紅花匯

营业中

休息中

阿叔公司附近新開咗間上樓中菜館，餐廳主打川、粵、潮菜🥢，佢哋下晝除咗有商務套餐外，仲有一人自私餐，一個餐價錢$138，有齊前菜🥬、湯品🥣、主菜🐟、主食🍚同甜品，以灣仔區食飯嚟講，想食得好少少，呢個價錢真心差唔多🙂。最緊要店內裝修都夠體面，啱晒同老闆或客嚟食飯，起碼唔使次次都去飲茶咁悶。🤣🤣🤣 🥢川、粵潮午餐 ($138)🥬前菜：椒汁飽魚飽魚切粒，肉質爽口彈牙，配上椒汁，味道少少辣，令人食我好開胃 🥣招牌時令湯：五指毛桃湯店員果然無介紹錯，今次呢款時令湯味道超清甜，而且具有健脾補肺、去濕等作用，好啱呢排又熱又濕嘅天氣下飲用。 🐟主菜：黃菊酸菜桂花魚套餐主菜有好多選擇，除咗水煮牛肉、麻婆豆腐、辣子雞等外，仲有近排阿叔好鍾意食嘅酸菜魚。呢度嘅酸菜魚用上桂花魚，比起出面酸菜魚專門店用嘅鯛魚同或者鱸魚，桂花魚肉質更結實、更嫩滑，加埋寬粉、雲耳、芽菜同酸辣適中嘅湯底，真心好味，值得一試。 🍜主食：頭抽豉油皇粉麵炒麵炒得夠火候，夠乾身，味道又唔會太鹹，阿叔表示想要多碗呢！ 🥛甜品：蛋白杏仁茶杏仁茶加上蛋白增加口感，而且味道剛剛好，唔會話太甜，好啱阿叔口味。