公和荳品廠

营业中

休息中

一間應該養大無數人口的舖頭，由女朋友帶嚟品嚐。門口已經人山人海，等位嘅等位，外賣嘅外賣，但完全在侍應們的掌握之中！有幸地好快就有位，order兩碗凍豆腐花及雙併(陵魚肉釀豆腐+炸豆卜)。本人喜歡豆腐花係加糖水，而非落黃糖，本店正是加糖水，已經完全夠甜，係唔會過甜！又唔會好凍，剛剛好。陵魚肉釀豆腐就遜色點，只係普通將一片仔陵魚肉鋪喺豆腐面，然後去煎，係香口，不過一"甲"就陵魚肉同豆腐分開晒，好彩味道都算好味。而豆卜就超正，原個攞去炸，剛好外脆內軟，食到成口油都想食多幾粒！