吃貨的嘴只懂吃的个人专页

成班都好鍾意食泰菜，新泰都係我地既心選，二話不說都係首選新泰今次黎到都多左幾款新菜，我地都幾有興趣試下，但有幾款係我地食泰菜都會必點既！小拼盤有我地至愛既蝦餅同魚餅，蝦餅炸得卜卜脆，而且好足料，啖啖蝦肉；魚餅又陣陣香料味，好味~串燒沙嗲一定唔少得，串燒既肉質好軟，就算唔蘸醬汁都陣陣甜味，蘸埋就更加好味，我自己就鍾意蘸滿曬醬黎食，因為佢個醬都好好味燒豬頸肉都好大條，除左好香炭燒味，佢地既醬汁都酸酸辣辣好開胃，不過唔會好酸好辣，幾濃味泰國街邊豬肉串，呢款係新菜黎既，佢成串豬肉都好嫩好滑，帶有少少脂肪，入口就溶，超級juicy，建議唔好蘸太多醬汁，因為本身豬肉串已經有調味，甜甜地，十分推介呢個新菜麵包焗咖哩軟殼蟹係黎到必點之一，香脆既軟殼蟹加上香甜微辣既咖哩，簡直不得了，麵包又係即點即焗，蘸上咖哩汁，非常好味芒果糯米飯，佢地呢到係黑白糯米飯，黑糯米味道較香濃，白糯米較黏軟，椰汁配上芒果夠曬香甜，一D都唔酸芒果沙冰真係好冰凍，而且打得好滑，香甜既泰國芒果沙冰真係人見人愛泰奶飲得出應該係泰國有名連鎖店既奶茶，不過味道總有出入，但都好飲，可以一解泰奶之癮…查看更多

樓下商場冇咩日本野好食，所以走左過去天澤個邊食呢間千葉鳥加拿大海膽壽司，好耐冇食海膽啦~ 兩舊海膽好肥好大件，雖然加拿大海膽味道唔係最濃郁，但係都好好味，幾鮮味，夠新鮮😋本來想試下雪花拖羅壽司，點知賣曬，店員就同我地講咁岩做緊$100/2件火炙藍鰭吞拿魚下巴肉，咁就試下黎到見到已經見到幾肥美，微微火炙燒過，魚油都逼曬出黎，唔會燒得好熟，而且一D都唔腥，可以一試炸雞軟骨，某人至愛的炸雞軟骨，粒粒有肉又脆卜卜，一粒接一粒停唔到口😋串燒雞皮，比起上次係第二到食既好味，冇油抑怪味，帶有陣陣雞皮油香，好味😆厚切牛脷幾乎是必點，有咬口得來唔會韌，厚切牛脷黎講做得幾好，而且好入味，冇怪味，燒得好好味😋最後黎個綠茶蕨餅做返個結尾，煙煙韌韌幾得意，感覺好適合點比小朋友食💜…查看更多

近排必須要出旺角一轉，走走下去左呢間樓上cafe坐一坐本來都唔知，但店員話我地知而家做緊半價，係好抵既，但我地都係食少少野就走裝修都幾有特色，好日式風格，入面有塌塌米，仲有D膠魚拖鞋，前排hit過個隻扮魚既拖鞋，幾搞笑而且呢到既店員服務態度都好好，叫我地慢慢食，上菜執野速度都好快味噌雞肉湯拉麵湯做得幾好，拉麵幾彈牙唔會林曬，份量唔算好細，熱辣辣另外味噌牛肋肉個蘿蔔炆得幾林，好入味，冇咩渣，牛肉都好入味，好和風味道最後仲叫左份章魚小丸子，比左好多醬同紫菜粉，入面都唔係空心，足料，味道唔錯臨走前發現有個招財貓放左係到幾靚，希望真係可以幫餐廳招到財啦:)…查看更多

朋友食素所以每次聚會都會找一些素食店，今次就來到這間餐廳，在門口等了一會才可入場，裝潢以西式為主都幾乾淨，入到去都幾企理而且食品都多元化，有凍盤，熱食，甜品。前菜都一桌都多選擇，放得幾靚，一層層咁放都幾吸引，不過都幾多人來吃，所以都要快拿，但refill比較慢少少，熱盤每款要了一些但偏油身，薯條凍咗少少，淨菜都有幾款，味道偏淡都幾新鮮，炒麵炒得不錯，素的咕嚕肉沒想到都不錯幾酸而口感都十分相似，甜品都不太甜都足料，春卷幾脆但吾夠熱身只是微溫，炒飯都幾好食又乾身，釀瓜都幾入味，飲品都有幾款選擇而味道可以如果濃點就更好。但以這價錢都講都幾抵食。…查看更多

