sleepyceci的个人专页

自從生咗小JM後,我同爸爸都少咗二人世界。今次我地去慶祝紀念日都唔例外，照樣帶上小JM，多咗個好光亮嘅小燈泡喔！因為預先訂好枱嘅關係, 我地唔駛等就已經可以入得, 非常快捷方便。爸爸睇完MENU之後揀咗「Meat  Fish Holic Set」再加一個 黃金四重芝士披薩!一個「Meat  Fish Holic Set」已經包咗好幾款野食,有晒湯、前菜、主菜咁,所以我地加個PIZZA就夠晒~(左) 法式芝士洋蔥湯(右) 特濃南瓜粟米忌廉湯我同小JM就揀咗特濃南瓜粟米忌廉湯，湯夠滑夠creamy，而且味道夠香濃，大人小朋友都喜歡。法式芝士洋蔥湯相對有點濃，但爸爸都話唔錯。鮭魚凱撒沙律(半份)沙律菜新鮮,入口爽而清甜, 麵包亦夠脆意式炸魷魚圈配他他汁意式炸魷魚圈外皮香脆而且夠薄,不厚粉魷魚圈依然嫩滑彈牙, 軟身而不韌配上他他汁份外香甜味美芝士煙肉帶子忌廉意粉Pastaholic係選用自家製嘅鮮意粉，所以口感份外彈牙，而且麵香濃小JM人仔細細都食咗三份二個意粉，可見味道有保證。香烤安格斯一口牛柳上枱時香烤安格斯一口牛柳仍然微暖，確保牛肉不會過熟，肉質鮮味軟綿綿，肉味濃郁是日甜品水果茶黃金四重芝士披薩黃金四重芝士披薩係我地小JM大愛之一。Pastaholic除咗有自家製意粉之外，仲有現做嘅手作PIZZA披薩外脆內軟、而且具香味濃郁芝士香氣臨走時爸爸仲發原來有加底優惠添, 睇來下次要加底先夠小JM食。…查看更多

又到每月一次嘅Special Day，我同爸爸又可以出走去MeTime鬆一鬆。睇完蜘蛛俠再係附近嘆埋個A5和牛放題，先慢慢返去接返小主，簡直一樂也！既然爸爸係牛魔王，而且無肉不歡，近近地去返SOGO內街有間日式A5和牛放題就啱晒爸爸胃口!尚鮮都係朋友推薦我帶牛魔王爸爸去食，所以我都係第一次去咋。一望入去同一般日式食肆無分別，一樣有壽司吧枱。但當侍應帶我地埋位時就發現原來內有乾坤，有埋燒烤爐嘅！坐底無耐侍應生就向我地簡介價錢、食物、放題包啲咩咁，呢度原來係用Ipad點餐，唔駛寫紙仔。而飲品就需要自行到外邊自取。侍應生仲提醒我地雖然任食兩小時，但臨夠鐘前半小時就會鎖機，所以要加單就要把扼Last Order時間啦！^爸爸好認真咁研究緊有咩好東西食！侍應生話而家尚鮮慶祝3週年，所以仲會每人送一份時令海鮮拼盤及免費升級任食燒蠔添！食完晒仲可以食Mövenpick 雪糕做甜品添架！係爸爸忙住點刺身之際，海鮮拼盤已經到來啦！^海鮮拼盤包括有：甲羅燒、青口、扇貝、鮑魚及大蝦侍應生仲教我地要點燒甲羅燒添，平時食親都係人地燒好晒，今次都係第一次自己燒（係爸爸燒）！原來鮑魚係肉向底先燒５分鐘左右，之後起肉再燒２分零鐘就食得，咁就唔會老同韌。甲羅燒味道濃淡適中，青口依然鮮味，鮑魚唔韌夠爽彈！去完拎野飲返來仲見到爸爸好有愛嘅一面添!係心心蝦呀!剛剛落完鑊燒甲羅燒及海鮮時，刺身就剛好到!爸爸今次叫左五款刺身，分別有三文魚、赤貝、馬刀貝、鯛魚及我最愛嘅希靈魚但爸爸叫漏咗榮螺囉~刺身款式多，而且新鮮，每樣試少少都未為過呀。而我呢，就再追加咗幾款壽司～^^我就揀咗平時自己鍾意食嘅：加洲手卷、尚鮮卷、馬刀貝、吞拿魚蓉、蟹肉蟹糕、灸燒蟹棒及蟹籽壽司蟹肉蟹糕係必食之選，每次見到我都會點，今次亦唔例外。壽司飯唔會太鬆散式過硬，似係手握而製，呢點值得加分！食完未夠喉唔緊要，因為仲要留肚食「主角」－ A5和牛!原來第一Round係會全碟上，每個部位都可以食到。可惜侍應生未有介紹牛肉，所以我都唔知邊忽打邊忽！食完亦可以再按喜好及個人需要再點喔！每次點餐數量係以片數而計，食幾多叫幾多，咁就唔怕浪費食物啦！牛味濃郁芳香而且油份豐盈，有啲部位更加有入口即溶化嘅感覺。偶爾遇有筋位會稍為韌，但亦唔太影響。食完一Round我已經覺得好滿足，但牛魔王依然未夠喉，依然仲可以繼續食食食！爸爸仲先後再點咗其他牛肉及少量豬肉。牛舌、牛仔骨及醬燒牛都值我推薦喔！重點，呢度都有菠蘿可以燒添架～唔好錯過呀！呢度原來收費有兩個價，唔食A5仲可以平少少, 但一樣食到安格斯牛肉、壽司、刺身等等。Remarks:小朋友身高90-120cm 已經要收費喔~^^…查看更多

