lcs_ho的个人专页

上網見到呢間咁靚嘅餐廳已經bookmarked左好耐🥰今次終於有機會試到除左環境優雅侍應們都好nice之外每樣食物都好好食😍🍽️$828 5 Course Dinner Set Menu🍽️Amuse Bouche🍽️+$148 Blue Lobster Carpaccio以新鮮既藍龍蝦薄片為主要食材搭配埋精緻既配料同調味藍龍蝦肉質鮮嫩味道十分鮮美並通過切成薄片既方式展現這道菜以精湛的刀工同美學呈現品味得到藍龍蝦的既獨特風味🍽️Classic Onion Soup, Gruyere Toast這道經典洋蔥湯搭配埋香濃既芝士吐司好好食洋蔥湯以濃郁既湯底同軟嫩既洋蔥為特色帶黎溫暖既口感同濃郁既味道吐司表面金黃酥脆搭配埋洋蔥湯一齊享用有一份令人滿足既開胃體驗🍽️+$78 Risotto, Duck Leg Confit燉飯以精緻既米飯經過悶煮而成飯粒味道濃郁豐富而鴨腿既鮮嫩肉質配上香濃既醬汁為燉飯增添了豐富既口味層次絕對係一種舌尖享受🍽️+$98 Spanish Pork Terrine, Quince, Balsamic西班牙豬肉經過慢燉既方式烹製而成肉質鮮嫩多汁再搭配上甜美既醬汁為菜餚帶黎左豐富既口味層次這道菜結合左豬肉的鮮美同香醋既酸味一入口就有一份獨特而美味既享受🍽️Cheese Platter這道乳酪拼盤包含左多種不同類型既乳酪每一種乳酪都有其獨特既口感同風味搭配埋堅果一齊食就更增添口感既層次同豐富度一次過品味到不同類型乳既風味差異好正🍽️Petit Four呢個小型既甜點拼盤包含左多種精緻既小甜點小蛋糕,馬卡龍同朱古力都好好食🍽️Hot Lemon Water呢杯熱檸檬水有明亮既檸檬香氣同時唔會太酸口感剛剛好…查看更多

今日收工想同朋友搵個地方吹下水食下野，就去咗呢間同事推薦嘅餐廳，話佢啲豚肉串燒好出色，啱曬鍾意食日式串燒嘅我地啊～餐廳環境好有日式居酒屋feel，可以望到師傅即燒即出野食，全部熱辣辣上枱，除咗主打嘅豚肉串燒，仲有各款小食、刺身同日式料理，選擇非常多，食物質素同味道都有水準，推薦～💎 $32 蒜子蕃茄沙律剝好皮嘅蕃茄，配埋蒜蓉同醬汁，酸酸甜甜好清新，蕃茄冰涼多汁，啱曬夏天食~💎 $38 芥辣八爪魚八爪魚好滑嫩彈牙，辣度啱啱好，唔會好嗆鼻，兩款前菜都好開胃！💎 $168 刺身盛 (三文魚, 赤蝦, 帶子)三文魚係厚切，鮮嫩肥美；最鍾意係帶子，好鮮甜彈牙；赤蝦好飽滿、啖啖肉，成個組合好正好滿足！💎 $188 槍魷魚魷魚無落過多調味，反而食到食材本身嘅鮮味，原條燒得好嫩好彈牙，灑咗啲櫻花蝦同蔥花喺面，令味道同口感都更有層次！💎 $38 西班牙黑豚豬頸肉必試呢款串燒，比一般豬頸肉更彈嫩，燒到啲肉汁出曬嚟，配埋黑椒調味，肉味更濃郁~💎 $32 豬心串第一次食豬心，口感係嫩得嚟有少少咬口，味道香濃，完全無腥味，用嚟配酒飲非常夾~💎 $36 豚肉鵪鶉蛋串呢款串燒好特別，用豚肉捲住鵪鶉蛋，連埋面頭啲櫻花蝦一齊食，口感好豐富，豚肉有微微焦香，配埋鮮嫩嘅鵪鶉蛋，味道又估唔到地幾夾~💎 $38 雞翼串燒到外皮金黃香脆，裏面又不失肉汁，完全做到外脆內嫩，好香口~💎 $36 厚揚炸豆腐外脆內軟，豆味香濃，配埋面頭嘅木魚花，味道香濃有層次~💎 $28 烏龍茶茶味香濃，啱曬食肉串燒解膩💎 $46 乳酸味汽酒叫咗巨峰味，味道香甜又清新，好啱女仔飲~…查看更多

