Big Dog (已結業)

平時好少會去西環，但成日聽到身邊朋友話西環有好多好西食，就心思思想去會一會！

呢間Big Dog離西營盤地鐵站就近一D，鋪頭細細，坐位得幾個。佢主要係sell熱狗，睇餐牌就知老闆夠晒創意，幫晒D熱狗改名，夠盞鬼！每款熱狗各有特色，單係諗食邊款已經夠頭痛喇......

最後點咗呢兩款，再各自另加$15要薯條同凍柚子梳打，薯條夠粗身，梳打夠fresh又開胃，正啊！！！

泰陰公豬

$40

裹面有辣肉腸，蝦、豬肉、草菇同冬陰公醬，食落口感好豐富，少少辣，夠醒胃！

甜蜜小姐

$38

本身就好鐘意蜜糖芥末醬，再加埋芝士腸、雞肉、洋蔥，真係食到舐舐脷，食完就覺得好滿足，又夠飽肚！