Arthurfafa的个人专页

一月尾正當為揾好地方同老友食團年飯而煩惱之際, 好友介紹了這間餐廳給我。當然我二話不說即時上嚟openrice睇下有嘜介紹及食評啦。點知......發現食評只得一個, 亦只介紹了午餐而且相片不多......我開始有些疑問🤔我於是就問問好友關於這店的資料, 經了解後先知道他們除了menu外, 晚飯亦提供私房菜, 以日,意,法菜作主導。大家只需要提供想食的及budget比店主, 他就會為你悉心安排。是次因友人想食皇帝蟹, 我就一星期前book咗6位以每人大約$800-$1000 budget比店主安排。大約一天半後店主就以我們的喜好提供了以下的menuysterx2Sashimi:海膽深海池魚超大帶子Scampi蝦皇帝蟹三吃:鹽燒蟹腳棷皇煮蟹身蛋白蒸蟹蓋青蘋果醬烤豬背骨炭燒牛扒鵝肝煲仔飯當晚各位好友就帶備香檳,日本清酒一同期望的團年飯局 (順便一提這𥚃自帶酒水是免開瓶費的, 絕對是酒朋好友相聚的好地方)。頭盤先來了日本及法國生蠔, 法國就選用了Gillardeau, 日本那隻就忘記了名字(唔知xx蠣)......😅之後就到sashimi😋, 先嚟一板無得輸嘅北海道海膽, 後嚟刺身拼盤, 由於農曆新年將至, 主廚就以金箔點綴寓意金銀滿屋, 盤滿鉢滿💰💰👍。值得一提隻帶子真係明不虛傳的超大, 足足有手掌咁大, 非常鮮甜, 大滿足 !!再來就係我地今晚嘅主角~~King Crab !!新鮮活蟹即劏即煮, 蟹腳鹽燒; 蟹蓋用蛋白蒸, 蛋白加上清酒帶起蟹香, 香滑美味👍; 超贊的是椰皇煮蟹身, 蟹肉的鮮味加椰香真係滋味無窮😋😋是夜最驚喜的是這道青蘋果醬烤豬背骨, 豬背骨烤得火喉剛好, 骨香肉嫩, 加上主廚秘制的鮮青蘋果醬, 沾上來吃, 醬的酸味中和了豬肉的油份, 食落十分清新一點油膩也不覺👍👍之後的beef ribs, 鵝肝煲仔飯也是水準之作 !!最後以草梅,車厘子作完美句號。當晩大家就在笑聲中, 飲飽食醉, 大滿足地捧著肚子離去😄😄…查看更多

一風堂是人氣日本拉麵店之一, 每天排隊等位嘅客人不計其數。既然係人氣得獎名店, 我當然不試不快啦 !!適逢放大假, 我就相約友人來一客一風堂拉麵。我地下午兩點多到佢地銅鑼灣店, 可能係平日及過咗午飯時間嘅關係, 當時店內大約只有三四枱客, 咁我地當然唔使排隊等位啦 !! Good 我地坐低後看了menu一遍, 心大心細, 想試佢地招牌豚骨拉麵, 但我個人又比較喜歡味噌同醬油豚骨...最後我同友人都不約而同order咗醬油豚骨拉麵, 麵軟硬度就選擇咗普通。同時我地亦order咗半熟雞蛋同煎餃子。呢度嘅拉麵比較細碗, 如果大家唔係大食嘅話...作為午餐就應該剛剛好。醬油豚骨湯底不太濃不太淡烹調得啱啱好, 加上醬油嘅香味, 真係比其他人氣日本拉麵店來得更好。但就我個人覺得佢地麵條比較硬身, 所以下次再來可以選擇軟身一點。而叉燒肥瘦適中, 煮得好腍有入口即溶嘅感覺, 不錯 !!佢地嘅半熟雞蛋做得剛好, 蛋白仍保持嫩滑, 蛋黃juicy, 正 !!餃子煎得外脆金香, 但仍然保持內裡肉汁, 再配以薑蔥同醬汁食用, 很美味 !!總括而言, 我個人覺得一風堂比其他人氣日本拉麵店為好, 地方又比較寛敞, 食得比較舒適。為解日本拉麵之苦...我一定會再來一客一風堂豚骨拉麵嘅 :)…查看更多