Happy Hour最鍾意都係食日本嘢🤣同朋友一路慢慢食一路傾計，啱晒聚舊傾心事。今次同朋友聚佢就推薦食呢間，喺銅鑼灣時代廣場附近，放工去食好方便🥰⭐️芥辣八爪魚一食落口微微芥辣同鹹香味，八爪魚爽口有彈性，做餐前小食一流！⭐️泡菜平時好驚啲泡菜好酸好辣，但呢個泡菜食落好爽口，微酸甜好開胃！⭐️螢光魷魚超新鮮嘅魷魚！一食落去啲汁咇晒出嚟，爽脆得嚟好鮮甜好滿足😍⭐️清酒煮蜆賣相好有特色，用咗透明袋裝住，仲用咗蝴蝶結做裝飾🎀食落酒味唔會超重，唔會蓋過咗蜆嘅鮮味，兩個人食啱啱好！⭐️蠔(4粒)佢呢個蠔嘅煮法唔係好似平時嘅炸蠔咁全個蠔都充滿炸粉，而係微微煎熟令佢保留住生蠔嘅口感！4粒蠔都大大隻好肥美，香酥而不油膩。⭐️一夜干雞扒朋友好推介嘅一道菜！一開頭聽到個名感覺雞肉會有啲乾，點知完全相反！雞皮燒到啱啱好，呈金光色唔會太油，而雞肉係嫩口有肉汁，忍唔住食咗好多舊🤣⭐️伊比利亞豬本身無聽講過伊比利亞豬，但原來係西班牙黑毛豬另一個稱呼！相比係普通豬肉，佢油潤甘香，肉質細膩，肉味都比較濃，入口即化，值得一試😋⭐️白鱔比平時嘅鱔無咁多骨，微微焦香味加上檸檬汁，更提升到鱔嘅鮮味😋⭐️牛肉御好燒相比大阪燒，御好燒食落更有層次感，加入牛肉、蔬菜等配料，再淋上醬汁、蛋黃醬、海苔，味道豐富，唔會過鹹！⭐️A5和牛脂炒飯好令人驚喜嘅一道菜！睇住廚師煮嘅時候已經聞到好香嘅和牛同雞蛋味😍食落好有鑊氣好香口，份量超多，一方面覺得好好食係咁食，但一方面又超飽🤣⭐️柚子梳打聽講係餐廳新出嘅飲品，連menu都未有，係侍應介紹嘅時候先知，所以就打算叫嚟試下🤣個樽好有日本嘅舊時代氣息，印上富士山圖案，都幾值得打卡！而飲落柚子味都重，適合配海鮮飲。⭐️桃味梳打朋友就嗌咗桃味梳打，同樣地個樽都好有特色，粉粉地好靚，飲落唔會太甜，好refreshing!…查看更多