有朋自遠方來, 當然又係食好西嘅時間。難得帶完大小朋友們逛完鐘樓、星光大道, 又去完 isquare 嘅playhouse玩, 我地就決定近近地係尖咀食埋LUNCH先再繼續行程!今次我地一行10個大人再加幾位小朋友就揀左去咗食片皮鴨！我地叫咗一個套餐,再額外散叫咗一啲小菜,除返開大人每位都係百零蚊一個左右, 以尖沙咀區而言,價錢尚算OKAY。仲要小朋友原來有個免費嘅兒童餐添! (只限4歲式以下小朋友)其實8人餐都多野食, 不過份量唔夠我地八個食肉獸食, 所以再加餸。8人餐包括有:松花皮蛋拌豆腐花雕醉雞雞絲粉皮 烤北京填鴨宋嫂鮮魚羹金銀炒鱔糊醬爆肉絲和菜戴帽古琴鴨肉炒飯而我就會特別推介以下幾款係8人餐內嘅餸菜:1.) 雞絲粉皮 爽口彈牙, 而且層次豐富. 有青瓜絲子雞絲伴隨, 食落口感更佳2.) 烤北京填鴨當然唔少得鴨個份啦!原來呢度會有埋師傅現身出來切鴨添架, 睇住師父一刀刀咁片隻鴨都幾治癒, 因為師傅真係切得好均勻。師父話呢碟係鴨胸皮，又叫一口酥。最啱就係配埋沙糖或秘製蜂蜜黃梅醬酸梅醬來食。入口鬆脆唔油膩。而呢碟就係戲肉 - 片皮鴨!我家小JM唔覺唔覺都食咗兩件添！同平時食嘅程序都一樣，係以餅皮將青瓜、京葱、哈蜜瓜等配料及調味加入，再慢慢包起來食！青瓜京葱夠爽脆，再加哈蜜瓜嘅清新，三者加埋又可以去除油膩感兼增加層次添！3.) 金銀炒鱔糊鱔糊平時都食唔少, 但要保持銀芽脆口, 鱔肉嫩滑都唔係易事.4.) 醬爆肉絲呢款醬爆肉絲亦係推介之一唔止大人岩食, 就連兒童餐都一樣有呢味餸, 不過味道係減左一半.而出奇地, 平時少食肉嘅小JM幾乎食晒。　睇來我要研一研點煮。大人版味道夠，而且肉夠嫩唔老，佐飯一流！5.) 古琴鴨肉炒飯炒飯夠乾身而唔會油膩, 仲食到淡淡嘅鴨肉香添除咗以上呢幾款心水小菜之外, 值我推薦嘅仲有呢幾款:蔥燒富貴魚睇賣相唔多吸引? 但其實好有內涵先真。多寶魚骨少肉嫩，好岩長輩同小朋友食，再配埋個酸酸甜甜嘅醬汁就更開胃！花雕醉肘子醉雞就食得多，醉肘子其實都係第一次。一上枱想話相機食先，已經聞到陣陣酒香。夏天就最啱食呢個冷盤，咬落爽口又帶淡淡酒嘅香氣。最重要係豬肘子有大量膠原蛋白質，啱晒女仕們！食飽晒當然唔少我要食甜品，我同小JM就分別揀咗腰果露同紫米露。紫米露係小JM嘅飛佛, 食親中式糖水都必點。但呢度嘅紫米露就有少少唔到，但食落一啲都唔差架！小主大大啖食晒咁滯，我只係食到一啖仔咁大把！而我就緊係揀腰果露啦！係市面比較少見，而且腰果露亦相對較為香口。呢度嘅腰果露細滑香濃，的確唔錯。…查看更多

