eml的个人专页

我叫外賣叫咗個照燒元氣雞扒便當$72 ，白飯嘅份量就十分多，但係只有四小件雞塊！連照燒汁都冇，想送白飯都唔得！$72淨係食白飯都好貴！好嬲！以前叫呢間外賣都幾好，便當盒大格係放雞塊，中格放白飯，依家掉轉咗，中格放雞塊都放唔滿！真係少得可憐！真係好嬲以後唔會再食！…查看更多

琴日放咗工約咗人去睇戲，睇戲之前想去海港城附近醫肚，就搵咗間日本料理🍣入去食。可能時間都比較早啦，六點半左右，人唔算多，好快就有位啦！ 入到去覺得環境都唔錯，地方同啲位都幾闊落。我哋得兩個人又唔係好肚餓，所以都係叫咗幾樣野你食！以海港城黎講，價錢都算接受得到。我地叫咗個星級加州卷配蟹子沙律🥗、芝士玉子燒🥚、燒蠔🦪、厚燒牛舌串🍢同天丼🍤🍚。這個星級加州卷配蟹子沙律，中間有一小盤蟹子沙律🥗，青瓜絲加上滿滿嘅蟹子，食囉爽脆又清新。青瓜🥒卷裏面包住青瓜絲同埋蟹柳，上面有片片牛油果🥑同蟹子🦀包住，口感豐富！這個是芝士玉子燒🧀，原本以為係玉子包住左啲芝士，但原來係雞蛋卷🥚上面有一層輕輕燒過嘅芝士🧀，但係個雞蛋卷有好香嘅蛋味加上佢芝士嘅小小鹹香味，感覺好一流！呢個燒蠔🦪原來上面係加咗啲味增嘅，個蠔本身已經好鮮甜肥美㗎啦，加上味噌嘅之後令到個鮮味更加突出，真係做得幾唔錯！之後呢個厚燒牛舌串🍢呢，係我呢餐飯最鍾意食嘅嘢，超好味！如果唔係怕肥都叫多一串！牛舌轉厚薄均勻，每邊都燒到有少少焦香，食落去口感煙韌，好有咬口！最後帶叫咗個天丼🍚黎填飽個肚，天丼一啲都唔油膩，佢有兩隻蝦天婦羅🍤同好多蔬菜天婦羅。佢嘅蝦天婦羅做得唔錯，外邊酥脆裏面隻蝦又好彈牙，除咗蝦天婦羅🍤之外，我都幾鍾意佢個番薯天婦羅🍠，佢真係用咗日本番薯來做，好好味！😋…查看更多