一直都想試Omakase，但又覺得太貴今日終於搵到間非常抵食既叫左個由廚師發板既九件壽司午市套餐😊😊🍴炸芋片頭法律+角切魚生上壽司前先有這兩款前菜沙律加上麻醬非常開胃魚生亦十分新鮮🍴北海道帆立貝壽司帆立貝非常鮮甜而且肉身厚實好有口感😎😎🍴間八魚壽司好少地方可以食到間八魚估唔到係度可以食到🤤🤤魚味很濃郁香醇而且魚肉煙韌🍴竹籤魚壽司表皮稍微燒過外皮香脆再加上少許柚子令魚的味道更有層次🥰🍴池魚壽司魚的油脂味十足肉質嫩清爽口魚香味久久留在口中齒頰留香😌😌🍴蟹膏壽司非常有驚喜的一款壽司蟹肉加上蛋黃醋蟹肉既鮮甜加上蛋黃的香味味道一流😍😍🍴白海膽壽司海膽份量十足味道濃郁之餘仲帶點淡淡的甜味再加上紫菜同飯簡直絕配，令人想一食再食👍🏻👍🏻🍴胡麻鯖魚壽司用發酵過的米糠所醃製味道甘香第一次嘗試，味道非常特別😚😚🍴拖羅壽司口感順滑，入口即溶油脂十足，又唔會太膩食完好滿足😌🍴燒鰆魚壽司魚片經炙燒後，有淡淡的炭燒味再加上炸過的蔥和蒜令味道更有層次感🥰🥰🍴手捲+玉子食完9件壽司後仲有拖羅手捲同玉子手捲加左紫蘇葉，味道非常清新而玉子有淡淡既蛋香味🍴海鮮蜆湯每一口都有昆布和味噌的味道而且湯中的蟹肉絲及蜆肉令湯格外鮮甜🍴蟹肉茶碗蒸蟹肉芡汁令燉蛋更為鮮甜而且仲加了瘦肉、蝦仁、冬菇材料十分豐富🍴紫薯蛋糕紫薯味道非常濃郁而且不會太甜淡淡的清甜紫薯味久久留在口中為午餐畫上一個完美既句號🤤🤤…查看更多

之前已經聽過個鍾意食生蠔嘅朋友推介呢間餐廳，收工咁啱喺呢頭搵野食，見裝修幾有情調，同埋坐咗唔少外國人，就決定一試，結果充滿驚喜🤩一嚟個香草餐包已經非常唔錯，一D都唔hea，仲暖暖地，香草味濃，食落個口感好鬆軟，望落有D似糕點，配埋黑醋同橄欖油已經好好食😋🍴$118 Tomo X2 D蠔全部都大隻飽滿，幾高質素，來自日本嘅Tomo，海水味唔算重，味道濃淡適中，食落幾清甜幾fresh🙌🏻🍴$110 Rollex X23款蠔之中我最鍾意來自南非嘅Rollex，金屬味明顯比Tomo重，感覺好新鮮，而且食落好鮮甜creamy🫶🏻🍴$118 Krystale X2 呢款蠔嚟自法國，味道最濃，海水味比較重，但又不失鮮甜味，口感比較爽脆，下次嚟一定要試多幾款蠔！🍴$198 Uni Prawn X2呢個刺身擺盤好精緻吸引，金黃色嘅海膽配埋爽嫩嘅阿根廷紅同少少三文魚籽，一啖帶來3種享受，非常鮮甜，超級滿足！！🍴$149 King Crab Meat呢個蟹肉牛油果塔好好味，最頂係黑魚子，中間係啖啖蟹肉，鮮味十足，最底鋪咗牛油果，配埋個自製醬汁，好清新開胃，好鍾意🍴$219 Squid Risotto本身好鍾意食risotto同魷魚，呢道菜完全為我而設🥰，魷魚筒好鮮嫩彈牙，裏面釀滿香濃嘅Risotto，好味又足料🍴$249 US Pork Chop呢個豬鞍燒到好香，仲有好靚嘅網紋，切開肉質好粉嫩，食落好Juicy，值得一提係伴碟嘅薯蓉，超級出色，佢唔完全係蓉，有少少薯粒，口感一流，我本身麻麻地薯蓉都食唔停口😝🍴$99 Dessert Special果晚嘅甜品係雜莓crumble，酸酸甜甜，完全唔膩，好軟滑嘅雪糕，配埋酥脆嘅crumble，口感好豐富☺️…查看更多

