uniEATsity的个人专页

七福神真心食物選擇多，價錢大眾化，我差不多每次經過佐敦都入去食，今日同屋企人行街，又入左去開餐。要飽肚必定食碗麵先，醬燒豬軟骨拉麵我覺得係好稔好入味，麵條亦都彈牙，湯底又有濃郁豬骨湯底，飲完唔會口渴個種。小食就叫得比較多，一隻大碟裝起曬上台，見到都流曬口水，雞翼串剛剛熟透唔，咬落仲有肉汁咇出黎，然後雞軟骨串又係可以不停口食，入口卜卜脆，少少地過口癮又唔會食滯，另外就到鹽燒油甘魚鮫，唔好以為魚頭冇肉食，魚鮫位的確係精華，每啖肉都有大量油脂流出，食到滿滿魚油香，魚皮又煎到好香口，加點檸檬汁更有提鮮作用，而牛油焗帶子我次次都會點，因為份量多而粒粒帶子都好好飽滿，超級鮮甜。而刺身類別就點左刺身套餐，帶子刺身x3,法國生蠔x1,三文魚刺身x2,甜蝦刺身x2，生蠔新鮮清甜，一啖入口食到海水咸鮮，刺身件件新鮮厚切，食完已經感到飽飽。每餐都唔少得菜，點左神戶野菜炒，有多種什，炒得爽口惹味。甜品有椰子雪芭同紅豆雪糕。椰子雪芭好濃椰子香，夾雜了椰子肉，好香滑，食唔停口，紅豆都好香，但椰子較有特色！…查看更多

我已經食過好多次，通常周未想平靚正剧個扒都會黎呢間，午飯時間要排隊先有位，好在等左唔係好耐就有位了。鋪面地方唔算好大，但座位好闊落，坐得舒服，我同朋友都主要黎食扒，所以各自點了兩個扒餐share。個餐跟湯同麵包，我地都點左羅宋湯，酸酸甜甜中帶微辣，好醒胃。然後，紐西蘭肉眼配黑椒汁黎到，扒面熱得有點焦香，我地要求七成熟，所以切開仲有肉汁滲出，切一塊牛扒配黑椒汁真係惹味非常，而且牛扒好嫩滑又厚，足足有七安士咁大塊，午飯價錢黎講可以話性價比高呢，而個人鍾意黑椒汁配飯。之後就係美國厚切穀飼豬肉眼配燒汁，個朋友跟意粉，豬扒唔好擔心要全熟所以會好鞋，事實係好多汁好嫩，厚切勁大塊，好有驚喜，值得一提，有時其他餐廳意粉只會白烚冇味，靠個汁吊味，呢間就用蒜蓉炒香加調味，好食又飽肚。飲品我今次不得不推薦花茶系列，平時飲花茶一杯都幾廿蚊，呢間跟餐就可以選花茶，好健康既選擇，我目測全場8成多都係選花茶，加上佢選擇多，真係吸引，我就點了玫瑰花花茶，一個透明杯裝住，食飽飲杯花茶，消滯又暖胃，真係好貼心。…查看更多

餐廳一入去感覺唔係普通日式餐廳，反而有好多特別既裝飾，大部分座位都望到街景，好舒服好寫意。我同朋友都好肚餓，一見到餐牌馬上點左幾碗拉麵，包括豬軟骨拉麵、叉燒拉麵同照燒雞扒拉麵。不用十分鐘，三碗熱騰騰的拉麵即刻送到，豬軟骨好稔好香，叉燒厚切又大塊，而雞扒就烤到外皮鬆脆但雞肉一d都唔鞋好滑，大家互分享唔同既餸都表示抵食又有質素。好快我地食緊拉麵，小食又送到，分別就係燒雞皮、燒雞軟骨、黃金燒蠔、蒜蓉燒蠔同燒扇貝，雞皮係超級十分夾脆，食落啖啖雞油香，，雞軟骨又係好爽口，調味剛好不會太咸，兩種燒蠔都好食，個人偏好黃金燒蠔，蠔面鋪上香味四溢芝士，好味，而扇貝就夠大隻，大大粒肉一啖入口真係鮮味十足，所以基本上蠔同扇貝都係好新鮮又足料！飲品就有菊花蜜同日本信州蘋果梳打，天氣乾燥，所以飲杯菊花蜜即刻感到喉嚨好滋潤，而蘋果梳打打開後倒轉再放入裝有冰粒的杯中，買相好特別，梳化好濃郁蘋果香，甜度適中，極力推薦。甜品係椰子雪芭，雪芭好滑好濃椰子香，仲有少少椰子肉，三個人分真係剛剛好，經過之前一輪狂食再食埋甜品，超滿足！…查看更多