上星期放咗工約咗人喺旺角睇戲，睇戲前打算醫咗肚先，點知行行吓發現左MOKO mall開咗間新餐廳，食燒和牛🐂，又見到佢門口有啲廣告牌話有折扣就想話揀呢間醫肚。可能因為6點鐘都算早，所以餐廳裏面嘅人唔算多，我同我朋友就被安排到吧枱上面坐。我同我朋友睇完個餐牌之後，心大心細咩都想試😍，所以我哋就點左佢哋嘅極上一頭純種和牛拼盤🐂🐂🐂，上面咩部位都有兩件，咁我同我朋友兩個就可以一齊分享，呢個拼盤都唔錯可以滿足晒我哋兩個咩都想試嘅要求。個拼盤價錢又好合理又加上做緊promotion，我哋仲加咗一個生菜醬料盤🥬可以試埋韓式嘅食法添呀！我哋怕自己真係食和牛同食菜唔夠飽，所以我哋都叫咗個佢哋推介嘅慢煮和牛爆丼伴溫泉玉子🍚，咁就有啲飯氣，唔怕唔夠飽啦！入咗單冇幾耐，好快就有得上菜，先嚟嘅就係慢煮和牛爆丼。個丼個賣相非常吸引，上面鋪左滿滿嘅慢煮和牛，加上上面嘅溫泉玉子，真係令我忍唔住馬上界開隻溫泉玉子，等啲蛋汁慢慢心滲落去啲和牛度，加埋下面啲白飯同佢哋啲秘製醬汁一齊食，感覺超正、超美味，啲和牛又嫩又滑，又有濃濃嘅牛肉味，超級好味！之後當然係我哋非常期待嘅極上一頭純種和牛拼盤🐂，個拼盤一放喺我眼前，我就好開心好興奮喇。個拼盤放得好整齊、好靚，每一種部位都會細心咁label佢，啲牛肉又超新鮮。個拼盤基本上係餐牌大部份嘅牛肉部位都可以喺上面搵到。所以先來點呢個拼盤之後，如果有咩部位好鍾意又想再食，可以再單點。成個拼盤上面我最鍾意嘅有三個部位一個就係和牛腰脊肉、和牛三角位🥩同埋和牛牛舌。我覺得個和牛腰脊肉，有濃濃嘅牛肉味，又帶少少油花，感覺好balance，食落又唔會覺得好肥膩。跟住呢就係和牛三角位🥩，佢係俾個和牛腰脊肉呢有，油份重啲，入口又軟又滑，入口即化，係一個完全唔同嘅感覺，咁當然啦，油花重少少就肉味就冇咁濃烈囉！最後當然係佢哋嘅主打嘅和牛牛舌，呢件真係入口即化，超重油花，非常正又好肥美。我哋仲點咗一個生菜醬料盤，加埋啲和牛一齊食，好有呢個韓燒嘅感覺，又可以食啲菜，去一去啲油膩感都唔錯！😋😋😋…查看更多

星期六去IFC整啲嘢之後打算約阿媽去食lunch，點知佢老人家唔想出街，但佢又話想食壽司🍣，所以諗住買啲外賣返去孝敬佢。之前聽人話中環開咗間專食Maki嘅小店所以個就去搵搵。間小店喺利源西街，都幾容易搵到。餐廳主打日式卷物Maki，即叫即整，非常新鮮，佢哋嘅卷物分咗三大類，有大卷物（四件)、細卷物(八件)同埋自創卷物，我妹見到話都幾正，佢自己都話食埋一份，去到我都唔知揀咩，好花多眼亂，個職員好好，佢推介左四款，分別係兩份大卷物Spice me up同Sea monster，同兩份細卷物Black Magma Roll 同Philadelphia Roll，四份都係一樣價錢$72一份，價錢唔算太貴，所以我就買咗四份外賣返屋企。職員即叫即整，好就ready，佢哋個包裝仲非常靚。🤩返到屋企我媽梗係勁開心啦！以前係溫哥華我哋都成日食呢啲Maki，但係香港真係好少見到好似呢間鋪咁，咁多款可以揀，本來我大老細阿爸喺度服侍佢嘅二奶(洗緊車)，打俾佢都唔聽電話，之後我就喺我哋個群組度send咗啲Maki相俾佢睇，唔夠5分鐘佢老人家都沖埋嚟食，可想而知賣相相當吸引！除咗術個樣吸引之外，食落都真係好正！我個人呢，就比較鍾意細卷物多啲嘅，四分裏面我最鍾意嗰份呢就係Black Magma Roll，Maki 上面D scallops 好新鮮同都幾多，同入邊嘅吞拿魚同埋天婦羅脆脆好夾，我最鍾意就係呢款。而我嘅第二至愛就係大大件嘅大卷物嘅Spice me up，個大卷真係好多料呀，佢嘅主要材料呢，有帆立貝🐚同埋鰻魚🐟，帆立貝嘅鮮味加上鰻魚嘅惹味，真係不得了！而Philadelphia roll就非常特別，芝士🧀迷呢就一定唔可以錯過，雖然佢有芝士喺裏面，但我一啲都唔覺得好heavy，佢反而同三文魚🐟加上牛油果非常之夾！而我個妹就鍾意Sea Monster，因為佢鍾意食蝦，呢個卷呢就滿足到佢，入面有蟹肉🦀、炸蝦天婦羅🍤同青瓜等等，上面鋪左好多櫻花蝦🦐，感覺好特別，我個妹話佢超鍾意上面嗰啲櫻花蝦，好好味喎！我都幾鍾意呢間手卷小店，我會再黎試吓佢其他款式，可能試吓下次自己自創卷物。🦖…查看更多

