高麗韓國餐廳

同朋友中午來此食飯, 客多但不致爆滿, 叫了兩個四十元燒烤餐, 豬和牛,
有牛肉味的紅蘿蔔湯, 兩碟生肉不算太多, 一人份量都OK,
另加五小碟配菜和白飯, 還有花奶橙味啫喱,味道同衛生都唔差,
算是十分低食!

最可惜隣座來了一位女士, 叫了一位男待應落單一個套餐,
之後男待應拿了一個蓋把爐蓋上, 個女士好奇怪問:
'我要自己燒O番?' 男答: '一個人不能叫自己燒! 只能叫熟的'
(但我唔見有任何地方有註明!)

本來如果有禮貌好好解釋都算, 但男子好無禮貌地繼續說:
'小姐, 我地得十三個爐, 如果D客個個都一個人霸一個燒烤爐,
我地就做唔到生意!'

我坐隔離聽到都覺得好難受, 可能該女士唔好意思, 唯有照食.

個男待應態度實在惡劣! 如果係我, 應該即刻起身, 永不回頭,

大家如想來呢間想食燒烤套餐,

記住千萬唔好一個人來!