WM Café & Bar (雅濤居購物商場)

营业中

休息中

母親大人話帶過老豆黎呢度撐枱腳食晚餐覺得好抵所以就帶我黎呢度食個晏🙂Lunch Set有18個選擇 大部分都好吸引啊🤤仲跟龍蝦湯🦞添 湯入面真係有d龍蝦肉架 蒜蓉包好香脆～因為我鍾意食明太子 所以最後揀左 荷蘭明太子貝柱蟹籽意粉($52)好好奇日本🇯🇵既明太子同荷蘭🇳🇱既有咩分別🤣🤣🤣但係食完發現應該係「荷蘭汁/荷蘭醬明太子⋯⋯」而唔係荷蘭既明太子😂意粉🍝韌度唔錯👍🏽我覺得荷蘭汁似係light版既白汁可能因為有檸檬汁🍋同輕微既辣 所以食完成碟都唔覺得好膩😋而媽媽就叫左 米蘭黑豚豬鮮茄飯($54)店員溫馨提示話焗飯要等15-20分鐘但最後淨係等左大概10分鐘就有喇～一見到面頭有兩種芝士🧀就好興奮蕃茄偏酸但開胃 黑豚豬好軟稔 好食啊👍🏽最後仲加左$12配蛋糕🍰做甜品阿華田芝士餅阿華田粉及醬、忌廉芝士、阿華田味忌廉芝士配阿華田蛋糕碎(?)、消化餅餅底四層既配搭令到呢件蛋糕口感好豐富😀午市唔洗加一 的確幾抵食 值得再去～

最近媽媽提早下班，但回到家已晚上八點半，再煮晚餐要等九點多才能吃今天我媽說工作很累，我就建議直接到附近餐廳吃晚餐。想起靠近雅濤居這邊有一家WM西餐廳，就直接過來食物：4/5▪️鹿兒島黑豚西冷配檸檬帶子青蘋果絲黑豚西冷厚但肉質不韌，容易咀嚼，豚肉味濃但不會臊(我對豬肉臊味很敏感，也接受得到)。 青蘋果絲酸甜，開胃解膩。▪️烤石班魚柳配芥末籽燒汁石班魚柳表皮煎得香脆，魚肉嫩滑。▪️龍蝦湯帶鮮味但不稠這裡價格合宜，馬友經過可以來嚐一下！

已經變成美食綠洲嘅馬鞍山！多左好多選擇👏🏼👏🏼唔想煮飯仔落樓下就有嘢食...今晚去食西餐😜之前有幫襯過，記得佢哋SET DINNER好多款式𠺝！上次想叫威靈頓牛柳但係一早就賣哂！今次好彩...即叫！另外再揀個鹽烤帆立貝海膽醬意粉🍝鍾意呢度嘅餐包熱烘烘好軟熟☺️配龍蝦湯好美味😋威靈頓牛柳果然正！酥皮夠脆口！牛柳肉味濃👍🏻一啲都唔韌，好好味💗餐飲加$18可以配特飲，叫咗杯荔枝蜜桃梳打🍹同熱情果菠蘿梳打🍹夠哂大杯！真心覺得好抵食👍🏽下次再黎要留肚試埋佢哋嘅甜品🍮🤤🤤

又係出外覓食嘅時候，呢間WM係一間氣氛浪漫嘅西餐廳，今日被安排坐卡位，地方寬闊，晚餐選擇有10個，由$68至$128不等。點餐後就送上餐包和餐湯，餐包配牛油不過不失，龍蝦湯相當濃味。另外我加$8叫咗個廚師沙律，除咗沙律菜仲有兩塊煙三文魚同埋好多芝士粉，本身已加咗沙律醋，味道酸酸地幾開胃清新。主菜來了，先食個「龍蝦汁海蝦蟹肉意粉」（ $82 ），他有幾隻，唔算好大啫，爽口，蟹肉一堆，加埋啲紅椒青椒、菇和蟹籽等，味道都幾好。「威靈頓牛柳」（ $128 ）新鮮焗好送上，麵包外皮啡啡的，裡面索晒牛肉汁，牛肉都幾腍，keep到 Juicy嘅感覺，肉質幾好，仲有好多薯菜伴碟添！餐飲方面可以加錢轉特飲，我哋要咗一個朱古力咖啡，味道好濃甜度啱啱好，相當好味。另外一杯Pussy Foot，粉紅色賣相都幾靚，味道有啲似雜果賓治，唔會太甜！其實晚餐仲可以加甜品，不過今次無加，見佢個甜品櫃都有幾款選擇，下次有機會再試。

