小辣椒 (已改名) 查看

打風嘅日子，都照常營業，客人都唔少其實都幫襯咗好耐架啦，不過都唔係成日嚟今次想試下涼拌粉皮，就近近地黎呢度食麻辣粉皮$28份量都ok啦，個底好多辣油，但就唔係好辣，而且一啲都唔麻...啲花生碎係幾香嘅，但味道真係好普通粉皮少少煙靭但又少少硬，好矛盾至於辣油小雲吞$15就真係唔掂，唯一好嘅係辣油好辣，但雲吞真係...每一舊都揾唔到有餡，得塊皮，食咁多淨係食到一啖有餡嘅味道...名副其實嘅『小』雲吞呢碗根本就係辣油雲吞皮!!啲皮本身一啲味都無，連埋辣油食就得個辣字，乜嘢其他嘅味道都無...食食下我都放棄...自問自己要求並唔高，都好耐冇食過咁唔掂嘅嘢...另外仲叫咗回鍋肉，幾惹味香口，豬肉好肥無乜食到，椰菜就炒得好食不過就太油仲有個唔太記得個名，有酸菜同牛肉，酸菜麻麻，酸酸地鹹鹹地，牛肉就咩味都無呢度嘅菜比較飄忽，有啲幾好，有啲真係麻麻....平時食下都無所謂嘅，但就唔需要特登嚟