上星期三偷懶請咗一日假約亞妹去食lunch，我哋去咗屋企附近嗰條高街，嗰度開咗好多西餐廳，所以我哋就嗰度搵食。以前喺溫哥華我同我妹都好鍾意食Fish and Chips，平日都會去漁人碼頭食，但返嚟香港之後呢好難搵到好正嘅Fish and Chips。可能因為比較晏，成兩點鐘，所以餐廳唔算多人。入到去見到佢哋有D set lunch都幾抵，份set lunch有沙律、有主菜、仲有嘢飲，我哋就叫咗一份炸魚薯條🍟同一份烤雞🍗。餐飲我哋叫咗杯果汁🍹，開頭仲以為係D普通嘢，原來係鮮榨蘋果汁同橙汁，唔太甜幾唔錯！之後上咗個沙律🥗，沙律上面有啲炸嘅小食，沙律應該配咗D簡單嘅紅酒醋橄欖油嘅醬汁，食落都幾清新幾開胃。等咗一陣，主菜終於黎喇！我嗰份呢就係炸魚薯條，個炸魚超熱，個皮炸得超脆，我諗係即叫即炸嘅，而件炸鱸魚一好滑好鮮，好正，成件事好配合，薯條都係新鮮炸起嘅金黃色，好靚仔，一啲都冇令我失望！我妹嗰份呢就係烤雞🐔配薯蓉，件烤雞應該都係啱啱出爐，非常之熱，外皮好脆加埋啲香草味，超級香，薯蓉有好滑我覺得兩者都非常唔錯！我覺得個set lunch個性價比都非常之唔錯，我諗晚餐會再嚟食過，我諗一直都唔會令我失望！❤️…查看更多

我平時比較少去上環行，但我之前聽我妹妹個朋友好鐘意食呢間法國餅店D Tarts。我又咁啱去完永安shopping 行過去好近，餅店就喺西港城對面，一望就見到佢鮮色嘅招牌。入到去，店面不算太大但佢橙色嘅logo 同布置令人有一種開心着躣嘅感覺。店員係外國人，我咕佢就係法國人老闆。佢好nice咁同我介紹D Tarts嘅不同口味。花多眼亂，我揀咗五件，香橙伯爵茶撻🍊、法式咖啡忌廉撻☕️、士多啤梨忌廉撻🍓、曼越莓朱古力撻🍫同檸檬榛子朱古力撻🍋。我最喜歡就係香橙伯爵茶撻🍊，脆脆餅上有伯爵茶慕絲配上橙啫呢同一片新鮮橙片，我覺得伯爵茶同橙香味平衡得剛好，有一種好清新的感覺。士多啤梨忌廉撻🍓嘅外表不特出但味道好有驚喜，杏仁脆脆餅底上嘅雲呢拿慕絲有濃滑的雲呢拿籽香味，配上青檸皮嘅清香同士多啤梨果凍嘅酸酸甜甜，好fruity！檸檬榛子朱古力撻🍋同其他四件好唔一樣，好Stand out。因為一食落去酸酸嘅檸檬🍋味好開胃，完全可以清走晚飯嘅飽膩感。加上上面榛子朱古力，酸酸甜甜好balance，好清新開胃。法式咖啡忌廉撻☕️係完全冇得輸，一定唔會錯。因為呢件就好似焦糖布丁🍮咁，係唔會好甜加上香濃嘅咖啡味，好配合。曼越莓朱古力撻🍫比其他有層次，朱古力脆餅上有濃郁既朱古力ganache加上用香料調配過嘅曼越汁，香濃又唔會覺得好膩。Overall，我覺得呢間餅店好有heart又好有新意，唔會好似一般法式甜點咁甜，佢哋嘅甜度好適合香港人口味，而且佢哋每個月都會有唔同嘅撻，配合不同嘅時令水果同食材而定，真係有心思！❤️我仲聽講話佢哋仲有迷你撻好買返公司請人食。…查看更多

