La Moo Moo' s Steak and Fries (已改名) 查看

嚟緊聖誕節，同老婆去食聖誕大餐，今次我哋揀咗食牛扒薯條，餐廳位於灣仔，地點都非常之方便，餐廳已經有晒聖誕燈飾啦，非常有氣氛。我哋一個嗌咗個牛扒薯條餐，另一個呢就嗌咗個三文魚大蝦餐。牛扒薯條餐包埋沙律同餐湯，首先個湯已經非常之醒胃，而凱撒沙律呢，濃濃既凱撒汁包着沙律菜，亦都非常足料。最緊要係佢個牛油係可以有玉桂味嘅牛油，點落個包度非常之香。另外呢，就叫咗個三文魚扒配大蝦薯蓉，唔好睇佢賣相好似放埋一堆咁，識落真係零舍過癮，三文魚扒煎得非常香口，配上淡淡的大蝦，但最驚喜嘅竟然係薯蓉，薯蓉煮得非常之滑溜，完全係入口即溶，配埋呢一個餐廳嘅聖誕裝飾，真係猶如置身喺外國中。