Pizza Maru

雖然佢以Pizza行頭，但今次我地叫嘅炸雞，估唔到都有返咁上下水準。蜂蜜牛油炸雞，炸雞本身好juicy，而且即叫即炸，件件都熱辣辣，蜂蜜牛油係shake shake粉嘅format，一開始都怕好粉末會食到好索口水，但又唔會喎，味道同炸雞都好夾。

韓藉店員介紹我地新出嘅menu，我地叫咗個炸軟殼蟹意大利飯，份量好多好多，足夠兩個人食。炸軟殼蟹真係無講笑啖啖肉，炸粉好薄好薄。我最鍾意佢加入咗乾果，甜甜地為意大利飯添上層次。

最後推介韓風手工芝士波，雖然英文寫係risotto ball with kimchi sauce，食落我感覺上有蟹肉如薯仔嘅味道，係一個好典型人人都鍾意食嘅小食！