ellalmy1224的个人专页

剛開始認識「椰子雞火鍋」係喺大陸，原來慢慢呢股熱潮已經殺到嚟香港～入到「四季文昌」不自覺就「嘩～」咗出嚟，因為上樓梯就見到一個大書櫃，抬頭望仲有幾盞復古吊燈，成個感覺好復古、好有書卷味，唔講已經入咗一間cafe。然後行到上去，原來好好好大間下，但六點幾去到，D員工仲多過客，開始滴汗！（但其實7點幾走都仲未坐滿半個場）我地三個人去食，叫咗一個398蚊嘅「2人份竹笙椰子雞套餐」，份量岩岩好。先睇湯底，真係好清，咁樣望好似無乜料到。雞嘅份量都ok~而且每張檯會有一個小沙漏，幫客人計下個雞煮幾耐食得，湯底幾清甜、幾好飲。份量好少好少，完全可以秒殺。呢份小食可以話係敗筆，唔開胃都算，甜味好怪，配搭好唔掂，真心唔好食，可以用「劣」字嚟形容。建議可以轉提供酸蘿蔔、酸辣青瓜，醒胃好多！不過不失，唔會話有乜驚喜。到底係唔係日本直送真係無從判斷，但其實D菜又唔洗成棵上，可以切下個頭變返一片片菜，易食好多！正常肥牛一碟，no comment。個套餐仲包一個「一級臘味芋頭煲仔飯」，細細地一個，但其實食到最後個飯已經唔係好食得落，味道正常，但唔會有食過返尋味嘅感覺。純粹為解渴，但＄38一個有點貴。食物質素總概而言，除咗椰子雞之外，無乜值得留戀。但火鍋湯底本身味道清甜，需要加湯嘅時候，職員只係會幫你加清水落去，令湯底更淡，如果可以轉加椰子水落去會加分好多。…查看更多

呢間Cafe未去之前就已經聽到唔少朋友話「好靚～」，所以趁放假就即管去會一會！位置唔算就腳，但好在唔算難搵。落咗巴士，見到士多後再行前少少，已經可以見到Cafe嘅外貌。置身於森林裏面的白色屋仔，感覺好清新，用嚟影相呃like完全無難度。再睇埋入面，有一種復古味，木製餐桌、舊唱片，播住曲婉婷嘅歌，又多咗一份溫馨感。去嗰日係平日、又有小小落雨，加上一點幾已經去到，客人真係無乜，但覺得咁樣好舒服，唔洗同人逼，又唔會有人同我講限時幾多分鐘乜乜乜，終於有返少少放假嘅感覺！講返重點：食物質素！原本擔心呢D cafe都係得個樣，但食落又覺得幾驚喜！份量比想像中大，肉質夠juicy，朋友都食得好滿足。雞扒好大塊好嫩好好味，沙律擺到滿，正正子！細細件，綠茶味唔算太突出，不過不失啦。識用呢種杯裝飲品都幾加分，有助保溫。右邊嗰杯係凍朱古力，都幾濃朱古力味，不錯喔！食完梗係要喺出面影下相，外面張高腳吧檯位相信係唔少港女們影呃like相必爭位置，好彩食完都無人同我爭。影完一輪之後，有個唔知係老闆定職員嘅男人仲主動指埋後面個韆鞦位叫我地去影><想放假hea一hea又遠離繁囂嘅你地，Forest Cafe都係一個唔錯嘅選擇。：）…查看更多

平時好少會去西環，但成日聽到身邊朋友話西環有好多好西食，就心思思想去會一會！呢間Big Dog離西營盤地鐵站就近一D，鋪頭細細，坐位得幾個。佢主要係sell熱狗，睇餐牌就知老闆夠晒創意，幫晒D熱狗改名，夠盞鬼！每款熱狗各有特色，單係諗食邊款已經夠頭痛喇......最後點咗呢兩款，再各自另加$15要薯條同凍柚子梳打，薯條夠粗身，梳打夠fresh又開胃，正啊！！！裹面有辣肉腸，蝦、豬肉、草菇同冬陰公醬，食落口感好豐富，少少辣，夠醒胃！本身就好鐘意蜜糖芥末醬，再加埋芝士腸、雞肉、洋蔥，真係食到舐舐脷，食完就覺得好滿足，又夠飽肚！…查看更多

