Mingyannnn的个人专页

琴日睇YouTube 介紹大圍美食，先得知屋企附近開咗呢間馬來西亞餐廳🍴趁放假同媽媽去試試。肉骨茶(豬手仔)$56餐廳肉骨茶是無限任添，如同我一樣只為飲湯，可以平平地揀一款餸的。肉骨茶藥材味唔會太重甜甜地，好啱用黎解辣😆😆豬手仔煮得夠腍，配埋馬來西亞地道嘅黑豉油更美味🤤🤤咖哩喇沙$78喇沙最重要係個湯底🍲勁濃郁嘅咖哩湯🤤🤤帶有少少椰香。食材都相當豐富，麵底可揀油麵，米粉，滲滲 (米粉加油麵)，米線或老鼠粉。我揀咗滲慘，米粉吸收晒湯汁，好惹味，相對下油麵就無乜味。愈食愈辣，對於我來講太辣🥵🥵好彩有任飲肉骨茶🫢🫢魚仔醬啦啦$48啦啦即是蜆，蜆肉飽滿，味道鮮甜，魚仔醬的確惹味，有啲似XO醬嘅感覺。愛他愛他(3件)$38馬來西亞傳統美食，魚肉茸混合各種香料，用香蕉葉包住再烤。薄薄一條，食落好腍，口感唔係我想像中咁🙈有少少魚味，只能說唔係我杯茶😆😆整體來講餐廳食物質素唔錯，建議想食嘅朋友早啲嚟，我12點到等兩張枱入得，離開嘅時候已經大排長龍。…查看更多

香蕉煎餅🍌🥞係泰國🇹🇭必食嘅街頭小食。首先放牛油🧈係鐵板，再倒上蛋漿將餅皮煎到酥脆，放入一片片香蕉🍌，最後淋上煉奶和朱古力醬，即叫即製熱辣辣，每一啖都食到香蕉🍌甜甜地又唔會太膩🤤🤤店內除了有朱古力味，榛子醬味，阿華田味等甜味煎餅🥞外，還有多款鹹味煎餅🥞如芝士肉鬆和芝士粟米等，不妨一試。…查看更多

被譽為台灣珍珠奶茶始祖的春水堂，係香港開設分店已有一段時間，但每次經過都大排長龍，證明受歡迎程度並沒有退減。麻辣牛肉麵 🌶🍜$82睇介紹話湯底係用牛肉和牛骨髓經過一日半時間烹調而成，但可能加左麻辣關係，牛肉味唔算突出，牛筋和牛肉煮得非常軟腍入味 。慢煮豬手 🐖$58在自家秘製配方的鹵水中烹調超過30小時，豬手煮得相當入味，豬皮充滿膠質口感彈牙。魯肉飯(小碗) 🍚$28選用左珍珠米，粒粒飽滿，軟硬適中。滷肉肥瘦均勻，軟爛香滑，入口不油膩，冬菇和肉鬆增添口感🤩配上醬料，好食到食唔停口。我會為咗呢碗魯肉飯再嚟多次😆😆…查看更多

餐廳菜式大多屬於韓國家常菜，標榜無味精無防腐劑，較為清淡及養生。韓屋位於有韓國街之稱嘅金巴利道，餐廳內座位數量較少，一到食飯時間就大排長龍。薯仔🥔豬排骨湯 $128韓國人俗稱醒酒湯，一直都唔明點解🤔飲完酒再飲湯真係會醒酒？湯頭很濃郁，微辣醒胃，好惹味配飯食一流🤤🤤薯仔煮得好腍好入味。排骨極嫩，完全不用擔心咬唔開，根本輕輕一碰肉和骨頭就可肢解😆😆牛肉芝士石鍋飯 $148與其他餐廳石鍋拌飯不同之處是他們用了紅米和糙米代替白飯，感覺更健康。由於餐廳標榜無味精無防腐劑，所以味道略為清淡，喜歡重口味嘅朋友可能要加多點醬汁。…查看更多

