La Moo Moo' s Steak and Fries (已改名) 查看

好開心搵到一間好嘅餐廳同老公慶祝生日。雖然餐廳唔算大，但座位安排夠寬敞，坐得好舒服，環境亦都好優雅。其實佢食物選擇都好多，但我哋試咗佢個set dinner。首先上咗個菠菜湯，個湯好夠味，而且飲落一啲都唔口渴。跟住係佢嘅凱撒沙律，流心蛋好香，沙律菜好爽甜。而對於澱粉控嚟講，就好欣賞佢嘅自家製餐包配肉桂牛油，麵包暖暖地，夠軟熟，配埋佢個肉桂牛油，真係好香。主食我哋揀咗紐西蘭安格斯肉眼扒(medium rare)，塊牛帶少少筋，唔肥膩，好香而且鎖住肉汁。必須一提就係佢嘅配菜都唔馬虎，無論係佢嘅瓜、甘筍或者西蘭花，都好新鮮。