父親節正日無同爸爸去慶祝，今日等爸爸收工決定去食好西。重點原來呢度仲係全港首家榮獲北海道市政廳認可嘅北海道餐廳，兼且場內仲有埋兒童餐添，帶埋小JM來食都一樣無難度。今晚我地「一人一套餐」，再加少少壽司同手卷咁，都已經好夠飽。爸爸 CHOICE:  鐵板美國安格斯西冷（套餐）套餐包括:味噌湯、茶碗蒸、前菜及白飯爸爸係牛魔王, 自然唔少得食牛今次嘅美國安格斯西冷爸爸揀咗五成熟, 上枱再加埋我影相都差不多已經七成。味道不錯，牛味濃郁，只係筋位有點韌，不過係可以接受嘅。茶碗蒸有冬菇及蟹柳等食材，味道濃淡適中，連女女都喜歡食，足足食咗一個半茶碗蒸添。媽媽 CHOICE:  角切刺身丼（套餐）我嘅套餐同爸爸嘅大同小異，但主食我就揀咗角切刺身丼。份量對我而言剛剛好，食得晒又唔會浪費。材料新鮮得來夠豐富，刺身款式都有成五、六款，配合多款刺身令口感更為有層次。小JM CHOICE:  兒童餐A兒童餐A大部份都係熟食, 除咗蟹籽壽司。但其實小JM都好鍾意食蟹籽壽司架。兒童餐A包括：壽司：蟹柳壽司、玉子壽司、腐皮壽司、多春魚子壽司及青瓜壽司主食：湯烏冬及飯團甜品及飲品：啫哩及益力多最先被小JM KO嘅就係烏冬, 之後仲俾佢發現咗我同爸爸個餐有茶碗蒸, 仲打劫埋添。我只係食咗幾啖咋，太唔公平啦！食完之後小JM先慢慢啖自己嘅壽司及甜品。女呀，其實無人同你爭，真係唔駛CHUR咁快。整個餐點小JM食咗接近７－８成！唔錯喔！壽司及手卷:火灸鰻魚芝士芝麻反卷反卷嘅鰻魚香軟, 再配埋芝士及芝麻令層次更豐富, 食落更具滋味。（左）海膽手卷　（右）油甘魚壽司海膽手卷比坊間嘅具份量，而且入口即溶，極盡鮮味。海膽仲好細滑添。油甘魚壽司油甘魚肥美，肉質甘甜，壽司飯唔會過於實或鬆散，值得一試喔！…查看更多