蟹肉三文魚籽沙律配牛蒡漬微酸嘅醬汁，令沙律整體來講非常開胃，而且分量充足，三文魚亦都扑扑脆，最特別嘅係用牛蒡做沙律，感覺非常新鮮！時令刺身4點食刺身梗係由淺入深，由爽食到肥美啦，先食帆立貝，爽滑得來有帶子微鹹鮮嘅味道，然後到赤蝦，都算大隻，蝦肉結實而且爽口，再嚟深海池魚，魚身厚實，而且略帶咬勁感覺，最後當然係拖羅啦，肥美而且入口即溶，係無法抗拒嘅香滑油脂感覺。黑魚子海膽蟹肉蒸蛋上枱嗰一刻，就已經感覺非常高尚嘅蒸蛋，好想像到黑魚子同海膽足夠分配比整個蒸蛋，可以話每一啖都有黑魚子同海膽點綴整個品嚐蒸蛋嘅過程。蒸鱈場蟹有靚嘅蟹當然用用清蒸既方法保持蟹的鮮味，再配合酸醋汁，提升蟹鮮味，保持左蟹既原汁原味。喜之次喜之次係非常出名嘅魚，油脂豐富，而且廚師能夠將魚皮燒到脆脆，令我本身唔鍾意食滑捋捋魚皮嘅人，都食唔停。浜燒鱈場蟹腳一梳一梳嘅蟹肉，入口已經有滿足感，火候調教非常適中，唔會乾身，仍然Juicy！甲羅燒配多士即係鹹鮮多士，惹味非常，如果可以再多啲份量，食多啲都仲可以。不過廚師解釋，佢唔能夠一嚟就上枱，會令你飽腹感大增，而減少食其他嘢嘅機會。A5和牛烏冬A5和牛入口即溶，內心莫名嘅空虛感，瞬間被填滿。湯品少少地清一清喉嚨，添上好圓滿既飽足感。甜品個人唔係太識評價蕨餅，因為非常少食，不過廚師好有心機咁令到伴碟好靚呀，蕨餅味道討好，原本會以為抹茶味係一定會贏，但估唔到黑糖做得較為出色。總括嚟講兩舊都好食嘅。…查看更多

ROJO Salad紅菜頭沙律，非常清爽，仲有羽衣甘藍，成個沙律嘅味好平衡，而且黑醋仲好香添！French Fries新鮮炸嘅薯條果然係唔同！中間嘅薯仔蓉都好豐富，配埋個松露沙律醬，冇得輸！Sautéed Mushroom滿滿嘅雜菇，加埋拉絲芝士，仲特別用黑醋黎調味，打開左一個新嘅味蕾。炸菠菜芝士可樂餅外脆內軟，芝士菠菜軟心仲非常Creamy，仲有非常濃烈嘅菠菜香味添！西班牙乳豬賣相相當吸引，皮脆肉嫩，而且調味獨特，齒頰留香，估唔到食豬肉都有Aftertaste。…查看更多

