Y Pasta (已搬遷) 新店位置

主要食pasta 既西餐廳，以海洋為主題，白色裝修簡單雅致，加上落地大玻璃面向住銅鑼灣景觀，十分吸睛👀座位闊落舒適寫意😚餐牌裏面嘅食物種類好多選擇，main就以pasta為主，基本嘅linguine, penne pasta, fettuccine, fusilli 當然都沒有缺席🤤。🦞酥皮龍蝦湯酥皮係要焗，所以上枱嘅時候都熱辣辣，差啲辣親👅好香嘅酥皮味，香濃嘅龍蝦湯，真材實料，幾乎啖啖都有蝦肉，停唔到口🤤。🐥香辣水牛城雞塊雞件經過油炸，更加鎖住咗醬汁，醬汁味道酸酸咪咪開胃，但係雞件為雞胸附近位置，口感比較鞋。🍝黑松露醬鮮帶子意粉份量十足，帶子鮮甜啖啖肉，大大粒而且嫩口，煎到半熟狀態，不得了😍自家製既意粉al dente 唔會太稔軟，是喜歡的質感🧡每一條意粉都沾有黑松露醬，好掛汁🤤。🍕蒲燒鰻魚大阪燒pizzaPizza喺薄皮，好似餅乾一樣脆，鰻魚件數唔少，又有柴魚碎，味道真係好似食緊大阪燒😆

同朋友喺銅鑼灣行完SOGO突然間好想食西餐 就上咗嚟呢間y pasta 門面裝修都幾舒服 店入面乾淨企理而且人流不多餐湯普普通通冇咩特別 不過不失意式茄蓉肉丸$58好重嘅番茄醬 好香 肉丸入味BBQ手撕豚肉pizza $138呢個pizza係用左燒烤醬做調味 而肉係慢煮豚肉絲加上青瓜同野菜 喺出面好難食到咁有特色嘅Pizza 本身以為都好奇怪嘅配搭 點知出奇地好食 推介黑蒜香菇炸醬意粉 $148臨尾都係叫多咗個意粉先飽 黑蒜味好香加埋炸醬意粉超級入味好開胃酸酸甜甜

呢間餐廳聽過唔少次 但我覺得一般般 性價比唔高 味道正常 多人話好食 而我食完覺得普通🤭呢個價可以有更好既選擇😐 🌈龍蝦蛋黃醬菠蘿大蝦薄餅 $142全餐最出色係呢個pizza🍕啲材料又幾夾喎 每一件pizza既材料都好平均 唔洗驚冇野食😂餅底焗到脆脆的 正 記得襯熱食呀🌈Special Menu黑椒燒牛肉濃汁意粉 $158Special manu就要試試佢 燒牛肉係唔錯 比我想像中多 而意粉就正正常常 口感偏硬 個人覺得一般般 同埋食完先知原來可以轉其他粉 🌈卡邦尼蛋汁意粉 $138Carbonara差唔多間間cafe都有 要整得好味好難的 我只會講呢間未去到必食 應有的都有😂意粉口感都係偏硬 建議兩個意粉既話 其中一個轉其他粉！🌈香辣水牛城雞塊 $82我幾中意食水牛城汁呢個味道 而呢個水牛城雞塊同我想像中有出入😗係唔似平時既水牛城汁既 我中意食辣辣地 酸酸地既味道 而呢個唔辣同埋唔係果種味 友人話太酸 我ok的🌈意式茄蓉肉丸 $58呢個幾特別 好多茄蓉 而肉丸咬落係有軟骨係入面 有咬口！欣賞！🌈香濃野菌湯 +$48轉set 跟餐飲真係好濃郁既野菌味！好好飲呀 會飲到啲蘑菇碎 係足料既

嚟到呢間位於銅鑼灣嘅L square, 試下呢間朋友介紹的Y pasta.龍蝦蛋黃醬菠蘿Pizza， pizza 嘅size 好大。 呢個價錢係銅鑼灣好掋食。 菠蘿帶點酸味, Pizza係簿底餅， 加上蝦和芝士， 好野味。卡幫尼蛋汁意粉， 意大利粉嘅口感偏硬，胡椒味較濃， 加上膽汁同埋煙肉， 一道好香口嘅意大利粉， 汁好juicy , 雖然熱量好高， 但都值得一試。甜品叫了個香蕉酥，包了個雲尼拿雪糕。香蕉酥炸不需趣配上香蕉醬sauce, 甜甜的， 作為dinner 結尾一流。 擺盤仲要很有巧思。有個聖誕樹。位於銅鑼灣但價錢非常平民， pizza 係最性價比高嘅必叫食物。

