sammichan555的个人专页

最近工作辛苦了，獎勵一下自己去食餐高質素的鐵板燒，網上見到呢間餐廳望到海景好靚，就同朋友試吓原來而家做緊感謝祭優惠，晚市的套餐只係每人$800，以呢個質素嘅鐵板燒來說性價比高，餐廳的景色真係好吸引，望到維港海景，一邊食飯一邊睇住日落，好享受地坐喺師傅前面，可以欣賞師傅的刀工及準備食材時的細心，亦會介紹每一道菜的特色，談笑風生成個套餐好豐富，有前菜、刺身、壽司、鐵板燒、湯同甜品前菜賣相已經很精緻，好似一幅畫，京都湯葉口感似腐竹，豆味濃，而水雲菜配日本蕃茄十分開胃，用醋醃而酸度剛剛好，汁煮黑梅貝味道亦不錯白松露櫻花鯛魚薄切體現了師傅的刀工細膩，第一次食呢款刺身，鯛魚新鮮而且配上少少鹽食，更帶出刺身的鮮味大池魚壽司的口感比較爽，鮮甜的程度好比日本當地食一樣，而鰈魚壽司是經過炙燒，油脂豐富，魚味香濃澳洲龍蝦係好新鮮，睇住師傅親手將活生生嘅龍蝦變做一道濃郁的龍蝦料理，運用蝦膏將龍蝦肉一齊炒熟，蝦膏徹底包住爽口的龍蝦肉，賣相就好似一幅藝術品三文魚子配北海道帆立貝又係另一個鮮味的代表作，帆立貝燒得剛剛好，配上三文魚子的鹹味，再加上湯頭的配搭，將海底的鮮味徹底帶出嚟美國牛柳有薄切同厚切，我揀咗三成熟，特別喜愛薄切，因為牛肉包住惹味的香蔥蒜片，而厚切牛肉肉味濃，唔需要加任何配料已經好味鐵板炒飯亦十分有誠意，因為師傅細心地首先將櫻花蝦炒得香脆，而且隔除了所有油份，再鋪上蛋炒飯，保持住櫻花下的香氣及質感，而且米飯炒得很乾身餐廳溫馨地準備了自家製漬物，因為可以平衡鐵板燒的肥膩感覺，特別喜歡青瓜漬物，辣辣地又爽口鐵板餐雜菜係芽菜，配上乾蔥芝麻醬，惹味又多汁濃魚湯好似幾十條魚一齊淆出嚟的湯，十分濃郁，魚鮮味十足甜品又係另一個驚喜，師傅將抹茶布甸擺放得很精美，有鮮花點綴，抹茶布甸的抹茶芳香，簡單加上一顆日本黑豆，足以令呢一餐畫上完美句號呢個套餐不但食物質素高，而且體驗到師傅的細心及廚藝，再加上無敵海景，可謂性價比高的一次鐵板餐體驗！…查看更多

因為表弟喜歡食海鮮，所以今晚特別約佢去試一個熱鍋二人海鮮火鍋套餐，食材當然最重要。首先有三文魚刺身四件，夠厚身，味道又夠鮮美。跟住我地揀咗胡椒老壇酸菜白肉鍋做湯底，爽口嘅白肉及好多嘅酸菜，增加咗酸度，惹味非常。將手切安格斯牛小排放進鍋內，好快就熟，有香濃牛肉味，鮮嫩可口。炸魚皮一灼就食得，唔使等，酥脆好味。手打蝦丸爽口彈牙，食得出新鮮蝦味。鮮蝦水餃皮薄餡多，一試令人回味。Q Q粉放落湯裏面，不消三兩分鐘就變透明，吸收咗湯汁，真係Q彈㗎！最後將雜菇拼盤全部放入鍋內，慢慢煮軟熟，格外淋甜美味。仲有主角要出場，話明係海鮮船，新鮮材料就唔少得，計有鮑魚兩隻、元貝兩隻、蜆四隻、蝦兩隻及白鱔片四片，份量十足，鮮味一流，無需蘸任何調味料都食得津津有味。奉送飲品揀咗芒果沙冰及提子沙冰，冇諗過係咁大杯，冰凍有果味，飲落解膩之餘，仲平衡咗火鍋之熱氣 。如果唔食火鍋，餐廳其實仲有小菜供應，任君選擇。卡位夠舒服！…查看更多

