Kingbelly的个人专页

有日行街無意中發現一間超級好食嘅燒臘店，初頭只係抱著食普通燒味嘅心態去嘗試叫個外賣，最後，估唔到佢咁正咁好食！！..至尊燒鵝——肉地飽滿皮漲，聞起身香味四溢，一啖咬落去，皮脆肉香、肉汁四濺😋😋燒味佬叉燒——佢哋嘅叉燒真係別具一格平凡嘅外表之下蘊含豐富嘅口感。肥瘦度適中且顏色通透，口感軟腍、肥而不膩、入口即融，可謂色香味俱存👍👍客家鹽焗雞——成隻雞都好有光澤，顏值滿分💯食起身原汁原味、味道鮮美，裡面嘅肉質Q彈又嫩滑😋😋泰式鳳爪拼海蜇——食完肥膩嘢之後食返啲酸酸甜甜又涼涼地嘅小食簡直係完美！「民以食為天」滿足味蕾又餵得飽個胃，夫復何求？…查看更多

台灣風格，好有穿越感，明明喺香港，感覺好似飛咗去台灣（可能係舖頭loop緊周杰倫啲歌嘅關係）。舖頭唔大，但人唔算多所以唔覺得逼夾。環境安靜，適合三五知己聚餐傾偈(隔離枱）。食材好新鮮 , 味道都好啱我嘅路線 , 撈丁 、 加工肉類味道一流。尤其係個雙重芝士撈丁，撈咗少少辣汁再加大量芝士，拉絲效果非常過癮。本來打算再叫多份，但太邪惡，罪惡感叫停咗我。惹味小饅頭都係一個特別嘅菜式。將饅頭對半切開，再沾滿特別調配嘅燒烤粉，燒到微焦，食落有法式麵包嘅硬外表，內𥚃依然係軟熟白饅頭。最後嚟返個甜品，燒棉花糖夾餅。初頭睇menu，以為係雞蛋仔舖嗰種夾餅（格仔餅），點知原來係夾梳打餅。 要趁熱食，如果唔係會好黐牙。值得讚賞嘅地方: 可能係因為疫情，每台之間都隔住好遠嘅安全距離，出餐速度亦都好快。服務員只有一兩個，有時候會好忙,但態度都OK嘅。一份單品大概30蚊樓下左右, 唔貴。…查看更多

This is my very first eating out after all these suffering. 忍咗咁耐唔出街，海鮮癮又持續發作。好彩屋企樓下就已經有魚又有蝦食。望住張點餐紙咁多嘢揀，樣樣都想食，的確係好難做決定。只好跟住佢哋嘅推介落order。先嚟一隻鹽燒八吋大虎蝦，虎蝦啖啖肉但蒜蓉落得太多，搶咗啲蝦味。燒得都好乾身，可以連殼食埋落肚。魚就叫咗秋刀魚，辣粉加得好重手，鍾意食辣的話一定覺得好正。全餐最最最好味嘅一定係燒菠蘿同埋燒蕃茄。兩樣都燒咗之後更加甜尤其是係個蕃茄。…查看更多

聽聞新開咗一間椰子雞，於是同女朋友一齊抱著試一試態度walk-in ，可能係因為新開嘅原因，人少少環境安靜，位置闊落坐得舒服，並且服務態度好，食物仲好驚喜tim ah！湯係用新鮮泰國椰青做底，煮滾之後落新鮮雞，檯面有⏳，漏完啱好5mins食得。不過梗係要先啖清爽鮮甜嘅湯喇😋😋雞肉食起身有椰香味而且好嫩，不過我超級鍾意點佢哋嘅豉油，加入新鮮柑橘汁去代替傳統陳醋，淡淡嘅天然果酸果香令我哋嘅味蕾措施雞肉原本嘅鮮味。據店員介紹，墨魚丸、蝦丸都係手打製作，食起身好彈牙👍👍奶凍椰漿味超濃，口感細膩軟化另外，湯底幹底之後可以選擇加水或者另外order新鮮泰國椰王。…查看更多