呢間好評如潮嘅意粉店，係我一直bookmark左好耐既西餐廳，今日終於有機會試到，估唔到性價比咁高之餘味道、服務、環境都樣樣掂！呢度雖然唔係好大但係環境好乾淨氣氛都好好，職員唔會因為有人入嚟就逼你要坐逼啲讓半張枱出嚟👍🏽反而叫你唔好急慢慢食。佢黑板寫低咗精選嘅意粉同埋Pizza介紹，但係比起黑板上嘅推介，今日個胃口更加想試menu上面種種意粉（而家睇返又好想試佢個燒牛肉意粉，不過留返下次啦😝）。食意粉一定要飲個餐湯開下胃先！一開頭我哋嗌左酥皮黑松露野菌湯，個湯非常香，入面有蘑菇蓉再帶點松露香，飲至我哋讚不絕口🤩酥皮要另外加錢嗌但係絕對值得一試，酥皮帶有一絲絲牛油味，熱辣辣撈埋餐湯好正，天氣凍好暖位！友人嗌左個冬陰功香辣肉碎闊麵，呢個絕對冇令我哋失望。同預期中一樣，佢真係非常香冬陰功味，好似平時喺正宗泰國餐廳飲嘅冬陰功湯一樣味道，不過唔食得辣嘅朋友就要考慮吓嗌杯嘢飲啦因為有微辣😙😙。之後就到我個紐西蘭蜆白酒牛酒扁意粉🍝！值得一提嘅係個蜆大隻得嚟非常鮮甜，加上意粉口感不會太淋，好有彈性，食到我哋讚不絕口。整體而言都係一間非常高質嘅餐廳，一定會encore👍🏽👍🏽

今晚去銅鑼灣其中一間我最鍾意嘅餐廳Y pasta。意大利粉係我嘅comfort food，而呢度嘅pasta 款式同創意都令我驚喜又滿足。小食酥炸牛油果，外層香脆，裏面係熱騰騰嘅牛油果肉，伴碟嘅沙律淋上酸酸甜甜嘅醋，特別開胃。因為叫咗杯涷Lemon Honey，中和返酥炸嘅熱氣。主菜當然係pasta，今晚試吓黑松露醬鮮帶子意粉。黑松露香味撲鼻，帶出香草同蘑菇嘅獨特風味。帶子鮮甜飽滿，軟嫩多汁，意粉al dente，主角地位無用置疑。最後甜品係Apple Crumble配雪糕。雪糕上嘅肉桂香味霎時勾起英國聖誕回憶。熱呼呼的香脆Apple crumble 融化冰凍雪糕，似一幕流動嘅藝術品喺眼前，我特別鍾意每一口都食到這種冷熱對比嘅感覺。

大食妹最鍾意周圍食食食, 比起encore, 大食妹更加鍾意周圍試新野算係一個幾有冒險精神嘅人但呢間Y Pasta, 食到前菜, 大食妹已經話一定會嚟encore, 可想而知佢真係超好食<意式茄蓉肉丸>Y Pasta嘅自家製意式茄蓉肉丸大家一定要試吓茄蓉味道酸酸地好濃郁, 肉丸加入左脆骨, 特別有咬口<忌廉黑松露野菌湯 加酥皮>Y Pasta嘅任何湯品都可以加酥皮, 但大食妹覺得酥皮依然係同白湯最夾於是嗌左忌廉黑松露野菌湯底酥皮又薄又脆又多層, 裏面嘅忌廉黑松露野菌湯非常足料, 濃度好高, 而且食到野菌蓉沙沙嘅口感<香草蒜蓉牛油焗法包>香草蒜蓉牛油焗法包即叫即焗, 上枱嘅時候新鮮熱辣辣咬落脆卜卜, 啖啖都食到香草蒜蓉牛油, 好有誠意<卡邦尼蛋汁意粉>最後又點可以唔嗌份經典嘅卡邦尼蛋汁意粉鍾意熱嘢食嘅朋友可能唔太鍾意呢一味, 因為正宗嘅卡邦尼蛋汁意粉一定係常溫嘅, 如果唔係啲蛋汁就會熟咗Y Pasta嘅意粉比較粗身有咬口, 混合蛋汁同香脆嘅煙肉粒, 簡單好食