大角咀有唔少好食堂，價錢唔太貴，用心制作，仲食得出有濃濃人情味，呢D可能真係要係舊區先搵到！老表叻沙位於富多來嘅一角，鋪頭細細、裝修簡單、唔太起眼，主要係做街坊生意。六點幾去到人唔太多，得一個疑似老闆嘅男人喺鋪面坐陣。叻沙可以跟米線／油麵／金邊粉，我同朋友揀咗米線同油麵，覺得一般般，下次轉返做金邊粉可能會好食D！呢碗叻沙價錢平民，又夠足料，湯底都幾濃下，份量夠飽肚。天氣咁熱，加六蚊就跟凍飲／梳打一杯，但真係好普通嘅飲品一杯，純粹為解渴，唔好期望太高。菜都算清綠，十蚊算係咁上下！講返服務方面，疑似老闆嘅男人不時同食客有講有笑，睇黎有唔少熟客仔。有個嬸嬸坐底唔知食咩好，佢仲會主動介紹，同埋問洗唔洗少D辣。之後又見嬸嬸好似唔食得辣，就主動倒咗杯水！呢D咪小店嘅人情味囉！：）…查看更多

呢間隱藏於大角咀嘅漢堡餐廳裝修行簡約路線，日頭睇唔太起眼，但夜晚喺燈光嘅映襯下又變得幾有feel~Take Five最出名應該係呢款，目測差唔多枱枱都有一份！吃落果然唔會失望，蟹炸得夠脆夠juicy，加埋帶有明太子個汁，真心好味！但略嫌食起上嚟真係好難美觀，甚至可以用狼狽嚟形容，如果約咗心儀對象就唔太建議食喇～呢個意大利飯夠驚喜，好creamy，帶子大大隻，值得一試！薯條上面啲芝士唔夠多，食落太乾身，亦唔脆，冇驚喜，唔會再試！奶昔感覺上同麥當勞嘅差唔多，但呢杯就盛惠$36；而梳打就真心冇特別，但都要$28。…查看更多

有一段日子特別鍾情於漢堡熱狗這類美式快餐，機緣巧合下走進這間遠看像酒吧，但原來是漢堡餐廳的小店。店內的位置不多，若三五知己聚餐，恐怕這裡不是一個好選擇。當天下午六點多來的時候客人不多，很快便找到座位了！與朋友一起點了兩份漢堡餐，漢堡可配有皮薯條／薯格／田園沙律，罐裝汽水不用另加錢。那一天不太想吃肉，所以點了最喜歡的燒大菇，夠juicy，很滿足呢！田園沙律比想像中份量多，尚算新鮮。這份漢堡裡面是用墨魚肉包住的黃金大蝦，朋友說夠香口！而薯格也是新鮮炸起，份量也是不少的喔！整體而言，Burgerman的食物質素不過不失，驚喜度不大。但如果經過大角咀，又想不到吃什麼，我覺得不妨一試！…查看更多

走進太古的誠品，除了可以看看書、逛逛精品，還可以考慮去這間「感味宮匠」吃個悠閒下午茶。這間咖啡實驗室，位於誠品的一個小角落，書卷味、文青味十足。空間感及裝潢不及香港仔分店，但感覺尚算舒適。一心來到是為嘗試這裡有名的Nitric coffee及Rose tea champagne，但三點去到，店員已經說沒有了，有點小失落，唯有試一下輕食及其他特色飲品如何。每一道食物都附上一個木盤子，拍照的話不太美觀。這裡是兩個人吃的份量，已經放滿了一張四人的桌子，幸好當時客人不算太多。第一次嘗試手工啤酒，這一款是朱古力味的嫦娥，是充滿朱古力及雲尼拿香氣的濃黑啤，尚算容易入口，味道不錯。酒精成分不算高，但男朋友喝完已經有一點面紅紅。這是店員介紹的橙味咖啡，也是我第一次嘗試有果香的有氣咖啡，喝下去能吃到果渣，算是挺清新的飲品。天氣開始變熱，豆腐冷麵比較開胃，但略嫌芝麻醬有點不夠。農夫包的外皮不脆，裡面的牛肉若燜的時間長一點更佳，旁邊的沙律菜夠新鮮。午餐肉炸得脆而不太油膩，口感不錯，應該不是採用低質午餐肉，但略嫌份量太少。不得不提的是，這裡的員工服務態度很不錯，不但主動為我們介紹及推薦飲品，之後還關心我們對用餐的評價，態度很誠懇：）…查看更多