之前已經聽過深圳呢間燒肉，原來香港都有，咁方便就試吓餐廳感覺很開陽，坐得好舒服，一入到去餐廳的職員已經好有禮貌，主動送上前菜，仲話可以免費添加前菜有沙律、醃蘿蔔、薯蓉，青瓜等等，全部都好開胃，配上烤肉食可以解油膩烤肉我主要揀咗牛肉，係極尚羽下肉及極上雪花肉，兩款都係上等肉雪花肉的油脂分布很平均，肉質很軟熟，充滿牛香味，配上簡單的烤肉汁已經足夠羽下肉係本身調咗甜甜的醬汁，油脂更為豐富，可以夾生菜一起食，店員更加會主動幫忙燒肉，很貼心墨魚腸係好特別，全條黑色，燒完脆卜卜，食落甜甜地仲叫咗個老式拌飯，主要材料有煎蛋，紫菜，店員會幫忙拌飯，感覺好似韓式拌飯辣白菜似韓式泡菜，食落唔會太辣，鹹度剛剛好，配上烤肉食很開胃餐廳的服務質素比香港一般餐廳好得多，店員主動又有禮貌，係一個難忘的烤肉體驗…查看更多

話比你知銅鑼灣新開咗一間餐廳可以食到台灣嘅酸菜魚，你會唔會覺得好奇怪呢？而且一個人去食都冇問題，因為佢分咗大中細三個份量，嗰間就係築間酸菜魚！今晚一於同家人一齊去品嚐吓佢嘅特色。海派蝦湯魚絕對要推薦比鍾意食海鮮嘅朋友，除咗烏鱧魚片之外，大大隻蝦，大大隻青口及蜆，份量超多，食極都有，湯汁鮮甜，夠清新，相當有驚喜。嘉義砂鍋魚係將炸好嘅魚塊、芋頭、寬粉、腐竹、雲耳及大量炸過嘅蒜頭，放入沙茶湯底去炆，整鍋的濃香仍然保留着鮮嫩可口，又係另一種食法，不妨一試 。高雄甜不辣係台灣獨有嘅炸物，外面炸得鬆脆，內裏香酥軟糯，份量又夠多，令人愛不釋手。另一款浪子鹹酥雞要醃製八個鐘，當然夠入味，外皮炸得香脆乾身，雞肉仲係嫩口 ，還有炸過嘅九層塔伴碟，絕不馬虎。當然要點台式飲品，冬瓜檸檬係首選，冬瓜嘅清甜味 解暑解膩，甜到適中，大熱天時飲用，最啱！另一款暴走波奶茶，當中嘅奶茶並不是一般台式嘅奶精味，係淡淡奶茶味，唔會死甜，再加埋晶瑩爽口嘅寒天，別有一番滋味！台式甜品更不可錯過，叫咗個冬瓜黑糖奶凍，奶凍係自家製，好綿滑，奶味十足，上面仲有爆汁珠珠，好爽口 特別。另一款係士多啤梨奶凍，士多啤梨好鮮甜，配埋奶凍 ，各有特色，冰涼解膩。菜單上仲提供其他可添加嘅食材，選擇好多，各適其適。整體而言，地方光潔明亮，服務週到，食物質素有保證，希望繼續有多啲人捧場。…查看更多

好耐冇食日本嘢，今日去咗銅鑼灣一間日式餐廳，環境幾舒服，由窗望出去就係銅鑼灣嘅街景，而且職員都幾有禮貌網上見到好多人都叫究極丼，原來足足有八款海鮮包括大蝦、帶子、三文魚、碎拖羅、左口魚、蝦子、魷魚同埋海膽，食材種類真係好豐富，而且每一樣都好新鮮，好似喺日本食緊魚生一樣，份量亦都好足夠，完全唔需要點醬油，賣相亦好精緻而海膽左口魚邊蝦卷都好出色，海膽味鮮甜，左口魚油脂豐富，配上中間的炸蝦，口感一流油甘魚刺身有四片，每片都切得很厚，食得出很新鮮，食完很滿足另外在叫咗個醬汁日本黑豚豬扒飯，豬扒炸得很香脆，裏面保持肉汁，亦都好厚身，配上少少醬汁更加帶出豬扒的肉味，而且飯量十分多，一定夠飽餐廳仲做緊生啤買一送一優惠，叫咗杯Orion生啤，飲下啤酒令氣氛更一流原來餐廳仲有另一間分店喺炮台山，如果一大班人食飯，職員話可以訂VIP房，咁就方便大家聚首一堂啦當日的精選餐牌選擇都幾多，可以試最新鮮的食材…查看更多

