立雜炒麵

之前搭車經過見佢有人龍，有晒鑊氣，唔知味道如何呢？是日晚飯沒有著落，當然去試下啦！無我鍾意的瀨粉，就叫咗公仔麵，要火腿、紅腸同雞肉做餸。之後先發現可以"大雜會"，佢就咩料都落D，早知我就唔傷腦筋諗咩餸啦。落油炒香D洋蔥，跟住落餸再炒，再落一"住"芽菜繼續摩打手咁炒，落麵後整鬆繼續炒，拋幾下鑊就落豉油，炒多幾下就成事入盒。由落鑊到入盒不到五分鐘，應該可以入健力士！色，香都有，味道如何呢？返屋企即刻品嚐，可能俾個盒焗住咗，個麵自己開始黏在一起，用筷子都好難整散，味道亦偏淡，勝在食飯前有場表演睇下lor。