La Moo Moo' s Steak and Fries (已改名) 查看

今次意外發現到呢間西餐廳，原來都好好食，情調又好好！忌廉甜薯湯及餐前麵包餐湯用左甜薯，都係第一次試。甜薯淡淡既甜味又令成個味道好加分！餐包好有驚喜，軟熟得黎上面仲有百里香蒜蓉牛油，真係好香好好味！沙律沙律份量都好大份，而且黑醋汁既酸酸地既味道，真無好開胃！Pork Rib Set咁岩今日買一送一，所以份量特別多！佢焗到岩岩好，肉質好腍滑，仲好juicy，輕輕一切已經骨肉分離！Ribeye 我地叫左5成熟，煎出黎真係岩岩好！佢既扒質素好好，又厚身，肉味又濃！店員好好比曬洋蔥、青醬同黑椒三個味，各自都好好味。最後仲有無限refill 既fries, 一樣好香脆好好味！食完超滿足。