粉嶺新開的咖啡灣，星期六日夜晚肯定要等位，今日閒日見冇咁多人，即刻入去食！其實餐廳空間雖然唔大，但座位設計都好有心思，唔會覺得坐落好逼，我地係梳化位坐底，感覺寬敞舒適。前菜點左牛油香草煮蜆同蝦沙律配凱薩醬。牛油煮蜆好重牛油香，香草味滲入蜆中，又鮮又香，而蜆肉肥美又大隻，另外，蝦沙律好多大蝦，仲有大量蟹子鋪面，令到畫面色彩豐富，食指大動，加上沙律菜口感爽脆，清新開胃，配上我最鍾意既凱薩醬，好味之選！之後主菜就係北海道咖哩和牛漢堡扒飯同香煎雞扒蕃茄醬燴意粉。咖哩唔係辣，而係甜味較重，所以平時怕辣既可以一試，配飯真係無得彈，而和牛扒超級濃郁牛味，啖啖牛肉，油脂仲係肉內滲出，十分juicy ，到另一個主菜雞扒意粉，酸酸甜甜的意粉醬好醒胃，唔太濃味，最岩女孩子口味，雞扒嫩滑又大塊，食完兩個主菜飽曬。最後，不得不提呢間餐廳服務真係好好，好有禮貌，每個要求都迅速回應，下次肯定會再黎食過。…查看更多

朋友食過話材料好新鮮，食完海鮮既粥底先係精華，講左幾次，終於夾到日子上去食！入座㨂左個卡位望街境，闊落又舒服，然後我地兩人點左個海鮮拼盤，包括有波士頓龍蝦一隻，肉蟹一隻，海蝦4隻，花甲，花膠魚湯粥，朋友話一定要食花膠魚湯既粥底，堅係足料，滿懷好期心等待食物上枱。粥底先上，係一煲白雪雪既魚湯湯底，然後店員攞左一大盆花膠，真係好大盤，真係見到都嘩一聲，感覺兩個人食曬都飽五成，然後店員用左頗多時間先可以將花膠剪碎再放入湯底。之後就有海鮮拼盤上枱了，其中某些海鮮如海蝦，龍蝦仲識郁，可想而知食材幾咁新鮮，我地先放龍蝦，等約8分鐘就食得，龍蝦肉非常十分爽口彈牙，入口仲食到海水既咸味，爽到唔捨得吞，之後肉蟹又係咁鮮甜。趁等食物熟透期間，食下個花膠，真係絕不欺場，花膠好厚，好重膠質，滑嘟嘟，好適合女士食用，之後到海蝦同花甲都係咁滋味，另外再點左個手切牛肉，牛肉好重牛味，即炸響鈴超級脆，櫻花葉鮮蝦丸一樣咁彈牙。食曬海鮮後，粥底就真係聞都聞到海鮮味，因為粥底係米粒餚成粥水，假如想食到一粒粒粥粒可以向店員要求，佢會裝粥粒加入粥底，個人覺得加上粥粒口感更好，食一啖粥底，完全食到海鮮鮮甜味，仲有大大舊花膠，真係超級滿足。地方服務同食物都好有水準，下次再食過。…查看更多

