紅花匯

非常滿意嘅lunch set前菜三小碟： 涼拌萵筍絲調味適中，口感清爽略嫌出水稍多。黃金皮蛋比起黑皮蛋更少「嗡」味，配搭麻辣醬汁非常惹味。涼拌芹菜鮑片:口感爽彈，大約有半隻左右至一隻左右。酸辣湯:足料，醋味比辣味出。是靚湯: 濃郁鯽魚及唐排味，已經過濾所有湯渣。黑醋骨: 外脆內軟，調味適中，10分可口。招牌酸菜魚: 叫咗小辣，很符合個人口味，魚肉大塊白淨。碗底亦有寬粉，略嫌寬粉稍為煙靭。上湯浸時蔬: 刻意很淡的調味，能夠中和以上菜品酸辣口感。黑松露雞粒炒飯: 炒得鬆軟，碗底少油，讚。紅棗糕及黑糖糕: 紅棗味非常濃郁，黑糖糕彈牙現場食物雖看起來份量不多，但全部吃完剛好飽。不用茶位費，非常推薦。…查看更多

I have to admire this restaurant’s “unique charm” — the musty smell of an old building really sets the mood, and the burn marks on the fabric chairs must be some kind of avant-garde interior design. The portions are so tiny I started wondering if they were charging us for the air around the plate. During Restaurant Week, they somehow made it even smaller — what a brilliant strategy! As for flavor, utterly forgettable. Honestly, any random Sichuan or Cantonese place would easily outshine it. The service was the real highlight: staff rushed us to order like their lives depended on it, and then after less than an hour, they were practically pushing us out the door. At this point, calling it a restaurant feels generous. Thanks for the “experience,” but never again.…查看更多

最近和喺灣仔工作嘅朋友一齊去咗紅花匯餐廳，係因為 Restaurant Week 嘅活動慕名而去，原本諗住趁呢個機會享受一餐美味嘅午餐。餐廳位於大廈嘅6樓，但外面冇明顯嘅標誌或者指示牌，搞到我哋喺外面兜咗幾圈先搵到。 環境感受一入到餐廳，裝潢算係有古典風味，但整體嘅採光度偏暗，氣氛有啲昏沉，尤其係深色地毯，感覺唔夠乾淨，令我地喺心理上有啲唔舒服。 服務體驗 服務人員態度都算熱情，但服務人手明顯唔夠，導致上菜速度比較慢，有幾次都需要主動催促，呢點真係有改善空間。 菜品味道至於食物方面，主菜嘅味道確實唔錯，賣相精緻又好味，出菜速度亦都算係可以接受。但甜品就係一個小遺憾，等咗好耐都未上，朋友因為兩點要趕返公司，最後甜品都未嚟到，結果佢唯有先走，呢部分真係幾可惜。 總結整體嚟講，紅花匯嘅菜品質素係值得肯定嘅，但服務同環境方面真係需要加強。如果之後能改善呢啲問題，應該會係一間更值得推薦嘅餐廳。不過今次體驗只算係中規中矩，希望下次有更好嘅感受吧！…查看更多

在湾仔金钟这片高端餐厅扎堆的地方这家开了15年的老店肯定有点说法，刚进门就是老板的一大排奖状奖牌🏅刚好碰到餐厅周！居然人才均100+！💫除此之外，还有2位/4位/6位的午市套餐招牌当然还是拿过金牌店酸菜桂花鱼🥣！首先鱼片无敌厚，入口的质感无敌惊艳！介于嫩和弹之间然后酸菜用的是甜口为主的厚片酸菜，配上莴笋片和豆芽，口感不要太丰富🎋环境是中式典雅风桌距够宽，整体比较安静服务也很细致，有种老派港味的周到前菜的鱼籽溏心蛋，还有甜品桃脂奶冻才是点睛之笔！满满的手作感肯定能颠覆你对粤式川菜的认知🦐…查看更多

$198 放題點心幾抵食，公眾假期人又唔算多, 但上菜有點慢。九肚魚炸得好脆，拉絲起酥魷魚鬚就略嫌唔夠椒鹽味。虎皮尖椒夠乾身，苦皮有紅油幾辣幾過癮，跟住鳳爪嗰個芋頭係最好味MVP又有朔晒汁好味筍尖蝦餃好大粒好好味，但係調味稍為淡咗少少可能因為放題所以所有嘢都會淡少少等你可以食多啲牛肉就可以唔使試啦因為鹼水太重灌湯餃未食而家試。…查看更多