旺角有好多放題既選擇, 今日朋友就選擇左一間之前起兆萬生存過既放題, 兆萬之前比人封為劣食之塔, 但之後搬左去而加既朗豪坊對面, 質素唔駛講, 好有保證, 因為都同朋友去左幾次去到之後因為有book 枱, 所以好快就可以入座, 入到去就更係快d叫野食啦第一樣黎既一定係刺身, 三文魚新鮮好食, 又要厚切 另外吞拿魚比其他地方都好食沙律帶子酸酸美美好開胃, 搞到想食甘多野泰式蝦好鮮好爽, 冇”梅”既感覺, 好好食鐵板牛肉粒好入味, 唔會好韌炸蝦卷更加唔駛講, 真係想叫多幾碟去食壽司種類本身好多, 叫既野食類型亦唔少, 尤其是創意壽司, 味道同款式都好合我口味飲品更加唔駛講, 5個雪櫃任你選擇, 仲有多款甜品, 真係揀到眼都花…查看更多

之前有睇過不少傳媒都有介紹這店，今次難得過去剪頭髮就再買二碗外賣回家，去到見到小店都幾乾淨，食物方面選擇不是太多但都有辣有不辣，今次就買了一個辣和不辣，返到去一開見到份量都可以。青木麻辣盛入面有肥牛,豬耳,雞翼尖，白蘿蔔，心心魚腐，京面，以這個價錢$38都可以接受，辣度是有麻但不夠香身，入面的材料吾夠入味但幸好本身味道都不錯。反而面幾好味配辣好味喎。而另一個不辣的就是不少人推介的關東煮特盛，入面有雞翼尖，板豆腐，蘿蔔，雞蛋，價錢$35一試可以，因如在超級市場買的會便宜點。整體味道可以但雞蛋不夠入味，最好味是蘿蔔入味又清甜，其他就普通合格啦。…查看更多

每次經過這附近都見到一間黃色的小店吃蘭州牛肉拉麵，今次終於找到朋友和我一起去吃晚餐，入到去見到餐牌比心目中少選擇，但都見到有拉麵和刀削麵，喜歡吃刀削麵的我當然叫了一碗，再配上小食和餃子不久待應比了紅棗茶都幾特別而且味道不錯喎，味道十分濃郁，而食物好快都來到了。 牛肉刀削麵，沒想牛肉超薄而且得4片，而且沒有牛肉味，份量又少，刀削麵好淋身完全冇口感勁失望，唯一好是湯底味道不錯而且多蔥幾香。小食叫了雙拼，木耳配青瓜，沒有特別又冇味，見到有辣椒油又話自制諗住幾辣，但竟然零辣度，失望。朋友不太吃羊肉所以就淺嚐6隻羊肉餃子，餃子好細隻入面材料又少冇羊肉味，連醬汁都好淡十分失望。這裡真係一次就夠。…查看更多

至從好幾年前和舊同事一起吃過旺角的樂天大喜屋，一直都沒有再吃，這次是和他慶祝生日，旺角太方便，就選一間他也沒吃過的放題樂天大喜屋是比較特別，兩邊座位區，中間走出去是飲品和自助區，自助區有清酒、紅酒、梅酒等任飲，也有不少熱食例如咖哩魚蛋、菜、豆腐等，還有炸薯角、咖哩角等炸物小食，當中有一款是燒煙肉，挺特別的也有酸芽菜、中華沙律、螺肉等沙律區，酸芽菜醃的味道有點像酸喬頭，拿少少當前菜，不敢拿太多怕後面會吃得太飽雪糕機配料竟然還多了軟糖等，選擇真多黑松露蒸蛋，有少少似味噌魚湯咁，蛋好滑，好好味沖繩黑糖牛仔肉，D牛肉好軟林，唔會煮到全熟，而且醬汁同牛肉甜甜地，幾好食炆花膠好軟林，D汁幾好味，連娃娃菜都可以食埋炸芝士又濃又香，芝士鹹鹹地，外面炸得好脆蟹膏同海膽手卷，細細舊可以一啖食哂，味道唔錯刺身三文魚、帶子甜蝦走唔甩，全部都係厚切，仲有長腳蟹食啊，啖啖肉醬燒帶子、鹽燒左口魚、醬汁長蟹柳壽司都係必點，燒得好好食牛舌都唔差，幾香黑椒味，都夠林海底椰雪梨湯，開始入秋啦，可以飲下呢個湯補補，甜甜地都幾香雪梨味仲有他至愛的雞軟骨，一次過叫左成打慢慢咬，有少少肉既雞軟骨都幾好味除左一般雪條同雪糕機，都仲有生果同Meiji既士多啤梨乳酪，一樣好味…查看更多