今日晏晝食越南餐廳，睇下餐牌研究左一輪，我同朋友各自點喜愛食物再開心share.朋友點乳豬燒雞飯，我自己偏好食粉麵粉，所以餐廳招牌窩蛋生牛牛骨湯粉最適合我地。小食就有三色雞翼同沙嗲香茅豬扒拼豬頸肉。餐牌選擇好多，又唔同配搭，頗多元化！乳豬燒雞飯即叫即燒，所以上枱時候仲熱辣辣，豬皮脆卜卜，燒雞好滑，完全唔肥膩，配埋白飯真係一流，而生牛湯粉真係好多生肉，嫩滑非常，入口濃厚牛味，湯底清甜既豬骨湯味，飲完都唔會口渴，建議食前連同窩蛋拌混，更加好味。三色雞翼，有三款唔同口味，其中兩款有少少辣，包括蒜椒、牛油同金蒜。個人偏好蒜椒，食落酸酸甜甜，好似水牛雞翼，其他兩款都好味，炸到金黃香脆，至於豬扒拼豬頸肉真係好大碟，香茅豬扒唔會炸到乾曬，咬開入面仲好juicy,豬頸肉同沙爹汁真係超夾，食完又完冇停口飲品就有椰青同紅豆冰，熱辣辣天氣飲椰青真係超級解暑，紅豆冰又冰涼透心。…查看更多

週末行過見到呢間鋪頭門口貼左張圖寫住龍蝦拉麵，心諗晏晝食拉麵就好普通，但有埋龍蝦就一d都普通了，所以諗都冇諗就拉埋朋友入去食啦！兩人各點了碗拉麵及飲品，灸燒芝士龍蝦拉麵，櫻花蝦味噌拉麵及兩支梳化汽水。落單係用落單紙，除左選拉麵外，仲有唔同麵質或附加配料等等方面喜好選擇。朋友櫻花蝦拉麵先到，我試一試拉麵同湯底先，因為食拉麵呢兩樣對我來說非常重要，拉麵湯底有濃濃豬骨湯味，絕對真材實料餚製而成，拉麵質地煙韌爽口，櫻花蝦提升左整體鮮味。之後我點的龍蝦拉麵到了，果然冇令我失望，離遠已經見到超大隻龍蝦放係拉麵碗上，龍蝦幾乎已經遮住了下面的配料和拉麵，逼不及待馬上食，芝士燒龍蝦，除左龍蝦肉十分鮮甜爽口彈牙外，加上濃濃芝士香，口感豐富，味道香濃，仲有半熟蛋都好味道，配上鮮甜湯底，我好快都食到豌底朝天了！我覺得呢間餐廳地方好整潔舒服，而且服務員態度非常友善有禮，更會向我推介特色拉麵，我地都好滿意環境同服務。…查看更多

今次係第二次食呢間餐廳，見有午巿放題，價錢又十分相宜，好吸引我同屋企人係度食返個豐富午餐。係烤肉同打邊爐二合一既放題，一次食到兩種放題真係開心又期待，每食客可以係餐牌點一款肉類，其餘可以開放區自已攞食物，選擇好多。我地點左美國肥同醬餣雞肉，等左一陣湯底先到，然後肉類，我地另外拎左多春魚，紅腸，金茹，韓國食糕，什菜等等，實在選擇多又新鮮，另外又有多種飲品可供選擇雞肉餣得有味唔會太咸，烤熟入口嫩滑多汁，肥牛放邊爈位，同家人一人煮一邊，不約而同都好欣賞呢個二合一爐。食完大家都好滿足，現在服務既侍應都好細心，順帶一提，白飯要點先有，烤肉配白飯真係好好味啊！…查看更多

慶祝父親節最好當然係食中菜，早早book好枱，去到酒樓，叫餸當然要跟住爸爸口味選擇，所以點左佢最鍾意既蟹同燒味，加一個什菜煲已經非常豐富啦。因為地方同時係婚宴場地，所以裝修有氣派，明亮舒服，台中央有大投射螢幕可以睇到電視，而侍應都好殷勤有禮貌。燒味拼盤先上，每人叫左一碗白飯，有靚餸當然要配米飯呢！拼盤有叉燒及油雞及爽脆青瓜，賣相精緻，叉燒好同油雞都好新鮮，滷水汁又惹味。之後到薑蔥肉蟹煲，大大煲貨真價實，十分有鍋氣，蟹肉好新鮮清甜，連佐料蔥蒜都好入味，我地都冇浪費，一樣食曬。最後係上湯什菜煲，有小棠菜，蝦米，粉絲，菰等等，菜夠稔身清，粉絲又吸收左上湯精華，一口菜一口湯，好健康又好食。爸爸表示時菜色十分滿意，我地下次會再食！…查看更多

