La Moo Moo' s Steak and Fries (已改名) 查看

Lunch set有兩個價錢選擇，一個係$328一位，另一個係$98一位，我哋揀咗後者，加$30就可以有埋沙律和湯，加埋餐茶四個course其實都好豐富。是日餐湯係南瓜湯，質地偏稀，味道一般。沙律有兩個選擇，我就㨂凱撒沙律，除咗沙律菜、麵包粒和芝士粉，佢特別在有啲黑椒粒粒，未試過食黑椒味嘅凱撒沙律，別有一番風味！主菜方面我哋揀咗黑松露忌廉意粉和燒牛肉三文治share食，意粉煙韌度剛好，黑松露味唔算好濃，啲紫洋蔥又幾甜，感覺不錯。燒牛肉三文治都好好味，麵包夠軟熟，加上兩片芝士和醬汁，有啲似食緊熱狗，不過裏面嘅牛肉充滿燒汁，好入味而且容易咬開，好唔錯！最值得讚賞喺呢度嘅薯條係免費任添，炸得剛剛好唔會過火，而且店員主動來問你夠唔夠食，點都食得夠飽！不過我哋就選擇留返個肚食甜品，兩個人share一個cheese cake，雖然個餅底好似厚咗少少，不過味道還可以。