上次來食過晚餐覺得唔錯，今日再嚟encore，叫咗一個「吉列漢堡牛肝菌醬扁意粉」（$78 ），味道不錯，漢堡份量都幾大，個面唔會覺得好熱氣，一咬即開，幾啱小朋友食。另外叫咗個「鹿兒島黑豚西冷配檸檬帶子青蘋果絲」（ $98 ），帶子得一粒同埋乾身左少少，但係個黑豚西冷就好好味，好腍，配埋青蘋果絲，感覺清新，加埋薯菜伴碟，薯蓉都好多，抵食。晚餐本身已經包左龍蝦湯或者蕃茄湯，味道OK。餐茶我哋就加$18升級做特飲，叫左兩杯「雪糕忌廉梳打」，除咗雪糕之外，面頭有忌廉加上彩色粒粒，賣相好吸引，小朋友都飲得好開心。為咗滿足小朋友嘅要求，我另外在加咗$8要個薯菜，基本上就係薯條加一舊西蘭花，薯條熱辣辣，點埋茄汁就最好味啦！$100左右一個晚餐，有齊咁多樣嘢，性價比都唔錯！而且服務OK，我相信我會再來的。

今日去了馬鞍山海濱長廊曬曬☀️太陽，吹吹風，再對住個大海🌊大嗌幾聲，當堂鬱結全消！然後就行返去雅濤居食 WM cafe......呢度好近海邊，而且性價比又高！假日full set lunch 都係$60~70, 有忌廉🦞湯龍蝦,有main course 🥩,有嘢飲🥤, 質素仲唔錯TIM!叫咗黑豚西冷🐷配烤雞🐔配薯條， 黑豚肉夠份量，肉質幾嫩； 個烤雞簡單用海鹽🧂配，質感更好！我最鍾意係杯”黑牛”, 好耐冇飲過了， 將朱古力雪糕浸落可樂度，然後大啖大啖食🐒好快樂的童年回憶！呢度加$12有埋homemade 蛋糕🍰,咁我就唔執輸加個Tiramisu … …個質地比較鬆軟，味道較為淡，唔係好肥嗰D cake, 但係就好新鮮！ 舒舒服服食咗一餐，然後又去海邊玩過了！

今日同朋友喺馬鞍山食晚飯啲人成日話馬鞍山冇乜嘢好食但係其實用心啲搵都會搵到啲驚喜原本諗住喺新港城食嘢但係最後朋友推介嚟咗呢一間餐廳呢間餐廳係一間酒吧餐廳但係有別於其他酒吧餐廳，呢間嘅座位超寛敞， 兩個人坐張大卡位， 勁舒服食物嘅價錢又唔貴， Set dinner都係100頭叫咗兩個set每個set都有餐湯同嘢飲，餐湯係忌廉龍蝦湯，味道都唔錯鹿兒島黑豚西冷配檸檬帶子青蘋果絲：一上枱已經覺得賣相幾吸引，豚肉煮得啱啱好，豚肉味都幾濃烤石斑魚柳配芥末籽燒汁：魚柳外皮烤得幾香脆， 入面嘅魚肉都幾亂嫩，加埋佢嘅芥末籽燒汁， 幾酸甜開胃呢個嘅價錢， 無論環境同食物既性價比都好高