間唔中都要食餐好！同事介紹，便與男朋友過來一試。職員超有禮貌，服務亦非常貼心，主動告知袋可放店內的儲物櫃，又詢問是否需要掛起外套以免吸味。亦介紹桌上調味料，分別點燒肉、海鮮和内臟。用QR code點餐，上餐速度快。前菜我們點了蕃茄蒜子沙律，男朋友表示真的很有蒜味，而蕃茄鮮甜。還有涼拌漬物，一共有三款，菠菜、白蘿蔔和芽菜，我們最喜歡吃蘿蔔，少少酸，夠開胃！汁煮牛肋條，小小鍋子上菜，煮得夠淋但不會過火，汁味濃郁。日本雞頸和雞軟骨。驚喜在於雞頸，坦白講平時一定不會吃，見它來自日本先一試，吃下去啖啖肉，不會只有一層皮。甲羅燒，以前旅行在日本試過，想不到這個口感比那時的豐富，夠鮮甜，蟹味亦突出，塗抹在餅乾上吃更是美味！燒鱈魚乾，店員代勞烘燒，夠乾身，卜卜脆！泡菜豚肉卷，弄得紮實，不會中途鬆散開，所以吃的時候真的能夠一口吃到整個泡菜豚肉的滋味，非常滿足。鹽燒油甘魚鮫，難度比較高，店員會代勞，燒得香但魚肉亦能保持鮮嫩。日本赤魷魚筒，大大的一隻，燒完不會變魷魚乾，汁多，彈牙有咬口。伊比利亞梅頭，厚實的梅頭扒，肥肉均勻分佈，燒起來有油脂香味但不會過份肥膩。萬眾期待廚師發板牛肉盛合，一共有7款不同的牛肉：日本和牛三角胸小排、日本和牛背峰、和牛肋條、日本牛肩胛、美國翼板、牛舌和牛心，很多部位我聽都沒有聽過，有種大開眼界的感覺！每款都只用鹽和黑椒輕微調味，高質的牛肉果然是不需要特別調味都能夠突出肉味！個人最愛厚切牛舌，多汁厚肉，夠滿足！總括來説，整餐晚飯充滿驚喜，同事果然沒有介紹錯！有機會一定會再來。…查看更多

蟹肉蟹皇竹笙燕窩羹：真係見到一絲一絲粗條蟹肉，聽說差不多要用一隻蟹先可以做到一個，加上鮮味蟹羔，啖啖燕窩，就知道呢個羹的矜貴。名門秘製豬肋骨：雖然係炸既，但係唔會一口粉，入面既豬肋肉又juicy又彈牙，用上酸陳皮、老陳皮及九制陳皮，好特別，食完一件仲想再食，一d都唔油膩，仲有醒胃既感覺。宮廷白肉蟹鉗：啖啖肉既蟹鉗，有少少似食雞髀既感覺，用高湯炆燴冬瓜，入晒味，再用金腿撞出蟹肉鮮味。薑蔥腐乳炒蟹：從來都冇想像過，腐乳竟然用黎炒蟹，腐乳本身嘅獨特的鹹味冇搶走蟹嘅鮮味，反而互相輝映，更顯美味。哈哈哈芥蘭煲：係用三種蝦，包括蝦醬、蝦乾同埋蝦肉，而且芥蘭仲揀選左最嫩嘅部份，食起上嚟完全冇渣，惹味非常。蟹肉洋蔥瑤柱焗釀蟹蓋：直頭可以用真材實料嚟形容，因為呢個蟹蓋好立體，全因為充滿着有口感既蟹肉、洋蔥同埋瑤柱，絕不馬虎，單單食過蟹蓋，都感覺食咗成碗飯咁滿足。碧綠白玉翠珊瑚：個名改得好靚，用左大量嘅蟹膏，襯托走過油嘅蘆筍，清爽的感覺！闊太炒飯：足料嘅蟹肉，配合蛋白同埋瑤柱，係矜貴版嘅瑤柱蛋白炒飯，當然鮮味更上一層樓。砂煲豉油雞：單睇隻雞嘅顏色，已經知道用咗好多豉油浸透，豉油本身應該都好高質，因為隻雞完全唔會覺得係好鹹，而且仲保留到雞的嫩滑質感。…查看更多

和朋友放工路經這間粥麵店，剛好還有兩個位便入内吃晚餐。叫了一碗招牌狀元及第粥，份量很大！而且用料十足！有豬肉丸、豬潤、豬粉腸等材料，不會零零碎碎，大片得來又厚切，整個味道豐富，而且粥底煲得夠綿滑，果然都是傳統粥店好味。加$26有一碟炸兩腸粉，腸粉皮又薄又滑，但神奇的是炸兩仍然夠脆！朋友第一啖吃下去都很驚奇竟然還可以有這麼脆。另外點了一碟蠔油芥蘭，不會過淋或過硬，份量亦充足。飲品朋友點了凍招牌薏米水，他說一飲就知是店家自家煲的，既足料又不會太甜。我點了養顏桑寄生蛋茶，想不到可以在粥店吃到這些中式甜品，滋潤養顏。…查看更多