放工相約朋友去小聚？無問題，近近地大角咀都一樣得，仲要剛好發現原來千之味係呢區開咗分店　－　御品·千之味深水埗嘅千之味我地早就試過，而且性價比亦高，所以我地亦揀咗御品·千之味來做小聚嘅地方。我地一行五大兩小，一共食咗千八蚊，唔計小朋友的話大人除開每位HKD$350-左右。未計刺身及飲品，我地都已經食咗成17、18款食物，當中包壽司、小食、串燒等。。。好，事不宜遲，即刻睇下我地食咗啲咩啦！前菜：粟米蟹籽沙律，大人同小朋友都愛！亦估唔到原來咁大碗，好彩無打孖叫。辣味螺肉，辣度惹味，而且螺肉夠爽口。刺身：三文魚、甜蝦、油甘魚、劍魚腩刺身夠新鮮肥美，算係中規中矩。帶子刺身，因為漏單所以分開上。遇有問題店員都好幫忙，忙手對單及覆核，很友善。玉子燒：厚燒玉子蟹柳玉子燒因為有小朋友同行，玉子燒當然少不了，我地仲點咗兩款不同口味俾小朋友食。我自己都有試到蟹柳玉子燒，真係唔錯。甜度適，蟹柳及蟹籽仲令玉子燒多咗層次及口感，小朋友們好快口就清晒添。壽司及卷物：火龍卷見到都一定會點嘅卷物之一!份量十足，而且蝦肉微脆爽彈，如果蟹籽再多啲就更正！軟殼蟹反卷軟殼蟹依然脆口，而且不乾身，美味可口。鰻魚芝士忌廉卷*芝士控必點* 鰻魚嫩滑味美而且多燒汁，只係稍為不夠肥美。但加埋芝士忌廉，入一簡直一絕！雖然好邪惡，但女仕們都好難忍口。（上）龍蝦沙律軍艦、蟹肉蟹膏軍艦（下）火灸芝士熟蝦小食：芝麻雞翼、御品。半熟牛扒芝麻雞翼外皮酥脆香口，內層肉質鮮嫩多汁！半熟牛扒只屬一般，有半塊過熟,變得有點老。七味雞翼炸餃子串燒牛舌芯肉質夠厚，若多點調味會更為惹味。吉列炸蠔吉列外層稍為有點厚，但夠脆口，蠔亦唔會有腥味。燒汁一口牛燒汁有點甜甜地，牛肉肉質細嫩。埋單後原來仲有雪米糍，我地仲係度互相估下大家食咩口味添！…查看更多

炑八韓烤 相信好多人都食過。我地小JM家及朋友們亦算係九龍城 店嘅常客。無他嘅，我地都係食肉獸 及 燒肉迷。最近FB好多人都提 炑八韓烤親子餐廳，於是我地都嘗試訂坐，帶小JM去體驗一下!⚠️建議盡早訂位，聽職員講5月份某啲日子都較為full喔！⚠️樓下無停車場，附近有個24蚊一個鐘嘅，行幾分鐘就到💡如平日八點半後亦可嘗試Walk-in。以往我地同朋友食韓燒時，會自己俾玩具小JM玩打發時間。而喺呢度，就會有。。。☘小朋友有餐前小食提供☘有可填色餐枱墊，同時亦有顏色提供，可以俾小朋友打發時間。☘場內設有 小型兒童遊戲室 俾小朋友係飯前或飯後放電。☘而最特別嘅就莫過於小朋友可以免費租借及 試穿韓服。💗設有育嬰室，可惜尚在維修⚠️廁所有點窄，但尚算okay⚠️如需兒童餐 具可以叫職員幫忙安排，我地自備咗無用到⚠️要入遊戲室記得著襪喔！呢度嘅餐單同平時嘅有少少唔同，多咗兩個可以俾小朋友食用嘅套餐及設有數款兒童餐可供選擇。今次我地就點咗個三人嘅炑八KID燒烤套餐，及數款平時食開嘅心水。💰今餐大約800零蚊左右，都算okay #平時5個人食千五蚊走唔甩 必食之選: #韓牛貝身肉、#薄切牛舌、#護心肉⚠️套餐份量還可以，只係對於我地而言 肉量 有點不夠。⚠️今次嘅護心肉有點偏濃味及偏鹹喔。⚠️摩天輪好吸晴，食物再熱啲就更Perfect…查看更多