龍蝦湯好好味，仲有龍蝦肉喺裏面，真材實料，好豐富！我點了龍蝦汁海蝦蟹肉意粉，剛喝完龍蝦湯再吃這個龍蝦汁意粉，延續龍蝦的味道，整個口腔充滿龍蝦味道，龍蝦控一定要試。意粉內的大蝦爽甜，值得推介👍🏻另鹿兒島黑豚肉西冷配檸檬帶子青蘋果絲，黑豚豬煮得一D都唔韌，黑豚豬肉好容易切但仍有咬口！👍🏻火喉控制到恰到好處！還有大大隻嘅的香煎帶子，帶子有淡淡牛油香味。簡直一流😋😋晚餐又有餐包和餐飲，現在還有八折快閃優惠，非常抵食！即使非常時期也要共渡時艱！

前两日去朋友馬鞍山屋企，谂住落樓吓一齊個西餐dinner, 用電話上open rice 睇有咩好評多既餐廳，見呢間有唔錯評语咪去试吓，点知中哂伏，又贵又把鬼，忌廉龍虾汤，冇龍虾味又冇肉，好似饮緊糊仔咁，食件肉眼牛扒叫五乘熟，竟然又乾又鞋，九乘都黎!朋友個卡邦尼意粉仲惨，煙肉完全唔香，意粉又乾又碎!!隻溫泉蛋仲要係凍，都唔知食咗D乜，飲品都唔掂，凍咖啡談到奶水咁，两人咁就六百幾蚊出門口！一定冇下次law,

今晚同朋友想去海傍行下.就近近地去左馬鞍山👍🏻記得附近有間高質抵食cafe.店舖很大.環境舒服.很適合朋友聚會慢慢坐👍🏻價錢正常.🤣但威靈頓牛柳十分平.被吸引來黎食👍🏻⭐️⭐️⭐️十級推薦甜品⭐️⭐️⭐️🎂自家制意式奶凍配橄欖油 💰28佢唔係普通奶凍啫喱.係好creamy.似Cream cheese口感.散發淡啖奶酪香味.配上橄欖油.成個甜品變得好fresh👍🏻 完全不會甜. 好特別.一定要試🥰🥣龍蝦湯餐包⭐️加分位加分⭐️龍蝦湯味十分濃郁.很少西餐廳的餐湯會免費提供龍蝦湯🥰🥢鵝肝鴨肉意大利飯 💰88⭐️推薦鴨鴨迷⭐️只係鵝肝都值回票價🤣滿足.鵝肝要煎得靚真係好考技巧同功夫👍🏻再配上好香濃鴨肉汁味（好重鴨味！）入哂意大利飯.每啖意大利飯都配有鴨肉絲同雜菌👍🏻鍾意食鴨唔好錯過🐥‼️份量好多同好飽.記得要同朋友share食😆🍴WM威靈頓牛柳 💰128睇完個價值無理由唔叫🥳未見過甘平.香脆酥皮包著焗到香嫩滑溜牛柳👍🏻牛柳肉汁鎖在其中加埋濃厚醬汁🥺配大量薯蓉.非常好味抵食.睇下肉質重保留到半生熟.真係少d功夫都唔得🥳🥤忌廉黑牛梳打 💰32成日聽人講黑牛都未試過.見到有就試下.🥳原來係可樂溝朱古力雪糕🥳滿足.又飲到又

肺炎疫情未見好轉，最近大家都少左出外食飯,所以今日同朋友都去間近近地的wm cafe聚下見下面試左過威靈頓牛柳平時上網間唔中都會見到有教人用氣炸鍋整，但好懶一直冇試到,竟然係呢度可以食到緊係即刻order試下啦人生第一次食仲叫左鹿兒島黑豚配檸檬帶子青蘋果絲配搭好清新味道恰到好處。重點係用鹿兒島的食材日本的係唔同dset仲有包餐湯﹑飲品同餐包。。。。。。周圍環境唔錯，最重要可以静静地慢慢嘆下享受下呢餐