又黎到Home焙小日子整蛋糕🎂已經去咗香港三間分店😆荔枝角分店環境沒有另外兩間寬敞，如人流較多時候會感覺擠迫。可能當天是假期關係比較多人，在人手不足下有些用具補給不切。熔岩巧克力蛋糕HK$280製作過程只需要依照電子食譜上的步驟指示便可輕鬆完成。當遇上不明白的地方可以向店員查詢。店內的設備、材料都十分齊全。製作完成後只需要將用具交給店員處理，不用自己洗碗，十分方便。…查看更多

一人一爐無煙燒肉，無須擔心吃完以後滿身油煙味！供應多款平價好吃的獨食套餐和單點肉類選擇，跟餐有齊海帶湯、白飯、泡菜或沙律。人氣過江龍例必排長龍，當天11:45用手機app預先取飛，最後14:48入座。入座後首先用手機掃掃QR code，直接進入燒肉LIKE餐單選取畫面就可以開始點餐。套餐有多種size選擇，想不到除了肉外，就連白米飯也有3個不同size。Like套餐250g 牛舌每塊厚薄均勻，薄薄一塊好快已經燒熟。有肉質的口感，品嚐得到油脂，沾上檸檬汁再燒，鮮味大大提昇。 橫膈膜肉肉質鮮嫩，啖啖肉口感豐富，油香滿滿又有嚼勁。 胸腹肉油脂部分比較多，切得較薄身，經過高溫燒烤後口感香脆肉滑，咬落滿口油香，送飯一流。牛小排& 牛板腱套餐 200g 牛小排富大理石紋脂肪，肉質鮮美滑嫩、具有香味，受熱後油花與肉質熔為一體，汁多味美、入口即化。牛板腱富含油花，肉質略帶嚼勁，細嫩多汁，咬一口綿延滋潤的口感。…查看更多

觀塘貓貓cafe🐱環境寬敞舒適，店內大約有10隻貓貓🐱和你一齊用餐。進入餐廳前需要着上鞋套和消毒雙手，保持整潔乾淨。每隻貓貓🐱都掛上自己名牌，可以令客人和貓貓更加親近，推介所有愛貓之人。用餐時候貓貓會在你身邊走來走去，會忍唔住放低刀叉同佢哋玩😍除咗可以同貓貓玩之外，餐廳食物質素亦都唔差🤤推介✨✨極濃厚原隻蟹蓋蟹肉忌廉意大利飯 $128米粒熟而不軟爛，咬起來有彈性有嚼勁，入口感受到濃郁的奶油味，米飯完全吸收了醬汁，十分美味。…查看更多

日忙夜忙，唔補好易老。啖啖燕窩 即食燉品專門店方便美味又快捷😍3.6牛奶雪耳木瓜燉桃膠 $208無添加防腐劑冷凍食品，倒出嚟就食得，十分方便。1公升裝大概有5碗份量，而且用料十足，唔會話食到最後得返牛奶。牛奶味道濃郁充滿奶香，口感幼滑木瓜口感軟腍，味道香甜桃膠晶瑩通透，口感厚身爽滑雪耳很滑溜，滑中帶爽，滿有口感屋企人同朋友食完之後都大讚好味😋有咁多唔同款式，下次再試過。。…查看更多