我對上一次亦係第一次嚟鮨処光已經係佢地開張試業期間, 唔經唔覺都有兩年多...我重記得佢地嘅刺身非常新鮮由日本直送, 而用嘅壽司米亦十分講究由曰本精米師傅調教, 有一定嘅水準。適逢今日約咗友人係天后午餐, 我就選擇咗重臨這店。鮨処光店內不大, 大約有六張枱及一個L形嘅吧枱, 雖然店子細細, 但一點都不侷促...值得一提係佢地每張坐椅都係由竹製成, 從日本空運過嚟, 有d餐具亦精心由日本選購返嚟, 十分講究。我同友人大約下午兩點到, 當時人客都不少, 但好彩重有吧枱位同一張近洗手間嘅二人枱, 我地最後選擇咗二人枱因為傾計比較方便。佢地午巿提供不少刺身, 壽司及和風定食, 亦有午巿自選menu以供選擇。而每款定食套餐都奉送甜品或咖啡。我最後選咗刺身定食, 而友人就order咗自選十件壽司定食。 我嘅刺身定食內含沙律, 前菜, 味噌湯, 六點刺身, 白飯, 蒸蛋。刺身有帆立貝, 吞拿魚, 三文魚, 油甘魚, 鯛魚及 牡丹蝦, 每款都非常新鮮, 師傅選擇將刺身厚切, 令其更有口感。不得不提個白米飯, 佢地採用日本直送嘅一見鐘情米, 入口軟硬適中, 飯香米甜...真係一食鐘情 !! 而個蒸蛋非常嫩滑, 用料亦十足, 內有原隻鮮蝦, 椎茸等等。而友人嘅壽司定食就有沙律, 味噌湯, 自選壽司十件, 湯烏冬, 蒸蛋。份量十足 !!以佰零蚊食到咁講究用心做嘅日本料理，抵唔抵食? 各位自己定斷吧 …查看更多

老友真係唔話得, 我生日請我嚟一間咁高級嘅花盃日本料理晚膳花盃主打係鐡板燒, 佢地係香港真係數一數二 !!當然亦有新鮮魚生刺身, 和身等等...佢地嘅食材用料講究, 每日都有日本直送不同嘅活魚及各類海產, 還經過輻射測試, 令大家食得放心。由於我地即慶嘅關係, 當日先訂位所以只有和食枱, 跟花盃嘅鐡板燒緣慳一面。果日服務員安排咗一張四人枱比我地, 我地兩個人當然坐得寬敞舒適啦 :)坐底冇耐, 經理就過嚟同我地介紹今日有嘜日本直送嘅海產, 我地即時order咗北海道葡萄蝦, 針魚及象拔蚌。生日, 酒又點可以唔飲番少少呢...我地就叫咗枝純米吟釀.醉心。 這清酒比較辛口, 酒味濃。因為果日人客都不少刺身師父比較忙, 經理怕我地等得太耐, 好細心地安排咗雞泡魚干比我地先送送酒 (如果唔駛錢就最好啦 )。等咗一陣...終於有嘢食啦 :)刺身排得靚靚, 望見都知道新鮮 !! 珍貴嘅北海道葡萄蝦, 我係頭一次食...葡萄蝦嘅蝦籽係青綠色的, 就好似葡萄一樣, 這也就是他名字的由來吧 !! 象拔蚌切成條, 食落比切成片較爽, 鮮甜非常。至於針魚亦非常新鮮, 再配以蔥花酸汁食, nice !!我地食完刺身就order咗海膽sushi及經理推介嘅火炙xx魚sushi (唔記得係嘜嘢魚), 這魚好肥美油份比較高, 經火在魚肉外層燒一燒可將少量油份帶走, 魚皮燒得香脆又能鎖著肉汁, 再加上蔥花...非常美味 !! 最可惜唔記得係嘜嘢魚...如果有朋友知道嘅話, 請留留言吖...唔該晒 !!至於個海膽sushi, 一望就知道係日本直送嘅海膽...肉厚鮮甜 !! Like爆 跟住就係時候order一d熟食, 我地交由呢度經理發版...先嚟係竹燒牛舌, 竟然入口即溶, 同平時食開嘅牛舌質感完全唔同...唔講真係以為係和牛而唔係牛舌 !!再嚟係黑豚肉薄燒, 終於可以一嚐佢地鐡板燒嘅功力...黑豚肉燒得金黃, 外面香脆內裡juicy, 再包以煎香嘅蔥花同蒜片, 美味無窮...really good !!最後食埋呢個甜品柚子雪皅, 真係十分滿足 !! 回味無窮 …查看更多