一間以居酒屋形式經營嘅日式餐廳，店內擺滿各式各樣嘅酒，雖然我同朋友都唔係喜愛杯中物，不過，試下佢地嘅日式食物應該都唔錯。首先有精緻嘅燒茄子串，燒過之後嘅茄子，味道變得格外清甜可口，絲滑細膩，令人回味。賣相好吸引嘅係蒜香牛柳粒黑醬油炒飯，食落蒜香及黑醬油勁濃香，互相配合，天衣無縫，而且每啖都食到鮮嫩嘅牛柳粒，飯粒分明，份量十足，令人食過不停，非常滿足。火炙明太子山藥煎更值得推介，大大粒明太子舖滿在煎香嘅山藥上面，喺融化緊嘅狀態下，增添綿密口感，食到惹味又鹹香嘅明太子，零舍有風味，大家一定要試吓。仲有玉子燒，好靚嘅淡黃色又大件嘅玉子燒，上面舖咗木魚絲，好吸引。入口非常幼滑，仲有微微蛋香甜味滲出嚟，十分滋味。再有蒜香厚切牛舌芯串，燒得夠焦香，醃味適中，肉質厚實，咬落好有口感，唔會靭，果然夠新鮮好味呀！特別值得一提，有一男一女嘅服務員，待客有禮，服務體貼，值得欣賞，令我地好想快啲約埋三五知己再嚟一趟！仲有好多酒可以飲！…查看更多

夜晚去咗一個新開嘅商場食晚飯，見到有一間素食餐廳，環境開揚，坐得幾舒服，入去試吓揀咗個雪松烤餅，裏面有烤南瓜、椰菜、牛油果、洋蔥、再配上辣椒醬，唔好睇小呢個烤餅，食完已經好飽，材料好豐富，有層次朋友就揀咗一個沙律，蔬菜嘅種類好多，有羽衣甘藍、羅馬生菜、烤茄子、椰菜、蕃茄等等，最特別就係有天貝，原來係印尼的大豆發酵食品，配上醬汁食都好清新，好健康加咗$60變做套餐，有一個熱騰騰的蘑菇湯，口感豐富，充滿蘑菇肉，夠晒Creamy另外叫左杯檸檬水，賣相唔錯，微微的檸檬味很開胃天氣比較凍，揀咗杯熱茶，係香茅薑茶，飲完成個人都暖晒，茶味香濃點少得甜品呢，揀咗個朱古力brownie ，唔會好甜，食落每口朱古力，喜歡朱古力的朋友一定會鍾意如果喜歡素食的朋友，可以試下呢間餐廳，餐廳亦鼓勵回收，餐具都是可分解的…查看更多

同朋友行吓行吓，行到太子西洋菜南街，馬路兩邊都係食肆，有齊地道或東南亞風味，梗有一款啱食。見到一間越式河粉幾吸引 ，入到裏面有大大幅越南美少女相片，加上優雅裝飾，有一種清新格調。極品牛三寶湯河粉值得推介，材料有生牛肉、牛展及牛丸，非常豐富。大大片生牛肉浸喺湯裏面，軟滑可口，牛展則爽口入味，牛丸Q彈，味道濃郁，配合幼滑河粉及濃香牛肉湯底，非常惹味。朋友點嘅順化豬肉卷撈檬 都好吸引，首先豬肉卷炸得甘香鬆化，肉香四溢，口感有層次。而撈檬混和適量嘅魚露後，入口冰涼又清爽，令人再三回味。我和朋友不約而同點咗椰汁三色冰，有紅豆、綠豆及珍多粉條，三種顏色好吸引，入口甜甜地，咬落軟滑，配埋冰凍椰汁，唔會太甜，消暑解渴。店員服務態度良好，上菜速度快，下次再試埋其他食品，相信可以盡情感受異國風情。…查看更多