天氣又開始涼涼地，唔想成日打邊爐咁熱氣，食返碗熱辣辣嘅粥都係一個唔錯嘅選擇。雖然平時唔太鍾意食粥，因為覺得粥都係淡口又無乜嘢食，唔係病都會想食，但食過輝記又開始有D改觀...每晚八點過後，直至清晨六點，就係輝記營業嘅時間，岩晒一眾「夜貓」覓食。輝記真係可以用「其貌不揚」嚟形容！佢嘅廚房就係後巷，幾張稀疏嘅褶枱放係路邊同後巷。門面唔吸引，但夠地道，幾個夥計同老闆分工合作，每晚都吸引不少食客光顧。菜牌設計老派，一句「創1976」已經暴露粥店年紀，數數手指原來已經開咗四十年。之前已經食過輝記嘅雞粥，雞肉肉質結實，唔似出面食嗰D咁淡口。今次決定試下佢嘅燒鴨粥！出面食嘅粥多數都係偏白稠綿微鹹，但輝記嘅粥偏黃，燒鴨嘅鹹味滲入粥裡面，而且聽聞輝記煲粥唔係用清水，而係用下欄熬成嘅湯，食落去仲可以食到一粒粒嘅菜脯，都幾好味！可惜嘅係，今次嘅粥比上次稀咗少少，希望下次可以Keep返個水準啦！炒麵夠鍋氣，不過不失！油炸鬼雖然唔係即炸，所以唔算好脆，但腸粉皮夠滑，呢個炸兩都算ok，係份量少咗D！深宵突然肚餓，諗唔到食咩，又唔想食麥記咁頹，都可以考慮支持小店，食返碗靚粥㗎！…查看更多

相信有部分人認識華嫂冰室係因為余文樂。一直都好想試好想試，但要山長水遠入元朗食，又真係好似好遠。好彩，佢終於喺觀塘開分店喇！終於可以去探個究竟！第一次去係佢開張嗰日，但去到籌已經派晒，連樽裝奶茶都好似話未有，唯有Sad住走。今次終於有得食，雖然等都等咗成半個鐘，但為咗食好嘢又無計咁多。點都叫做係一間人氣冰室，人多都明嘅，要同人搭枱都無可避免，好彩佢上菜速度都算快，唔洗係度有得睇無得食咁慘豬。叫得【招牌】都無有走雞，果然層酥皮好鬆脆，都幾足料，咬落去口感好豐富。但一塊凍牛油加一層無味煎蛋加一層無味番茄，感覺上好似無咁油膩，但味道又好似融合唔到，好明顯食到上面係咸咸地、凍凍地，但下面真係無味。但口味呢D嘢都好個人，咁樣好唔好食就見仁見智啦。另一樣【招牌】我就無食過，但朋友就話好好食，仲食唔停口呢。我係蕃茄湯嘅忠實粉絲，所以一見到有呢個即刻眼都發光。呢個湯底都稱得上「濃」，而且可以食到蕃茄肉，而雞翼滷得夠入味，豬扒都夠鬆軟（最怕食到韌到咬唔入嘅豬扒），成碗通粉一共有兩隻雞翼、兩塊豬扒、幾條生菜，都算豐富又飽肚。原本睇圖都對佢幾抱有期望，感覺上呢碗嘢會幾開胃。但原來係我諗多咗，火腿絲、午餐肉、豬扒、紅腸真係夠晒肥，而麵食落只有好重麻油味，感覺好油膩。如果佢可以係酸酸辣辣，一定會好食好多。奶茶夠濃，同埋佢樽裝奶茶賣相很討好，三點去到見到雪櫃裡面嘅樽裝奶茶已經得返兩支。總括嚟睇，華嫂冰室價錢都算合理。兩個人食到飽一飽都係＄155（真係飽到連夜晚嗰餐都唔想食）。如果大家經過觀塘，都可以試下華嫂冰室，但未至於要特登去試：）…查看更多