一講豚王, 應該冇嘜邊個唔識, 日日都咁多人慕名而來排隊食佢地嘅拉麵 !! 但係咪真係咁好食呢...我一直有d懷疑, 因為我個人認為要係日本先食到日本拉麵嘅精髓...無論湯底, 麺條, 叉燒及配菜, 所以甚少係香港食日本拉麵...再加上排隊等位要成大半個鐘以上 !! 是否值得呢?!我一次都未嘗過佢地嘅拉麵就咁主觀地下判斷...未免對這間人氣之店不公平!! 所以決定搵日嚟一試 適逢今日放假, 我就即管去試一試。但我就冇選擇到中環總店, 返而去咗燈籠街嘅分店。見今日係weekday...我估應該會少d人啩。我去到時見只得四五個人係門口排緊隊...我心諗good la !! 點知店員比咗張order紙我填先...然後叫我去街尾地盤附近條龍度排隊 !! OMG, 原來佢地唔想妨礙鄰近嘅店舖而分咗兩條龍...之前經過還以為佢地等緊車添...暈 !! 好彩兩條隊加埋都係得十個人...最後我都係等咗15分鐘左右，比我預期中快 :)我按照我嘅喜好order咗豚王, 叉燒要肩肉, 加蔥, 本身我不太喜歡太濃味嘅湯底, 所以調味濃度都選擇咗普通, 而麵條嘅軟硬度就選咗硬與軟之間...哈哈 !! 咪即係"普通"囉 另外亦加咗紫菜及半熟蛋。店內不大只有五張圓枱, 每張坐五個人, 枱與枱相隔亦很近, 坐得比較侷促。坐咗一陣, 店員就先送上半熟蛋及紫菜。嘩 !! 紫菜足足有一張手巾咁大塊...再過咗5分鐘, 碗拉麵到啦...我就先嘗一口豚骨湯, 湯底比我預期中好味道, 不太濃又不太淡, 可能因為order時可按個人口味去選擇吧，再加上佢地自家秘製嘅炎之醬(辣醬) 1辛(小辣), 令湯底有少少香辣. 十分惹味 !!跟著我將紫菜及蛋都放進麵裡...開始食麵, 麵條軟硬適中, 不錯。至於叉燒肩肉, 肉質比角煮硬身一點亦比較有咬口, 而且足足有兩大塊添 !!半熟蛋一咬開, 流心蛋黃除即流下非常juicy, 正 !!果然係名符其實嘅人氣拉麵店 !!可以比我去日本之前先頂一頂癮...哈哈 …查看更多

