Yamm

营业中

休息中

由9月1至10月8日 $688有8折 再加一餐廳位於酒店G/F環境不錯 空間感大 枱面夠闊頭盤 海鮮 小食 肉類 壽司 甜品 種類亦算多以自助餐而言 算不錯可選擇魚湯或雞湯 內有素魚翅 魚肚 花膠值得推薦一排沙津供選擇 味道不錯細Size 帶微微海水味 但雪得唔夠凍 一次限拎3隻長腳蟹腳 無雪氣味 肉質尚可龍蝦 唔推薦 有微微雪氣味 肉質無彈性吉列和牛三文治 牛味十足 唔乾 多士鬆軟壽司種類繁多 廚師不停補充 味道不錯除此 仲有幾款串燒 慢煮三文魚扒 牛 蒸魚 炒飯 蟹腳粥 等等味道不錯 唔會太甜 種類多鬆脆嘅班蘭味窩夫 配上movenpick雪糕 正呀雪糕仲有8款味道可選擇加128可free flow 紅 白 汽酒 加青島啤酒加68可free flow soft drink 果汁。。。

人生行到一半，得一知己死而無憾，好慶幸我有兩位知己，比普通人多一倍，相識20年嘅閨蜜同細我兩日，今晚慶祝生日Happy birthday to my the dearest best friend.Yamm係我哋生日飯堂，信心保證當然今晚喺度慶祝，主題係蟹之夜，生日有美食當然必須要有酒free flow $128愛爾蘭生蠔好重海水味，細細隻好爽口，人人都鍾意食好大隻既蠔，但其實細細隻質感更好，識食嘅都懂的蜆/龍蝦：無沙嘅蜆，肥美嘅龍蝦，我最愛嘅嘢秋葵/番薯天婦羅：高纖維健康食品，健康有益，不會炸得太乾，火候控制得好羊架：肥美厚肉very juice龍蝦鉗：一如既往嘅細心鉗開咗殻，輕輕一扭方便易食，啖啖肉沙律菜：新鮮爽脆龍蝦：輕輕一拉一整條龍蝦肉輕易脫下，鎮店之寶冇得輸海蝦：高質肉質爽口，從來大家都會認為這是一度不起眼既海鮮，唔係回本嘅選擇，但係一餐buffet最容易見到細節就係喺海蝦同菜叉燒海南雞飯：國金軒叉燒脆脆的麥芽糖平均分佈叉燒每一寸，海南雞滑滑，油飯唔會太油唔會太濕，做到粒粒分明鹹蛋蟹腳粥呢度一向所有粥同中湯都係超出色，鹹蛋配蟹腳成煲粥點會唔甜最後朋友們食佢哋最鍾意食嘅雪糕，我

Happy birthday to me今晚閨蜜和我慶祝生日，再一次嚟到Yamm,今次主題係食蟹，每次生日食飯大部份都會選擇嚟呢度食buffet，閨蜜們相識20年非常清楚我係海鮮控同必須要酒，我生日點可以冇澎湃嘅海鮮坐鎮，Free flow紅酒白酒香檳青島啤酒，Yamm完全可以滿足我龍蝦龍蝦鉗長腳蟹海蜆海蝦濃郁嘅海水味，不需要點任何醬汁已經好有鮮味，蜆無沙，龍蝦澎湃嘅蝦籽，證明佢好好生養刺身新鮮微凍，甜蝦唔好睇佢細細隻，新鮮度足夠先會有粘咀的感覺燒味國金軒叉燒外皮麥芽糖做得脆皮，以往只可以一份一份叫，但今次可以任食，話我食嘥quota 都好,我都一定要食，海南雞好滑，油飯做到粒粒分明，平時唔鍾意食飯嘅我，都清咗隻碗生蠔今晚食嘅係愛爾蘭出品，細細隻唔會太大，鹹味比較重，加少少紅酒汁中和鹹味，帶出鮮味，師傅開得速度好快，抵讚鵝肝無限量供應，但我唔食內臟，只可以有閨蜜們嘅行動表現俾我睇有幾好食，應該佢哋每人食咗六件，size半塊漢堡扒厚切咁大送既栗子生日蛋糕好精緻