上次逛銅鑼灣經過見到 Y Pasta已經想試，今日終於有機會，約咗老公放工來撐枱腳，早少少來到可以搵個靚位。店內佈置簡約舒服，位於高層望到遠景。意粉、薄餅及主菜可以加錢配套餐，有湯及飲品，我們加了一 set，選了野菌湯，老公喜歡酥皮湯~野菌湯質地好幼滑，味道十分香濃，配合香脆酥皮，令整個湯的口感更上一層樓。水牛城辣雞薄餅~這個新嘗試很出色，辣辣地嘅薄餅有驚喜，豐富水牛城醬，每件薄餅上都有一件新鮮嫩滑雞肉，餅底厚薄適中，咬落脆卜卜，茄醬加芝士煙煙靭靭，整體上食得出廚師用心的製作。自家製香草醬鮮帶子意粉~意粉夠爽口，唔會太淋，青醬味道調教得 剛剛好，加入松子仁更可口，鮮帶子勁大粒，入口軟滑，鮮甜。飲品選擇了蜂蜜檸檬(熱)~這個飲品很適合轉涼及乾燥天氣，滋潤啊。欣賞店員友善的服務態度。

這間店不單只有pasta 喔😌 原來仲有自家制既意大利粉材料賣， 可以買回家自己整🤩 地獄廚神既我點會唔試下呢🥳「黑椒燒牛肉濃汁意粉」意粉軟硬度剛好，牛肉薄燒yummy😋 以為是黑椒意粉，誤會了，其實是黑椒牛肉🤣😂🤣「辣雞薄餅」薄pizza 是我的最愛呀, 辣肚肉入哂味大大件👍🏻😋「忌廉黑松露野菌湯」野菌碎上忌廉濃湯😋「蜂蜜薑」凍凍地最岩飲了😌備註：🔺主菜可跟餐，別忘記喔😌🔺開揚式的廚房， 香氣讓人緊肚餓🤣😂🤣

工作了一天攰的時候，就會追求一間環境舒適嘅餐廳 ，見到大廈廣告牌的菜式流曬口水，於是被吸引上去食呢間餐廳。一開電梯門就見到餐廳，平日早少少食晚餐所以人唔算多，坐得好鬆，而且正當我又選擇困難症嘅時候，黑板上面嘅特別推介都值得一試。最後揀左辣雞薄餅、食蟹季節連軟殼蟹都要食就揀左軟殼蟹山葵蛋黃醬意粉和甜品玫瑰蘋果酥配雪糕。辣雞薄餅嘅辣度適中，而且餅皮薄脆，所以食上口啖啖都係肉。軟殼蟹山葵蛋黃醬意粉食上去 山葵嘅味道令到整體味道提升，去膩又多左重口感。最後都忍唔住食埋甜品先走！蘋果酥一上台第一個感覺被玫瑰味所征服。即燒出來的感覺和雪糕配合 冰火兩重天。

頗有名氣以Pasta為主打的小店，很適合想吃西餐又不想太Meaty的時候去！裝修簡單雅緻，Menu食物選擇也蠻多的，當然Main Dish就以Pasta最主，基本的長通粉、螺絲粉、意粉、扁麵、寬麵、天使麵當然沒缺場，還有較少吃到的米仔粉Orzo和自家製薯糬Gnocchi。大部份Pasta類餐點都可以自由選擇自己喜歡的Pasta，很Friendly！泰式冬蔭公香辣肉辣米仔粉 $142泰式冬蔭公醬汁帶微辣惹味，米仔粉外形細長尖尖的，有點像Risotto，但沒有Risotto般煙韌，口感較硬身，非常入味掛汁，令每一口都充滿冬蔭公的味道，如果肉碎份量多點就更好。龍蝦蛋黃醬菠蘿大蝦薄餅 $142熱辣辣上桌，每一塊Pizza都有大蝦1隻，菠蘿Juicy噴汁，餅底薄脆，配上惹味可口的龍蝦蛋黃醬，不錯！Apple Crumble $82即叫即製，等了大約15mins，充滿期待下也沒有讓人失望！上面有冰凍的Vanilla雪糕加上玉桂粉點綴，下面就是熱熱的Apple Crumble。蘋果餡的甜度剛好，蘋果粒鋪滿整個碗底，相比之下稍嫌Crumble脆粒份量少了點，但整體味道和冰火交融的口感很出色，令人一口接