聽聞松本鮨鍋中日料理食材用料都非常新鮮, 主打係日本刺身, 伊勢龍蝦及海鮮火鍋。再經朋友介紹之下，當日我帶著很高期望去一試 :)我地一早就訂咗位, 但可能係星期日嘅關係果日店內並不多人, 只有兩三枱客。所以即使walk in亦不用等位。我地一行二人進入店內, 侍應就安排咗傍邊嘅卡位比我地, 坐位都尚算寛敞舒適。松本店內不算大, 裝修簡潔, 各枱與枱之間相隔都好近, 可想像全場爆滿嘅時候都幾擠迫及嘈雜。我地坐低冇耐, 侍應就先送上熱茶, 前菜及餐牌。如我慣例, 我會先睇下酒牌點選是日餐酒 因為預計當晚都走唔甩日本刺身, 所以好自然地選擇咗saka...最後點咗限定釀造嘅銀嶺月山純米吟釀~雪中熟成。這清酒真如其名...入口就像雪般清涼, 用嚟配刺身火鍋真係唔錯 雖然松本有提供唔同嘅刺身, 龍蝦及海鮮鍋套餐, 不過我地冇依餐牌去order...點解? 哈哈...因為我朋友同此店店主頗熟, 我地就叫佢以$400一位嘅價錢去安排刺身及火鍋配料, 至於湯底我地選擇咗佢地嘅招牌魚湯。等咗一陣...終於上菜喇!! 先嚟嘅係日本刺身併盤七款, 內有海膽, 帆立貝, 亦貝, 油甘魚, 花竹蝦, 沙甸魚及三文魚腩, 每款都非常新鮮 :)食完刺身之後, 侍應生就將魚鍋, 海鮮及火鍋配料一一送上...海鮮有生蠔, 扇貝, 蟶子皇, 星班片, 鮑魚仔, 大蜆等等。肉類有美國榖飼牛, 黑豚肉。其他配料就有炸魚皮, 嚮鈴, 墨魚丸, 蝦丸, 龍蝦丸, 冬菰金菇, 菜及烏冬等等...非常豐富!!湯一滾, 我先嘗一碗呢個招牌魚湯, 但就發現個湯比較淡, 冇預期嘅香濃鮮甜...有少少失望...還好d海鮮同佢地挽回不少分數, 可能因為係由自家海鮮檔提供嘅關係, 所全部都非常新鮮, 蟶子皇爽甜, 生蠔肥美, 但扇貝鮑魚仔就細隻咗d。美國穀飼牛肉肥瘦適中, 牛味香濃, 黑豚肉都不錯, 不過不失啦。至於其他配料, 就以墨魚丸, 蝦丸比較出色, 可能係新鮮手打嘅關係, 肉質比較結實有咬口亦非常鮮甜, 不錯!!總括嚟講松本鮨鍋用料新鮮, 價錢合理, 都值得一試 !!…查看更多

永年士多可以講係陪伴著我長大...記得幼時每日唔係麵包就一定係腸粉魚旦做早餐。當時佢地重未入鋪, 老闆娘一家幾口每日推著車仔在我屋企樓下賣腸粉, 每天要冒著被小販隊拉，不時要走鬼...佢地依然辛辛苦苦地經營下去, 之後賺到錢就買咗現址嘅鋪位, 果時除咗早上繼續賣腸粉之外, 亦賣生果香煙啤酒汽水雜貨。永年士多就這樣誕生了。但最初佢地除咗腸粉之外, 生意並不太如意..直至老闆娘個仔(高佬)將永年轉營, 早上繼續賣腸粉, 下午就開始賣車仔麵，不再賣水果雜貨...高佬精心秘制嘅辣汁, 豬腸, 雞亦亦尖...就開始咗永年車仔麺嘅年代, 每日食客都大排長龍...永年亦由一間鋪擴展到依家嘅三間鋪。 講咗咁耐永年士多嘅歷史, 都係時候講番佢地嘅車仔麺喇...我以前每次去都會order外買油麵, 兩份豬腸, 雞亦, 豬皮, 蘿蔔, 魚旦, 中辣。自從我搬離元朗之後,都有兩年多冇食過佢地嘅車仔麵。難得入開元朗, 當然第一時間去永年再嘗我久違了嘅辣辣車仔麵喇 當日我去到正正係中午食飯時間, 再加上係星期日, 人龍比預期長...我排咗隊足足半粒鐘有多先買到, 我慣例order咗油麵, 兩份豬腸, 雞亦, 豬皮, 蘿蔔, 魚旦, 中辣 佢地真係十年如一, 豬腸依然肥美炆得好腍, 腍得嚟有d咬口, 唔似外面果d美國急凍豬腸, 又大舊又實。鹵水雞亦好入味, 蘿蔔好腍香甜冇渣, 辣汁亦保持水準, 一樣係咁辣, 正!!…查看更多