呢間野好近今日要去見既公司見完客之後就好餓, 好想快快搵野食去到之後唔算太多人,好快就搵位坐有套餐同單點選擇西蘭花忌廉湯有西蘭花味道, 而且有少少西蘭花粒,有層次感有面包粒係面,更加唔錯 面包熱辣辣外脆內軟口感好豐富因為想試下唔同口味, 所以就叫左2味批, 果然唔錯黑松露誘惑 + 意式風情黑松露味好香, 食落大大啖松露味, 正到爆加上其他炸魚薯條魚好嫩滑, 又唔乾身薯條外脆內軟好好食加上茄汁或沙律醬酸酸地勁開胃又好食…查看更多

朋友特地帶我過來這間燒肉牛蔵，說這間的牛肉質素非常好，寧願貴一點都可以吃到非常高級的牛肉，而且她之前吃過做了會員，所以這次默默的陪她去存積分。第一份我們先燒美國穀飼牛條，長條型，不會太厚，方便易吃，而且肉質較為彈牙，肉感香口，淡淡牛脂香味，這是我其中一款最喜歡吃的第二款的是澳洲和牛西冷，因為我牙力不好所以較難咬開，宜一口吃下，脂肪感不會太重，牛味亦比穀飼牛條重第三款燒的澳洲和牛肉眼，肉質比前兩者更為嫩，味道Juicy，也較為薄身一些，是另一款我最喜歡吃的第四的是岩鹽燒薄切上等牛舌，牛舌薄而爽口，與一般我愛吃的燒牛舌軟嫩的不同，雖然它有咬口，但一咬就爛，非常易吃，這是除了穀飼牛條及和牛肉眼之外，另一款我喜歡的，夠爽脆最五燒和牛胸腹，牛肉彈牙爽口，咬下多肉汁，這款需要咬多幾下，但肉味會慢慢滲出來海膽是刺身的主角，超級鮮甜的海膽，入口不腥，非常甘甜，令人吃不罷口！刺身八爪魚唔韌，而且甜蝦好香甜，唔霉唔會非常黏個隻，反正係甜得黎爽！除了重點要吃牛之外，這裡也有超多款汽水跟甜點的蜜瓜雪條，超香的蜜瓜味道，甜甜的，裡面的是波子汽水夾心，好像麻糬的QQ，特別又好吃，好像在外面不常看到還有兩款MovenPick，全部都是任吃的喔，至於甜點就有榴槤雪米糍和麥提莎糯米糍，兩款都很好吃，絕對值得一試！…查看更多

上次同事聚會，去了附近的餐廳吃，雖然多人已滿座，但等了一會就有位了，不用等太久我們簡單點了幾款小食跟飯分享吃，份量和價錢算是正比，份量也不會太小，我們2人吃都足夠了花枝蝦排，即是花枝和蝦炸成的肉餅，配上了甜酸醬，裡面有一顆一顆的花枝肉和蝦肉，又香口，一片一口很好吃蒜泥白肉，蒜泥濃濃的好香，白肉青靚白淨，夠凍，夾埋D蒜一起吃就的好好吃鹽酥豆腐，外層脆脆的表，佈滿了七味粉，裡面豆腐嫩滑有豆香，一口一口接著停不下來，實在很美味鹽酥雞軟骨，說到台灣美食不得不提鹽酥雞，而這次我們吃的是鹽酥雞軟骨，軟骨非常有咬口，而附近的肉也算多，吃上來有滿滿的香料味道，脆卜卜熱辣辣豬軟骨滷肉飯，兩大條豬軟骨，非常入味，又軟，軟骨位置不會硬，配上半隻滷蛋、黃瓜片、唐菜，豬肉軟綿綿，很易吃，滷肉半肥瘦，拌飯一流…查看更多

上上下網見到話出一個蛋形既黑糖奶茶，還有他至愛的抹茶，他就二話不說第二天就去了。原來蛋蛋的是限量的新品，我自己的是金蛋黑砂布蕾撞奶，他的是宇治綠蛙奶蓋撞奶。超美的蛋瓶，我的是寶藍色蛋殼，面頭一層黑糖奶蓋，杰杰地身，黑糖粉微微燒過，好正，先飲奶蓋係鹹鹹地，裡面就係黑糖珍珠奶茶，黑糖珍珠幾好咬口，淡淡黑糖味，一個人飲黎講都幾大杯，可以2個人Share他那杯抹茶是銀蛋，就有一層抹茶粉係上面，珍珠是抹茶珍珠，外貌都好靚間野由我地去到直到企係到一邊飲一邊打卡都超多人，睇黎呢間都好高人氣！…查看更多

