淡淡既肉桂香味，好好食🔸Signature Steak牛扒好厚身，肉味濃郁，但略嫌有少少韌，薯條係幼身，炸到乾身，完全唔會油膩，好食！而且可以無限添加！🔸BBQ Pork Ribs豬肋骨份量好大，而且唔會淨係得骨，肉質幾嫩，醬汁帶點微微辣，幾惹味。🔸rack Chocolate Lava Cake呢個組合完全無得輸，好濃郁既朱古力配上雲呢拿雪糕，好食到幾啖就食哂…查看更多

今日黎到旺角一間樓上居酒屋，餐廳裝修好日式，坐位好闊落，好岩同朋友飲野傾計，一有客人到，店員會打起太鼓，取代平時日式餐廳講歡迎光臨(日文)，幾有趣🔸刺身 - 赤蝦、三文魚我地淨係叫左赤蝦同三文魚兩款，赤蝦大大隻，三文魚都厚身，好新鮮🔸壽喜燒-A4日本黑毛和牛200g（追加)-A4日本黑毛和牛(100g)、稻庭烏冬份量比想像中多，仲另外追加左一份和牛，性價比好高，睇雪花紋就知牛肉入口即化，肉味非常濃郁，好值得都試，另外配埋大量野菜同追加既烏冬🔸燒和牛舌、白蔥豚肉串、鹽燒雞翼、燒雞肉串另外叫左幾款串燒試下，整體水準中上，覺得牛舌比較出色，白蔥豚肉串都唔錯，豚肉包住白蔥食落爽口🔸石-澳洲M6和牛(150g）店員會先用牛既油脂燒熱鐵板，之後再放上和牛，牛肉都唔會太薄身，食落有咬口，肉味雖然都濃郁，但相比壽喜燒既和牛，壽喜燒更有驚喜🔸野莓乳酸梳打、蜜桃乳酸梳打、青檸梳打…查看更多

環境好舒服，有多個打卡位，牆上有唔少油畫，好有藝術感，枱與枱之間好闊落，好岩同朋友食飯傾下計🔸招牌安格斯高級肉眼牛扒牛扒叫左medium，一切落去就feel到好嫩，好多肉汁，而且肉質唔會韌，好滿意有配焗蒜，另外仲有薯角同沙律菜。🔸龍蝦意大利飯賣相非常精美，龍蝦肉彈牙同鮮甜，而且好貼心咁已經拆咗出嚟，食既時候好方便，意大利飯上面既芝士粉好香，再撈埋龍蝦汁，味道一流。🔸慢煮西班牙八爪魚以為係冷盤，食落口先發現係暖既，八爪魚爽彈，另外仲配左兩塊小吐司，吐司本身搽左少少橄欖油，食落好香脆🔸雪橙冰紅茶…查看更多

環境幾好，非常闊落唔會好迫，我地安排坐既位置更有屏風隔住，好滿意呢個設計。我地揀精選套餐二人前，咩都有齊唔洗揀～要特別一講店員都好細心，每上一道菜都會介紹同建議食用次序或方法。二人前時令沙律食到有切粒既帆立貝，成個沙律酸酸甜甜，的確幾開胃二人前-刺身盛一共有六款刺身，店員會建議食用次序，三文魚好肥美，拖羅好厚身而且入口即溶，廣島蠔非常大隻，帶有海水味，不過就有少少腥。海蝦一樣大大隻，整體都好新鮮，值得再食二人前-壽司盛一共有三款壽司，整體都好新鮮，另外仲有個柚子啫喱配蟹柳，店員建議最後食，清新一下口入面壽司同刺身的味道。二人前-燒物汁燒野菜雞肉卷同鹽燒日本茄子，茄子整到菇外型咁，好好食，非常軟嫩，雞肉卷係用雞髀肉圈住蔬菜，食落好清新，仲有少少芥末醬，令味道無咁單調二人前-鍋物壽喜燒有兩款肉 - M9黑毛和牛+北海道豚肉。和牛既部分係牛板腱，肉質鮮嫩，配上日本生雞蛋漿，令肉質更加滑，豚肉幾有驚喜，食落唔會柴，而且豬味幾出，鍋入面更加大量蔬菜同粉，好滿足🔸甜品最後以密瓜作結尾，清甜既密瓜，一解食肉既油膩感，非常清新…查看更多

第一次食私房菜，聽朋友話食過呢間覺得幾好，就訂左枱試下。整體來講，菜式都好有心思，幾有驚喜，有啲仲好少食到，而且店員服務好好，會講解菜式，又會主動幫忙分湯同切食物，菜式會慢慢咁逐樣上，唔會好似係酒樓食咁，一次過就上哂比你。🔸本地水耕沙律菜伴芝麻醬🔸茶燻流心蛋伴黑魚子醬配厚切茄子成個賣相幾靚有心思，沙律菜食得出好新鮮，再加上芝麻醬，作為前菜幾開胃，茄子配住流心蛋食，口感豐富，但個人認為茄子外面唔洗要炸粉會好d🔸原鼎海椰皇仔燉鷓鴣黑毛豚肉湯就咁望會覺得有少少油，但飲落完全無油膩感，而且非常清甜的，店員會細心咁幫我地分湯，湯入面既肉會另上，配埋豉油比我地，可以食埋，入面仲有唔少螺肉🔸椒鹽豬肺椒鹽鮮魷就見得多，咁整豬肺真係系第一次食，又出奇幾爽口，而且幾惹味🔸蟹皇瑤柱時令鮮蔬用菠菜砌成的，再加上蟹皇，食落清新得黎有鮮味，食左幾道肉類之後再上呢道菜，完全可以解一解膩🔸油浸時令海魚店員會幫我地切好一塊塊，方便我哋食用，咬落外脆，入面魚肉好嫩滑，而且唔點醬汁都好夠味，係我幾鍾意既一道菜🔸江南百花雞(半隻)開頭無留意，以為好似炸子雞，咬落去先發現每塊雞都有釀蝦膠，雞本身已經好滑，加埋蝦膠層次更加豐富，好考手工既菜式🔸他鄉炒米粉(24個月西班牙黑毛豬火腿配福建莆田米粉)比平時食開既米粉幼身d，但口感又出奇地好，加埋黑毛豬火腿一齊食，鹹香味十足，雖然係最後一道菜，本身都已經好飽，但都會忍唔住食多幾啖🔸時令甜品自家製芝麻餡湯圓，外皮煙韌，入面芝麻餡好香而且流心架，配上暖入心既薑湯，係一個完美既ending…查看更多