seafoodragon的个人专页

鐵板燒嚟不開嘅食材都係海鮮、鵝肝、牛肉、炒飯等，調味都係鹽、黑椒為主，味道就視乎個大廚係重口味還是適中……依間鐵板燒特別之處係甜品，一人餐嘅甜品係朱古力蛋糕（因為睇到隔離嗰pair情侶），而我哋嗰個二人餐嘅甜品就係梳乎厘，西餐廳嘅梳乎厘係喺廚房焗爐焗完即刻拎出嚟，依間就係喺廚房打好麵糊後即場喺鐵板上焗梳化厘，師傅話咁樣焗係無得睇進度，只能靠經驗，仲要小心癡底，最後出嚟嘅製成品並不是慣常挺身嗰種，依個梳乎厘雖然好快下榻，但口感不比焗爐的差，讓整餐鐵板燒帶來最尾的驚喜。…查看更多

老婆近期愛上鐵板燒，慶祝生日就揀咗依間，食物質素尚算可以，服務質素就完全破壞整晚感覺！當天晚上應該有五至六枱客，職員數目足以應付，只可惜管理上出現面題，沒有安排專屬職員服務一枱客，邊位近就邊位serve，導致職員沒有用心記住每枱客嘅order，上枱放下就算，根本無發現上錯枱，就連在我哋前面的廚師也不敢說：「這裡的鐵板部、廚房部、以至樓面部係各自為政，甚少交流，我都有點失望！」服務質素唔改善的話，食物及環境再好亦難以維持下去…查看更多

位於巿中心的高層，雖然無海景，但鬧巿的夜景也有另一番味道，不過食物質素就普普通通，未見突出。今次的重點係在於服務：之前透過openrice訂枱（6:30pm），用餐當日的下午收到confirm電話，職員就告知8:15pm要交枱，佢話星期六日會分兩輪，慶祝週年的一餐但有時間限制就已經心裡一沉。用餐時見到另一情景更係歎為觀止：接近8:00pm的時候，一位攞住menu嘅侍應走近一位用手享用燒春雞的食客，稱8:15要交枱，係時候要last order，食客就有點不滿叫侍應放下menu等陣先。全晚餐廳都播放浪漫音樂，本應可以成為一間有情調的餐廳，但為咗趕兩round客去增加收入，而降低服務質素，難免有啲難度叫人encore…查看更多

位於類似社區中心內的cafe，11:30am左右上到去，坐滿等上堂嘅小朋友，非常熱鬧，佢哋入晒去上堂後，就回復cafe該有嘅寧靜，非常適合傾嘢休息。食物種類都算多：意粉、三文治、窩夫以至all day breakfast都有，價錢適中，加錢先有飲品。對於未食早餐嘅我，為咗慳番一餐，梗係叫個all day breakfast，咩都有又一定飽，再加杯American咖啡。原來收錢同煮嘢食都係同一個地方，並且係同一個人負責（可能時間尚早未有咁多人返工）。收完錢就開始煮，雖然大部分都唔使點煮，但一手一腳地完成已經要讚，每樣食物都唔會凍，起碼暖甚至係熱，唔錯！…查看更多

天氣轉冷除咗打邊爐外，暖笠笠嘅煲仔飯係另一選擇，上次8點幾嚟但無訂位就要等45分鐘，無等到去食其他嘢，今次醒喇，前兩日就訂定位，早咗成個鐘到等一陣就有位。叫咗個田雞煲仔飯同白鱔煲仔飯，煲仔開蓋落豉油即刻香噴噴，食指大動，田雞同白鱔剛剛好，唔會老，好惹味，不知不覺食咗兩三碗飯。煲仔飯嘅靈魂在於飯焦，部分馳名嘅煲仔飯店攪到啲飯焦黑晒，又硬又唔脆，只有lone味，我估依間喺煲底先塗一層薄油再煲飯，咁做法就會避免太過chee底，飯焦又唔會黑，又會脆啲，食落口就會有米通嘅感覺，今次不往此行！…查看更多