我約咗個朋友仔食下飯傾下計，兩個女仔最好就食刺身加舊飯🍣，即係日本菜🥢。我哋約咗旺角朗豪坊，行行下發現有間看似新嘅日本菜，二話不說就入去醫肚，可能六點幾仲算早，人唔太多，唔駛等位。入到去覺得餐廳樓底高環境好開揚，以木色為主色調，感覺很舒服。餐牌裡面有好多新潮的Fusion 食物，好似壽司漢堡，刺身沙律，都好吸引，我哋叫咗個海鮮刺身沙律做前菜。個沙律🥗入面都有好多刺身三文魚、鮪魚、甜蝦🦐、帆立貝等等，用料豐富，食落好清新開胃。食日本料理一定要食壽司，而我好鐘意食鮪魚，所以我揀咗個鮪魚盛盒，即係吞拿魚全部都係吞拿魚！D吞拿魚全部都很新鮮，我覺得佢嘅赤身🍣都唔錯，但我最鐘意都係個鮪魚腩蓉軍，紫菜好脆，鮪魚腩蓉好鮮味！我剛放工，淨係食幾件鮪魚壽司更係唔夠飽，所以我叫咗個好靚嘅卷物一丸十彩虹卷🌈。卷物上有色彩鮮明嘅刺身，刺身上有牛油果🥑，令視覺同味覺都有清新嘅感覺。佢上面仲加咗金薄同小花瓣點點綴一下，令成件事好靚。我哋仲食咗個🐔雞之饗宴，可品嚐佢全個雞串燒系列，佢哋選用日本南部雞雞，比健康同味美。我覺得overall D串燒都唔錯，最好食係雞胸軟骨串。仲有佢哋杯茶🍵都幾好飲。…查看更多

近排成日加班，放工都好夜，所以可以約朋友夜D，我同朋友仔都好鐘意食火鍋，可以邊食邊傾計，又唔怕D嘢凍晒，我朋友住荃灣，佢話呢間火鍋幾抵食性價比高，每人都係$158任食又可以坐耐D有兩小時，幾好！😋叫得做馬辣台式鴛鴦火鍋，就好似個名咁係食鴛鴦火鍋，鴛鴦湯底唔需要加錢💰，又有台式麻辣鍋🌶揀仲三種辣度揀添。我哋揀咗台式麻辣鍋嘅小辣同芫茜皮蛋鍋。揀完湯底可以去醬料區混醬。個麻辣鍋唔算辣都幾惹味，芫茜皮蛋湯底都幾足料又好多皮蛋🥚。D肉類有牛肉🐮、豬肉🐷和羊肉，海鮮類有海蝦🦐，鯇魚片🐟和鯇魚腩，同樣任點任食，我同我朋友就每樣肉類先叫一份。但海鮮類我同我朋友一向麻麻地海鮮所以冇叫。牛肉每份不太多，任叫時好容易預份量。我比較鐘意食無骨小牛排，覺得肉質唔錯，肥瘦均勻。除左D肉類需要落單之外，其實仲有好多火鍋配料好似肉丸、腸仔、菇類、菜等等，諗到嘅大部分都會有。仲有即包雲吞🥟，我覺得幾好味！呢度仲有好多飲品可以揀🍺🥤，食飽飽仲有生果同雪糕🍦做甜品🍮。…查看更多