🐑蒜泥白肉，特别在用上黑蒜，有別於出面其他食肆，黑蒜經發酵後蒜味偏甜，蒜本身嘅辛香變相減少，如果你係勁鍾意蒜味嘅人，呢味餸可能會食得冇咁過癮。其他方面，佢個紅油夠辣嘅，呢點我幾Like，豬肉片雖然唔係好肥，但佢帶皮，夾埋青瓜一齊食增添脆口感，豉油汁調教得都幾好味，上枱又夠冰凍，撇除黑蒜嘅因素的話，整體配搭不俗。🐑刴椒白鱔，既然有金菇墊底，當然試咗金菇先啦，夠索汁吖嘛，金菇同刴椒汁個味非常匹配，呢個配搭簡直係别無他選。白鱔夠鮮甜，可惜未係最爽身嗰身，刴椒應該有另外調過味，唔算好鹹，有股鮮味，相信係發酵後嘅作用。🐑毛血旺材料豐富，有鴨血、午餐肉、窩筍、蓮藕、雞件、大豆芽、青瓜、牛柏葉、薯粉、雲耳等，全部都好索汁，當中特別要提提個雞件，係走咗油之後先放入去水煮，所以食起上嚟特別香。麻辣水煮汁底夠香、夠辣、夠惹味，意味著其實呢度其他嘅水煮嘢，應該都會好唔錯。…查看更多

廚師發辦私房潮州菜～呢間位於灣仔既私房菜，係專門食潮州菜，唔一定要食指定菜單架～仲可以搵廚師發辦！大概講幾錢位，然後你想食咩唔食咩，佢會幫你諗！咁就太好了，岩哂我啲懶人！好有私隱度，要係樓下確認訂檯先可以搭𨋢上去，而上面都係好多間私人包房，岩哂私人聚會，仲可以唱K！唔驚嘈到人😂🤣最貼心係房入面都有個鐘仔可以叫店員，唔洗特登行出行入。然後個日冷氣好勁，都可以叫店員俾條披肩仔！🌟灌漿蘿蔔｜出面炸到卜卜脆，入面係好多汁又煮到淋既蘿蔔🌟堂弄古法潮州翅｜第一次食潮州翅，真係好鮮味，仲要有蠟燭仔一路烘住，食到最後一啖都係熱辣辣🌟古法鹽焗奄仔蟹｜爆膏又多肉，食到選手指！🌟紅燒頂鴿｜係原隻上，炸到岩岩好，又嫩又多汁成隻食夠豪😁🌟陳花雕香醋馬友件｜好香花雕味，魚件蒸到岩岩好，又有少少酸味好開胃🌟紅糖糍粑｜煙煙韌韌😍我鍾意期待下次廚師發辦😍😍😍🏠店名：紅花匯 The Hua Restaurant🚘地址：灣仔謝斐道303號凱聯6-9樓…查看更多

今日懶懶哋做完按摩，本來諗住買雙餸飯，但啲餸一啲都唔吸引，於是就睇吓叫外賣送嚟我屋企唔使煩，近期都喜歡食辣，就川菜轆轆吓見到一間叫做紅花匯，有個酸辣火山骨，之前喺泰國嘢食過都係叫火山骨，我見佢$100都唔使就叫一個，原來嗌滿$120仲有折，所多個擔擔麵，我驚自己唔夠飽😆兩樣嘢加埋先至$120😆大概半個鐘外賣送到，打開見過火山骨同我之前食嘅差唔多，不過就係嗰條肉排短啲，有好多紅辣椒飲啖湯酸酸辣辣好惹味，每條肉排都好入味夠腍唔係好出色，擔擔面嚟到正常啲面係幼身好香花生醬味，個酸辣火山骨仲有一個白飯附送，食完非常滿意，必然有下次…查看更多