星期日同老婆撐下枱腳, 先聲明我老婆係龍蝦控黎, 所以食自助餐一定會搵有龍蝦既網上團購$580/位, 上個月訂左, 後來上黎睇食評, 百幾個負評咁恐佈? OK, 當睇唔到當日遇到遊行, 六點半鐘先去到酒店, 環境好冷清, 黑媽媽, 唔使等位即入環境係咁既: 冷食台有麵包蟹, 龍蝦, 蜆, 中蝦, 蟹腳中湯隔黎有生蠔, 但要問佢地拎魚生檔有生文魚, 金錩魚, 墨魚, 甜蝦, 赤蝦, 元貝, 帶子1. 麵包蟹: 最好味算呢個, 比一般食開既細, 但膏都好豐滿, 食左兩隻成口蟹膏2. 龍蝦: 波士頓龍蝦, 都OK既, 唔係無味死蝦3. 蜆: 街市十蚊斤既大細, 比你都唔食啦4. 長蟹腳: 感覺上比平常果D幼, 味道都鮮, 無乜海水鹹5. 中蝦: 食左兩隻, 爽既6. 魚生&壽司: 好少選擇, 連希靈魚, 鱲魚呢D普通野都無, 金鯧又唔夠肥, 反而壽司我覺得仲好味,尤其個燒生文魚壽司, 入口即溶, 有魚油味, 可以推薦7. 湯: 呢間店都幾過隱, 總共提供四款湯: 濃蟹湯/蟹肉羹/炖雞湯/炖魚湯炖湯係問廚師, 炖料做好, 即叫即落湯座熱, 我飲左雞湯, 湯料有花膠魚肚, 蟹肉, 味道尚可, 但

一年一度又到姊妹生日，人人口味唔同就得呢個又就唔到嗰個，呢個時間最好去食Buffet, Yamm係我哋近年生日去食飯嘅首選，生日嘅朋友最愛食甜品/刺身，呢度完全可以滿足到佢嘅需要，另一位朋友仔就唔食生冷野，最鍾意粥/燒味/點心，我當然最鍾意嘅依然係呢度好澎湃嘅海鮮山/沙律，重點推介呢度嘅龍蝦同中湯係我哋一致讀絕，龍蝦完全爆膏，勁多蝦籽肉質彈牙，中湯完全係足料老火湯，完全唔會見到有油份係湯嘅面頭，飲多幾碗都唔怕。

今日同屋企人一齊食, 成十幾個人, 佢都比左一張長桌等我地可以自成一角, 今日食得好開心, 食物既質素整體黎講okay, average la, 最好食係佢既芝士, 燒牛肉, 好香咸咸地very good, 另外佢既雪糕都好好味呀, 有幾款可以揀, 食野既時間好快就過, 海鮮類好似shrimps, oysters, crabs等我覺得係below average, 以咁貴既自助餐黎講佢質素真係一般, 好薄好少肉, 另外佢仲有muffins and sushi算係不過不失

又係下午茶時間今日放半日假好自由自在，我要去尖沙咀買啲嘢，行行吓買到一袋二袋，又攰又熱又肚餓，就想搵地方坐下，坐得舒服我又唔趕時間，以我嘅邏輯最好係去酒店，喺美麗華附近最好就係去飯堂—Yamm,3:00時間比較尷尬，但真係好攰都入去望望，好好彩3:30 有tea buffet，侍應們好好安排我先入座，等夠鐘就可以出去攞嘢食，冇諗過tea buffet 有長腳蟹，海蝦，三文魚⋯⋯最驚喜係有牆腳蟹粥，呢度嘅粥一向都好有保證係我至愛。

有朋自遠方來,就帶佢食餐好嘅, 其實宜加真係好少自己比錢食自肋餐, 多數等聖旦節, 公司帶我去!今次揀美麗華, 因為成日聽到朋友話好食!我都覺得環境食物同服務都不錯, 不過冷氣有點不夠凍生蠔, 龍蝦, 鵝肝呢類貴價食物都有, 我最愛就係鵝肝, 而且不是間間自助餐都有提供, 可惜略嫌煎得不夠香口龍蝦大隻多膏, 食物添加亦很快, 刺身好新鮮有個花膠湯都很出色, 甜品選擇好多, 即使我不太好甜, 但亦覺得很吸引香港食 BUFFET 都係比較 OVERPRICE, 鋪租係主要原因啦!

因為公司食聚餐，所以第一次食YAMM嘅自助午餐，已聽過朋友試過，評語麻麻地，所以食前都不抱太大期望。 果然食物質素只屬一般，如果論屬五星酒店，就更屬劣質了。 刺身方面選擇種類極少， 印象中帶子都ok的，但三文魚同吞拿魚就唔多吸引。再講熱食， 海鮮例如焗龍蝦全冇鮮味，肉質欠彈性。 肉類中，可取嘅係西冷牛扒，質素可接受，又未去到冇晒牛味，另外牛仔骨都食得過。但初試羊架， “騷“到冇朋友。最後係甜品，雖然款式多，但每個款式味道一般，平平無奇。 唯獨一讚係環境，坐位舒服闊落，另外冷氣温度適中，不會過凍。

今年工作好忙碌，年頭到年尾無停過，終於放大假了~慶祝大假，一於去食個靚lunch buffet 先~🎉🎈 ..入到酒店，環境當然高檔靚，舒適。座位靠邊的有8至12人座位的，多些私隱。食物集中一邊，人多易擁擠。食物整體不錯，任食，但飲品每人只限一杯。食物種類算可以，日式壽司🍣🍣🍣🍣，中式，西式甜品，印度食物如羊架。特別推介:芝士雪糕，斑斕窩夫，葡撻，龍蝦，菠蘿，蝴蝶蘇 .駕車的朋友有兩小時免費泊車。大家如有高質自助餐記得一起分享喔