之前發現咗呢間由北京黎專門吃北京烤鴨的餐廳🥢，所以呢就打算媽咪生日的時候黎食，因為媽咪超級鐘意食吃北京烤鴨。唔黎都唔知道郵輪碼頭LCX下面已經裝修得咁靚，餐廳仲有海景睇，環境都好靚好舒服。餐廳係專門食京菜，主打係北京烤鴨當然要叫北京烤鴨食啦。我們仲點了好多前菜，我媽咪唔太食得辣，所以我哋都冇點太多辣嘅菜。我覺得佢哋D前菜選擇都幾多，我哋叫咗麻辣海蜇頭同動感豆腐，雖然望落細細碟但份量都唔少，麻辣海蜇頭🌶好夾好入味又唔會太辣又惹味，動感豆腐係炸豆腐加上入味嘅醬汁，好好味！清酒鹽水鵝肝🍶鵝肝好軟滑，入口即化，加上絲絲嘅清酒香味。黃扒魚肚係佢哋介紹比我媽咪嘅，話有花膠啱佢食，黃金色係香滑嘅南瓜濃湯加上大大件嘅原隻花膠，真材實料，我媽咪好鍾意。張氏獅子頭真係必食之一，真心一人一份都唔夠，好濃味又唔會好肥，又好貼心配上一個同個一樣迷你size唔白飯。青梅一字骨我都好鐘意食，脆脆哋又好入味又唔會好多肥肉，我自己都差唔多食咗半碟。🙈必點之一！特式宮爆雞丁🌶聽落好似會好辣咁，但係唔會辣反而甜甜哋好啱送飯。叫D菜係一定㗎喇，梅菜乾煸玉豆好好味比較少見到梅菜配乾煸四季豆。主角終於上場啦！馳名北京烤鴨🦆！連個轉盤上，好吸引🤤！𨍭盤上有晒傳統同新潮嘅配料，服務員好細心咁講解點樣去搭配配料同唔同部位嘅鴨件。我覺得個藍莓醬加爆炸糖配鴨胸皮好特別，但係我都係最鐘意傳統食法！…查看更多

琴晚同同事掃街，佢介紹我食呢個章魚小丸子🐙，我之前都聽朋友講到好正好好味，但係唔知琴晚係唔係夜咗D，D小丸子又唔熱，入面又冇乜料，有一粒連章丸都冇，我問我同事，佢話佢嗰份都係一樣，真係有D失望，好彩$24一份都唔算太貴，不過我令願食日本超市嗰D！😔…查看更多

今日難得我同兩個朋友約到一齊敍下，可以ladies night傾下食下飯，個個都話想食中菜，之前聽人話呢間唔錯又中環咁多便就book咗呢間食飯。六點幾去到人未算好多，但坐低咗一陣就開始坐滿人喇。餐廳個環境好特，坐落幾舒服，好啱幾個人邊食邊傾計。呢間餐廳幾好晚飯都可以叫點心，D選擇都幾多。D食物精緻得黎都幾好味。前菜揀咗個海葡萄沙律菜🥗，之前喺冲繩食過但喺香港就比較少見，就算有都通常都會喺日本餐廳，喺呢度有真係好特別，食落幾清新同好開胃，又冇平時食開嗰D海葡萄咁咸。我哋幾個都好鐘意飲湯，所以叫咗個天山雪蓮燉海星，我未試過燉海星⭐️，個燉湯好清甜，我鐘意佢用茶壼上個湯，keep住熱。D點心都唔錯，個鮮蝦金魚餃好得意，真係成隻金魚仔咁，又可愛又好味。海綿叉燒包食落又同其他叉燒包唔同，個皮好軟綿綿好似海綿蛋糕🍰咁。之後有川辣小炒王🌶，唔算好辣但好惹味，我好鐘意蓮藕，好入味好啱送飯。我其中一個朋友好鐘意食叉燒🐷，食親飯都要點叉燒，係名乎其實唔叉燒控，呢個叉燒都幾唔錯，肥瘦均勻，唔錯！😋有人話要有飯氣到肚，所以點咗個和風櫻花蝦炒飯，個飯黎個時我哋都嘩嘩聲，有好多炸櫻花蝦喺個飯上面，好足料，又炒得幾靚仔，好乾身又唔油。一定要食D菜嘅，濃湯咸燒骨奶白菜又有湯飲又有菜食，D菜吸收晒燒骨濃湯D精華，好好味。雖然食到好飽，但係甜品係一定要食嘅，叫咗佢哋好出名嘅詐糊🀄，其實就係麻雀造型嘅椰汁糕，好清甜，造型好特別加上有米紙做嘅銀紙，真係可以食錢💵！如果人多仲可以食舖十三么添！😋😋😋…查看更多

