Whocarries 的个人专页

今日係我喺石門返工嘅最後一日，亦係我要同一樂講再見嘅一日，呢間係我同我嘅同事嘅飯堂，因為大件夾抵食，對於打工仔來講呢個價錢真係無得彈，質素又好，每次食完都好滿足！我最鍾意佢個豬骨湯底乾淨簡單，估計佢冇落味精，我每次都會當湯咁飲。配埋烏冬非常之夾而且好彈牙。配菜大件到呢，冬菇大大粒，要分開幾啖咬，同事叫既花膠仲大過我手掌！而且好滑呀！同事叫既波菜麵我都覺得唔錯，佢唔係太爽湯，所以唔會發到漲曬。魷魚好特別，竟然係凍食，咖哩幾入味，呢個係我每次都會叫既配菜！總括來講，呢間車仔麵又唔係特別貴，而且夠晒大碗，我自己作為一個打工仔就好中意，不過以後唔再喺石門做嘢，冇得再嚟，但好想推介俾I石門打工嘅朋友！…查看更多

雖然佢以Pizza行頭，但今次我地叫嘅炸雞，估唔到都有返咁上下水準。蜂蜜牛油炸雞，炸雞本身好juicy，而且即叫即炸，件件都熱辣辣，蜂蜜牛油係shake shake粉嘅format，一開始都怕好粉末會食到好索口水，但又唔會喎，味道同炸雞都好夾。韓藉店員介紹我地新出嘅menu，我地叫咗個炸軟殼蟹意大利飯，份量好多好多，足夠兩個人食。炸軟殼蟹真係無講笑啖啖肉，炸粉好薄好薄。我最鍾意佢加入咗乾果，甜甜地為意大利飯添上層次。最後推介韓風手工芝士波，雖然英文寫係risotto ball with kimchi sauce，食落我感覺上有蟹肉如薯仔嘅味道，係一個好典型人人都鍾意食嘅小食！…查看更多

終於食到好多人介紹既雞翼山喇！款款望落都好吸引！最後叫咗四款口味，每款有四隻，分別係咸檸七，檸香wasabi，文青玫瑰，黑松露。我自己排名會係咸檸七＞檸香wasabi＞文青玫瑰＞黑松露。咸檸七酸酸甜甜，同雞翼好夾，就好似西檸雞咁，好開胃。wasabi味就咁都好食架喇！味道又唔會因為食得多而好膩，仲有d蟹子增加口感。玫瑰呢款都唔錯wor，唔似出面食既玫瑰製品咁好假既味道，反而有少少清幽。黑松露就稍稍有點兒咸得濟，建議最後先食，廢時搶晒味！汁醬固然好食好吸引，但係雞翼本身都好有質素，隻隻熱辣辣又juicy，我一定會返來再食過！…查看更多

最近我開始嘗試素食，主要為左想食乾淨d，對身體負荷都少d，今次試左觀塘的尚素。我自己個以人唔太鍾意食素肉，感覺上無左食素既意義，呢度好多既菜式都係以鮮蔬同姑菌製作。order左一個新春晚市套餐，先來前菜珊瑚撈起，黑松露糯米燒賣同柚子三色串燒。兩款前菜都好得人歡心！燒賣沒有平常食個d既肉騷味，食落更多舒服，而且更能帶出黑松露既香味。柚子串燒好開胃，意想唔同同香姑都咁夾。珊瑚撈起都唔錯，食個意頭野。主菜方面太多選擇，真係好難揀，最後叫左「古法乳香蒸蚌片」同埋「干窩黑牛肝」。前者南乳味好香，蚌片又爽口，索曬d汁，完全洗左素食一定口味好寡既形象。後者加左辣椒一齊炒，辣辣地好開胃，而且有腰果增加口感，好令人喜出望外。…查看更多

呢間依然係我心目中香港數一數二嘅綠茶甜品店，想當年via tokyo剛來香港，我都為左食到佢排左一段時候，值到今日仲有人排緊，證明佢真係有實力！雪糕依然係必叫嘅甜品，牛奶味好濃，抹茶味偏甜，加埋黃豆粉就三重享受，配料紅豆同白玉依然係咁好食，同雪糕係絕配。另外非常推介抹茶卷同抹茶芝士蛋糕！抹茶卷好濃味，帶有茶嘅甘香；芝士蛋糕好soft，好濕潤，呢兩款我絕對會再encore！飲品叫左一個焙茶煎茶同焙茶latte，比較推介焙茶煎茶，食完咁多甜野飲一杯清清的焙茶好順口好舒服。原來佢地做緊promotion外賣雪糕買一送一，唔怪得咁多人排隊！…查看更多