冬至可以放早半日，適逢要落新蒲崗整嘢，見路程唔係好遠，又唔太趕時間，整完嘢行過去咪當食tea。已經諗好咗食咩 - 就係牛肉餅及羊肉春卷！路經分店，怕質素會有差別，所以行多幾步去總店買，估唔到兩點幾都人山人海，仲有四五個客喺我前面等外賣。等呀等，有得食，打開膠袋，見到個油淋淋的紙袋，就知道係兩條春卷，食落口，有春卷嘅脆身，不過.............已沒有可稱讚的地方，其至要開始彈！1. D料少到無人有！D料只係佔咗春卷的三份之一，食咗兩啖先開始有料。2. 無羊肉味！唔多料，加上無羊肉味，認真過份！ 食食下唔對路，望一望裡面，唔係肉絲，係薄肉粒，個樣仲要似普通豬肉粒，立時燥底！牛肉餅多汁好食，好過無啦！不過可能外賣用盒焗住咗所以個皮軟咗，無咁過癮！…查看更多

之前搭車經過見佢有人龍，有晒鑊氣，唔知味道如何呢？是日晚飯沒有著落，當然去試下啦！無我鍾意的瀨粉，就叫咗公仔麵，要火腿、紅腸同雞肉做餸。之後先發現可以"大雜會"，佢就咩料都落D，早知我就唔傷腦筋諗咩餸啦。落油炒香D洋蔥，跟住落餸再炒，再落一"住"芽菜繼續摩打手咁炒，落麵後整鬆繼續炒，拋幾下鑊就落豉油，炒多幾下就成事入盒。由落鑊到入盒不到五分鐘，應該可以入健力士！色，香都有，味道如何呢？返屋企即刻品嚐，可能俾個盒焗住咗，個麵自己開始黏在一起，用筷子都好難整散，味道亦偏淡，勝在食飯前有場表演睇下lor。…查看更多

之前諗住買成個pizza返屋企同阿媽試下，最終都都無咁做到。今日測完驗，心情輕鬆，一心諗住食車仔麵放肆下，點知行下行下就來到巨大Pizza廳門口，突然心血來潮就入去望下個價錢，有平有貴，非常足料的pizza好像向我揮手，叫我買佢一樣，所以就暫時放下車仔麵的念頭，買咗一件Hawaii Slice ($35)。雖然有好多人在等，但應該佢哋嗌成個pizza，所以要等耐D。不到兩分鐘我就pizza到手，因為已經有現貨在Display爐中。熱騰騰的pizza到手，按捺不住自己的食慾就先咬一啖，香濃的蕃茄味就立時充滿整個口腔，原本想一路行一路食，實在太好食的緣故令我站在店舖對面繼續品嚐！ 雖然材料只係菠蘿及火腿，但係非常的足料，加上在個醬又夠"出"，所以唔使料多都可以滿足我的味蕾！一件大pizza都花咗我大約20分鐘先KO佢，非常飽，非常滿足！晏晝口腔仍殘留著香濃的蕃茄味！相比出名的pizza店，雖然無得揀厚批定薄批，但論價錢及味道，就已經贏pizza店幾條街啦。…查看更多

一間應該養大無數人口的舖頭，由女朋友帶嚟品嚐。門口已經人山人海，等位嘅等位，外賣嘅外賣，但完全在侍應們的掌握之中！有幸地好快就有位，order兩碗凍豆腐花及雙併(陵魚肉釀豆腐+炸豆卜)。本人喜歡豆腐花係加糖水，而非落黃糖，本店正是加糖水，已經完全夠甜，係唔會過甜！又唔會好凍，剛剛好。陵魚肉釀豆腐就遜色點，只係普通將一片仔陵魚肉鋪喺豆腐面，然後去煎，係香口，不過一"甲"就陵魚肉同豆腐分開晒，好彩味道都算好味。而豆卜就超正，原個攞去炸，剛好外脆內軟，食到成口油都想食多幾粒！…查看更多

