極尚大喜屋 (加連威老道) (已結業)

從未試過lunch 去食放題，今日好早完成手頭嘅工作可以食個長lunch, 就walkin 黎左極尚大喜屋，248加一，野食同夜晚一樣，但係唔使排到人山人海咁，坐得鬆動d, 食得仲舒服。刺身好多款揀，三文魚肥美，油甘魚夠香，甜蝦夠爽甜，正。海膽軍艦，海膽好新鮮，安哥首選。Toro 壽司粉紅色好吸引，味道唔算肥美，但新鮮度滿分。和牛鵝肝火炙壽司最正，牛肉味濃，鵝肝夠香。左口魚邊充滿魚脂香味，必食！帶子沙津燒好香芝士味，會食上癮。牛舌燒得剛剛好，好滋味。甜品時間一定要燒得暖笠笠嘅燒菠蘿，香甜juicy。炸物甜品最重型就係貓山王球，好香好濃嘅榴槤肉！香芋球同炸脆奶都幾好食。限定每人一杯嘅haagen dazs ，係放題嘅完美句號。有機會再食，一定搵lunch time 食, 放題都係輕鬆食好！