是日啱啱同朋友係iSquare睇完戲, 於是係附近搵地方醫肚。因為星期六晚飯時間嘅關係，加上冇訂位...真係想搵個地方坐低都幾難。當我地行到7樓, 就發現咗呢間牛藏竟然冇人等位...我當時心諗呢間一定唔慌係好嘢, 加上我朋友唔食牛肉...本想離開之際，發現佢地除咗燒肉之外也有日本刺身活魚和食，於是我地就膽粗粗咁入咗去試下。 餐廳內裝修以木為主, 加上暗暗嘅燈光, 幾有日本懷舊feel㗎!!服務員安排咗卡坐比我地, 坐位都非常寛敞舒適。坐低後, 我地先點咗枝清酒 - 一期一會大吟釀, 跟著我地就order咗個極上刺身, 當日嘅活魚 - 池魚刺身及焗芝士牛油果炸蝦卷。係冇嘜期待之下...竟然有意外嘅驚喜!! 先講講枝清酒, 入口香醇味道清新, 可以講係我近期嘅至愛之一 :)個極上刺身有海膽, 吞拿魚腩, 三文魚腩, 金目鯛等等。樣樣都非常新鮮, 海膽清甜, 呑拿魚腩肥美入口既溶。 至於池魚刺魚亦非常鮮甜但最大驚喜竟然係焗芝士牛油果炸蝦卷, 外面芝士焗香, 加上暖暖嘅飯包著牛油果, 紫菜及新鮮炸蝦, 食落外軟內脆好有口感!! Really Good 其實呢間餐廳主打係日本佐賀和牛燒肉, 所以我决定下次再嚟試一試…查看更多

自從冇係中環返工之後, 都有好幾年冇去過新景記了。今日襯出開中環，就順路嚟這裡一嚐我久違了的魚旦粉。我一坐低就order咗我最喜愛魚旦魚片河粉, 魚旦魚片魚味香濃依舊，河粉亦很細滑，保持水準 !!我食完禁不住要追加多碗淨魚旦片頭 :)但好多人都認為魚旦要爽口彈牙先至叫好食...sorry囉，咁新景記嘅魚旦就唔多啱你地口味喇 !! 佢地嘅魚旦係用新鮮魚肉打成冇加任何添加劑, 所以唔似外面一般魚旦彈牙, 但魚味比較濃郁, 你喜歡與否...就適除尊便喇 …查看更多