星期六係尖沙咀行到熱辣辣，就上網搵下抵食下午茶，個人覺得下午茶有層架配杯香濃咖啡係一件好relax既事，最後俾我地搵到一間評分頗高既餐廳！地點方便易搵，入到餐廳門口，裝修舒適又有格調，枱櫈各方面都好講究，後來先知係電視藝人主理既店鋪。我地打開menu,基本上都冇咩點㨂就叫左個二人下午茶，當然係我最鍾意既層架啦，另外再點左杯咖啡。層架來到，鳥籠外型設計十分特別，好靚，我同朋友不停影相，主要有鬆餅、特色三文治及各類甜點等，鬆餅好香牛油味，入口鬆軟，芝士包上佈滿香味濃郁的芝士，另外色彩繽紛的馬卡龍更是我的最愛，因為不會太甜，其餘食物的味道都十分出色。後來，我點的咖啡都送到了，香味四溢，我地一邊嘆咖啡，一邊食甜品，一邊傾偈，現場環境舒適，實在令人唔想離開呢！服務方面，店員都好好，有禮貌又細心，值得再幫趁的餐廳。…查看更多

好耐冇係lunch 時間食西餐了，今日放假想据下扒享受一下，行經呢間餐廳望入好整齊同舒服，牆身貼上一張張食物圖片，本來已經好肚餓，即刻食指大動，又見餐牌價錢大眾化，就入去食下。好快㨂好心水，落單同上菜都超快，先上餐湯，餐湯係南瓜湯，湯味好濃郁，有些餐廳的南瓜湯好稀好似水一般，不過呢間就真材實料，配上香脆焗餐包，好味。我點左個午餐，紐西蘭肉眼配黑椒汁，五成熟，本身就係食牛愛好者，點可以唔點個牛扒呢？牛扒上枱份量好多，完全滿足我既食慾，五成熟入口完全食好牛脂香味，仲有西蘭花，又飽又健康，而且全塊都食唔到有筋位，非常好食又抵食，一百蚊都唔需要就食到！最後餐飲點左cappuccino ,淡淡咖啡香為今個午餐劃上宗美句號，下次一定會再幫趁！…查看更多

今日中午約左朋友係太子食飯， 本身都沒有頭緒食咩好， 咁岩朋友就話有一間餐廳菜色和味道都不錯可以一試，所以我地就直接選擇食呢間。入到去感覺餐廳的地方裝飾別緻，座位又夠大，感覺舒適。 之後朋友介紹左佢之前食過既安格斯肉眼牛扒俾我，重申一定要食， 於是我係Set lunch menu 中選擇左肉眼扒 ， 朋友就選左比目魚， 同時點左小食青口，我自己另外仲有點左特色飲品，cappuccino 一杯。等左一陣，熱騰騰的咖啡送到，在寒冷大天氣喝上一杯熱飲很溫暖很窩心，而朋友的餐湯亦陸續送到，我們坐了近出口的位置，可以望到街景，靜靜享我們的午餐。餐廳上菜速度好快，一陣間所有主菜都送到，先講比目魚柳，表了鋪一層白汁，叫檸檬刁草汁，職員解釋是很獨特的風味，十分適合配比目魚，果然夾一口魚肉配刁草汁，除了食到魚塊鮮味外，白汁帶有甘草及檸檬清新味道，好鮮味。另外，肉眼扒大大塊，厚度十足，肉味很濃，啖啖油脂香，齒頰留香，而本人覺得五成熟是最理想的，不喜歡太過生的牛扒，這塊扒我是滿意的。小食青口好厚肉而味道鮮甜，有嚼勁，加白酒煮令青口帶有微微酒香，一啖一隻，好快我地已經成碟食完了。服務方面我都好滿意，職員會細心講解菜色，笑容滿面，有時食飯除左食物，服務質素都好重要，呢餐午餐大滿足喔！…查看更多

