影片
更多
2021-01-21
123 浏览
2021年1月17日 星期日新一年我同老婆決定展開新嘅計劃，就係進行生酮飲食，主要戒糖同澱粉質，雖然身形上係有改變，不過要忍口真係好辛苦，所以我哋決定一星期有一次要放縱一下，而今個星期我哋就決定出街鋸扒差不多半年之前已經嚟過呢一間餐廳，貪佢性價比好高，而且係屋企附近，於是今日再次幫襯，好掛住呢一個$298嘅套餐，有齊餐包、沙律、牛扒同薯條另外今次嚟到見到餐廳仲提供午市套餐，價錢更加相宜，款式有更多，不過最後我仍然選擇$298嘅套餐，因為好掛住嗰塊大牛扒等咗冇幾耐就有凱撒沙律食，上面唔會有太多醬汁，所以食落去唔會太甜，而且鋪滿左芝士碎，咬落去嘅每一啖都有芝士味食完沙律之後終於到主角出場，我期待咗好耐嘅美國肉眼扒，目測真係好大份，有8oz，夠晒厚身切落去見到好靚嘅粉紅色，係啱啱好嘅medium rare，生熟程度同我預期中一樣，好有咬口，而且充滿肉味，加埋岩鹽嘅話，味道更加豐富，仲有幾款醬汁可以揀，分別係芥末醬、黑椒汁同洋蔥汁，個人鐘意黑椒汁，因為有少少辣，幾惹味果然一星期放縱一次真係好開心！！
新一年我同老婆決定展開新嘅計劃，就係進行生酮飲食，主要戒糖同澱粉質，雖然身形上係有改變，不過要忍口真係好辛苦，所以我哋決定一星期有一次要放縱一下，而今個星期我哋就決定出街鋸扒
差不多半年之前已經嚟過呢一間餐廳，貪佢性價比好高，而且係屋企附近，於是今日再次幫襯，好掛住呢一個$298嘅套餐，有齊餐包、沙律、牛扒同薯條
另外今次嚟到見到餐廳仲提供午市套餐，價錢更加相宜，款式有更多，不過最後我仍然選擇$298嘅套餐，因為好掛住嗰塊大牛扒
等咗冇幾耐就有凱撒沙律食，上面唔會有太多醬汁，所以食落去唔會太甜，而且鋪滿左芝士碎，咬落去嘅每一啖都有芝士味
食完沙律之後終於到主角出場，我期待咗好耐嘅美國肉眼扒，目測真係好大份，有8oz，夠晒厚身
切落去見到好靚嘅粉紅色，係啱啱好嘅medium rare，生熟程度同我預期中一樣，好有咬口，而且充滿肉味，加埋岩鹽嘅話，味道更加豐富，仲有幾款醬汁可以揀，分別係芥末醬、黑椒汁同洋蔥汁，個人鐘意黑椒汁，因為有少少辣，幾惹味
果然一星期放縱一次真係好開心！！
张贴