難得爸爸放早，可以近近地係觀塘食好西。觀塘有好多工廈，當中隱藏咗好多特式小店架，今次我地就同爸爸去咗食Bella Shine！一入門口，小JM就被兩副鎧甲所吸引，不停問係咩來咩來。。。店內有BB High Chair及小童餐具提供。剛好我地有牆邊嘅大枱，所以我地就無用到High Chair。不過係嘢食來到都發生咗件小插曲，就係小JM打瀉咗水呀。好彩店員都好快手幫忙抹乾枱面又提供餐紙巾俾我抹乾衣衫嘅水。講返今晚呢餐先，我地分別叫咗一個Set Dinner再單點一個意粉轉餐。Set Dinner我地揀咗Set C:前菜:法式野菜凍批、蟹肉沙沙、火灸海膽醬赤蝦沙律湯:日本南瓜蟹肉忌廉湯主菜:酥皮焗牛柳伴老虎蝦配黑松露燒汁今日嘅餐湯係日本南瓜蟹肉忌廉湯，完全啱晒為食嘅小JM。整個湯都充滿南瓜嘅香氣，滿口南瓜蓉嘅感覺，而且湯中仲有啖啖蟹肉，更覺鮮味！店內亦有蒜蓉包提供，亦可以配埋一齊，味道唔錯架。蒜蓉包做到外脆內軟，而且香氣十足，連平時少食蒜蓉包嘅我都忍唔住要試。前菜中嘅法式野菜凍批帶少許微辣，口感似蛋糕，幾特別。蟹肉沙沙同火灸海膽醬赤蝦沙律都係我喜歡嘅，蟹肉沙沙口感清甜，仲有啖啖蟹肉，加埋飛魚籽感覺更豐富。而火灸海膽醬赤蝦就好鮮甜！來到主菜酥皮焗牛柳伴老虎蝦配黑松露燒汁！牛魔王就緊係要食牛，仲要有酥皮焗牛柳伴，當然要試一試啦。酥皮上枱時仍然好脆，以餐刀切下已經聽到碎開嘅聲，切開見到牛肉仍然鮮嫩帶粉紅，我同爸爸都已經急不及待想食啦！將牛肉配以黑松露燒汁份外惹味。當中嘅薯蓉、原隻焗薯及老虎蝦亦不錯，香口又滋味。雖說小JM未餓，但我地亦叫咗一客軟殼蟹天婦羅鹹蛋黃意粉，以防為小JM來襲。果然不出所料，小JM見到我地食嘢都係要食埋一份。我喜歡軟殼蟹天婦羅，外層夠脆口，內裏鬆軟得來啖啖肉，而且唔會太乾。意粉雖然加咗鹹蛋黃煮，但唔會太膩或太鹹，恰到好處，而且食落仲帶有蛋黃香添。剛好店內有「１蚊小食五選一」優惠，我地亦加左一客 吉列一口芝士。芝士上碟時有點鬆散，味道還可以，只係芝士味略嫌不夠，或者因為我地都係芝士怪，喜歡濃一啲，但以性價比來說已經唔錯。最後仲有甜品，分別有曲奇mousses、Tiramisu及芝士蛋糕。味道不會太甜，但有點實。…查看更多