太太最愛食奄仔蟹所以同由台灣返香港嘅朋友去試吓四個人就訂奄仔蟹套餐先嚟幾個頭盤 ： 1. 一口灌漿蘿蔔2. 紅蝦醬濃汁多士3. 香油膏筍絲三個都好有特色之後：瑤柱蟹肉羹 用個特別嘅碗 保持熱辣辣果然有心在處理食物！其實可以選擇酸辣湯但同行朋友都不太愛辣所以選了蟹肉羹再嚟：黑醋咕嚕黑豚肉 外脆內熱幾特別嘅做法、非常有口感主食：每人一隻成10両的古法焗奄仔蟹台灣朋友說很大隻啊！而且隻隻有膏、可能當造其他：雲腿津白最後：甜品 手工雪媚娘全晚大家都食得好開心會再去！…查看更多

今日又係聚一聚嘅時候，聚會最好緊係邊飲🍷邊食🥢邊吹水！今晚朋友介紹這間餐廳真係好唔錯👍🏻頭盆小食好啱送酒，糯米蟹好掂👍🏻👍🏻👍🏻奄仔蟹好肥美🦀咕嚕肉就細碟咗啲😌⋯⋯ 總括嚟講食物很不錯🥰🥰…查看更多

好榮幸地嚟到呢間私房菜餐廳🤩🤩多得朋友喺海鮮界做批發，所以成日跟佢都會食到好嘢👏🏻最正嘅係絕對唔使睇菜單一坐低就可以等食最好嘅飲都係最靚嘅酒。真係食得是福每一道菜都係師傅精心炮製材料新鮮😋我哋大概10個人有一間房，又有自己私人廁所。玩得開心，食得放心簡直係美酒佳餚，師傅仲等差唔多食甜品之前過嚟傾吓每一道菜嘅意思同材料仲好細心咁問大家仲想食啲乜嘢？私房菜能做到呢個新嘅境界簡直係食得錦上添花👍🏼👏🏻🤤…查看更多

今天約朋友食點心放題，要去9樓，環境與照片有很大落差已經很失望，一張小小的枱，靠窗不過拉上窗簾，打開發現好多雜物:(。我們準時1時去，雖侍應提醒今天人多要盡早落單，可是要等到1：45先至開始有所訂的點心。期間侍應怕我們無嘢食，給予其他我哋無點嘅點心頂住，不過竟然係凍咗無人食的點心。其後陸續上菜，但蘿蔔絲酥完全是凍嘅，菜心也是凍的。。。芝士長春卷也變成「冷盤」，仲要好咸，椒鹽魷魚鬚當然是凍，但竟然完全沒有椒鹽味。。。最後我哋食不下去，放題係完全搵笨，因為等到您無時間食，而且其間任佢哋上點心，不如下次推點心車仔好過喇，而且要返工都無時間等咁耐，結果都無乜點食，根本就唔係放題，仲要收足咁多錢，實在係一家完全不負責任的餐館（雖然侍應都有唔好意思）。…查看更多

已經食過好多次的奄仔蟹套餐同不同朋友都讚不絕口每隻都好大隻成9両重！真係要講句：9両菜？😂😂😂而個湯會改為杏汁白肺湯真係冇得輸熱辣辣上而那個黑松露咕嚕肉更加脆香👍🏻👍🏻👍🏻…查看更多

