井之頭的個人專頁

今日叔約了好耐無見嘅好友聚一聚，打邊爐就最啱，可以一邊吹水，一邊食嘢。餐廳不算好大，不過唔會迫，坐得都舒服。食物種類不算非常多，但要有都會有。我哋叫咗雞煲翅湯底，四個人食一隻雞，湯底唔咸，十分足料，叔未食都飲咗碗湯，雞嘅份量亦好多，四個人都密密食。叫咗份自制韮菜餃，餃子餡多大大隻，充滿韮菜香，亦好飽肚。蜂巢豆腐亦係大大片，放入湯底後吸滿湯汁，咬落去，除了豆味，更有湯的鮮甜，不錯。👍🏻呢度招牌自制爆芝響鈴，既然係招牌就叫來一試，侍應話係即叫即炸，一放低就叫我哋襯新鮮快食。響鈴睇都覺得脆，中間嘅芝士半溶，放到湯中烚兩秒，響鈴除了吸收了湯汁，同時仲維持到脆嘅口感，咬落去，啲芝士流出來，食一條就剛剛好，食太多可能會膩。總括，環境食物都不錯，非常適合一班朋友食飯吹水。…查看更多

工作後去左炮台山附近搵野食，行去電車路途中見到有間越南野，好香嘅香茅味向叔揮手，越南風味正合叔今日心意，就試試佢地嘅實力！叔對越南法式三文治情有獨鍾，自小就係八文樓個邊食到大，香港有得賣嘅地方亦都唔多，就叫左份法式肝醬豬扒三文治，件頭十足，內涵亦滿滿，塞滿左青瓜絲，酸蘿蔔絲，同塗滿肝醬嘅香茅豬扒。法包唔似歐洲嘅死實，係外帶脆，內軟，質感實在，份量不少。食完叫左1杯越式滴漏咖啡，加入煉奶，咖啡味道香醇得黎帶點香甜，剛好從餐後咖啡得到一點能量，又可以繼續努力工作了。…查看更多

成日口邊都話想再食台灣麻辣鍋，但偏偏去到計劃去旅行買機票嗰陣，梗係去咗日本🇯🇵，但叔始終無放棄過想食麻辣鍋嘅雅興，終於晌新年後夾到班fd 去養心殿，止一止慾望呢間旺角養心殿新開，可能未喺好多人知開咗，當日幾個人一上嚟就有位，不過入到嚟都有8-9成坐滿，而行去個位嗰陣，已聞到陣陣麻鍋湯底味，傳入我的鼻🤪🤪麻辣鍋喺必叫，但最終叫咗鴛鴦火鍋，一來有朋友想清啲啲，同時亦為咗多一碟鴨血而決定。鴨血新鮮，入口非常滑，麻辣湯底非常夠味越食越辣，但事實上另一邊嘅酸菜白肉鍋亦出色，QQ寬條麵入晒味，之後encore 多一碟，白肉亦嫰口，煲得耐都唔韌👍🏻👍🏻配料方面都唔錯，水準之上，打邊爐又點少得嘅牛同豬，上碟感覺色澤光澤，令人有新鮮嘅信心，份量嚟講手切牛肉幾大碟抵食，梅花豬爽口薄身，燙耐咗都嫰口其他配料方面，叔一定會叫響鈴，好彩都無令我失望，夠脆，炸芋頭朋友推薦，就咁食又得，燙一燙保持脆身亦得，想入味啲燙耐啲亦可以，好似有幾種食法，無推薦錯四寶丸同蝦滑顏色都畀到你新鮮信心一票...總之叔就食得好滿意，湯式勝於一切，麻辣鍋之夢告一段落👍🏻👍🏻👍🏻…查看更多

臨近新年/新年期間總係一班fd圍埋一齊嘅好時機，當然喺係其他人賺多啲錢嘅機會喇，而叔認為幾個人團聚最好就係打邊爐，坐得耐, keep住有得食，仲有得分清淡唔清淡，啱晒👍🏻👍🏻最終有人推介呢間喜鍋，抱住試新嘢心態出席入到嚟感覺唔係好大，但食食下見啲人上樓上，先知原來呢到有兩層...睇過價錢牌，價格都幾合理，湯底有平有貴，鴛鴦鍋就最好，唔洗煩親叔叔最吸引感覺喺個牛魔皇塔，3層牛肉，色澤吸引，份量可以，食落好好食，新鮮嘅感覺，足牛味；有牛當然都有豬，黑豚肉同樣新鮮，好薄，就算唔小心煮耐咗都唔韌，啱晒喺咁吹水嘅人叔又點止吃肉，當然喺不是菜，響鈴脆口；餃子同四寶丸都新鮮，同埋飽肚，加埋幾罐啤酒，成餐飯順晒…查看更多

