drmok的个人专页

想去呢間Chicken Factory 食烤雞脾，收銀亞姐做完前面個客，就行來行去以為佢好忙，點知佢傾喺到同人傾計都唔行番埋位，完全當我透明，我好有耐性企咗2分鐘，佢完全冇意慾返埋位，我唯有走，係咪老闆刻薄佢專登趕客?其實成日客已經唔多，仲唔想做，不如收檔好過…查看更多

上星期六晚, 隔離海鮮老細話同個兄弟慶祝生日, 叫埋呢邊艇家, 一行10人,梗係去去開o個間旺角肥牛啦, 直頭係我地飯堂!一去到就直上3樓, 原因係2樓係斯文人坐, 3 樓至係我地地頭!10人只叫四眼哥仔開一個98蚊牛雜煲就攪掂, 點解?個牛雜鍋其實都有2串牛雜咁多, 不過我地班麻甩佬跟本唔會食!老細賣海鮮, 梗係唔食出邊野啦! 早自備哂鮑魚仔, 生中蝦, 大泥鯭, 魚滑...等各一大袋,跟住頂多叫碟牛肉, 炸魚皮, 除左跟煲送o既3支大陸啤, 之後就大量叫啤酒妹d 藍妹啦!我地又隊啤又玩牌, 情勢勁high, 真係拆到鎮天,連隔離d客都幫下手將就下, 快快埋單讓路!當然另一個重大原因係3樓係全香港食店唯一吞雲吐霧都唔會有人話你,跟本好多人都係咁, 你知啦, 艇家佬都係煙不雜手, d 亞姐哥仔都見怪不怪, 其他客都好多係咁啦! 又邊有人敢出聲!最後埋單都唔使500大元, 全部都係d 茶芥酒水加一,當然少不免整多二, 300俾d 哥哥姐姐, 唔係以後邊有咁好招呼同自由俾你盡興呀!…查看更多

之前都食過一次, 覺得唔錯, 見有團購就買幾張再去食,坐低個女待應取menu來, 一見到我張團購coupen即黑面, 走番轉頭取張特價set,有牛餅一件, 3款麵選一: 酸辣麵, 担担麵同陽春麵, 柱花糕同金桔檸檬或菊花蜜一杯,我同事唔食得辣就選陽春麵, 即係無餸o既得清湯同d蔥粒, 夠哂清!我食担担麵就算幾好, 有肉未花生醬湯, 幾辣同好咸下!牛肉餅煎得有d 燶不過都算好味, 柱花糕同金桔檸檬就只係一般貨式!不過團購15蚊就真係好抵, 唔怪得佢地黑面, 真係賣得多賠得大!不過食完之後就非常口喝, 因為實在太咸同可能有味精!…查看更多

同朋友中午來此食飯, 客多但不致爆滿, 叫了兩個四十元燒烤餐, 豬和牛, 有牛肉味的紅蘿蔔湯, 兩碟生肉不算太多, 一人份量都OK, 另加五小碟配菜和白飯, 還有花奶橙味啫喱,味道同衛生都唔差,算是十分低食!最可惜隣座來了一位女士, 叫了一位男待應落單一個套餐,之後男待應拿了一個蓋把爐蓋上, 個女士好奇怪問:'我要自己燒O番?' 男答: '一個人不能叫自己燒! 只能叫熟的'(但我唔見有任何地方有註明!)本來如果有禮貌好好解釋都算, 但男子好無禮貌地繼續說:'小姐, 我地得十三個爐, 如果D客個個都一個人霸一個燒烤爐,我地就做唔到生意!' 我坐隔離聽到都覺得好難受, 可能該女士唔好意思, 唯有照食.個男待應態度實在惡劣! 如果係我, 應該即刻起身, 永不回頭,大家如想來呢間想食燒烤套餐,記住千萬唔好一個人來!…查看更多