🥰 人有悲歡離合, 月有陰晴圓缺. 今晚十六人江湖飯局, 幾番擾攘, 選址 “電視台美女” 推介嘅 “紅花匯”. 🏘️ 餐廳位於灣仔商業大廈 6-9 樓, 今晚安排七樓嘅包廂, 室內裝修光猛, 空間闊落, 走中檔路線, 私人會所格局, 設一張大圓枱, 兩部電視, 酒杯櫃等, 玩獨立洗手間, 十個讚. 另外幾張後備凳靠牆, 可以放背囊手袋等, 略嫌少少礙眼.🥢 今期兩個套餐, 人頭價錢分別係 $500 同埋 $600, 我哋揀咗 $600 版本, 茶芥位位 $20, 另加一服務費.香油蒿筍絲椒汁鮑魚一口灌漿蘿蔔椒鹽九肚魚追加: 竹炭脆皮鴨血追加: 加拿大象拔蚌刺身螺頭花膠燉雞蒜蓉粉絲蒸開邊西澳龍蝦金牌紅花酸菜桂花魚時果咕嚕黑豚肉吊燒南乳脆皮雞臘味炒芥蘭棗皇紅棗糕🥒 香油蒿筍絲. 非常爽口, 油香出色.🐚 椒汁鮑魚. 椒味帶勁, 啱啱好, 唔搶味. 諗起 “后園” 嘅 “藤椒象拔蚌”, 同埋 “天一閣” 嘅 “巴蜀墨魚仔”, 異曲同工, 但口感鮮爽, “紅花匯” 選用 有嚼口嘅鮑魚, 效果相對遜色.🥕 一口灌漿蘿蔔. 炸皮鬆脆, 餡料新鮮, 少似蘿蔔絲酥餅, 不俗!🐟 椒鹽九肚魚. 炸粉唔夠實淨, 夾唔起. 魚肉未算 滑捋捋, 合格吧. 😱 追加: 竹炭脆皮鴨血, $138. 老友 “強記” 推介. 基本上就係豬紅, 外包一層豆腐炸皮, 聽落簡單, 食落精彩.🐚 追加: 加拿大象拔蚌刺身, $480 一斤. 極度鮮甜, 值得推介.🥰 螺頭花膠燉雞. 燉盅上, 熱辣辣. 非常甜美, 味道完勝 “天一閣” 嘅 燉湯.🦞 蒜蓉粉絲蒸開邊西澳龍蝦, 加 $120 選配伊麵. 每人半隻, 份量慷慨, 抵玩! 龍蝦肉質爽彈, 鮮味遜色於 西貢 “六福”, 但烹功調味水準之上, 伊麵一條不留.🐟 金牌紅花酸菜桂花魚. 魚肉嫩滑厚身, 酸辣湯味滲透魚肉, 又可以齋飲, 我飲咗五碗呀, 應該係香港最好食嘅酸菜魚之一.📖 翻查資料, 酸菜魚起源於重慶, 近年香港興起. 早期有餐廳譯做 Sauerkraut Fish. 再查查, “百度” 對酸菜魚嘅介紹都係 Sauerkraut Fish, 十分有趣. Sauerkraut 其實係德文嚟, 解酸椰菜, 應該就係放喺鹹豬手側邊嘅配菜. 另一間酸菜魚舖 “廚十三” 就係用Sauerkraut Fish. 而家好多餐廳譯 Boiled Fish with Pickled Cabbage. “紅花匯” 譯 Poached Mandarin Fish Fillet with Pickled Mustard Greens.🤗 時果咕嚕黑豚肉. 肥瘦適中, 不過不失.🐥 吊燒南乳脆皮雞. 雞肉算係嫩滑, 南乳味道濃郁.🍀 臘味炒芥蘭. 臘味嘅油膩同埋濃味 滋潤 清脆嘅 芥蘭, 掂! 可惜部份芥蘭有少少渣, 扣分!🍒 棗皇紅棗糕. 完美結束, 哈哈.🤗 總結: 十六人圓枱一枱難求, 包廂又係賣點之一. 坐位舒適, 服務到位. “紅花匯” 主打川粵潮, 即係大包圍, 哈哈. 食物水準之上, 招牌嘅酸菜魚, 脆皮鴨血, 象拔蚌 充滿驚喜. 昌師傅用心製作, 隔晚已經再約飯局.…查看更多

當你以為呢度只係一般酒樓菜式，就大錯特錯。呢度啲師傅原來全部都係名廚出身，所以呢碟菜除咗味道好味，仲要外表都精緻。可謂「色香味俱全」，有啲餸仲好IG-able，又睇得又食得真係越嚟越罕有，太多煮嘢好食嘅師傅都移哂民，真係賣少見少，好好珍惜🥹🥹🥹火燒九層塔（梅菜扣肉） — 呢碟就係打得又睇得，你見到佢每一層嘅比例整得幾咁完美，仲要着埋火呢下夠驚艷，現場睇真係好震撼，每一個都會「嘩！」，每一個都會攞住電話拍低，每一個都會大讚！就算你幾咁怕肥，都真係一定要試，你冇諗過啲肉可以整得咁腍咁好食咁入味 。酸菜魚 — 啲魚又滑又厚身，啖啖肉！個湯濃得來又唔會太辣，而入口又好飲 。連唔係好鍾意食魚嘅我都忍唔住夾多兩嚿，因為真係好滑好好食，一啲都唔腥！！你淨係睇相嘅色水就知道唔會差得去邊 。燒雞拼青瓜手撕雞 — 呢碟簡直食到停唔到，你睇啲燒雞皮幾咁香口脆香，啲手撕雞肉又嫩滑，再配埋青瓜嘅爽口，呢一碟簡直係一定會識到你停唔到。…查看更多