敏華冰廳 (Mikiki)

营业中

休息中

假期外出食飯就係緊局，無他嘅，當媽嘅都會想放假架嘛。今日爸爸記車咗我地去Mikiki食野，原先就想食意大利chan，可以係泊車優惠，咁記轉場，去咗低層食茶記。今次我地試呢間茶記係之前未食過嘅，只係一心諗住茶記實無死，所以就試咗。除咗本住「茶記實無死」嘅心態之餘，其實仲係俾佢嘅「黯然銷魂飯」所吸引嘅。我就叫咗個 「黯然銷魂飯」，而爸爸就揀咗 「雜扒飯」。黯然銷魂飯飯來到見到同相有7，8成相似，跟得真係好足!叉燒有別於一般食到嘅，呢款會比較鹹一啲，但肉嘅厚度就有返咁上下，而且仲好嫩下添。將蛋桔穿撈飯食，絕對美味。雜扒飯爸爸係食肉獸，肉係每餐必備嘅。呢度嘅豬扒份量尚算okay，足以滿足爸爸胃口。雜扒飯包括有豬扒，雞扒，餐肉及香腸配埋薑蓉撈飯亦不錯。