朋友話有間食日本拉麵嘅舖頭，令人感覺似喺日本街頭食嘢嘅風味，咁就一定要親身感受吓。由於店舖細細間，只有十個八個座位，大家排排坐，變得密質質，零舍有特色。而且佈置又似日本街頭，各種標誌更滲出東瀛風格。當然嘆我鍾意嘅吉列豚肉豚骨湯拉麵，薄身嘅豚肉，香氣撲鼻，一食就停不了。拉麵可選擇軟硬度，各適其適，豚骨湯非常豐盈，味道濃厚，麵質滑溜，互相配合 。我特別加咗玉米及溏心蛋，蛋確實做到溏心效果，滑滑嘅蛋白，夠幼嫩，蛋香滿分。再升級為套餐，配咗可口可樂及炸章魚球，章魚球炸香後，爽滑可口，甜甜醬汁有和風味道。朋友揀咗吉列牡蠣黑蒜油豚骨湯拉麵，香濃豚骨湯底加埋黑蒜嘅獨有香味，極之惹味，配大量蔬菜及爽脆日本木耳，令整碗拉麵口感更加豐富，滿足感大增。仲有套餐嘅滋味雞軟骨及雪碧汽水，雞軟骨炸得香脆可口，好好食。好容易食得出廚師用心炮製食物嘅堅持，更值得一讚嘅係佢地唔會落味精，令人食完唔會口渴，真係冇得彈。…查看更多

喺荔枝角D2 Place One我揾到一間寧靜舒適、可以好好享受愜意美食嘅餐廳。今晚試咗 “幕間特選二人前 ”，前菜係和風刺身沙律，有兩份，擺盤好靚，見到已經流晒口水，刺身有赤蝦及北寄貝，新鮮甜美，為今晚打開美味之門。小食係唐揚拼盤，有吉列蠔、玉子燒、唐揚炸雞及芝麻雞翼，非常豐富，每款都炸得甘香可口，齒頰留香。一品係六選一，揀咗醬油鰹魚湯煮花膠，花膠炆得極之入味，軟滑有彈性，日本大根吸收鰹魚醬汁，鬆化淋甜。主菜三選一，必選鐵板風蒜片牛柳粒，因為牛柳粒非常juicy，有牛肉鮮味，份量十足，蒜香撲鼻，絕對食到舐舐脷。鐵板炒野菜，係將椰菜同菇一齊炒到金香，調味適中又爽滑。主食有二揀一，可以選黑松露蘆荀炒飯，蘆筍好爽甜，蛋粒加黑松露好夾，飯又炒得粒粒分明，冇油膩，好好味。另有兩杯飲品，凍焦糖鮮奶咖啡及凍榛子鮮奶咖啡，香濃幼滑，配任何食物都無懈可擊。極盡完美的一餐，不亦樂乎。…查看更多

位於漆咸道南，正正面向尖東嘅一間點心小館，藍色卡位或座椅係佢嘅標記。由米芝蓮二星級主廚打理，有信心保證，今日要親身捧場。首先當然係揀飲邊款茶啦，有普洱、香片或鐵觀音，亦有玫瑰白桃或人參烏龍茶，都只不過係五蚊、八蚊或十蚊的分別，非常便宜。分別叫咗以下八款點心品嚐：招牌蝦餃皇當然係首選，蝦夠新鮮爽口彈牙，好味道，一定要試。叉燒包果然係真材實料，外皮超鬆軟，熱辣辣，叉燒夠惹味，好食！翠綠小梨子鹹水角，造型吸引，餡料十足，打卡一流。海鮮雪茄春卷夠創新，春卷炸得夠脆，裏面包滿蝦肉，一脆一軟，勁夾配。牛肝菌蟹肉酥 ，牛魔王造型特別吸引，令人愛不釋手 。鮮蝦腐皮卷，出面炸得香脆，配埋蝦肉嘅鮮甜，百分百好味。再有淨鮮蝦雲吞，雲吞有鮮味，粒粒飽滿，湯底夠濃味，配雲吞冇得彈。最後當然有甜品啦，椰香蜜糖脆蛋散，質地非常鬆化，隱約滲出椰香味，手工製作有誠意。呢間小館其實仲有湯麵、生滾粥、燉湯及小炒。一於下次約埋班老友再嚟過，一邊聚舊，一邊嘆美食，一樂也！…查看更多

