大澳餅店

营业中

休息中

喺大澳閒逛，無意間見到有一條短短嘅人龍，本住為食豬精神埋去8掛下，原來大家等緊新鮮炸起嘅沙翁。見老闆娘將一球麵糊放入熱油，偶爾翻動，幾分鐘就炸起一個漲卜卜嘅半成品沙翁。再將炸起嘅半成品沙翁放入一盆砂糖入面碌碌碌，一個沙翁就製作完成。剛剛炸起嘅沙翁熱辣辣，小心翼翼咬落去，外層皮脆加上砂糖，令口感更豐富。沙翁內部鬆化，膨脹得剛剛好，只有好香嘅蛋味，完全食唔到某啲沙翁有陣好似阿麼尼亞咁嘅味，亦唔會有油抑味。即使剛剛炸起都唔覺十分熱氣油膩。