今日經過海濤居旁邊見到餐廳有快閃✨優惠，我哋一家人早啲過嚟食晚餐，7:30前離座有八折優惠。我哋一人叫咗一個晚餐。龍蝦湯：龍蝦湯上枱已經聞到陣陣香味，看到湯中畫上白色的忌廉點綴，賣相不錯。龍蝦湯味道濃郁，不會太杰身，入口有淡淡的忌廉香滑，而且還有一些龍蝦肉咬下。脆炸軟殼蟹墨汁意粉：賣相非常吸引，上堂已見到一隻完整軟殼蟹在意粉面頭，軟殼蟹還有蟹膏在內確係有點鮮味。還有一些蟹子和蟹肉配合墨汁意粉，口感豐富。墨汁意粉味道很好，而且有足夠的意粉汁，不會越吃越乾。龍蝦汁海蝦蟹肉意粉：這道意粉是第一道上枱的菜，我們四口子都又試吃，不約而同地覺得非常醒胃好味，尤其是這個意粉汁，不會搶走蝦和蟹的海鮮味。鹿兒島黑豚肉西冷配檸檬帶子青蘋果絲：黑豚豬的豬肉味濃郁，一點也不肥，很有咬口，咬下去有淡淡的豬肉汁。還有一些薯蓉配菜半碟薯蓉有濃濃的牛油味是我們喜愛嘅。WM威靈頓牛柳：牛柳非常特別藏在酥皮內，切開一半後可看到牛肉非常厚身，牛柳連酥皮一同入口味道特別。這個份量非常飽肚，愛吃牛肉之人一定要試。+＄12藍莓芝士餅：晚餐可加配甜品，這款藍妹芝士餅味道濃郁，不會太甜。

下午茶時段叫左個Egg Benedict with chips...底層麵包，上面水波蛋，再上層係煙三文魚片，最上層係一大堆"荷蘭醬".. 我好奇將頂層"荷蘭醬"&煙三文魚片移開，想睇下隻水波蛋，點知，一睇，原來係一灘蛋水連蛋白都未見成形，更何況d蛋黃？！咁同直接打隻生蛋落去有咩分別？！真係當堂冇哂胃口食左幾條薯條就埋單了。。

位於馬鞍山鞍駿街15號雅濤居購物商場地下G01B號舖的WM Cafe and Bar, 主打西式菜。餐廳提供午市套餐，包一客龍蝦湯、主菜及飲品，加一後價錢約七十元。侍應先送上餐湯，龍蝦湯熱騰騰，味道濃郁。朋友則選了羅宋湯，味道酸酸的，相當開胃。隨餐湯附上一塊麵包伴湯。美國西冷牛扒配燒汁 配飯 (US Sirloin Steak in Gravy Sauce) 來到了。除了配白飯，還可以選擇配意粉或薯菜。薄牛扒煎得頗為香口，肉質不會太韌，和燒汁相當匹配。白飯的份量充足，男士吃也夠飽。朋友點了一客 WM 全天候早餐配烤多士 (WM All Day Breakfast with Toast)，賣相吸引，相當豐盛。當中有太陽蛋、蕃茄、豬肉腸、蘑菇、煙肉、茄汁焗豆、粟米。多士烘得頗為脆口，個人最愛吃太陽蛋，蛋邊煎得香脆。菇片也煎得相當香口，整體份量充足，是一個飽肚的全日早餐。。餐飲則點了一杯凍咖啡和凍奶茶，奶茶茶味相當濃郁，頗不錯。餐廳還有甜品櫃，可以額外添加一客蛋糕，有較為熱門的藍莓芝士蛋糕和Tiramisu。另外，餐廳還提供下午茶Tea Set，賣相精緻，平日和假日的收費也略有不同。

今晚又吾想煮飯，唯有係附近覓食。往往諗吾到食咩時， 就會諗到WM cafe, 因為之前食過扒餐，質數好吾錯，所以想再去試試。 加上餐廳既裝修簡約, 座位亦都好闊落舒適！Set dinner 有十款選擇，款式頗多！今次揀意粉同埋法國軟包，去圖吧！餐湯揀左龍蝦湯和菜湯。龍蝦湯鮮甜濃郁，有層次感！蕃茄湯也不錯， 勝在蕃茄多！餸上暖暖軟餐包，正！鹽烤帆立貝海膽醬意大利粉細細粒帶子好有鮮味，海膽醬一點都吾腥，岩岩好沾上每條意粉，好味！WM龍蝦汁海鮮法國軟包以龍蝦汁調配，突出各款海鮮的鮮甜味！食落超滿足和溫暖！又是既豐富又滿足的晚餐！