Y Pasta位於銅鑼灣The L. Square 14樓，環境幽雅寧靜，同朋友係到可以輕輕鬆鬆過一晚意粉之夜意式香草雞翼，一上枱就聞到好香！陣陣既香草味散發出黎，肉質細滑，多汁呢到既意粉可以自由選擇，有成8款咁多！總有一款係你鍾意既酥炸軟殼蟹意粉（黃金蟹肉醬），好高質軟殼蟹大大隻，鬆脆可口，選擇左黃金蟹肉醬，令到軟殼蟹既鮮鹹味更加突出，食到停唔到！水牛城辣雞薄餅，薄餅底唔算厚，唔怕會食到好飽好滯，每一件辣雞都好惹味濃郁辣度適中，唔會喧賓奪主，整體仍然享受到芝士、辣雞同薄餅既平衡食完豐富既意粉同pizza，飲返兩杯特飲先！荔枝清新 & 香蕉忌廉朱古力，香甜清爽

打完高爾夫球搭車去銅纙灣吃意大利晚餐。餐廳在銅纙灣站附近，交通方便。乘電梯上14樓，一出電梯便是餐廳。餐廳內部環境舒適，店員友善。跟餐酥皮龍蝦湯和蜂蜜薑熱飲共76元。酥皮鬆化，龍蝦湯熱辣辣，有龍蝦肉，湯味濃郁。蜂蜜薑熱飲，甜味和薑味比例很好。黑椒燒牛肉濃汁意粉158元。燒牛肉半熟，肉質嫩，牛味濃，黑椒香。意粉軟硬適中，忌廉汁香濃帶咸味。水牛城辣雞薄餅138元，雞皮辣且香口，雞肉不辣且滑，薄餅邊脆卜卜，薄餅上芝士味香。總結：環境舒適，店員友善，食品美味。

新派西式CAFE 餐廳 呢度有好多款意粉 每日麵條都係新鮮製造的!多款小食、沙律、薄餅、甜品、菜式豐富多樣款式可自由配搭。 自家制甜品，每天新鲜制作。環境舒適開陽冬蔭功意粉 炸豬手配梅子醬 是日沙律 $10是日沙律 ~ 沙律菜新鮮清爽 加少少沙律汁已經好開胃炸豬手要等20分鐘,所以先上意粉 意粉口感係非常彈牙,新鮮意粉味道完全不一樣!以泰式冬蔭湯香料做成意粉醬汁 酸香帶辣,仲有好多香料同肉碎 配以新鮮麵條每一啖都刺激緊口腔中既味蕾,非常特別既一道意粉!最後就係炸到豬皮非常脆口既豬手 配以梅子醬汁 先咬到脆如薯片既豬皮,再食到啖啖肉既嫩滑豬手肉 食多2件覺得膩?加少少梅子醬味道變得完全不同一樣更美味類似燒鵝食梅醬既道理一樣平均消費$250評分8/10銅鑼灣駱克道459-461號The L. Square14樓

意粉同Pizza都係我至愛，今日試咗銅鑼灣一間叫Y Pasta上樓店，兩樣都做得唔錯。店舖位於銅鑼灣廣場二期旁邊嘅商業大廈，地點都算易搵。睇完Menu，意粉同Pizza都算多選擇，亦都有啲意想不到嘅組合。最後決定叫咗個冬陰功肉碎闊條麵。Pizza就叫咗傳統嘅夏威夷，試一試佢嘅質素。另外再加咗一碟香腸拼盤，因為呢排食咗其他扒類，所以今日就轉食香腸拼盤。最快上枱嘅居然係Pizza，裏面嘅火腿比平時嘅厚啲，菠蘿都就切得好薄，但半溶嘅芝士就做到拉絲嘅效果。雖然餅皮唔算好薄，但係亦都唔厚，揸住嚟食兩三啖就食完一件，酸甜嘅醬汁令食慾大增。跟住到意粉上枱，個醬汁比想像中杰身，令到每條意粉都好掛汁，好香好濃嘅冬陰功味，但比想像中辣咗少少。咁反而越食越刺激，麵條亦都做到有咬口，唔怕太捻，呢個抵讚👍香腸拼盤可能覺得冇乜特別，冇乜技巧，不過呢間店舖就煎到個皮非常脆口，又有唔同嘅口感，有啲入邊有芝士，有啲肉汁豐富，有啲就加咗香草，有啲就帶微辣，各有特色，食下食下，不知不覺就飽肚啦，所以都冇空間再食甜品😋