樂咖啡室 (已結業)

位於類似社區中心內的cafe，11:30am左右上到去，坐滿等上堂嘅小朋友，非常熱鬧，佢哋入晒去上堂後，就回復cafe該有嘅寧靜，非常適合傾嘢休息。食物種類都算多：意粉、三文治、窩夫以至all day breakfast都有，價錢適中，加錢先有飲品。對於未食早餐嘅我，為咗慳番一餐，梗係叫個all day breakfast，咩都有又一定飽，再加杯American咖啡。原來收錢同煮嘢食都係同一個地方，並且係同一個人負責（可能時間尚早未有咁多人返工）。收完錢就開始煮，雖然大部分都唔使點煮，但一手一腳地完成已經要讚，每樣食物都唔會凍，起碼暖甚至係熱，唔錯！