基地 (已結業)

自從疫情後，阿叔👨🏾已經好耐好耐好耐無去酒吧飲酒🍷吹水，實在太懷念一大班朋友出去把酒談天的日子。近日，好耐無見朋友V👩🏻，決定要出嚟吹吹水。經另一朋友介紹下，嚟咗呢間位於山林道，成間以打機、霓虹燈為主題嘅酒吧。.呢間酒吧，面積都唔少，近門口位置一大排窗，非常開揚。不過要數酒吧特色，一定係由外到內嘅霓虹燈🚥裝飾，非常吸睛，連阿叔都忍唔住要打過卡留過念(尷尬而不失禮貌的微笑)！哈~~😅.🦑西班牙魷魚仔沙律 ($98)，魷魚口感嫩滑、肉質爽口，再配上新鮮沙律菜同醬汁，令人食得好開胃。😚. 🦆烤鴨酥皮紙卷 ($88)，好似北京填鴨嘅做法以酥皮紙卷包住鴨肉同洋蔥，之後再拎去焗。微熱嘅溫度，味道剛剛好。🙂. 🍲海膽帶子意大利飯 ($158)，傳統嘅意大利燴飯，食起嚟有半熟嘅口感，味道濃郁，配上大大隻帶子同埋鮮甜海膽，食得好滿足！😋.沙律、小食加主菜之餘，又點少得特色飲品🍹呢！兩杯mocktails賣相一流，一杯紅 Refresher ($88)、一杯黃 Cosmo Night ($78) ，前者以士多啤梨作底，後者就以芒果為主，啱晒唔太飲酒嘅女士們飲用。