香港人容易精神緊張已經唔係第一日嘅事，所以第一次聽到呢間Cafe嘅名，就好奇呢間小店到底點樣可以「Feed Your Nerves」？係咪真係可以好似店名咁治癒我地繃緊嘅神經？終於，趁有時間，就好好會一會呢間「神經餵飼」。一入到呢間Cafe，果然非常文青。可以透日光嘅落地玻璃，白色嘅木凳，木台上擺有乾花，完全係為文青及偽文青們等陣影相而設。喜歡的話，可以選擇坐Bar台，都係另一種風味。講返食物，聞說呢間Cafe無既定菜單，每日廚師都會將菜式寫喺透明板上，俾食客唔同嘅驚喜。而飲品會另外有個Menu俾食客選擇。俾真偽文青們影下相、Hea一個悠閒嘅下午，確實不錯！飲品不過不失，都算幾fresh下。沙律賣相認真麻麻地，但食落酸酸地，幾開胃！原本對呢個都無乜期望，但食落意外地鍾意，口感好豐富。另外，原本對佢個伴碟菜更加無期望，點知食落酸酸甜甜，更加無辦法抗拒。最尾成份嘢食到乾乾淨淨，好滿足：）唯一美中不足嘅係，D員工傾計傾得太大聲。如果我想靜靜地睇下書、同朋友傾下計，其實都幾受影響。…查看更多

其實這一次已經是第三次光顧了！再三選擇的原因並不是因為這裡的食物特別好吃，最主要是因為這裡較為「就腳」，而且環境舒適，加上價錢尚算合理，所以又來了！！本身對泰國菜便很有好感，喜歡它酸酸、辣辣的味道。第一次來到So Tai So Good便被它的裝潢所吸引。藍白色的配搭，有種夢幻的感覺，加上外面甜品櫃裡陳列甜品看起來十分精巧，可謂「未食先興奮」。裡面的位置也挺多的，但略嫌桌子太小，二人檯大概放兩碟東西已經是極限了。重點當然是它的食物了！由於我已經吃過三遍了，所以以下是我這三次的小小總結：這是我三次光顧的「必食之選」！！！！真的好好吃！！！蝦上面的醬汁很特別，搭配沙律菜上酸酸辣辣的醬汁和新鮮的小番茄，讓我一再回味。可惜份量太少，只有三隻蝦子，但也足以成為我其中一個再來光顧的原因。一般般，可以接受，但略嫌油了一點點。蜆都算是大粒，但味道一般。看照片覺得好吸引，但若沒有上面的海鮮，只覺得是很一般的炒飯，而海鮮只能說不過不失。這個串燒還算不錯的，但不特別，加上送上來的時候只剩餘溫，如果能即燒即食就好了。醬汁酸酸的，很開胃，但炸芝士外皮略嫌厚了一點，和朋友一致認為，選擇前菜的話，黃金蝦配秘制醬汁伴番茄沙律較佳。又是一不過不失之作，單吃這個已經有點飽（如果是兩個女生share的話），豬手不算油膩。這個還算不錯，就算只是單吃三文魚，也不會太鹹，味道還蠻重的。另外食物方面，還吃了大頭蝦炒金邊粉，但忘記拍照了。這道菜比外面吃的略為甜了一點，油膩了一點，加上它的大頭蝦並不是新鮮蝦的關係，讓蝦肉的質感不是很好。飲料方面，三次都是喝乳酪的，很好喝喔！它們家有不同水果口味的乳酪，怎麼喝也不會膩！甜品方面，只是在生日那一天吃過一次，有很多款式，外觀精美，女生一定會喜歡。那些字是男朋友特意叫人加上去的，吃完晚餐後兩個人share吃剛好，味道也不錯。服務方面，還算真的不錯。可能是平安夜的關係，那天服務員還主動免費幫我們拍「即影即有」，雖然拍了兩張都有點曝光，但她也很有耐心的幫我們重拍，直到我們滿意，十分體貼。當天還有職員扮聖誕老人派糖果，氣氛很不錯。總結來說，這家食物的味道只能說一般般，除了黃金蝦配秘制醬汁伴番茄沙律，但環境和服務可以補救。如果來到尖沙咀想不到吃什麼，我覺得這家可以一試！…查看更多