同小JM一齊等爸爸收工，近近地係德福食個便飯就最方便，無他嘅，德福夠大又多唔同食肆呀嘛。今次我地快快手揀咗釜之魂，因為小JM話想食鰻魚飯！咁就緊係小主行先啦。雖然兩大一小，但真心三個飯先我地食，所以我地決定一人食一個！當然，小JM嘅都係食一半,食唔晒就由爸爸包底。媽媽之選：汁燒牛肉釜簡單點評：我同爸爸都係嗜牛之人，當然見到亦唔會放過。呢個飯性價比都幾高，不論賣相、味道及價錢，各方面都好ＯＫＡＹ！牛肉來到仲係保持鮮嫩，唔會變晒Well-Done咁鞋咁乾。肉質依然帶粉紅，咬落軟綿綿帶濃厚牛肉味，再加埋蔥花及芝麻就更加香口惹味。飯有少許乾身加埋蛋絲香蔥食就好點，但就促成咗底部嘅飯焦，帶微脆口感。小JM之選：鰻魚金魂特簡單點評：小JM喜歡食鰻魚，而呢度嘅鰻魚飯亦有分幾款，可謂任君選擇。我地揀咗金魂特。個飯一上，小JM頓時嘩嘩聲。鰻魚飯用料十足，鰻魚亦好肥美而且無腥味。但小朋友食用時亦要小心幼骨，可以用匙慢慢刮起鰻魚肉以伴飯來食。呢度嘅鰻魚汁仲可以無限添加架，唔夠就可以叫店員再幫你加。爸爸之選：古味鹽麴牛舌盛釜簡單點評：相比另外兩個飯，牛舌整體屬一般，可能因為有點鹹及韌但食落亦好香口，牛舌亦算爽，可能有啲根位所以先會韌啦。我地另外加錢（HKD$18/@) 將其中兩個飯變成SET，會包埋前菜、湯及飲品一杯^湯要趁熱飲就會更加好味喔!^三個人嘅晚餐都只係HKD$300左右，呢邊有埋Parking，所以都好抵喔!…查看更多

今次輪到我地帶爸爸去食生日飯，原先只係打算食餐飯就算，但見呢度啲甜品整得好靚，於是就係爸爸去泊車嘅時間我地記同服務生夾好，揀咗款甜品俾爸爸，再寫上生日快樂。^Pistacchio Panna Cotta味道清得來帶點開心果嘅香味，不會太甜，有別於一般果凍。最後呢個小驚喜都成功，爸爸都好開心滿意添。我地都好感謝呢度嘅服務生，佢地真係好nice,女女走嘅時候仲主動同姐姐們say Goodbye添。今次生日飯比較簡單，我地叫只係叫咗幾款嘢食，無計啦，要有埋小朋友，就只可以揀小朋友都啱食啱去嘅地方。來呢度除咗因為嘢食唔錯之餘，仲有唔錯嘅環境添，同時設有小朋友餐椅添，所以絕對啱晒帶埋小朋友嘅我地。我地分別點咗以下幾款食物:Caesar Salad呢度嘅Caesar Salad唔係配雞肉或煙三文魚，而係配魚仔。識我嘅朋友都知我陀Ｂ後到而家都仲係接受唔返食魚，　因為怕會腥，但今晚，我出奇地食咗大半個沙律。菜夠脆口清甜，魚帶鹹香而不腥。Alaska Crab Tagliolini呢個阿拉斯加蟹肉幼意粉可以話係小JM最愛，一個人仔已經食咗一大半。味道適中，不太濃，麵身幼細彈牙，有啖啖茄蓉及蟹肉。蟹腳味道算不錯，但食用時要留意有少許碎殼。Angus Rib Eye爸爸係牛魔王，又點少得食牛呢？爸爸今次揀咗食呢度嘅安格斯肉眼扒，揀咗５成熟。牛肉來到完全正啱啱好，無OVER COOK到，亦無變WELL-DONE，肉質依然好鮮嫩，咬落軟棉棉，而且仲有啖啖嘅牛肉香氣，做到外邊微脆而內軟嘅效果。呢個扒仲配埋調味添架，分別有：牛肉汁、黃芥辣、岩鹽順帶一提，餐包都係小JM喜愛嘅食物喔。…查看更多

假期外出食飯就係緊局，無他嘅，當媽嘅都會想放假架嘛。今日爸爸記車咗我地去Mikiki食野，原先就想食意大利chan，可以係泊車優惠，咁記轉場，去咗低層食茶記。今次我地試呢間茶記係之前未食過嘅，只係一心諗住茶記實無死，所以就試咗。除咗本住「茶記實無死」嘅心態之餘，其實仲係俾佢嘅「黯然銷魂飯」所吸引嘅。我就叫咗個 「黯然銷魂飯」，而爸爸就揀咗 「雜扒飯」。黯然銷魂飯飯來到見到同相有7，8成相似，跟得真係好足!叉燒有別於一般食到嘅，呢款會比較鹹一啲，但肉嘅厚度就有返咁上下，而且仲好嫩下添。將蛋桔穿撈飯食，絕對美味。雜扒飯爸爸係食肉獸，肉係每餐必備嘅。呢度嘅豬扒份量尚算okay，足以滿足爸爸胃口。雜扒飯包括有豬扒，雞扒，餐肉及香腸配埋薑蓉撈飯亦不錯。…查看更多

