影片
更多
2021-03-01
70 浏览
今晚約咗朋友喺灣仔食飯，餐廳喺一棟商業大廈嘅上面，都好近地鐵站，好容易搵到。餐廳地方唔算大，裝修簡潔，牆身放咗好多款不同嘅酒，同埋電視一直播火爐嘅畫面，氣氛都唔錯。呢度嘅餐牌好簡潔，上網見到好多人都推牛扒，於是我哋兩個都叫咗牛扒，分別點左三成同埋五成。侍應好快就送上左餐包、餐湯、同埋沙律，撐包已經預先一分為二，仲要係烘左中間，好香好脆口。今日嘅是日餐湯係蔬菜湯，味道幾清新，飲完唔會好膩，沙律都尚算大份，食完都已經飽咗一半。呢間餐廳嘅特色係薯條無限添加，主菜嘅份量都好大，牛扒比我想像中嘅大件，上面仲有香草，望落去好吸引。牛扒肉味濃郁，而且好易切，好厚身，未食晒已經飽咗，呢個份量好適合男士過來用餐！
今晚約咗朋友喺灣仔食飯，餐廳喺一棟商業大廈嘅上面，都好近地鐵站，好容易搵到。
餐廳地方唔算大，裝修簡潔，牆身放咗好多款不同嘅酒，同埋電視一直播火爐嘅畫面，氣氛都唔錯。
呢度嘅餐牌好簡潔，上網見到好多人都推牛扒，於是我哋兩個都叫咗牛扒，分別點左三成同埋五成。
侍應好快就送上左餐包、餐湯、同埋沙律，撐包已經預先一分為二，仲要係烘左中間，好香好脆口。
今日嘅是日餐湯係蔬菜湯，味道幾清新，飲完唔會好膩，沙律都尚算大份，食完都已經飽咗一半。
呢間餐廳嘅特色係薯條無限添加，主菜嘅份量都好大，牛扒比我想像中嘅大件，上面仲有香草，望落去好吸引。牛扒肉味濃郁，而且好易切，好厚身，未食晒已經飽咗，呢個份量好適合男士過來用餐！
张贴