對於我一個咁鐘意食日本嘢嘅人嚟講，咁又點少得兩三間我經常去嘅日本料理同居酒屋呢!!魚八水產係我經常去嘅一間，可以稱得上係我嘅飯堂。呢度嘅裝修唔算奢華，只是像一般日本居酒屋, 但地方簡潔坐位寬敞, 服務員誠懇有禮, 最啱三五知己良朋聚會把酒談心。這店提供嘅食物可算是包羅萬有(可能誇張咗...哈哈!!), 日本直送海產刺身sushi唔少得之外, 重有日本燒肉, 串燒, 煮物拉麵冷麵等等。清酒方面亦選擇很多。我每次嚟都會先點一枝清酒，我就最喜愛特別純米極上吉乃川及義左衛門純米吟釀, 前者香醇後者比較辛口。酒一上, 店員亦除即送上佐酒小食 ~ 秘制芥末螺肉 (免費的), 用以新鮮嘅螺肉加上新鮮芥末做成, 非常美味!! 佐酒一流!! 有時一小碟真係唔多夠喉, 我地會向店員要求追加...佢地當然冇詐形啦 跟著我會點個極上剌身併盤或當日店員推介嘅日本直送活魚刺身 (如金目鯛, 池魚, 飛魚, 象拔蚌), 每次食都冇失望, 非常新鮮甜美, 特別係三文魚子及海膽。再嚟就開始order熟食, 我會多選擇燒廣島蠔, 三文魚頭, 油甘魚㬵同串燒。之於日本燒肉或燒海鮮我就比較少order, 因為佢地比起出面嘅日本燒肉專門店只屬一般, 燒海鮮還可牛肉真係一般。值得推介係佢地嘅串燒牛舌, 厚厚嘅牛舌燒得啱啱好, 配上一層蔥花, 肉質鮮美有咬口, 正!! 這個係我每次嘅指定動作另外串燒免冶雞肉棒亦值得推介, 新鮮雞肉加上雞軟骨攪碎而做成嘅肉棒, 經過蟯烤肉汁依然保存, 加上雞軟骨嘅化學作用令食落更有口感, 再配上北海道蛋黃汁非常美味!!講講下有d肚餓...等我即刻約埋d friends去再食過先…查看更多

昨晚終於可一嚐我期待似久嘅蟹宴。蟹膳主打日本直送松葉蟹，鱈場蟹及毛蟹。這店提供不同嘅套餐，但如果你想一次過品嚐三種活蟹就要最少order四位或以上，因為三隻蟹嘅份量都唔細。由於我此行得兩個人嘅關係，我地就只好選擇咗個二人嘅鱈場蟹套餐Taraba Crab Set:蟹肉豆腐燒鱈場蟹 (蟹腳, 蟹鉗）鱈場蟹天婦羅鱈場蟹火鍋蟹肉湯餃子雜菜盤雜燴粥甜品份量足兩個人有餘 (除非你食量驚人啦...哈哈!!)。日本美食當前又點少得日本清酒呢! 我地就點咗枝細嘅大湖大吟釀 (其實佢地細嘅清酒選擇不多...多是720ml或以上，細嘅就只得180ml)。可幸呢枝大吟釀入口清香醇喉，不錯!! 不錯!!第一道菜~蟹肉豆腐，日本豆腐淋上鮮蟹肉漿汁，食落去暖暖地，清甜可口，作為一道開胃嘅前菜真的不錯。第二道菜~燒鱈場蟹腳蟹鉗, 雖然d蟹肉食落都好鮮甜, 但因為燒得比較乾身有d嚡, 要叩少少分...第三道菜~鱈場蟹天婦羅，粉薄炸得外脆內軟不油膩，食落啖啖肉非常美味。值得一提係蛋黃天婦羅，外面炸得香脆內裡卻是一口滑而不膩嘅流心蛋黃, 口感一流!! 跟著上嘅係鱈場蟹火鍋，配以蟹肉餃子雜菜, 蟹肉以昆布湯底灼熟後更覺鮮甜香嫩。食完火鍋就到咗全個蟹宴嘅高潮!! ...就係將剛才灼過鱈場蟹嘅湯底再加上米飯，蛋以及蟹膏去煮嘅蟹粥...嘩!! 不得了...不得了!! 個粥香濃鮮甜...好味到不得了!! 我雖然已經好飽...但也禁不著食多碗，唯有食完做運動跑多幾公哩啦...哈哈!!最後我地食埋個甜品~黑芝麻雪糕及柿子雪皅...又是十分滿足的一餐 …查看更多