今晚叔又獨自搵食，黎左呢間充滿意國風情嘅餐廳，最啱過一個寧靜又有品味嘅一晚。餐牌選擇唔算好多，但每個都滲透出濃郁傳統意大利菜嘅特色。揀好左食物，就送上餐包，係軟熟嘅小麥包，最正宗當然係點香濃嘅 olive oil 同意大利黑醋啦。頭盤揀左香煎北海道帶子，配薑汁蘋果蓉汁同青蘋果沙律，帶子好厚肉，輕輕煎香左2面，口感一流，薑加蘋果汁嘅配搭好清新，又帶點香甜，配搭青蘋果沙律，加入清爽嘅感覺，整個配搭都好開胃。慢煮鱸魚配橄欖醬，苦白菜同檸檬汁，苦白菜原來唔會苦嘅，幼幼滑滑嘅口感，鱸魚好新鮮，唔腥，配橄欖醬，味道香淳。甜品來一客 tiramisu, 好幼滑，餅底浸滿香甜咖啡酒，唔會太甜，味道剛剛好。店內環境氣氛好舒服，服務貼心，係好好嘅一次用餐體驗，值得一讚。…查看更多

今次黎左羲和雅苑同朋友慶生，欣賞呢度將片皮鴨當作精品一樣，食法講究，而且食物款式多，水準高，唔係靠單一菜式作招來，而係整體食物體驗都相當不錯。片皮鴨三食，第一食用脆皮點藍莓醬爆炸糖，係充滿鴨香嘅香甜小食。第二食鴨胸，脆皮帶肉，點特制芥末。第三食傳統包法，可以用洋蔥加山楂啫喱 或者 傳統大蔥青瓜海鮮醬，兩種一樣咁滋味。酸辣牛肉鍋，用蕃茄濃湯煮成酸辣口味，大量肥牛，冬菇，金菇同菜面，整體配合非常出色。麻辣海哲頭夠哂爽口芝士大蝦嘅芝士汁相當出色，大蝦新鮮鮮甜。係尖沙咀黃金地段食到高水準中菜，雖然價錢不低，但碟頭夠大，味道好，夠創新，性價比仍然係唔錯嘅。…查看更多

今日發現一間專食牛油果嘅墨西哥餐廳，幾有特色，提供嘅牛油果都係好靚好香滑，鍾意食牛油果嘅話一定會好滿意。切得好完美嘅牛油果沙律，好大份。墨西哥必食嘅粟米片，口味清新。鱸魚柳飯卷，呢個比較普通，但有飯可以飽肚。芝士肉醬粟米片，芝士溶左，但拉唔到絲，有點油。紅酒燉牛肉，炆得好淋，個汁幾香。食物好有特色，墨西哥風味濃，份量亦好足，但價錢都唔平，平均2百幾蚊1位，特別推介呢度嘅牛油果smoothies, 好香滑好足料，一定要試試。…查看更多

忙碌過後，叔突然好想食拉麵，正宗嘅日本拉麵店叔就想起好耐都無食嘅一蘭，一個人動起來衝入呢間自修室形式拉麵店，原來呢間有分2邊，一邊正常枱椅可以一班人對食，一邊就係一蘭傳統自修室格局，一個人去當然係入自修室枱夠哂快，89蚊一碗加一，有湯有面，帶2片薄叉燒，辣醬同蔥，湯頭依舊香濃，面質較幼，辣醬亦好惹味，完全滿足到叔今晚想食拉麵嘅慾望，略嫌材料有點單薄，唔介意比多60蚊的話可以配到海帶同流心蛋等一套配料。一人一格，對於重私隱嘅食客，應該相當滿意。…查看更多