幾個月前係到吃過一次晚餐，感覺唔太好，基本上係我我吃過最唔值嘅五星級酒店自助餐，海鮮完全無鮮味，食物種類不但少而且質素比較差。今日公司聚餐來吃自助午餐，本來希望有驚喜，結果再度失望😔凍海鮮只有三款，一樣完全無鮮味，蝦同蜆都有沙，唔知是否自己唔好彩。魚生比放題更差，有點出水，壽司飯比較硬。煙三文魚第一轉還可以，吃第二轉有腥味，顏色都變埋。羊架勁膻，咬完一口即刻要漱口。排隊先拿到嘅燒龍蝦，肉中間全部都係黑色嘅腸，吃到我成口沙。炸軟殼蟹漢堡鹹到飛起，賣相OK，但真係吃唔到第二口。壽喜燒選擇少，味道勁一般，只有甜味，車仔麵好吃好多。海南雞有雪味，完全唔掂，叉燒勉強合格。五星酒店自助餐竟然沒有自助飲品區，只包一杯飲品，完全唔夠飲。唯一可以讚嘅係木瓜沙律，食材新鮮，少少辣都幾開胃。咁嘅價錢我寧願去吃放題!

垃圾甜品，冇馬卡龍……冇steak，冇Lamb，魚生鮮兼少，冇赤貝……衰過幾月前，張價就貨，不值得再去。新及少侍應，用免治牛肉作燒牛肉，甜品是外賣的，龍蝦是破碎，青口及蜆是空殼的。

原本諗住6xx埋單，最後先知今日特別啲要$798一位，差唔多$800 一位嘅自助餐，食完都唔知食咗咩。成個食物位都唔大，得一個圈冷盤：有龍蝦、青口、蜆，蝦，住部都無咩味，龍蝦太韌，得蝦有啲蝦味。芝士麻麻地，又係無芝士味，ham淨係食咗沙樂美腸，食完想嘔出嚟，有少少臭（平時都鍾意食）熱葷，蔬菜菇菌類幾好食；大多數肉類都好難食，得豬頸肉可以一戰，今日都有鵝肝提供，朋友覺得幾好多，但想再攞多次都無再refill（當時只無8點幾9點）隔離壽司刺身，全部切好哂，整好哂就咁擺喺盤度，好似唔係幾衛生，又無冰震住。印度嘢都幾ok，羊肉好腍，薄脆好味，越食越辣。其他都好難食，皮勁厚。雪糕係m字頭牌子，但係佢兜雪糕有一半味道都係吉吉地，淨返一細舊（佢得6-8隻味）甜品可以接受，但只有十幾款選擇樓面staff幾有禮貌，但係啲師父就唔多理客人，有啲就淨係掛住傾計，我今次去淨係得印度師父有理下我😭總結：食物質素中至到中下，款式少，唔覺值$800，甚至連平日嘅價值都唔覺值得

N年前食過一次Yamm buffet 印象中水準一般 今次隔左咁耐再食 果然都仲係一般😂冷盤招牌波士頓龍蝦 蝦肉好飽滿 不過肉質嚡口 唔算話好鮮甜 一隻已經夠曬數😅生蠔水準好麻麻 唔係好新鮮仲要好細隻好瘦沙律菜選擇都幾多既 不過睇落就唔多新鮮😯Sashimi 油甘魚最好食 油脂分佈好平衡 入口好有魚香😍三文魚幾厚但唔係特別正P.S. 切sashimi既壽司師傅唔太nice 唔多睬人😧熱盤鵝肝好食👍👍 Encore左 食第二次會有D漏但係佢出得十分慢(因為佢煎好左先會放出黎)另外煎三文魚，泰式炸軟殼蟹都唔錯😛羊架幾大份 味道就普普通通 冇咩特別煙三文魚薯餅同海鮮薯餅係即叫即整😗👍 但味道麻麻唔建議你去排甜品認真麻麻地 款式唔多e.g. 焦糖燉蛋 黑森林 藍莓greek yogurt 朱古力噴泉其中最好食竟然係迷你葡撻😂雪糕係MovenpickStrawberry cheesecake同hazelnut caramel味最好食😉聽聞chocolate唔錯 但係我唔鍾意朱古力味😂總括黎講甜品有d heaYamm dinner buffet 老實講真係唔多抵食 食物質素: 6.5/10環境:

喺尖沙咀美麗華酒店入面有一間西餐廳，有得食自助餐，今日就同成班同事一齊去試試佢。一去到即刻出去睇吓有咩食，即刻夾咗啲壽司，有火炙三文魚壽司、有鰻魚壽司，仲有好多好多。除咗壽司仲有鐵板燒，日本野之外仲有西式、法式芝士、燒味、海南雞、牛扒、沙律好多種唔同嘅嘢食。基本上如果每樣事一塊，都一定會好飽。除咗鹹點以外，仲有好多甜點，又有綠茶噴泉，用一串串士多啤梨沾上綠茶來食。又有其他各式各類的甜品，目不暇給。