影片
更多
2020-11-02
48 浏览
我愛假日—正正可以紓解下平日返工透支嘅身心靈。今次就同另一半去咗呢間steak house度鋸下扒，渡過休閒嘅假日。呢度嘅訂價都係劃一，套餐入面有齊沙律、餐包、8oz肉眼扒同埋無限量供應嘅薯條。正好滿足我地想讓腦子休息下嘅心，亦隨意加咗杯house red去配襯牛扒。落單不久就奉上沙律同餐包。餐包比想像中講究，摸落軟熟但剖開中間嘅切面就好貼心地烘到金黃脆身，可以自由選配牛油或肉桂牛油。肉桂牛油係令我地幾驚喜，肉桂香簡直點亮咗成個包，亦同甜包嘅味道好夾。沙律面頭仲有四分之一嘅流心蛋好加分，爽脆嘅沙律菜可以蘸下蛋黃豐富咗個味道。嚟到主角牛扒上桌啦，8oz對於女仔嚟講真係睇落好大塊，自己一個ko都唔係話咁容易啊！牛扒煎到表面有格仔坑紋，好完美！我地嗌咗5成熟，切落入面都好粉嫩。特別係佢地嘅刀好有特色，同佢地logo上嘅刀一模一樣，亦刻有餐廳名，仲好好切啊！Free flow嘅薯條都好好食，幼切食落相當脆口又有薯香，太邪惡啦！可惜肚量有限未能享受再多嘅薯條，都係解決咗碟上的份量惜食便可！
今次就同另一半去咗呢間steak house度鋸下扒，渡過休閒嘅假日。
呢度嘅訂價都係劃一，套餐入面有齊沙律、餐包、8oz肉眼扒同埋無限量供應嘅薯條。正好滿足我地想讓腦子休息下嘅心，亦隨意加咗杯house red去配襯牛扒。
落單不久就奉上沙律同餐包。
餐包比想像中講究，摸落軟熟但剖開中間嘅切面就好貼心地烘到金黃脆身，可以自由選配牛油或肉桂牛油。
肉桂牛油係令我地幾驚喜，肉桂香簡直點亮咗成個包，亦同甜包嘅味道好夾。
沙律面頭仲有四分之一嘅流心蛋好加分，爽脆嘅沙律菜可以蘸下蛋黃豐富咗個味道。
嚟到主角牛扒上桌啦，8oz對於女仔嚟講真係睇落好大塊，自己一個ko都唔係話咁容易啊！
牛扒煎到表面有格仔坑紋，好完美！我地嗌咗5成熟，切落入面都好粉嫩。
特別係佢地嘅刀好有特色，同佢地logo上嘅刀一模一樣，亦刻有餐廳名，仲好好切啊！Free flow嘅薯條都好好食，幼切食落相當脆口又有薯香，太邪惡啦！可惜肚量有限未能享受再多嘅薯條，都係解決咗碟上的份量惜食便可！
张贴