元朗真係越黎越多好嘢食，日本餐廳都開咗唔少，我個朋友發現呢間壽司🍣小店，所以我同佢就約食午餐同品嚐新鮮嘅Omakase。呢間小店唔太難搵，西鐵站出黎行十多分鐘就到，問口簡約和風加上店名非常清楚。我哋十二點幾去到人唔算太多，我哋就安排坐喺對住壽司師傅嘅bar枱，我感得食omakase要睇住師傅👨🏻‍🍳整先正同特別有feel嘅！😋先黎一杯熱茶🍵同頭盤，有醬油漬安康魚肝同茶碗蒸蛋。我感得魚肝質感軟滑好似鵝肝慢慢係口裏面融化，但又一D腥臭味都冇。而茶碗蒸都係滑到好以水咁，裏面有蝦同𩶘魚魚春，好特別又有鮮味。之後見師父開始發功，先黎兩件玉子蛋，跟住我嘅十件壽司就開始上場，先黎係䲞魚同帆立貝，帆立貝🐚多大隻，師傅加咗口綠茶粉喺上面，食特別清新。鰤魚好鮮味，師傅嘅調味剛好。而白飯魚軍艦對我黎講係幾新鮮，因為我未食過生嘅白飯魚，滑滑地幾得意又好有鮮甜味，好鐘意有絲絲嘅柚子味，好清新。赤身🍣就唔駛點介紹啦，師傅加咗D醬油同芝麻已經好正好perfect 啦！我喺唔鍾意食蝦同極之怕蟹膏嘅人但都覺得呢個combination 唔錯，甜蝦🦐鮮甜加上蟹膏🦀甘香清甜，一D都唔腥呀，正！我感十件壽司🍣最特別就係呢件魷魚🦑，師傅花咗好長時間調味同幫佢扮靚，裏面有䔝穌葉上面有綠茶粉同柚子粒粒，味道好味又特別。三文魚子軍艦D三文魚子好多又好新鮮，咬落好脆、一粒粒喺口入面爆開，好鮮甜。師傅用醬油漬過又唔太咸。👍🏻之後當然到重頭戲海膽出場啦，呢個造型嘅海膽壽司我第一次見，有勁多海膽，食落有幸福嘅感覺😍！😋當然唔少得靚仔嘅拖羅啦，師傅已經加咗醬油，一口食落去，好正好好味，勁滿足！🤩😌最後仲有熱辣辣嘅味噌湯同抺茶蕨餅！🍵…查看更多

星期日陪家人去完工展會shopping，天氣又凍凍地，打邊盧就最啱啦！呢間火煱店喺銅鑼灣鵝頸橋隔離，好方便又易搵。餐廳環境唔錯，四人卡位都幾闊幾舒服。😎海鮮火鍋套餐睇落好似好吸引，所以就揀咗呢個同叫咗個花膠螺頭🐚雞鍋鍋底。個鍋底黎先飲下個湯先，個湯好濃味同好足料有好多花膠同嚮螺頭。我哋四個人所以叫咗一份安格斯肥牛片同一份黑豚肉片。兩份肉D份量都幾好。我一向比較鐘意食肥牛，佢呢個肥牛片唔錯，油花分佈均匀，鮮味同又唔會個肥。黑豚肉片我都覺得幾好。🐷個海鮮火鍋餐都有唔好多嘢食，有一個手工拼盆，裏面有手工墨魚丸、手工豬肉丸、手工芝士牛肉丸、雲吞、水餃🥟、釀豆卜、釀冬菇、響鈴、炸魚皮、等等。當中我覺得佢D手工丸幾好食，由其係墨魚丸同豬肉丸，兩隻都好彈牙！😋跟住個主角上場啦，個海鮮拼盆勁大份，好威呀！🤩裏面好豐富，有青口、鮑魚、珍珠蚌、象拔蚌、蠔、扇貝同蝦🦐！我覺得全部都好新鮮，D鮑魚好大隻同好彈牙，我最like係珍珠蚌同扇貝🐚。兩隻都好巨型仲勁鮮甜！😋真係講唔出邊種最好食，因為全部都好正！🤗其實凈係食呢D已經好飽啦，佢哋仲有好多嘢同飲品可以無限追加，但係我哋已經超級飽，所以淨係叫咗D菜🥦。個套餐仲有個甜品🍩但係我哋冇叫因為食唔落啦！😅…查看更多

