影片
更多
2020-07-26
34 浏览
扒房就去得多，通常都係好多款式揀，花多眼亂，全間餐廳得一款扒嘅，真係第一次見，想必都係對自己嘅牛扒餐非常有信心7月頭去咗呢間MooMoo’s，朋友定咗座，我先到就入座，原黎服務員係全英文，我都怯咗怯，好彩服務員態度好好，詳細解釋，就算我英文差，都溝通到個場唔大，嗰陣全個場都坐滿人，我地被安排坐餐廳中央嘅低圓枱位置呢個就係佢地個menu，包+沙律+肉眼扒+薯條=298沙律係偏香口，而唔係酸咪咪嗰種，入面嘅麵包粒超脆，鹹香咸香咁，我鍾意上面塊蛋，再增添幾分香餐包嘅牛油可以揀肉桂牛油，有特殊嘅芬芳，麵包鬆軟，而且好暖身，溫度好適合夾牛油主角係肉眼扒，唔係8oz嘅，望落好大塊，佢用薄切嘅，所以就睇落面積好大，我地揀3成熟，控制得好好，肉質比我想象中軟身好多，完全唔洗花牙力去撕爛佢，我地兩個都揀onion salt，基本上唔洗額外加調味，已經啱啱好，我冇多點醬，因為旁邊嘅醬味道反而偏淡，有d湯嘅感覺。另外美中不足嘅係感覺牛扒嘅“一體感”唔夠強，感覺舊扒中間d脂肪位、筋位較多，彷彿將舊扒分開咗做幾部分咁講到鋸扒，不得不提佢呢把刀啦，玩味十足，我見身邊嘅客人嗰個第一眼見到，都會忍唔住攞上手把玩一番，
7月頭去咗呢間MooMoo’s，朋友定咗座，我先到就入座，原黎服務員係全英文，我都怯咗怯，好彩服務員態度好好，詳細解釋，就算我英文差，都溝通到
個場唔大，嗰陣全個場都坐滿人，我地被安排坐餐廳中央嘅低圓枱位置
呢個就係佢地個menu，包+沙律+肉眼扒+薯條=298
沙律係偏香口，而唔係酸咪咪嗰種，入面嘅麵包粒超脆，鹹香咸香咁，我鍾意上面塊蛋，再增添幾分香
餐包嘅牛油可以揀肉桂牛油，有特殊嘅芬芳，麵包鬆軟，而且好暖身，溫度好適合夾牛油
主角係肉眼扒，唔係8oz嘅，望落好大塊，佢用薄切嘅，所以就睇落面積好大，我地揀3成熟，控制得好好，肉質比我想象中軟身好多，完全唔洗花牙力去撕爛佢，我地兩個都揀onion salt，基本上唔洗額外加調味，已經啱啱好，我冇多點醬，因為旁邊嘅醬味道反而偏淡，有d湯嘅感覺。另外美中不足嘅係感覺牛扒嘅“一體感”唔夠強，感覺舊扒中間d脂肪位、筋位較多，彷彿將舊扒分開咗做幾部分咁
講到鋸扒，不得不提佢呢把刀啦，玩味十足，我見身邊嘅客人嗰個第一眼見到，都會忍唔住攞上手把玩一番，我都覺得成件事幾得意，冇咗以前一舉一動都要跟足manner嗰種壓力
薯條好脆，不過可能因為冷氣大嘅關係，比較容易凍，所以唔可以慢食，食完服務員會問你加唔加薯條，因為可以免費任refill
我就叫咗杯cocktail：Moo Moo’s Margarita，好易入口，果汁味幾香甜，不過飲太急都係容易上腦😂
總體滿意，食物同環境都唔錯，我諗之所以全餐廳得呢一款牛扒，都有佢嘅道理嘅
张贴