天氣開始涼涼地，食返個雞煲真係特別有風味。荃灣呢間18樓雞煲次次嚟親都全場爆滿，而且要等勁耐先有位，當然可以理解成好食自然多人。18樓雞煲最吸引我嘅優點就係雞煲嘅醬汁超級惹味，我鍾意食得辣啲，所以叫咗大辣雞煲。..食哂啲雞就加湯打邊爐，基本SOP啦。肉類選擇都好多，豬、牛、羊、雞都有，牛都有幾款。我最鍾意將一大秋肉一次過放入個煲一鑊熟，豪氣一啲先覺得個放題回到本。.由於我好大食，所以我冇浪費食物。…查看更多

Dessert 會令人心情愉快，Caffeine又會令人心悸。.當我見到呢杯偏心嘅Latte，眉頭一皺。我會心悸係因為飲得咖啡通常都意味著要準備通宵捱夜 (不能磨滅嘅心理陰影)。.飲住醇厚嘅咖啡品味着苦澀嘅生活，食住繽紛嘅芭菲忍受着隔離枱不停「食雞」嘅噪音，好彩我EQ高。.甜品名稱：粉紅救冰同menu上面嘅圖示差太遠，實物係升級豪華版，又macaron、又脆笛酥、又french toast，優惠價$48。…查看更多

其實我讀書時有喺呢間餐廳做過part time，全盛時期好似有5間分店。而我就喺旺角分店每日做到凌晨兩點，再同一班後生仔同事happy hour劈到天光。.原諒我嘅廢青回憶，9月30佢哋就會結業，大家有興趣就把握機會去打卡啦。.Color Charlie Brown (Orange Mousse) —— 外形比味道吸引。橙味有少少似藥水味，size 細細粒咁，$55好似又真係有啲貴。.Mango Mille Feuille —— 芒果超級酸，好彩佢果量唔多，忍一忍就食完。咁就$78。.一間餐廳味道一般，價錢又唔合理，但生存到14年，一定有佢可取之處。希望佢哋順德業務發展得好啦。…查看更多

.咁啱嗰日過去荔枝角買榴槤月餅，順道去試一試新嘢。最近D2 place 靜過屋企樓下嘅屋村商場，老闆選擇喺呢個時勢喺度試業，真係勇氣可嘉。.可能最近係食快餐食太多，都應該食返啲清新少少嘅，主要被J’s Bistro 吸引咗嘅係佢地有個類似salad bar 嘅開放式廚房。再望過少少，仲有一個烤雞用嘅爐，香味一直飄出用餐區。受到香味引誘嘅情況下，我order咗半隻烤春雞。雞胸部位唔算多汁，但就夠哂軟熟。.另外同行朋友就叫咗半份燒豬仔背骨，醬汁偏甜，非常開胃，食咗一支骨好快又想食多一支，非常惹味，但略嫌偏瘦。.…查看更多

本來想話呢度交通都幾方便，但係呢度嘅服務態度實在係太差喇。我同我朋友打算收工之後，想稍為放肆一下，食返個火鍋放題都係唔錯嘅選擇。但係普通嘅一個星期一，冇咩特別值得慶祝，就普普通通食一餐。於是我哋叫咗最平嘅一個套餐，但係店員就係一副睇唔起人嘅面色，中俾我哋聽到佢同廚房入面講：嘥晒我啲口水，講咁多都係叫呢個餐。佢哋真係需要檢討一下。雖然話係最平嘅一個餐，但係同樣嘅價錢係同一條街仲有好多選擇，而且我好肯定質素仲會比較好。就係咁，我就帶住好唔gur 嘅心情食完，然後好用心機咁為呢間餐廳寫呢個食評。雖然話係最cheap嗰個餐，但都不至於要供應肉碎俾客人食。都已經唔考究係牛肉與否，但真係一啲肉味都冇，只知自己食緊軟林林嘅嘢。…查看更多