一直都心思思想去試Jamie's Italian，但聽聞它剛開張時要等兩小時才能朝聖，網上預約也要等一個月，聽到已經滴汗，果然「頭香」不易搶呀！！開張數月，這天正煩惱晚餐要吃什麼，男朋友又突然重提Jamie's Italian。眼看時間尚早，即管去碰碰運氣，一睹它的真身。當天五點多便到達Jamie's Italian，位置不難找，走進登龍街遠遠便能看見它的招牌。去到樓下，便有一位侍應招呼我們上電梯去。可能時間真的太早吧（但其實七點的時候仍有空桌），看到差不多一整排都是空桌子。雖然與我想像中座無虛席有好大出入，但人少少更好，可以靜靜吃個晚飯。先說環境吧，餐廳設計好歐洲feel，地方很寬敞，可惜從落地玻璃望出去，只能看見對面大廈外牆維修，有點兒大煞風景。再說食物吧，因為即興的關係，事前也沒有做什麼research，所以也是隨便叫。出乎意料，之前聽別人說這裡上菜很慢，只能慢慢品嚐每一道菜，但這天的上菜速度卻比想像快很多。一道菜只吃到一半，另一道又上了，加上二人檯有點兒小，無形中又加快了我們吃東西的速度。它的餐牌設計還挺特別，很有香港七八十年代的感覺。這個沙律加了醋和芝士，味道酸酸地，男朋友說有點兒像益力多的味道。這個炸魷魚比預期有驚喜，外皮不算厚，咬下去質感有點像魚柳（一直覺得魷魚質感韌韌的，不好咬），配合蛋黃醬來吃，又好像有點「漏」。這個蘑菇煙芝士義大利飯挺好吃，但如果飯可以再熱一點更好，它送來的時候只剩下微溫。這是一份的size（可選擇半份）。這個烤雞其實麻麻地，味道普通。最後說服務吧，我覺得Jamie's Italian service質素超出我想像。當然不能與日本的相比，但staff十分積極。每一張餐桌都會有一位專門負責service的侍應。才剛坐下，便有一位staff過來自我介紹，推介食物，介紹得好詳盡；而且很細心，發現我們的餐桌有點不平衡，主動找來硬幣「攝」在檯底。這裡不強收加一服務費，但帳單會寫明如果滿意他們的服務，可選擇另外給予10%／12.5%／15%作為服務費。這裡的staff服務周到，這點兒服務費也是值得的。整體而言，環境服務比食物更優勝，可以一試。…查看更多

如果突然想念台灣美食，但又無錢無時間即刻飛番一轉台灣既話，西門町可能係你一個好選擇。旺角出名多野食，但真心覺得好食既真係黎黎去去都係個幾間。隱藏係女人街接近尾段，要搵的話其實唔難，搭地鐵建議係油麻地出，去到登打士街（好多野食個條街），見到ok轉入去，行一陣就會見到呢一間小店。話明小店，地方梗係唔會大得去邊，一眼睇曬，而且夜晚都幾多人幫襯，如果想食真係要早少少去，唔係既話就要忍受企係條狹窄、好多行人、悶熱既巷仔慢慢等位。講返食物，今次叫左個二人餐（$198)黎食。鐘意食酸酸辣辣野食既你就岩喇！呢個酸辣粉皮好開胃，味道偏酸，微辣，但略嫌碎左少少，每次挾起得細細塊，粉皮可以再滑少少。呢個係我最鍾意既擔擔麵，湯底有好濃既花生味，麵既硬度適中：）肉臊飯味道一般，醬汁尚算足夠，肉臊咸度適中，不過不失。醉雞既酒味無之前食咁重，肉唔太肥但唔滑偏淋。芒果沙律鳳尾蝦炸得好脆，食落去唔太油膩，但真係食唔出有芒果味。叫左兩杯玉露，味道唔錯，岩曬依家呢d熱辣辣既天氣飲！套餐會送所謂甜品，啫喱兩個，無咩特別。整體來説，食物味道不錯，上菜速度算快，除左地方較逼之外，係一個懷緬台灣美食既好地方。…查看更多