難得今個週末陽光普照☀️決定來個文青一日遊😆之前見網上介紹位於西營盤港鐵站附近嘅「藝里坊ARTLANE」，有多幅壁畫在大街小巷之間😍 非常適合打卡。不過去打卡之前當然要填飽個肚仔😆😆西營盤一帶有不少特色咖啡小店，例如Classic Creations Cafe就是其中一間隱世Cafe。位於上環新街，由西營盤站A1出口步行5分鐘，十分方便。由於餐廳不是位於大街，環境清靜店內裝潢美式風格，牆上掛滿油畫，播住爵士音樂🎵🎶 有種自己到了外國一樣休閑的感覺😌Black Angus Patty Melt Sandwich $130加入了三種芝士🧀麵包烘得香脆，充滿牛油香味，滿滿餡料配搭半溶嘅芝士，賣相滿分💯漢堡扒濕潤多汁，牛味相當濃郁，再加上三重芝士令味道更有層次，每一啖都有拉絲效果。入面嘅洋蔥🧅淨咁食可能會覺得甜咗少少，但一齊食成件事好夾，味道配合得剛剛好😋😋English Breakfast $95分量相當豐富，太陽蛋🍳煎得恰到好處，蛋白外邊香脆，流心蛋黃滿滿蛋香。多士烘得和牛肉三文治🥪一樣香脆。特別一提自家製嘅醃青瓜入口爽脆，酸酸嘅味道能中和油膩感👍🏻Ice mocha $50濃郁嘅朱古力味🍫在面層還灑上了朱古力粉，甜度適中，整體來講有點蓋過了咖啡嘅味道☕️餐廳員工十分親切，見我哋行到身水身汗🥵不斷幫我哋添加冰水🧊用餐期間同我哋傾偈，十分熱情😆另外餐廳喺寵物友善cafe🤗🤗可以同主子們一齊用餐🍴…查看更多

Hoo韓國包車的裝潢，枱櫈、招牌甚至門窗都韓味十足，給予人恍如置身於韓國🇰🇷街頭的布帳馬車（포장마차）般 。布帳馬車就是個可以方便移動的街頭小吃攤，它是韓國人最常會去的喝酒聚腳點🍻許多韓劇都有這種情節，主角遇到傷心或不好的事情時，就會到布帳馬車借酒澆愁😆😆疫情關係將近兩年沒有去旅行😭😭不坊來這裡扮去了一趟韓國。餐廳除了販賣各式各樣的韓國菜，更有街頭小食、下酒菜，熱炒等等。店舖不大，坐位約有30個左右，在進餐期間都不停有客人進來，所以建議大家預先訂座。街頭魚糕串串 $138(medium)魚糕串放在韓國鍋上，一邊煮一邊食🤤🤤魚糕吸湯入味，口感彈牙，沾醬料食更加美味。魚糕湯濃濃的胡椒味，令人回想在寒冷的韓國街頭，飲一碗熱辣辣魚糕湯的溫暖感覺。招牌炒章魚🐙 $138用韓式辣醬炒的章魚，顏色看上去很紅，但是沒有太辣，椰菜很爽口，章魚肉質彈牙還吸收了辣醬的辣味，十分惹味薯仔🥔煎餅 $76韓國薯仔煎餅不同於一般常見的韓國海鮮或者泡菜煎餅，煎餅粉漿主要是薯仔泥組成，外面微酥裡面軟糯，沾上醃洋蔥的醬汁，酸酸甜甜味道更豐富。…查看更多

阿元菜市場裝潢以懷舊台灣風為主題店舖內會見到好多有趣嘅擺設，部份店員以國語溝通，令你更有置身於台灣嘅感覺。芋圓火鍋 $99以涮涮鍋爐具盛載，基本配料三色芋圓﹑仙草﹑豆腐花﹑蜜紅豆﹑黑糖珍珠，然後可選湯底，包括黑糖牛奶﹑冬瓜牛奶﹑豆漿﹑椰漿牛奶﹑皇室奶茶﹑黑糖糖水(不含奶)，還有任選三款沾粉醬，一鍋芋圓火鍋可2至3人享用。選擇咗皇室奶茶湯底，沾粉醬就揀咗Oreo、煉奶同花生糖粉。湯底茶味比較淡，成個火鍋嘅甜味係靠紅豆。芋圓口感煙韌，沾上煉奶後味道更佳。整體來講打卡一流📸味道普通阿元滷味 $5-$25不等有好多款唔同嘅滷味可選擇，揀咗豬大腸，凍豆腐，豆乾，蘿蔔，杏鮑菇，甜不辣，滷蛋。滷水汁味道恰到好處，不會過鹹，而且份量都多，配上阿元秘製醬汁味道更惹味😋😋鮮肉高麗菜手工餃子🥟$25/5顆手工餃子皮薄，肉汁豐富，高麗菜爽脆鮮甜…查看更多