剛好爸爸放工後要去深水埗買汽車飾品，而遇啱女女又想食烏冬，結果就去咗食千之味。呢間日式料理店我地都係首次到來，起初以為店仔細細，無乜特別，但食落記好有驚喜，就連爸爸都話值得再試!我地一行兩大一小，都唔算叫咗好多野食，但食完都覺得剛剛好，份量好足夠。埋單一共HKD$430-（連加一）1.海膽軍艦來到有驚喜，係原片大大塊嘅靚海同8而非細細粒散修修海膽。食落好creamy, 好香滑甜口我同爸爸都大力推薦，性價比高之選!2. 軟殼蟹反卷軟殼蟹趁熱食絕佳，依然脆口酥嫩3. 火龍卷火龍卷亦係我喜歡嘅料理之一，不單外形靚，又好食，所以通常見到都一定會叫來試，今次亦不例外。火龍卷鋪上滿滿蟹子，簡直就係我同小JM最愛。小JM即使食緊烏冬亦不忙叫我地俾蟹子佢加份烏冬一齊食。另一樣值得一提嘅係，呢度嘅wasabi係鮮磨嘅，比起坊間嘅更加惹味，爸爸甚為喜歡!4. 燒牛舌芯 蒜香一口牛我同爸爸都係牛魔王，見到有牛串燒當然亦要試一試。牛舌爽嫩，有咬口，但略嫌黑椒稍多;蒜香一口牛，肉質鮮嫩，牛味濃亦帶蒜香。5. 汁煮牛肉湯烏冬牛肉煮得夠份味，就連帶洋蔥都一樣好食而小JM最喜歡嘅莫過於溫泉蛋，仲為食到一連食兩個。。。果然「小孩貪吃」。烏冬細滑軟身，連小朋友都啱食。店內除咗有單點嘅食物及料理之外，仲會有定食提供，我地亦揀選咗一個牛嘅定食。6. 半熟牛扒定食原先只係諗住叫多烏冬，但見到定食餐單有半熟牛扒，都係忍唔住叫咗。整個定食拎到來都好靚仔，我都忍唔住要即試下啲牛。果然係半熟，肉質依然彈滑鮮嫩，而且仲帶粉紅。牛肉味亦好香濃添。但邊位有點筋，稍為難咬，但整體值得一讚。配菜及沙律亦值得一提，都好咪3美。整個定食亦算不錯，值得再take 2。有樣嘢要提一提，叫定食仲可以等定食到咗之後打卡，店家仲會送一客小食添架。爸爸今次記揀咗餃子。食完嘢之後店家仲為我地送上甜品 - 雪米糍為我地嘅晚飯畫上一個完滿嘅句號。…查看更多

我都係個台茶控，閒時經過台式飲品鋪都忍唔住會買來自己飲底同女女share。剛好尋日飲完茶經過APM，先發現原來開咗 茶狼， 睇來我真係太少行APM呢邊啦。之前聽朋友講話正，今次遇啱無乜人唔駛點等，又點忍到手唔試呢？見佢地出咗新嘅熱飲 - 紫薯奶烏龍茶剛好紫薯又係女女鍾意，又多個藉口買來試。雖然加咗紫薯蓉同奶，但烏龍茶嘅茶香未有被兩者而掩蓋飲落入口仲有濃濃嘅烏龍茶香，呢一點我比較欣賞。紫薯蓉中帶粗粒狀，所以較為有口，食落仲幾香，亦好順滑。*題外話，呢個紫薯熱有仲有奶蓋版，只係HKD$35，但本身好少飲奶蓋所以無揀。店內間間亦幾舒適，見到有唔少茶客都係店內嘆茶。下次或者等人時都可以去扮下偽文青。…查看更多