今晚想寧寧靜靜咁食一餐晚飯，網上見到呢間開業不久嘅私房菜，有180度海景，環境滿有情調，最適合叔今晚想要嘅心情。餐牌一目了然，只需從每項2選1中，選擇5或6道菜就可以。點好餐店員就逢上餐包，有叔最愛嘅牛角包，香脆同微暖的牛油香氣為晚餐帶黎愉快嘅序幕。蟹肉沙律用阿拉斯加蟹製成，混入清爽青瓜同洋蔥，蟹肉鮮甜足料，喚醒味蕾。Hot starter 係北海道帆立貝配parma ham，半熟嘅帆立貝鮮味十足，好大隻，配粟米蓉口味清新。粟米濃湯，好香濃粟米香味，很creamy, 香香甜甜，想信小朋友同大人都一樣會好鍾意。Pasta 係黑松露意粉，幼幼的意粉帶點咬勁，配黑松露同野菌係絕佳配搭。主菜美國安格斯牛柳係全晚焦點所在，肉質一流，牛肉味香，而且牛柳部位無咩脂肪，食哂都唔會好油好膩，滿足。甜品係 tiramisu 杯，芝士軟綿綿香甜幼滑，加入咖啡酒啫喱，帶點清爽感。有誠意嘅高質餐點，醉人嘅夜景，今晚是很充實嘅一晚。…查看更多

從未試過lunch 去食放題，今日好早完成手頭嘅工作可以食個長lunch, 就walkin 黎左極尚大喜屋，248加一，野食同夜晚一樣，但係唔使排到人山人海咁，坐得鬆動d, 食得仲舒服。刺身好多款揀，三文魚肥美，油甘魚夠香，甜蝦夠爽甜，正。海膽軍艦，海膽好新鮮，安哥首選。Toro 壽司粉紅色好吸引，味道唔算肥美，但新鮮度滿分。和牛鵝肝火炙壽司最正，牛肉味濃，鵝肝夠香。左口魚邊充滿魚脂香味，必食！帶子沙津燒好香芝士味，會食上癮。牛舌燒得剛剛好，好滋味。甜品時間一定要燒得暖笠笠嘅燒菠蘿，香甜juicy。炸物甜品最重型就係貓山王球，好香好濃嘅榴槤肉！香芋球同炸脆奶都幾好食。限定每人一杯嘅haagen dazs ，係放題嘅完美句號。有機會再食，一定搵lunch time 食, 放題都係輕鬆食好！…查看更多

日間嘅上環係人來人往嘅商業區，來到晚上，就回歸清閒寧靜，黎到呢間熟悉的西餐廳，享受放慢嘅時間。點餐完成，送上熱辣辣餐前餐飽，味道有3款，叔最喜歡嘅，就係呢度嘅百里香香草包，仲有軟軟微脆嘅黑芝麻飽。先黎一個清新嘅煎帶子西柚沙津，西柚冰冰涼涼，無筋，煎帶子鮮甜，配香草醋沙津汁食完完全消除日間積聚嘅暑氣。今次試下非常獨特嘅烤羊肉串配腐乳忌廉汁意粉，本擔心腐乳整意粉會好怪，但味道完全有驚喜，腐乳加入忌廉變成濃濃香香，同烤羊肉絕對合拍，羊肉嫩滑，醃得好香。主菜叫左一個烤安格斯西冷，好大塊，五成熟剛剛好，粉紅色嘅內心非常吸引，肉質纖維分明，口感嫩滑，牛味香濃，非常優質，配上烤薯仔同雜菜，叔吃飽了。餐後來一杯即磨咖啡，叔對咖啡研究不深，但味道香香醇醇，夠叔回味一整晚，一天辛勞都得以慰藉。…查看更多

工作完成後係銅鑼灣搵好野食，見到呢間西餐廳評語不錯，決定入去，餐牌選擇頗多，但叔偏偏決定今晚不吃肉，吃蜆！香草白醋雜菌煮蜆，有牛油香草同醋調味，酸酸地好開胃，蜆肉好鮮好滑，雜菌可以吸收香草同蜆嘅鮮甜，加埋幾片脆法包點d 香草白醋汁食，份量好多，做前菜小食不錯。蜆肉肥美嫩滑。講起pizza, 一定要揀最基本最正宗嘅口味先見到真功夫，叔今晚不想花巧奪目，揀最簡單最傳統嘅margherita 就對了。呢度嘅pizza 用明爐烤焗，所以火力十足，餅底帶麥香，夠薄帶煙韌，basil茄汁味香濃, mozzrella 好軟滑，整體口味清新，叔可以一吃再吃。樓下就係回家嘅巴士站，地點方便真不錯。…查看更多