尖沙咀有間新開食肆叫柴夫人魚館，推介豆花魚， 覺得新奇，一於同家人去試試。當然嘅選擇係招牌香辣豆花魚，揀咗巴沙魚，魚質軟滑 ，易吸收湯汁，鮮甜入味，湯底仲有大豆芽菜、土豆片及酸菜，好豐富，配合嫩滑豆花，冇違和感。其他火煱料有牛肉片，鮮嫩幼滑，有牛肉鮮味，牛肉控必選。秘製牛肉丸果然夠彈牙爽口，好味道，值得推介。鮑魚就要20蚊一粒，雖然size細細，但咬落煙韌，質地爽身，鮮味滿分。再加半條鱸魚，質地實淨，有咬口，喜歡食魚嘅朋友一定要點。鮮菇當然要夠新鮮，先可以完全吸收湯汁精華，入口鮮嫩無比。切片蒿荀，清甜快熟，可以去油膩及清吓味蕾。響鈴淥三幾秒就食得，快脆直接，煙韌好味。自磨豆漿唔會好甜，有豆香味，做火鍋飲品，一流。最後仲有黃金大餅，炸好上碟，金香鬆軟。店舖裝修新淨，清潔衛生，招呼亦唔錯。…查看更多

朋友話想食火鍋，揀咗一間喺旺角嘅火鍋店，舖頭裝修得好精緻，卡位坐得好舒服叫咗個鴛鴦鍋，係黃金皮蛋芫荽湯同埋麻辣湯底，麻辣嘅花椒味濃，好適合鍾意食辣嘅朋友，而皮蛋芫荽湯好有芫荽味，清清地食得到材料嘅真正味道叫咗兩隻扇貝好新鮮，滾一滾就食得，味道鮮甜而三星蔥爆漿貢丸充滿驚喜，三星蔥味濃郁，呢款貢丸比一般嘅特別而蜂巢豆腐可以吸收晒所有湯底嘅味道，分量又多，好抵食鮮淮山真係新鮮切出嚟，仲有淮山嘅漿液黏着，味道好清甜雞髀菇大大塊，亦都可以吸晒湯底嘅精華，食落好新鮮餐廳仲有好多唔同食材嘅選擇，相信一班朋友嚟都可以食得好開心…查看更多

超好彩喺黑色暴雨之前可以食到今年嘅生日飯。嚟到順利商場，呢間新開咗冇耐嘅泰國菜舖頭，一到食一到見到源源不絕嘅客源。叫咗個而家最流行嘅曼谷火山排骨，上碟已經超吸睛，充滿着乾冰嘅模樣同埋超大嘅份量，果然係而家最流行嘅菜式！上面配有一啲香蔥嘅配料令佢更加惹味！然後一定要食嘅，就係泰國嘅生蝦。佢有六隻或者12隻，人少少叫六隻已經夠食！生蝦非常大隻，佢有兩種醬汁，一種係比較辣嘅，另一種係類似香蔥味嘅醬汁。然後嗌埋馬莎文咖喱牛腩配白飯，呢度咖喱超抵食，有牛腩有牛筋，仲有薯仔三色椒配菜份量超夠，辣度亦都啱啱好。配埋白飯一齊食超滿足。再加一個通菜馬拉盞，通菜大大碟，而且馬拉盞嘅份量超多，味道上濃而不膩，想嗌多一碟添！飲品嗌咗自己鍾意嘅芝士奶蓋：芒果芝士沙冰🍧同埋紅豆冰！泰國芒果甜甜配埋濃郁嘅芝士奶蓋，清新解暑一流！紅豆冰味道都唔會太甜，配埋口味豐富嘅泰國菜一齊食就啱啱好！估唔到呢間舖頭咁受街坊歡迎。出邊嘅人流未停過，希望佢繼續有多啲人幫襯啦！因為真係價錢親民，亦有一定質素保證！…查看更多

平時都鍾意食湯麵，烏冬等嘅菜式，今日搵咗間鯛魚湯烏冬試吓，舖頭好光猛整潔，坐得舒服，仲有一條大魚坐陣打開餐牌原來價錢唔貴，揀咗個招牌花膠扒鯛魚湯烏冬，估唔到塊花膠扒係好厚，好足料，花膠係女性嘅滋補寶物，食完可以提升骨膠原花膠吸收晒啲湯嘅鮮味，提升左一個層次，而且烏冬嘅軟硬度適中，好好味朋友揀咗個八爪魚鯛魚湯烏冬，一樣好出色，八爪魚肉質鮮嫩，再加錢配上鯛魚片，魚質好嫰滑，鮮味十足，配上啲魚湯食係絕配員工嘅態度好親切有禮貌，以晚市嚟講價錢超值，下次會再嚟試吓其他菜式原來仲有刺身食…查看更多