以前返工時食Lunch總會去Mikiki食，貪Mikiki選擇夠多嘛。我地全家都喜歡日式料理，而且遇啱定食8有新MENU多咗嘢食選擇，所以我地就決定會一會佢！出發前小妮子話要食鰻魚飯，到達後秒變心要食兒童CHAN。💗小JM’s Choice: 天婦羅蝦兒童餐份量不多，剛剛好，而且配搭適合小JM口味。當中最吸引小JM嘅莫過於係茶碗蒸，味道清香幼滑，比坊間嘅更少了一點鹽份，所以更能迎合小JM口味。小JM連爸爸嘅茶碗蒸都食埋💗Mama’s Choice: 海景丼我嘅海景丼有八種不同嘅材料，包括三文魚、希靈魚、熟蝦、北奇貝、蟹籽、蟹柳等… 一個價錢就食到八款食材，性價比唔錯喔~^^~呢個丼飯有我最愛嘅希靈魚喔！但稍微有點不足嘅係飯有點太硬。💗Dad’s Choice: 海膽海鮮丼爸爸嘅海膽海鮮丼就有五款食材，包括主打嘅 海膽、三文魚、希靈魚、北奇貝 及 凡立貝。海膽味道夠鮮味，入口順滑。另外，我地個丼可以加錢變SET，加10蚊有埋味噌湯及茶碗蒸加15蚊有齊味噌湯茶碗蒸同嘢飲…查看更多

終於終於有時間同爸爸去試美心 MX嘅 金沙香酥雞翼系列啦！因為爸爸同行嘅關係，我地一並叫咗三個茶餐！🌸燒鴨瀨粉🌸金沙香酥雞翼+火腿米粉🌸金沙香酥雞翼+黃金蜜糖船💡小點評：金沙香酥雞翼外皮香脆，雞肉嫩滑。咬落有啖啖香濃嘅鹹蛋黃香味，味道適中，唔太鹹。呢個配搭夠晒特別而且惹味，值得一試！黃金蜜糖船做到外脆內軟嘅效果，落埋蜜糖及牛油，咬落感覺都清新，連小JM都忍唔住要瓜分我一半!爸爸食完覺得個湯底有點淡，但就好啱小JM。燒鴨肉質唔錯，亦好夠味。…查看更多

我地去咗元朗BBQ，順便去 沐白小農買咗幾杯靚台茶來嘆下啦！一邊嘆茶，一邊BBQ，仲唔係人生樂事！ 仲要撞啱有新品推出，緊係要試一試再同大家匯報一下啦。🥛小JMの選: #桂圓鮮奶小JM係好喜歡食圓肉嘅，所以當知道有桂圓嘅相關新品推出就即刻買俾佢試試。剛好尋日天氣都好開轉冷，飲返杯暖笠笠嘅桂圓鮮奶剛好可以溫暖一下。小JM知道飲品有桂圓肉後真係一啲都唔諗住俾我試，仲叫我自己飲返 #芋頭鮮奶。還好係過手前我都飲咗幾啖，偷下雞。💞媽媽飲後感：桂圓鮮奶味道清甜順滑，啖啖果肉，而且甜度適中，最重要有埋熱飲，啱晒凍冰冰嘅日子。🥤媽媽の選: #大甲芋頭鮮奶💞媽媽飲後感：芋泥味道香濃豐郁，軟棉棉得來仲夾雜一啲芋頭粒。夠晒香滑，最正係有得飲又有得食。#值得一試之選　🍊爸爸の選: #西施柚子茶💞爸爸飲後感：（不好甜的爸爸）柚子比較清新香甜，而且唔會有澀味。飲落啖啖都有柚子嘅果肉，有啲仲係連柚皮添，口感特甜清香，而且有仲少少甘甜。BBQ飲剛好可以去油膩感，值得一讚！…查看更多