小辣椒 (已改名) 查看

今日要去北角整d野,之後同朋友見到小辣椒之後就諗住試下食辣野啦,一入到去已經覺得好唔掂...入到去企左幾分鍾都無人理我地,之後d 阿姐見到我地仲施施然咁行過黎...後來叫完野食住左勁耐,但連一杯茶都無...要我地叫先俾杯水我地...成班阿姐懶懶閒咁..好似唔洗做咁喎..好啦...之後d野食黎到...我叫既係水餃番薯粉...睇落成碗麵好似好紅好好辣好味咁..但食落完全大失所望..個湯底好淡...辣味唔夠..唔知點解仲好似有d椰汁味咁...水餃好難食...皮厚..仲有陣怪味..我朋友食云吞番薯粉..佢個云吞同我個水餃d料係一樣架...好似完全無分別咁..d番薯粉好碎,亦唔夠彈性..講真..我係四川食過既正宗川菜同呢間係無得比...人地個d湯底係唔會咁淡..辣味十足..食第一啖已經係辣到上心口..但會令你食到停唔到口...川菜既味道一向都係好極端...係好辣好麻..但又唔會蓋過食物既味道...但呢間連咁重要既湯底都已經搞成咁..對其他d野食都無咩期望...