今個月是拍拖記念日，男朋友說要帶我去吃個靚西餐，就帶了我來到位於樓上舖的CHEF STAGE de Eddy Chu，環境和氣氛也很舒服，還要望到維港和幻彩詠香江。晚市電話訂座每一位送鮑魚一客，雖然是免費送，但一點都不馬虎！吃下去口感彈牙，還配上秘製醬汁，有少許酸辣，搭配新穎。我們點了五道菜晚餐，先來乳酪鮮蝦芒果沙律。沙律菜新鮮，而且真是用了鮮蝦而非急凍蝦仁，芒果亦鮮甜，屬新鮮開胃前菜！清酒蟹肉日本年糕，年糕有咬口，蟹肉味醬汁超級濃郁，証明用料十足！我選了當日餐湯-椰子雞湯，好少西餐見到這個選擇，椰子味香濃，有雞絲之餘，還有粒粒細細的椰子粒。而男友選了黑松露蘑菇湯，黑松露味道香濃，是他的最愛。主菜我選了橡果級黑毛豬肉，一上桌我嘩了出聲，超大份量！有三塊厚切黑毛豬肉，有菠蘿粒、粟米、蕃茄、羽衣甘藍和紫薯蓉作配菜。黑毛豬肉煎得漂亮，切開還看到嫩粉紅色，連着少許肥肉，吃下去絕不「鞋口」，而是香口！連配菜也很美味！蕃茄燒過但仍然很juicy！紫薯蓉又甜又滑！男朋友選了美國牛肉眼，份量也是極大，五成熟剛剛好，牛味濃，肉汁多，亦有同樣的配菜（除了菠蘿粒），很是出色！最後以甜品作結，少少的兩件一口蛋糕剛剛好，因為前菜和主菜實在太豐富！…查看更多

家人未試過私房菜，想起之前試過的榮哥廚房私房菜，還要看到openrice有優惠，所以決定帶家人來一嚐。量體溫和登記後便入座，職員一如既往的有禮。看到桌上的餐牌已叫我們非常期待。先上本地水耕沙律菜伴芝麻醬配茶燻流心蛋伴黑魚子醬配厚切茄子。沙律菜用青瓜紮成一束，非常新鮮，流心蛋效果一流，茶燻味香濃，而茄子厚切，面層有少許脆，吃下有層次。原鼎海椰皇仔燉鷓鴣黑毛豚肉湯，非常足料，原隻鷓鴣，而且我從未見過這種海椰皇仔，昇華了這個湯的味道，又香又甜！椒鹽豬肺，豬肺軟韌，炸了很是脆口，加上椒鹽，非常惹味！油浸馬友，很大條！先原條上桌，職員再幫我們切開，非常貼心！外皮薄脆，魚肉亦很是嫩滑！江南百花雞，皮脆，雞肉另一面釀上蝦膠，灑上芝麻，做法特別，咬下去有多重口感，實在是家裡不會做的功夫菜！蟹皇瑤柱菠菜，擺碟精美，亦毫不吝嗇蟹皇芡汁，用料十足！他鄉炒米粉，用了24 個月西班牙黑毛豬火腿炒福建莆田米粉，米粉幼身，炒得夠乾，不會油膩，加上配料，十分香口！最後還有流心感十足的芝麻湯圓作結！這頓飯價錢相宜，材料絕不馬虎，令我和家人都十分滿足！…查看更多

