牛陣 (已結業)

本來想話呢度交通都幾方便，但係呢度嘅服務態度實在係太差喇。我同我朋友打算收工之後，想稍為放肆一下，食返個火鍋放題都係唔錯嘅選擇。但係普通嘅一個星期一，冇咩特別值得慶祝，就普普通通食一餐。於是我哋叫咗最平嘅一個套餐，但係店員就係一副睇唔起人嘅面色，中俾我哋聽到佢同廚房入面講：嘥晒我啲口水，講咁多都係叫呢個餐。佢哋真係需要檢討一下。雖然話係最平嘅一個餐，但係同樣嘅價錢係同一條街仲有好多選擇，而且我好肯定質素仲會比較好。就係咁，我就帶住好唔gur 嘅心情食完，然後好用心機咁為呢間餐廳寫呢個食評。雖然話係最cheap嗰個餐，但都不至於要供應肉碎俾客人食。都已經唔考究係牛肉與否，但真係一啲肉味都冇，只知自己食緊軟林林嘅嘢。