終於有機會一試餃子。先叫咗煎韮菜餃併白菜餃(細)，齋睇賣相(遠觀)就已經知道好脆好香口，但近睇就會知道咁香口咁脆的原因係落咗大量的油去煎，出得嚟食就預咗ga la！一食就食到隻韮菜餃，好重的韮菜味，正！再食一隻白菜餃，好清新爽口的味道，舒服！實在癮唔住要試埋湯餃，就叫咗湯白菜餃。野葛菜湯唔係人人受得，我就係其中一個，唔慣嗰啖苦苦地的味道，其他飲得慣的食客就連湯都飲晒。白菜餃配湯食係另一種味道，有湯潤下個喉，更能突顯白菜的清新味道。一路食隔離就一路包，大概我食一隻佢就包兩至三隻，隻隻大細一樣，就連疊紋數目都一樣，保證新鮮即做，絕無偷工減料！未到八點白菜餃就已經售罄，應該係必食首選！…查看更多

依定食嚟講，我較為喜歡選擇滑蛋雞扒定食，因為要做到每件雞扒上都有滑蛋而唔令雞扒失去脆口的感覺並非易事！今次的滑蛋雞扒未算好成功(可能因為正值午餐高峰時段)，滑蛋未算做到半生熟，有D已經過熟，而滑蛋亦未能黏在雞扒上，幸好雞扒係脆身嫩口，但唔知咩原因個飯較為濕(唔知係唔係蛋汁造成呢?!午餐高峰時段仍能保持高效率出餐速度，保持食物水平(雖未係最佳)，服務態度尚好，值得讚好！…查看更多

下面專做外賣自取(亦有少量位置堂食)，上面就主要堂食。鑑於小弟唔食魚生，所以嗌咗個鰻魚飯(送味噌湯)。攪笑係個friend見到依度的味噌湯係用滾水泡製，唔係自己煲，換言之味噌湯即係味精湯啦，不評也吧。主菜鰻魚飯就真係唔錯，有三塊嘅鰻魚，配上日本珍珠飯，鰻魚厚身，燒得唔老，嫩口，個汁又剛剛好，唔會太多，完全滿足一個喜歡食魚(但唔食魚生嘅我)！不過價錢就略貴lor…查看更多

食嚟食去都係快餐、日本嘢、中餐等，有D悶，就搵D新意，食下印尼嘢先。去到第一個感覺地方狹窄，但差唔多已經坐無虛席，睇睇Menu，分類清晰價錢合理，就根據網民推介嗌咗個黃薑飯(唔辣)、小食併盆及蝦醬炒芥蘭苗。小食併盆有粟米餅、薯仔球並春卷，熱食係非常嘅好食，其中非常喜歡薯仔球(可能因為之前印尼傭工經常整)，無偷工減料，落足薯仔打成球，成落鬆軟，但無空洞的感覺，食薯仔球唔食飯都得呀！黃薑飯就差D喇，雖然有唔同嘅配料，但每樣只屬平均，未見突出，所以下次可以改食另一款。蝦醬炒芥蘭苗未食淨聞就已經食指大動，夠晒鑊氣，蝦醬又落得足，芥蘭苗又唔會炒得過火，嫩口野味無得彈！…查看更多

Quick Lunch除咗漢堡飽及快餐廳外，魚蛋粉都可以係另一個選擇(能夠食熱嘢的話)。正係下晝要出席婚禮，Quick Lunch又要出動，依間應該係A貨的舖名，所以價錢無正版咁貴，單併$16，雙併就過咗少少位($24)。叫咗個魚片頭河加腩汁，碗粉上台，有少少o嘴，又有少少喜悅，o嘴係魚片頭好似魚條咁長(唔係發漲後嘅效果)，喜悅係有咁大條魚片頭食。食落魚味存在，都彈牙，只可以D腩汁就唔夠濃，襯托唔到魚片頭。唔知係唔係嗰名嘅緣故，坐多陣等個friend食完都俾人吹離開，好彩我趕時間，否則不歡而散。…查看更多

上晏有嘢做放假，無帶飯，要食晏，路過見到燒味都唔錯，就叫咗個燒鵝瀨攞走，還送例湯(不過送完即止)。佢入晒袋俾我，見到一碗湯，另外一個紙杯，心諗例湯以紙杯俾客都幾特別，未見過，有新意！返到office一睇，原來佢係將瀨粉D湯另外搵紙杯放，以免D粉太過軟身，諗得都幾細心！但換句話說，無例湯飲lu！碗粉就中規中距，隻鵝唔肥，又唔得D骨無肉。…查看更多