今日同朋友出黎波鞋街到買波鞋，行到咁上下大家都話肚餓，就睇下附近有咩野醫下肚，行左幾分鐘就見到呢間食東南亞既餐廳就一於入黎試下我地一坐底就見到個蛋黃雞翼同咖哩軟殼蟹火山包好吸引就叫黎試下蛋黃雞翼完全想像唔到地好食，蛋黃起沙包住炭燒味既雞翼，特別得黎又好食而個火山包裏面既咖哩，蛋味重，將個咖哩味提升，加埋個包做點綴，真係好食到停唔到口之後叫左個蝦餅同沙嗲串燒，蝦餅蝦味重炸得香口，個串燒炭燒味好香，加埋個沙嗲精髓冇得頂，然後再叫左個馬拉盞椰苗，好有鑊氣，馬拉盞個汁好野味，馬拉盞椰苗呢個組合真係絕配最後甜品叫左個芒果糯米飯同椰青，椰青非常清甜，芒果糯米飯，糯米同椰汁好香，加上芒果好甜，為我地餐飯劃上完美句號…查看更多

之前看到這間來一鍋好像評價不錯，剛好這晚來到銅鑼灣，特地來試一試這也算是近年很多按人頭收費，每位送上一份指定的海鮮或手工配料，其他無限任點的火鍋，這裡的湯底選擇反而挺多的，我們就選了冬瓜白肉卜卜蜆鍋+胡椒豬肚椗鍋冬瓜白肉卜卜蜆鍋，一大件切條冬瓜加上超多的卜卜蜆，還有加上應該是豬腩肉片，味道挺清甜的，冬瓜肉也可以拿來吃，蜆都很大隻而且無湯；胡椒豬肚椗鍋，超濃的胡椒味，味道有點辣有點濃，超足料，兩者mix來喝湯就剛剛好，完全喝出沒有加味精的原料湯底，超棒而且飲品也是無限任飲的，有很像寶礦力味道的100 PLUS，也是第一次見，其他如啤酒烏龍茶亦有，選擇種類都挺多，也可另外加錢點選白酒紅酒，味道溫醇易入口，也算好喝前菜手拍青瓜和麻辣木耳，味道比外面的辣，但挺好吃的，吃到有點麻每2位送一碟的手切安格訓牛頸脊肥牛片，很滑很細軟，沒太多脂肪，淡淡牛味，真的挺好吃附送的配料都挺多的，海鮮類有大蝦、貴妃蚌、象拔蚌、生蠔、扇貝、青口和鮑魚，全部都超級大件新鮮的另外還有即炸響鈴和即炸魚皮，即炸所以非常之脆手工系列亦有墨魚丸、豬肉丸、韭菜餃、羊城水餃、墨魚釀豆卜、豬肉釀冬菇、獅城魚尾雲吞、流心牛肉芝士丸，水餃和雲吞的皮很薄但又不會爛掉，流心牛肉芝士丸更是驚喜，流出芝士心，好吃魚片頭和白魚蛋都有驚喜，魚丸有咬口，非常彈牙，不是普通平價貨色花膠放在鍋裡煮軟，滋潤美顏一流，重點是任點黑豚腩片和滑牛，質素不錯，吃上去不會很老太多太多配料都很棒，還有其他加錢的配料，但我們單吃任點的都很飽了，所以沒再加點其他最後送上的甜品心太軟，香濃的朱古力，蛋糕軟熟，裡面軟心緩緩流出，不會太熱，暖暖的，好吃！…查看更多

今天相邀舊同事吃飯，來到附近的工廈覓食，得知有新西餐廳，當然要一試餐廳佈置非常有心思，我也好想把房間佈置成這樣呢我們點了一客前菜和各一客主食伏特加辣味煮鮮蜆，點之前有點怕會太辣，但又很想吃蜆，所以膽粗粗就試了蜆的數量算很多，而且很大隻，湯底煮得很美味，不會太辣，如果把蜆和湯一起吃就最好食，吃光全碟都沒有沙，最底的特別大隻，夠鮮味烤焗保雲酥三文魚、虎蝦配龍蝦汁，保雲酥三文魚鹹鹹的，麵包糠粒粒脆脆的口感很特別，調味剛剛好，蘸上龍蝦汁更好吃，另外虎蝦非常大隻，肉也挺彈牙爽口下面有薯蓉和椰菜仔等等，薯蓉超幼滑，很重的牛油香味，而椰菜仔味道不是每個人都能接受到，還有其他蔬菜伴碟，都是不錯的…查看更多