影片
更多
2020-10-13
673 浏览
話說「La Moo Moo' s Steak and Fries」嘅宣傳攻勢好厲害，我喺網上經常見到有人講佢，而且佢仲有喺網上賣現金優惠卷！佢嘅定位同蘇豪一間法式餐廳一樣，就係只賣一樣嘢：牛扒🥩。喺我心目中，專門店只賣一樣嘢嘅話，質素理應非常高至啱。但餐廳各方面都唔止係唔合乎我預期咁簡單，而係比較強差人意☹️。首先環境方面，餐廳面積細，枱與枱之間相隔好近。我見隔離枱地下有個籃放袋，但我哋就無。再望下四周圍之際，先發現原來我哋坐個位已經好舒服，因為有部份餐檯勁矮😅(高度係女生膝頭同腹部嘅位置)，似俾人飲酒多啲，食飯嘅話即刻你要彎低先食到...。問題係個客係嚟鋸扒，而唔係食花生🥜。嚟到呢度最好嘅一樣嘢係唔洗煩食乜🙈，因為已經預設咗每位收費$298嘅「牛扒餐」。先來的係Garden Fresh Romaine Salad🥗，即係應該係凱撒沙律🤔，因為主要材料係羅馬生菜、麵包糠、芝士碎、煙肉脆同八分一隻蛋🥚。味道都唔錯嘅，因為我鍾意無咁酸嘅沙律。接住係Home-made Bread Roll🥯，兩個溫度唔太熱嘅餐包仔，味道同軟熟度正常，但拎完成手油哂...。隨餐包搭配牛油同肉桂醬，後者甜甜地、比
喺我心目中，專門店只賣一樣嘢嘅話，質素理應非常高至啱。但餐廳各方面都唔止係唔合乎我預期咁簡單，而係比較強差人意☹️。
首先環境方面，餐廳面積細，枱與枱之間相隔好近。我見隔離枱地下有個籃放袋，但我哋就無。再望下四周圍之際，先發現原來我哋坐個位已經好舒服，因為有部份餐檯勁矮😅(高度係女生膝頭同腹部嘅位置)，似俾人飲酒多啲，食飯嘅話即刻你要彎低先食到...。問題係個客係嚟鋸扒，而唔係食花生🥜。
嚟到呢度最好嘅一樣嘢係唔洗煩食乜🙈，因為已經預設咗每位收費$298嘅「牛扒餐」。
先來的係Garden Fresh Romaine Salad🥗，即係應該係凱撒沙律🤔，因為主要材料係羅馬生菜、麵包糠、芝士碎、煙肉脆同八分一隻蛋🥚。味道都唔錯嘅，因為我鍾意無咁酸嘅沙律。
接住係Home-made Bread Roll🥯，兩個溫度唔太熱嘅餐包仔，味道同軟熟度正常，但拎完成手油哂...。隨餐包搭配牛油同肉桂醬，後者甜甜地、比較特別，值得一試！
主角出場喇，就係8oz Premium USDA Ribeye Steak🥩，我哋唯一要揀嘅係生熟度，大家都要咗五成熟Medium，佢做得最好嘅係嚿扒真係控制到啱啱好火喉，肉質頗嫩的。不過除此之外，就無了。
第一樣扣分位係件扒唔熱嘅👎🏻，食物唔熱再好食都假。我諗其中一個原因係佢想等客人食哂前菜先上菜，但又預先煎好咗放喺度，放下放下就凍咗。第二就係件扒無味嘅，完全無牛肉香🐮，港式豉油西餐嘅牛扒分分鐘都濃味過佢囉。仲話係牛扒專門店，結果只得失望二字。第三，件扒有唔少下欄位，包括肥膏同筋。
牛扒有一款醬汁搭配，選擇有三款，包括黑椒汁、洋蔥汁同綠／紅椒汁。我哋要咗前兩款，黑椒汁唔係港式好嗆喉好辣嗰種，都算幾惹味，但洋蔥汁就超級淡😣...。之但係點完醬、落完鹽，件扒都係無味。
配角係Crispy Golden Fries🍟，Free-flow任食薯條聽落好吸引，我哋仲諗住自己實會Refill起碼一次，但點知完全相反，只係好勉強地食哂自己果碟。原因有二：塊牛扒唔好食但都大塊嘅，夠飽的；不過主因係連啲薯條都唔好食🤣，真係無奈到一個點。佢個樣十足十麥記嗰種幼薯條，但分別係麥記好食好多囉！呢度嘅薯條又唔脆、又唔淋，又唔熱，唔知想點😑。
全餐唯一最得意係把切肉刀囉🍴...。
House Red Wine🍷($69/glass)，紅酒我就無研究，唔多識。不過飲落唔太好飲，又細杯。嗌純粹係因為食紅肉配紅酒多。最後，就當然唔少得甜品啦，呢晚得返🥕Carrot Cake同New York Cheesecake🍰，Chocolate Brownie賣哂，每款各$59。我哋要咗紐約芝士蛋糕，唔洗幾耐甜品就上場了...。
實不相瞞，依個仲係我嘅生日蛋糕嚟🎂，我朋友預早同餐廳講咗要寫字，佢話前後講咗兩次電話確認，只係嚟到無講第三次，因為我哋一齊到步，佢想俾驚喜我❤️。可惜最終蛋糕嚟到係無寫字的...，我同朋友討論完決定為咗慶祝得開心啲，所以厚住臉皮問店員可唔可以補返寫字。佢哋好樂意之餘，其後仲同我哋唱生日歌添，咁就算數啦😗。
講返件蛋糕先，估唔到個造型係圓型的，而唔係切餅。食落同出面嘅紐約芝士蛋糕唔同，口感無咁實(似處於半溶狀態)，芝士無咁濃，但同時亦無咁膩，啱哂已經飽飽嘅我哋。蛋糕未到難食，但亦同好食有好大距離！反而用朱古力🍫寫嘅字幾好食，我哋刮哂咁多隻字嚟食哈哈。
總括嚟講，無論佢是否一間牛扒屋，佢嘅牛扒都係唔合格，更何況佢係😵，而且就連薯條都不及快餐店水準。如果好食，呢個價錢唔算貴，但而家真係不了。服務方面亦係有好有唔好，店員大致上都有禮貌，又會主動加水。但唔知係咪因為雞同鴨講嘅關係，佢哋唔係好知我哋想要咩，埋單話有優惠卷，佢又聽唔到，要改單仲黑我面...。唉，我都未嬲佢漏咗我個Happy Birthday啦😡！題外話，優惠卷內容都幾唔吸引，每人只可用一張，即係兩條友先減得$40，結論係95折都無...。
张贴
