炳記麵家

今日因工作下午去到田灣, o係街口就見呢間舖有牛腩牛什魚蛋粉麵,
只係16蚊, 一試無妨, 估唔到都有意外驚喜,
叫一碗牛腩河, 聽事頭婆同伙記傾計, 應係潮州人,
你order野, 佢永遠只會應一句 '愛唔愛油菜?'

牛腩肉味同質素唔錯, 霖得來又有咬口, 湯係半清, 有小小醬油味!
如果唔係八角味重o左d 同湯唔算好清, 可以同九記比添!
但價錢就平得多同份量都多d!

油菜10蚊ok, 但炸魚皮要16蚊好似超貴!

另外間舖面積好細, 只得三行細檯, 仲有個亞姐要o左一行來包雲吞,

全部最多都係坐到10個人, 但係就會好迫! 所以我都見有d人來買外買!

下次再經過會試下牛什同潮州魚蛋!

因為以價錢來講質素算唔錯!