La Moo Moo' s Steak and Fries (已改名) 查看

餐廳環境幽靜，仲有dinner set，啱晒情侶黎撐枱腳！是日例湯+特製牛油餐包+ 凱撒沙律例湯係我飲過最出色嘅南瓜湯之一！好真材實料，甜度適中，濃稠度亦啱啱好！沙律雖然望落平平無奇，但配埋parma ham同黑醋就已經夠哂惹味！280g美國安格斯牛扒我哋叫左medium rare同洋蔥醬。外層有微微焦香，咬落就會食到香濃嘅肉味。肉質軟腍，仲有肉汁添！挪威三文魚配奶油大蒜醬唔想食得咁heavy嘅話可以揀三文魚。呢碟三文魚份量都好大～有兩舊好厚肉又煎得金黃嘅嘅三文魚，仲有好飽肚又綿滑嘅薯蓉。值得一提嘅係所有主菜都有配任食薯條！好滿足！