簡越

工作後去左炮台山附近搵野食，行去電車路途中見到有間越南野，好香嘅香茅味向叔揮手，越南風味正合叔今日心意，就試試佢地嘅實力！

叔對越南法式三文治情有獨鍾，自小就係八文樓個邊食到大，香港有得賣嘅地方亦都唔多，就叫左份法式肝醬豬扒三文治，件頭十足，內涵亦滿滿，塞滿左青瓜絲，酸蘿蔔絲，同塗滿肝醬嘅香茅豬扒。

法包唔似歐洲嘅死實，係外帶脆，內軟，質感實在，份量不少。

食完叫左1杯越式滴漏咖啡，加入煉奶，咖啡味道香醇得黎帶點香甜，剛好從餐後咖啡得到一點能量，又可以繼續努力工作了。