日本產霜降A4和牛 &烏冬壽喜燒(2人前)$278🐮豐富嘅牛脂從口中化開，牛味極為濃郁，肉質柔嫩沾上甜甜醬汁，味道加以提升。蔬菜越煮越入味🤤忍唔住飲咗一碗湯Fire Bird特大燒雞腿丼御膳 $98原隻雞腿🍗啖啖肉，入口鮮嫩多汁，唔會因為經過燒烤過而變得乾柴，金黃色嘅表層而且香氣撲鼻。套餐中包括沙律🥗麵豉湯同甜品，十分豐富，推介大家試試。橫切本金槍魚三色刺身 $1.7/g 當初會選擇呢間餐廳就係比呢道菜吸引🤩厚切吞拿魚原塊賣🐟每塊約240g。店員會係你面前磅重後再交由師傅處理🔪 可以一次過享受大拖羅、中拖羅、赤身，吞拿魚呢三個唔同部位。刺身十分新鮮，厚切拖羅每粒都充滿油脂，甘香嘅吞拿魚味道令人回味無窮。…查看更多

位於山林道以昭和風格裝潢，復古和洋卡位、掛牆電話、玻璃吊燈及木牆，處處都是打卡位。另外，店內另設時裝店及雜貨店。餐單大致分為三品、四品及五品3款料理套餐，可按個人喜好挑選配菜。揀咗四品料理，半熟流心清酒溏心蛋、胡麻菠菜、照燒雞扒同金平牛肉。自家製漬物，啤酒柚子蘿蔔漬，味道清新開胃，口感爽脆。金平牛肉，微辣嘅牛肉肥瘦均勻，夠惹味，配上爽口嘅蓮藕令口感更加豐富。最期待嘅明太子富士山飯糰🍙失望，內餡明太子分量少，味道普通。總括嚟講餐廳🍴打上一流，但食物質素一般…查看更多

前身為舊式冰室，保留原有的冰室卡座、牆磚、花窗、招牌和吊扇，加上店主的珍藏古董擺設，彷如時光倒流，每件舊物都令人感受到昔日香港情懷，因此吸引不少人來打卡。午餐以日式為主，食物定價偏高，份量也較少，朋友形容為迷你版😆特選鹿兒島和牛燒肉碗盛飯 $198(特選兩項部分)和牛油脂分佈均勻，入口油香四溢且牛味濃，肉質粉嫩。燒汁水煎自家手打漢堡扒飯 $128用上50%石垣和牛，漢堡厚肉多汁濃郁牛味，燒汁鹹度適中。…查看更多

店舖裝修以日系元素為主，白色的簡約設計，和烏溪沙分店一樣都設有榻榻米座位。餐廳主打各式各樣的日式家庭料理，以及鬆餅、蛋糕等甜品。 見到網上介紹他們的壽喜燒牛肉定食相當吸引，一心前來試試，誰不知六點後才供應😩紫薯麻薯小鬆餅 $82一件一口的荷蘭小鬆餅在香港不常見到，紫薯蓉下在雲呢拿雪糕🍦同煙煙韌韌的麻薯，同小鬆餅一齊食當有口感🤤而鬆餅軟熟甜度適中，略嫌紫薯味偏淡。屋子溫泉蛋牛肉丼$98午市套餐包括前菜，味增湯，甜品及飲品。丼飯分量十足，牛肉肥瘦均勻，但飯偏硬未煮熟的感覺，而且醬汁不足夠，整碗丼飯味道偏淡，對習慣味道偏重的我，它的感覺太健康了😆😆總括來說甜品比主食好味。…查看更多