久不久就會想吃燒肉，今晚終於忍不住與男友去吃！同事介紹荃灣這間校長燒肉不錯，於是放工就出發！我們大約7:15入座，店內已經坐滿了8成，我們有幸坐到窗邊位置，男友說有點像去了台灣食燒肉的感覺！這裏不論是飲品、燒肉、火鍋料、還是甜品的種類也很多，而且擺放得相當整齊，給我一種乾淨的感覺。豬、牛、雞等肉食有不同部位和醃法，腸仔、雜丸、蔬菜等等亦應有盡有，種類多得試不完。除了燒肉和火鍋料，還有炸物和其他熟食，甚至連老火湯都有！飲品和雪糕櫃亦是有多款選擇。燒肉爐放了一張牛油紙，油煙相對會較少，燒久了職員會主動幫你更換牛油紙，而不用好像以前一樣整塊爐板更換，比較方便。雖然已經有不同醃料味道，但座位亦有擺放了各樣調味料給各位大廚大顯身手，十分貼心！個人來說比較喜歡這款牛肉，肉質較好，不會太肥或太韌。桌上還有另一個爐可以吃火鍋，我一邊燒肉一邊打邊爐煮菜，覺得可以平衡一下，減少罪惡感。還要特別一提它的刺身！是意料之外的新鮮，特別喜愛三文魚和帶子刺身，鮮甜！整體來說性價比高，座位舒適，食物飲品種類多，一次過滿足燒肉和火鍋的願望。…查看更多

放假到圓方逛街，先找餐廳醫肚，突然想飲茶，便決定入這間百樂潮州酒家。職員有禮，量體溫和登記後便可入座，雖然是平日下午兩點多，但入座率都有八成。餐桌間有透明膠板相隔，食得安心。我們選了菊花茶，香氣撲鼻。職員亦有奉上功夫茶和花生小碟。我們點了一碗潮州蠔仔泡粥，份量大而且材料豐富，有大量冬菇絲、肉碎和蠔仔，蠔仔新鮮肥美，使粥底味道濃郁。招牌點心孖寶，燒賣皇和潮州粉粿各兩件，這個組合可以一次試兩款點心。燒賣皇足料，絕對不像外面那些一口肥豬肉。潮州粉粿本來我都不太喜歡，總覺得只是在吃一堆粉團，但這裏的粉粿並沒有這種感覺，皮不會太厚，餡料味濃且多。潮式炒蘿蔔糕，外面有些薄薄的蛋絲包著，亦見有些蝦米的配料，一口吃下去，有些XO醬的香味，不辣而且有點甜甜的，亦不會炒得硬硬的，甚為驚喜！我們還點了芝士炸奶皇包，全部炸得金黃色，很是吸引！外脆內軟，中間是奶皇芝士餡，而且芝士並非浪得虛名，可以拉出芝士絲！下次有機會和家人再來吃潮州菜。…查看更多

放工經過新港城，發現這間潮州飯店，被它特別的名字吸引，看到它裝修新淨企理，空間寬敞舒適，便與男友進內晚飯。餐廳職員有禮貌，帶我們坐下後詢問我們要甚麼茶，一問之下，原來除了基本茶類外，還有玫瑰荔枝茶，當然一試！泡茶期間已覺得玫瑰味香濃！沖水亦已自動化，方便又衛生！前菜有貢菜花生，貢菜爽脆，花生香脆又不會太咸。海蜇手撕雞，手撕雞肉嫩滑，青瓜、海蜇和手撕雞簡直絕配，醬料亦不會過份濃郁致太重口味，屬較清新的頭盤。普寧炸豆腐，份量多，眼看已經知道十分香脆，但絕不會有油膩感，而沾上汁料亦不會變得很淋，吃下更是驚喜的滑！認真外脆內軟！由於每樣滷水食物都想一試，於是我們點了滷水鵝四併盤，有鵝肉、紅腸、五花腩肉和鵝腎，原來還會搭配滷水豆腐和雞蛋，超級豐富！特別欣賞鵝肉和鵝腎，平常我亦不太吃內臟，但這個鵝腎入味，口感爽脆，難以拒絕。甜品點了銀杏芋泥和我很愛的棗皇糕。芋泥足料，甜甜的；棗皇糕熱騰騰，軟熟又有咬口，中間一層層椰汁，很香！本來想試反沙芋，但已經售罄，唯有下次早點來試。…查看更多