第一日用拐杖，終於可以離開輪椅，就當然要約朋友出嚟見證呢個moment，一步一步咁爬到去呢間餐廳。店員服務態度真係好好，因為佢哋差啲想扶我埋位坐低。最近發現香港人好有愛同埋凝聚力。.呢個炎熱天氣下嘅週未午餐，想要清新少少、開胃少少，我哋各自叫咗杯沙冰：Mixed Berries Smoothie ——就當然唔駛飲都估到係酸酸甜甜，但我發現果肉渣係佔咗三分之二，覺得足料抵飲，心情就自然爽。Cucumber Yogurt Smoothie —— 青瓜味通常容易比較出事，怕會似洗潔精味。由於係用真青瓜而唔係用糖漿打成，加上Yogurt令整杯沙冰只有正面清新嘅感覺。.主菜我就揀咗All Day Breakfast，日式環境享用洋食，唔突兀，仲非常有假期feel。室內冷氣太舒適，令我都唔記得出面係三十幾度，好想hea足一日。.對面嗰位就叫咗「日式明太子海鮮意粉」，可惜我得一個胃，下次我再自己試一試。…查看更多

旺角登打士街新開咗幸福堂，掀起另一個排隊飲珍奶熱潮。今次試一試同一條街但長期冇客嘅「吉龍糖」.黑糖珍珠鮮奶 ($30) ——佢哋已經放棄咗「掛杯」呢件事，味道亦只可以話普普通通。30蚊一杯唔係好值，可能係租貴，又要俾加盟費。.優點：唔需要排隊....🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢…查看更多

告贏香港代理之後，台灣幸福堂自己直營香港區分店。千里迢迢來這，你有感受到幸福嗎？.草莓珍珠鮮奶 -- 老實講，鮮奶的味道真的太淡，可能是冰量的關係。我點的是微冰，但冰量也太多了吧，快要滿半杯，難怪奶味那麼淡。珍珠味道是香的，質地是軟爛的，也可以說是糊糊的。外表上整杯是好看的，色彩鮮豔。.我是覺得幸福堂帶來的不是口福啦，應該是眼福。因為店員普遍都是帥哥美女，不像別家都只會找來邋遢店員(至於是哪家就不好說）。看到整齊的制服、透明度高的製作過程，以及店員有禮貼心的飲用解說，對品牌的好感度真的會提升許多。…查看更多

近期每日都係坐或瞓，心知唔應該食高熱量食物增加罪疚。但難得出一次街，心情可以話係同放監一樣🤔，咁就食多少少，遲啲好返先慢慢還債。.燻咸牛肉三文治 —— 初頭以為會係茶餐廳嗰啲咸牛治咁樣，結果實物係類似煙肉嘅咸牛肉。肉量好多，就算有酸菜都冇用，食到有啲滯，建議兩個人share食。.德州漢堡 —— 呢個漢堡有少少伏，牛油果嘅份量，比預期中少，起碼同meun個圖差好遠先。個漢堡扒生得嚟有陣怪味，朋友食咗一啖就放棄。於是我就做咗焚化爐，唔好浪費食物。…查看更多

日式風格餐廳，以鮮花為主題，因為餐廳到處都係真花、環保花、咖啡拉花。優雅有格調我藝術氛圍，令人感到非常舒適放鬆，整個人都變得非常斯文。·餐廳推出嘅和式系列，所採用嘅鰻魚，係餐廳老闆自己嘅朋友養殖，掛保證品質上等；炒蛋係味噌口味，我鍾意個蛋夠濕潤，唔通日本新鮮雞蛋真係會香滑啲？.杯黑熱朱古力係74%黑朱古力，係越南品種Cocoa。可可嘅甘味係香港少見嘅。餐廳仲會不定期開workshop教latte art☕️·呢間餐廳嘅食物質素都幾高，值得一試👍 好食係要誇少少 …查看更多

呢個季節食海鮮對我來講真係唔可以開玩笑，可以令我賞面一齊食海鮮嘅人可以稱得上係過命之交？.白酒煮蜆—— 蜆湯鮮甜，亦係整道菜嘅精髓。當中加入煙肉，鹹味令菜式更加提鮮。蜆肉就略嫌太細粒，而且多沙。「蜆湯鮮甜，亦係整道菜嘅精髓」.海鮮意大利飯——本人對海鮮真係會敏感，所以冇直接食用蝦肉。單憑食意大利飯都可以試得出，蝦同青口嘅鮮味都有被飯吸收哂。.煙燻迷迭香雞翼——現場即時點著支迷迭香做煙燻效果，視覺衝擊令用餐過程更享受。…查看更多