近排必須要出旺角一轉，走走下去左呢間樓上cafe坐一坐
本來都唔知，但店員話我地知而家做緊半價，係好抵既，但我地都係食少少野就走
裝修都幾有特色，好日式風格，入面有塌塌米，仲有D膠魚拖鞋，前排hit過個隻扮魚既拖鞋，幾搞笑
而且呢到既店員服務態度都好好，叫我地慢慢食，上菜執野速度都好快
味噌雞肉湯拉麵湯做得幾好，拉麵幾彈牙唔會林曬，份量唔算好細，熱辣辣
另外味噌牛肋肉個蘿蔔炆得幾林，好入味，冇咩渣，牛肉都好入味，好和風味道
最後仲叫左份章魚小丸子，比左好多醬同紫菜粉，入面都唔係空心，足料，味道唔錯
臨走前發現有個招財貓放左係到幾靚，希望真係可以幫餐廳招到財啦:)