由於同行二人都唔食牛肉，未有機會一試佢地主打嘅和牛漢堡，取而代之叫咗黃金海堡同漁夫之堡。份量真係好大，一隻手都拎唔曬！黃金海堡係蝦同墨魚打成拎去炸，墨魚好彈牙！隻蝦都好大隻，一啲都唔姑寒！魚堡都好食，魚肉滑嘟嘟。配菜可選薯格或沙律，洋蔥圈就要另外加錢，不過都抵加，即叫即炸，熱辣辣好香口。雖則地方細小，但當晚仍然見到唔少嘅外國人幫襯，果然有返咁上下名氣。整體來就好值得推介，價錢又唔算貴，我唯一嘅建議係佢地可以試下做埋奶昔，咁就真係可以媲美其他外國品牌嘅burger店！…查看更多

一間我絕對會翻兜既雞煲！好耐無食過雞煲，一搵之下竟然就搵到間好嘢！呢個雞兜叫小惡魔已經好夠辣，個種辣係到喉又到肺，全因一睇就見到成煲都係辣椒花椒洋蔥乾蔥，不是平日個種只有淺薄辣椒醬嘅味道，一打開蓋就好香好香。食完雞煲就打邊爐，呢個雞煲最令我surprise嘅地方係即使加水後依然好夠味，配料亦都唔馬虎，必食豬肉丸夠彈牙，響鈴也是即炸的，就算係送嘅蜆都大大粒，好肥美！整體來說呢間餐廳絕對out of my expectation！侍應哥哥仲要好細心會用手遮住，怕d水彈到我地，值得一讚！…查看更多

好舒服嘅一間泰國餐廳，菜式夠地道，但室內裝潢好柔和同舒服。開起大角咀係一個明智之舉，靜中帶旺，十分唔錯。兩個人食唔到好多嘢，唯有叫啲最大路嘅菜式，質素又真係唔錯。乾炒噴靚咖喱雞：味道偏向冬蔭公口味，香料味重，所以個汁好濃，雞都滑，其實應該叫多個薄餅唔好浪費d汁！香葉辣椒肉碎炒飯：係我每次食泰國菜都必食嘅飯，呢度竟然做到粒粒分明，雖然睇落粒粒好令立好似好油，但事實不是，油沾滿每粒飯，香噴噴。原本唔知有＄1指定菜式，拎住食評比人啲侍應睇confirm係咪有優惠，原來真係有，所以叫左個通菜，1粒真係好抵！ （容許我copy下面呢個＄1列表，著數應該共享！）星期一$1炸蝦餅星期二$1鳳爪沙律星期三$1明爐烏頭星期四$1黃咖喱雞星期五$1飛天通菜星期六$1細支裝啤酒星期日$1黃香茅炸豬扒…查看更多

一個好有氣氛嘅地方，原來圓方有個世外桃源嘅地方，享受美食同夜色，同商場內嘅感覺截然不同。食物選擇多，我同友人先來一份海鮮拼盤，共有五種海鮮，最為出色係長腳蟹同生蠔，確實好鮮甜；煙三文魚好濃味，而且好肥美，建議放到最後先食。另外再叫咗個野菌黑松露闊條麵，本來想食其他野，但由於隔離枱一路食，黑松露嘅香味就不停傳過來，實在太香就忍唔住叫咗一份，果真味道好濃郁，野菌份量都唔少，闊條麵煮得剛剛好，厚實都來又不失彈牙，配埋黑松露汁就好夾。最後叫咗杯oreo milkshake，其實環境咁chill嘅地方應該叫杯酒，但milkshake同樣吸引，奶味重，非沙冰種類，飲完好滿足。…查看更多

第一印象呢間餐廳實在太靚太靚！八九十年代嘅設計做得好細緻，作為一個餐廳，理應有啲位置點都走唔甩現代嘅感覺，但呢度完全無遺和感，連放醬油嘅位置都有好舊香港嘅感覺。食物質素都好好，「胡椒豬肚雞湯」好岩依加涼涼地嘅天氣，胡椒好暖身，入面竟然有半隻雞，淨係食雞都飽了！推介呢一款「豬朋好友」豬拼盤，每樣部分都有少少，岩晒好似我地兩個人來食，樣樣都試到。豬內臟都新鮮，無咩腥騷味。呢度啲丸類都好有心思，手打黑豚肉丸入面係咸蛋黃，將平平無奇嘅丸加分；芝士墨魚丸夠彈牙。總括阿肥火鍋係近來我見過最有心思嘅火鍋店，唔會因為裝修靚，野食就唔掂，每方面都做得好平均，值得推介！…查看更多