天氣凍，打邊爐打到悶，一於轉去食烤肉，大埔區呢間烤肉鋪見最多人，仲有人係門外等位，一定唔會差，終於等左半個鐘有得食。夜晚有散叫烤肉或放題任食，講抵食一定係放題，否則續碟計肯定唔划算。放題有個頭盤肉真係非常好食又抵食，一大盤肉，新鮮肉色光澤，油脂均勻分布，其中有A4黑毛和牛肩肉同 A4黑毛和牛三角真係超級極濃牛油香，入口即溶，其餘牛柳粒同牛排骨等等都好出色惹味，頭盤只有一次，再下單就只可任食牛柳粒，牛肋肉同醬餣牛肉呢三種牛類，唔好以為同頭盤分別好大，都一樣咁好食，絕對抵食。除左肉類，尚有菜類，我地最鍾意用生菜葉㚒住烤肉再沾少許醬，入口爽脆又有肉香，而另外秋刀魚，魷魚都唔錯。有韓國特色食物如宮廷炒年糕，微辣夠開胃，湯類韓式海鮮湯同泡菜豆腐湯都好清甜，味道好鮮，真露煮蜆既蜆大大隻好抵食！另外個烤盆都十分好用，不粘底，唔駛落油就烤得，而且烤盆傾斜設計，多左既油會滴落去另一個盆度，食得更加健康，唔怕因爲烤肉而吸引過多油份。…查看更多

好友同我庆祝生日，大家同住粉嶺區，最近不約而同都想食呢西餐廳，係聯和墟，裝修高檔別緻！夜晚氣氛特別舒服，餐廳內點了洋燭，昏暗環境令人感到很放鬆，服務員笑容滿面，建議我們很多特色菜式。一餐完整西餐都包前菜，湯，主菜及甜品，而這幾方面的食物我是相當滿意的。意式拼盤，是十分開胃的前菜，包含了Ham,salami,cheese 及其後蔬菜，ham cheese 都是我的最愛，甘香油脂及濃郁的cheese ，因為肉類都是較為重味，所以有蔬菜中和是很好的配搭！餐湯黑松露忌廉野菌湯，湯濃稠度適中，黑松香好香，一口接一口，很快便碗底朝天了。 主菜牡丹蝦黑松露意大利飯，因為太喜歡黑松露的香氣，所以主菜都要有黑松露，首先牡丹蝦的口感很彈牙，不是雪藏蝦那種，很新鮮，而飯粒用高湯餚製而成，煙韌而鮮味，另外香煎澳洲魴魚柳，魴魚在其他地方很難食到，牠的魚味很重，肉質嫩滑而家魚柳沒有骨，所以食起來很方便，除魴魚還有其他蜆類，意大利飯已很飽肚，這個魚柳份量正好適合了！飲品點了無酒精雞尾酒rainbow, 以梳打和士多啤梨主要材料，入口香香甜甜，很多女士都會喜歡的，顏色很吸引，影相效果更是出色呢！最後甜品是蘋果批配雪芭，脆口蘋果批暖暖的和冰凍的雪芭，入口兩種滋味，很刺激味蕾，是一頓很美味又舒服的晚餐！…查看更多

本身好鍾意食辣，偶然行過見到川熙樓有四川火鍋任食，係酒店入面，價錢唔貴，當然要試下啦！ 點左鴛鴦湯底，分別係麻辣清酒鍋同蕃茄薯仔牛肋鍋，湯底真材實料，絕無欺場，清洒鍋麻香味濃，蕃茄牛肋鍋清新醒胃，果然冇㨂錯。安格斯肥牛色澤鮮豔，極重牛香，回味無窮，麻辣牛肉口感嫩滑，加上很香川味醃料，爽口之餘，齒頰留香，最重要係其地方未食過，非常新鮮獨特，所以我地重覆點左四次，其餘五花腩片油脂多，啖啖肉，鴨血鵝腸新鮮爽口，花雕雞件，花雕味好重，雞肉滑滑溜溜，好食。而手打雞滑及墨魚滑十分彈牙，真材實料，另外薯粉一定要，因為配上麻辣湯湯底好入味，薯粉煙韌，吸收整個湯既精華，簡直絕配。環境好舒適，特別張枱非常大，可以放滿好多食物，下次一定再食過！…查看更多