一年前係台灣第一次食Dazzling Cafe，除左對佢既裝修同店員既打扮印象深刻之外，佢既蜜糖吐司更令我一試難忘。所以一知道佢地會係香港開分店，真係十分期待。通常過江龍都會係香港引起一時狂熱，咖啡弄就係一個活生生既例子。因爲依家仲係試業中，一點幾攞左籌，好快店員就擺個牌出黎話派曬籌，所以想食既真係要早D黎攞籌喇！等等等...等到差唔多四點先有得入，少D耐性都唔得。入面既環境都唔錯，見到有兔仔凳好得意，感覺好公主，但我地卻偏偏被人安排坐出面，真係得個望字。先講飲品：特調冰茶個底有D啫喱，感覺都幾fresh。加勒比綜合水果可爾必思冰沙係台灣飲過，深得我既喜愛，酸酸甜甜，係夏天飲尤其開胃解暑！唔記得呢個叫咩沙拉，鋪左少少芝士粉係面，雞肉幾好食，算係一個不過不失既凱撒沙拉！呢個辣味摩卡意大利麵我真係唔識欣賞，好似係香港限定。食落去辣辣地，苦苦地（因爲加左咖啡粉），而且魷魚圈好少，賣相亦不討好，下次都係唔好亂試新野。千呼萬喚既蜜糖吐司終于黎啦！店員好貼心，等我地影好相之後，細心講解應該點樣切、點樣食。切開一面之後，可以見到中間有一塊塊已經切好既吐司，沾上蜜糖雪糕士多啤梨既吐司，十分鬆脆，比起茶木既蜜糖吐司好食得多。兩個人食，一件不漏！！Dazzling Cafe店員服務態度很好，也很貼心(果然訓練有素)。希望可以快D有book位服務啦！ …查看更多

係附近既元創方睇完熊貓之後，就心思思要去勝香園食返個午餐。其實今次已經係第二次食，雖然去到隊唔算好長（個陣大概一點幾），但天氣又熱又焗，唔使幾分鐘已經等到成身汗。（建議呢種天氣最好帶返把扇/遮/...先去，因爲大排檔無冷氣，係馬路邊，而且多數要等位）呢d出名既地道食店，要同人搭台是常識吧！（建議唔好一大班人去，實有排都未到你，除非你肯分開坐啦）就算有得坐低，大熱天時都難免係咁滴汗，因爲就算有大風扇，都唔一定吹到你，而且地方有限，你同你隔離個位又是那麽親近，但為左美食，唯有頂硬上。熱辣辣，梗係整返杯鹹檸7消一消暑，但略嫌鹹左少少，檸檬味有D淡。主角出場，熱辣辣茄牛通！雖然湯底明顯係加左番茄膏，但仍不減我對佢既喜愛，牛肉唔會太老，分量剛剛好，加上包保熱騰騰上台，難怪咁多人慕名而來。相反，茄牛麵略爲遜色。除左因爲佢既湯底同茄牛通唔同，又淡左少少，唔係幾吸引之外，而且佢用既麵應該係福麵，如果可以轉成出前一丁相信會更好。檸蜜脆脆係勝香園既另一個賣點。真係好好味！脆得黎檸蜜差唔多完全滲入麵包，好食過翠華個D好多！雖然環境真係比唔上個D連鎖餐廳，但勝在有一份香港既本土特色。雖然裏面D阿姐係有D粗聲粗氣，無冷氣又要忍受同人逼埋一齊食，但鬼叫呢度D野食快靚正咩！為左食好野，熱少少都抵啦！…查看更多