呢間餐廳係喺天文台圍，好近諾士佛臺，地點都幾方便，不過開頭都用咗少少時間搵。去到天文台圍見到餐廳門口好搶眼。餐廳環境幾好幾特別，好有喺日本食浜燒嘅感覺。我哋點叫完嘢食，店員好貼心比咗個蔬菜前菜比我哋食，雖然個醬有DD咸但係都幾得意幾好味。黎到食浜燒當然要食燒海鮮啦！我地叫咗兩隻北海道帆立貝同一隻人氣之選人氣蟹味噌甲羅燒。個甲羅燒真心係必食，我本身唔太好蟹膏，但係都覺得幾好味、好足料，有好多蟹膏、蟹子、蟹肉肉加隻鵪鶉蛋，真係好鮮味！我個朋友就本身好鐘意食蟹膏所以理所當然覺得好好味超鐘意個甲羅燒啦！而個燒帆立貝同樣好正！好大隻同好新鮮，燒得啱啱好，好鮮甜！店員同我哋講話依家雞串燒有買一送一優惠，所以我哋叫咗四串送咗四串，超抵食！我哋叫咗兩串雞翅串、兩串手打雞絞肉棒、兩串雞皮串同兩串雞腎串。我覺得雞翅串最好味而手打雞絞肉棒最特別，因為會配生雞蛋醬油一齊食。而雞皮串就最邪惡但真係燒得好香好脆，所以我都豁咗出去啦！雖然話黎食浜燒，但係我哋都忍唔住叫咗份魚生食。份魚生好新鮮同我最鐘意隻生蠔，好鮮甜好有蠔嘅鮮味。店員同我哋講依家有個期間限定，每人食滿三百蚊就可以玩一手赤蝦🦐，我同我朋友一行兩個人食咗六百幾蚊所以有得叫。我隻手唔係好大但都好好，一手𢲡到七隻大大隻嘅赤蝦，四隻燒三隻做刺身。兩種食法都好好味，D蝦好鮮甜！嘩！真係好抵呀，平時叫一個order四隻赤蝦都要＄78，依家有七隻免費，真開心！…查看更多

之前我見到呢間烤雞好多人話正所以約埋我個妹妹一齊黎食。其實呢間烤雞都有好多分店，不過我妹妹話佢今日返尖沙咀所以就黎尖沙咀呢間。我哋七點幾入到去都坐得幾滿，不過好彩都唔駛等位！😌坐低見到有新嘢好似好正咁所以叫咗個鐵板軟芝士蜜糖咖哩烤雞試下。😋其實叫set都係加多＄30蚊就可以加埋個果味韓式米酒都幾抵，但係可惜我哋都唔想飲酒。冇嘅！🙃唔飲酒都有好多選擇🍹，我哋叫咗個佢哋嘅招牌推公介鯊魚之淚，呢杯仲有有酒精同無酒精選擇添，個樣好得意有條鯊魚喺杯裏面。飲落酸酸甜甜好清新，都幾好飲，其實我見到好多人都叫咗呢杯飲。我哋叫咗個招牌推介韓式雞蛋卷，如果鐘意食韓式紫菜包飯就一定會鐘意呢個韓式雞蛋卷。食件雞蛋卷嗰時加埋佢比嗰隻辣辣哋嘅醬仲正呀！個鐵板軟芝士蜜糖咖哩烤雞黎嗰時勁香同埋都好多件雞，無骨食落好方便，蜜糖咖哩味加埋D芝士好夾，咖哩唔辣又惹味，好味！🐔🍗我仲見到話網上外賣平台有佢哋，可以同同事講下次喺公司可以叫烤雞食，唔駛成日叫🍕咁悶！🍗😋😋…查看更多