今期呢一款自助晚餐主打海鮮，先來每個客人都有一客既鵝肝龍蝦：鵝肝非常甜，入口就溶，有油香但唔油膩；龍蝦肉彈牙好新鮮。海鮮吧款式都算多，而且乾淨企理，款款都彈牙鮮甜。其他前菜都唔錯，特別推仲蟹肉啫喱同黑椒吞拿肉，係其他酒店自助餐比較少見呢。冷盤好吸引之外，熱盤的海鮮一點都無令我失望：清蒸粉絲扇貝味道好親切，有種媽媽屋企住的感覺，唔會煮到過晒火，又唔會似其他外邊食既蒜頭味精搶晒d味。另外特別推介清蒸斑，魚肉好彈又一點都唔霉！而且本人食buffet小tip，建議大家一來就夾左先，免得其後比人夾到賣相唔好！最後有個好多人都排既珍寶蠔，一個大蠔殼入面有幾隻小蠔，加芝士烔一次焗，最初無諗過入面有咁多隻蠔仲拎左兩份，一份其實夠晒一個人食。總括呢間酒店自助餐款式都多夠齊，最緊要係空間夠靜同闊，坐得舒服，同屋企人來食係唔錯既選擇。…查看更多

爆丼丼果然名不虛傳，每一款都爆到好似就瀉出來咁。最推介呢款「四重爆丼」，海膽鮮甜無腥味，無電油味。拖羅碎無筋有魚油香，最正係帶子真係好大片，片片厚身啖啖肉。「極上魚生丼」同樣sell大份，淨係睇相都見到片片魚生厚過字典咁，油香好重，不過略嫌有點真係太厚，食得多會膩，會唔會其實切成兩片會好少少呢，而且感覺上仲可以食多兩片添！呢款最正就係帶子同牧丹蝦，好鮮甜，又彈牙。最後仲叫左幾款小食，芝士年糕同鱈魚乾，味道正路，本身已經好好食。總括來說呢個價錢叫一個丼已經好似食左一個放題既份量，質素還不錯，推介！…查看更多

莆田確實做到福建菜清淡而又有鄉村風味嘅特色，海鮮確實鮮甜味美。蝦笛拌頭水紫菜有好濃好香嘅蝦米味，同醋香一齊融入晒啲紫菜入面，紫菜好嫩無渣。黃金荷葉包的肉絲雖然就唔太熱辣辣，而且看似有點油，但油份好香洋蔥味，夾埋係脆包一齊食又幾夾，而且份量岩岩好，唔會太多又太少，兩個人食點到即止。百秒黃花魚果然係招牌菜，上菜時熱辣辣，黃花魚好鮮甜，好嫩滑有少少湯頭，魚嘅鮮味浸晒出來。莆田滷麵唔會好濃味，但好有蝦味，麵身有點兒粉，索晒d湯汁，口感似羹。最後來一份酥炒芋芯，粒粒都沾滿白糖，外層脆卜卜，入面夠粉，份量係超多，但停唔到口，好滿足。總括而言，一間連鎖餐廳都做到咁高水準確實令人好驚喜，福建菜始終唔係人人岩食嘅口味，年輕少少嘅朋友未必會好鍾意，但對於我呢啲出左黎做野嘅女士鍾意食清淡少少，又或者一家大細鍾意食鮮味嘅人呢度係個好地方！…查看更多

先來一碟川北涼粉做前菜，辣味真係唔惹少，花椒好香，而且帶有醋味，最好嘅係佢啲汁又唔會太多浸住晒啲粉，條條都係剛剛好沾到醬汁。口水雞真係my all time favoruite，但唔係度度嘅口水雞都好食，呢度真係做得好入味，而且個種辣真係有層次，最怕食到到喉唔到肺嘅辣，呢度嘅口水雞汁，辣得來帶甜，甜得來又會有會麻油香。清炒萵笋係我每次食川菜都必食，食完咁多辣野，一碟清炒萵笋真係好去膩，係屋企永遠做唔到呢度食個種熱辣辣但又剛剛熟透嘅口感。本來仲叫咗個辣炒軟殼蟹，好可惜因為上錯咗台結果食唔到，下次再來一定會再試！…查看更多

又再一次來到周師傅食晚間點心，最正就係收咗工依然有得食熱辣辣嘅點心。XO醬炒蘿蔔糕粒粒都熱辣辣，沾滿XO醬，表面脆卜卜，入面帶有蘿蔔絲，唔會好粉口。招牌脆皮馬拉糕同傳統馬拉糕味道好唔同，呢個味道似雞蛋糕多啲，因為雞蛋味真係好濃，無馬拉糕個個糖味咁重，口感都鬆軟，而且份量一啲都唔細。創意點心H&M船呢款似西式多過中式點心，係一款烘熱咗嘅多士，入面有火腿同芝士，烘到脆卜卜，不過略嫌芝士太少，多返少少口感會好啲。蒜蓉蒸開邊蝦飯呢個我極力推介！當晚見好多人都食蒸飯，所以心思思想叫一個。蒜蓉味好香，蝦都新鮮喎，啲飯索晒味，最緊要相當抵食，配埋中茶，食完好滿足。…查看更多