位於長沙灣呢類街坊酒樓, 以大件底食為本, 平日一至四火鍋68蚊自取任食, 汽水豆漿酸梅湯任飲,可算平通港九, 五六日加10蚊, 聖誕新年假則收98, 全部價錢都係全包任食兩個半小時, 除非選特色湯底同啤酒要額外收費,亞姐開咭時會mark住時間, 仲特別溫馨提示過時每位收多10蚊!有蝦, 青口, 花甲, 豬牛羊丸類蔬菜樣樣齊, 燒味炸品甜品糖水, 仲有幾款蒸點心任取! 不過食物方面則算齊全但質素一般, 以平又多又自取任食, 真係不能強求!如果想去試下, 都係不如等最平價錢至試!另一要提係標榜'酒店式自助火鍋', 衛生方面應要再提高d,洗手間好濕滑同殘舊, 可能有人取食物時經常弄濕地版, 一邊食一邊個清潔亞伯在旁邊拖地!咁平但唔爆, 假期中午電話去訂位都話唔使, 到時來就得,大家心裡有數啦!…查看更多

boxing day 中午行isquare, 睇勻最平係牛陣 58蚊有全食套餐! 仲平過其他食漢堡薯條!主要係有HD雪糕任食至吸引, 食佢幾杯都夠本!普通牛肉不再介紹, 其他配料都係全無海鮮以疏菜為主任食!其實對於一般人係好事, 夠健康唔肥, 但唯一問題係午餐1小時太短, 唔好話食, 連想傾下計都唔夠時間!本來以為過小小唔怕, 但15分鐘前個WAITER已過來同你講仲有15分鐘叫你先埋單!再去食雪糕時已唔多夠時間!其實食到2:30PM, 外面無人等位, 但D WAITER 係公事公辦,所以就算再來, 都係食最平O既算, 跟本無一 種享受O既感覺! …查看更多

今日因工作下午去到田灣, o係街口就見呢間舖有牛腩牛什魚蛋粉麵,只係16蚊, 一試無妨, 估唔到都有意外驚喜,叫一碗牛腩河, 聽事頭婆同伙記傾計, 應係潮州人, 你order野, 佢永遠只會應一句 '愛唔愛油菜?'牛腩肉味同質素唔錯, 霖得來又有咬口, 湯係半清, 有小小醬油味!如果唔係八角味重o左d 同湯唔算好清, 可以同九記比添!但價錢就平得多同份量都多d!油菜10蚊ok, 但炸魚皮要16蚊好似超貴!另外間舖面積好細, 只得三行細檯, 仲有個亞姐要o左一行來包雲吞,全部最多都係坐到10個人, 但係就會好迫! 所以我都見有d人來買外買!下次再經過會試下牛什同潮州魚蛋!因為以價錢來講質素算唔錯!…查看更多

o岩o岩食完下午茶 (2至6pm), 有好多樣選擇,清湯腩唔夠水準, 其他都普通, 只有牛雜最ok! 牛雜係好琳, 仲好有牛show味(怕牛味唔鍾意太琳就唔好食!), 好大碗河粉, 加埋杯大路咖啡茶, 真係勁飽!當然唔可以要求太高, 但係經濟實惠!(附近都有10蚊碗但唔夠水準, 有d16,17蚊碗又細碗唔包茶, 下午茶我會首選呢間!)…查看更多

早餐同宵夜都唔錯o既選擇, 粥同腸粉係比較拿手,除o左艇仔粥係用炸魚片絲令人失望之外,其他都唔錯, 特別係手拉腸粉!又有特價同生滾粥套餐 ($20, 23), 剛剛加價!仍算實惠!不過碟頭飯同粉麵唔係佢地招牌, 可以不試, 試過會令你失望!此店比同區附近的大牌檔式粥店企理衛生,有要求o的可以考慮!…查看更多

