foodie10.04 的个人专页

太古城開咗兩間台式餐廳，先黎試下百芳池上便當先！(之前試過銅鑼灣分店)平日Lunch time時間人潮洶湧，我點左香酥炸雞腿便當$63包一杯阿薩姆紅茶，我選擇店內用餐，堂食幾乎滿座，外賣更另外有6-7成生意，小店滿哂有二三十人在等候。因為佢係open kitchen嘅關係，清楚睇到佢入面5-6位職員都係真係手忙腳亂。我13:32落單，最後45分鐘後先有一份新鮮滾熱辣嘅便當......平心而論食物質素係好好食嘅！香酥炸雞腿便當$63 跟阿薩姆紅茶便當有四款配菜：沙茶米粉、粟米菜脯、娃娃菜同半隻滷蛋各種入味，配上每一口嘅台灣米好滋味。主角係隻香酥炸雞腿，新鮮滾熱辣剛出爐上碟，皮脆肉嫩非常juicy唔過份油膩，醃味都好有台灣嘅味道，亦唔會我最怕嘅肉嫩而近骨見血，油炸時間拿捏得精準！跟餐嘅冰阿薩姆紅茶雖然冇我喺日月潭飲到嘅香氣純正，但佢依然有佢獨特嘅澀味，少甜後都係不失為杯好茶。最後良心建議：價錢同食物質素都係高CP值，但係咪就係會平衡返大家寶貴嘅時間？等得一次，未必有下次，而一間餐廳最緊要係有回頭客去維持生意。我見到店舖爆滿嘅時候都有心理準備會等，但等位45分鐘，同落咗單等45分鐘係兩回事來的。其實當成間店根本不勝負荷嘅時候，收銀係有責任中途要截單，俾再黎嘅食客選擇要等定另覓地方，但佢地就偏偏不停繼續接單收錢⋯呢一點好冇台灣人做生意嘅作風，寧願令到客人等到燥哂、多次催單甚至要取消。老實講，打工仔中午食飯時間好有限，如果佔30分鐘以上嘅時間去等一個飯盒真係實在太唔合理。而且單號混亂亦唔跟次序，有優先處理外賣嘅感覺。食物有質素先想佢好好地經營，想生意做得長久。真心覺得佢地有必要更適當地去安排中午最繁忙時間嘅策略，去改善完全不合理嘅等候時間。不能夠令到食客如此焦躁，心情最後會影響味蕾的。 …查看更多

1月中第一次到訪呢間茶館💕如果未去過月街可能位置會有點難搵。焙茶拿鐵 $50 茶香燶滑，齒頰留香，係會令人回味嘅味道😍自家製阿里山烏龍茶卷蛋 $38 卷蛋質地濕潤帶有清香茶味，cream幼滑，好好味！熱嘅焙茶拿鐵會比凍嘅濃厚豆腐抹茶慕絲 $55四方外型吸引，軟身嘅質地好比豆腐花。豆乳層次比抹茶突出都好味，但就會比卷蛋甜少少。整體茶香帶少甜，味道純粹不會苦澀，平和感嘅茶味好喜歡。店面優雅，高質素下次會再去銅鑼灣分店試下輕食。…查看更多

Overall is ok, but second visit is not necessary.Tasting Menu - Sea Urchin $398/ person+10% (USDA Prime rib +$100)Dinner menu starter comes with salad and Canadian Sea urchin and Foie Gras Toast. 8oz of slow roasted USDA prime rib cook in medium rare, serves with fries/ mashed. We have two orders of prime rib. Unfortunately, you can tell from the second picture that the quality is inconsistent. The pinkish cut is definitely killing it in Au Jus and horseradish sauce though!The other main dish is Canadian sea urchin carbonara, love the rich flavor. At last, coconut sorbet is not bad! Fried Calamari $148 We separately ordered fried calamari with garlic aioli sauce. The squid is tender and yummy with the coating. The sauce is quite delicious but the presentation needs to work harder😂…查看更多

星期日試咗Weekend Lunch Menu，餐廳CP值高🍽 美國厚切法式豬鞍配意粉 $15X煎豬鞍嘅火喉同技巧好出色！煎香焦脆嘅外表配上蜜糖芥茉醬，內𥚃肉嫩帶汁，而意粉係蒜香炒過嘅有誠意，口感亦剛好。整體賣相顏色吸引又美味！All Day Breakfast $7X呢個地區呢個價錢仲要係地舖，都係良心合理。份量滿足應有盡有，炒蛋有蛋香都嫩滑，其他配菜都合格，唔需要驚喜的中規中矩唔錯。餐湯跟個羅宋湯好濃味，刺激食慾好開胃！另外同行點左紐西蘭肉眼扒$15X都好見得下人。本來對紐西蘭肉質冇好大期望，但煎嘅火喉同技巧足以令我想下次再黎試牛扒！…查看更多

人氣手沖咖啡店。店主曾獲澳洲咖啡師比賽冠軍。而家仲喺香港設自家炒咖啡豆工場，親自調配咖啡。Flat white and strawberry muffin😋咖啡唔酸，濃嘅但可以更甘香。Muffin唔似出面食開嘅咁鬆散，而且🍓味道唔太人造幾好。下次要試下店內homemade sourdough !!…查看更多

外國生活回港後其中會掛住嘅係越南菜，北美洲越南菜實在出色。而呢間係港島幾滿意嘅一間越南菜，聽講係越南大廚主理。見到滿滿嘅綠色青菜就開胃😋越蘆小食拼盤 $148拼盤有炸春卷、豬肉串、扎肉、米紙卷，份量好豐富成碟滿瀉，扎肉都比一般嘅切得厚！每款都有水準，特別係免治豬肉串喺香港唔係常見，微脆嘅口感帶甜味，好食！米紙卷嘅菜新鮮，好清爽。越蘆牛肉粉 $72有生牛肉、牛腩片、牛丸同牛柏葉。越南粉最主要係湯頭，香港好多美式越南河會比較牛脂油膩，呢個越南牛肉粉湯頭就明顯更清更甜！可惜生牛肉有點過熟，但欣賞佢選擇嘅食材，牛肉味濃香，牛腩片同牛丸都有驚喜，而牛柏葉係未未經染色嘅原材料，河粉都幾滑。下次要留肚試埋甜品！ …查看更多