因為工作關係黎到西營盤呢邊，決定食下呢邊嘅特色餐廳，見到呢間日本料理店裝潢好地道，好舒適憩靜嘅感覺，好啱叔今日想要嘅心情，就呢間。門口寫上是日師傅推介，仲有1人獨享set一入到去冷櫃見到好大隻嘅岩蠔 $78，就先試一隻，bar 枱師傅處理非常認真仔細，開得好靚，洗得好乾淨，一d 蠔殼碎都無，上面放一塊酸醋啫喱，蠔肉好鮮甜，蠔身creamy 為主，群帶貝柱爽脆為副，有層次。再黎一個餐前小食，炸白蝦 $98，白蝦一諗就會諗起叔以前係日本富山度食過好好食嘅白蝦天婦蘿，呢度嘅白蝦都好有水準，鮮味十足，原隻食蝦殼都炸到香脆，加少少海鹽整體感覺已經好出色。主菜係和牛壽喜燒$188，和牛好嫩滑，加甜甜香香嘅壽喜燒汁絕對啱key, 冬菇金菇豆腐等蔬菜配料份量多，非常滿足。見到食評中好多人叫過呢道蟹羔多士$128，叔都準備來一客，店員介紹呢度菜混合左松葉蟹同另一款蟹兩種蟹羔，再加入師傅秘制醬料而成，醬汁帶creamy, 蟹味濃郁，鮮味夠，塗上脆脆多士令香味係口腔度散發，值得一試。係一間可以令人心情放鬆，慢慢享受美食嘅餐廳，難得。…查看更多

星期一又要返工完全提唔起勁一定要同班叔朋好友去食好西去激活下自己。今日黎到銅鑼灣養心殿食火鍋一邊滾下一邊同班叔友吹下水。先提提優惠先，原來每日係8點半前買單有一律有7折咁多！真係抵到爛叫多d配料試下都得。火鍋湯底有6款而且可以揀鴛鴦湯，講到食台式火鍋點麻辣湯底係必須的，但因為有朋友食唔到辣所以另加個鴛鴦湯而另一個湯底就揀左酸菜白肉鍋。本身湯底老好足配料，所以唔洗再客額外點其他例如有千層凍豆腐，鴨血，寬粉條所以最後同叔朋只係加多小小鍋底無既配料就完。蟹籽墨魚滑，蟹籽鋪滿晒係墨魚滑上將墨魚滑同蟹籽撈匀後食落啖啖蟹籽，中間卜卜聲，墨魚滑重墨魚鮮味，質感好彈牙，有得玩又有得食。手工丸類拼盤一共有6款丸，每粒望落去色澤令立立好新鮮，滾好後每粒都好爽口有內涵既就爆晒漿就好似芝士牛丸咁，比較特別既有梅菜豬肉丸，個感覺就好似食緊迷你版既梅菜蒸肉餅咁，個種感覺幾新鮮。霜降肉眼肥牛，油脂均匀，卷住咁上，一滾落湯到就即刻散開，食落都有淡淡牛味，不過不失。對比之下厚脂黑毛豬梅花肉比較吸引，豚脂香濃而且軟淋得黎又唔會無晒肉質感，無豬膻味。豬天梯即係豬既喉嚨氣管部位，第一次食朋友強烈推介就叫左，一上枱見到每片一間間一放入鍋到就即刻卷起，食落有小小豬膻味但口感好爽脆似食緊軟骨咁幾特別。芝麻湯丸做配料達到鹹甜混合，外層帶麻辣刺激感內裏咬到甜既芝麻餡即刻中和返陣辣味，口感煙靭。…查看更多

同家人去左觀塘晚飯，慶致勃勃想食片皮鴨，218蚊一隻價錢合理，而且燒到油光十足，皮脆肉嫩，淨係切都聽到塊皮擦擦聲，脆到有聲！麵皮好軟，煙煙韌韌，熱辣辣，醬汁可以添加，配料想加的話要自費。排得好整齊嘅片皮鴨，有全皮，有皮帶肉，份量好足，真係片到乾乾淨淨，建議6個人叫1隻就剛剛好。花枝炒珊瑚蚌西蘭花，珊瑚蚌好彈牙，去酒樓就係要食呢d 鑊氣餸！另一個鑊氣之選醬油鑊仔龍躉球，一炒起已經好香，醬油甜甜地好惹味，龍躉球好嫩滑。菠蘿咕嚕肉，肉質爽嫩，酸酸甜甜，開胃。柚子明蝦球，炸到好脆嘅大蝦掛上甜甜的柚子蜜，爽口彈牙。二食叫左鴨崧生菜包，花邊西生菜包入炒鴨肉，醬油味濃。酒樓環境夠靜，服務唔錯，價錢合理，行開呢區想食中餐係唔錯選擇。…查看更多