永記最大特色係低食, 因為細碗粉麵12蚊, 大17蚊, 以咁o既質素, 可算全港最平!佢地豬雜同陳春記最大分別係即叫即灼, 人地係預先熔霖o左, 有order至切件,永記豬雜除o左粉腸, 豬肺之外, 其他豬膶豬心, 都係切好薄片, 即叫即灼, 所以感覺好新鮮,同陳春記比, 係各有千秋, 可惜一點, 佢地湯底勁咸, 如果飲哂, 吸入o既鈉一定超標,應該改善一o下!…查看更多

以前賣開14蚊o既雲吞麵, 後來隔離開了10蚊碗,而家增加了'細蓉', 10 蚊, 比隔離好但唔算好出色!其他魚旦豬手之類, 不過不失,但只想推介一o下豬皮蘿蔔麵, 沙嗲汁是另加的,蘿蔔白烚所以好清甜, 豬皮易吸味都ok,只賣10蚊, 附近的店舖都無得食!…查看更多

我好細個已經幫趁潮州卷時代的豬什湯, 當時還是靚姐的婆婆一人獨力經營檔口仔,而家只係佢個女(即係o個個好惡o既四眼女人)同女婿做,婆婆好大年紀仍在此幫手, 都算難得!午市時候生意好, 幾個人手腳又慢, 尤其是佢地係有order至將分開熔o既豬什切件, 以保持新鮮爽口, 所以多數人覺得佢地出貨慢, 客多時佢地幾個脾氣又唔多好, 俾人話服務差!至於質素, 很多時無西洋菜, 湯少了清甜味, 湯又太咸, 比以前真是大不如前了!公道講句, 食陳春記, 都是為了一份感情, 希望傳統的食品和食店可以得以保存!更希望佢地無論食物質素同服務都可以有所改善啦!…查看更多

尋日工作關係經過, 見到門口寫住' 可能係你食過最正斗o既雲吞麵',都係廿蚊, 好奇入去試o下,不過可以話唔算正斗o羅!湯底無味, 雲吞d蝦唔算好新鮮, 無鮮甜味, 最差係d 麵, 唔算爽口都算, 而係咬落有咸味,相信係打麵時落鹽太重手, 只能算係14, 5 蚊的普通貨色!見貼住d 剪報介紹牛腩, 下次都會o黎試o下,雲吞麵就唔使再試啦!…查看更多

街坊舊式粥店, 係以前大掛檔水準!早餐必然選擇之一!6蚊豉油王炒麵特別幼, 稱得上全港獨有!炒河都一樣得, 加個HK$10艇仔粥, 真係無得頂!生滾粥都係16蚊起! 宵夜一流!只係亞姐D衛生態度有待改善!…查看更多

同幾個外國客來試o下, 問waitress, 話每人任叫任食加埋一係$121,好似幾好, 坐落睇menu至知, 原來好多野都唔包,佢俾o左一人一碗豉油, d 客想加d辣, 亞姐話幫你成盆醬料取來好唔好,我話梗係好, 點知佢跟手o係張柯打紙到mark住, 原來每人即加$9.-跟住想叫野飲, 汽水啤酒20蚊can, 果汁先生22, 西瓜, 鮮橙汁48, 每樣都叫d, 已經2佰幾蚊, 任食無咩海鮮, 只有d 好細o既帶子片, 花賿仔, 沙爆魚肚, 都ok,叫蝦, 蠔, 牛肉粒每款要成98蚊, 4, 5片三文剌身28蚊, 最後只點了牛肉粒同三文魚, 不過包埋o既肥牛片就幾有睇頭, 仲有羊肉交都好, 第間無,其餘都係食d 鱔片, 脆肉鲩, 菌, 豆腐同菜之類,叫o左麻辣清湯鴛鴦湯底, 都ok夠味, 就無o係大陸食咁辣, d service 一般ok, 只係估唔到連蝦都唔包, 好彩d客唔係咁好海鮮, 唔係就破產,d 食物每碟都好細碟, 叫10碟來六碟倒, 共落o左3次單至夠野食,最後埋單5個人成千銀!大家去食前要有個預算!…查看更多