WM Café & Bar (雅濤居購物商場)

营业中

休息中

最近疫情擴散，所以無咩特別都盡量係返屋企附近食就算，今日黎到呢間平時糧尾時會黎既平價西餐😂😂因為真係好抵食又大份。配合政府要求，一入餐廳個staff就主動安排探熱同提供搓手液，坐低就如常咁叫左兩個餐。每個晚餐都包埋餐湯+餐包+飲品🥢龍蝦餐湯個湯係跟餐既，但每次都覺得好好飲，飲落仲有蝦肉，搭埋濃濃龍蝦湯好超值💪🏻🥢烤石斑魚柳配芥末籽燒汁$88皮煎得脆口，石班魚夠軟身又厚，配埋芥末燒汁個味好夾，另外都幾欣賞個薯蓉有濃濃奶味又夠滑身🤟幾十蚊食西餐真係抵。🥢鹿兒島黑豚西冷配檸檬帶子青蘋果絲$98呢排好似轉左餐牌，所以睇錯左以為係西冷牛😂😂黎到先發現係西冷豬，不過錯有錯著，豬既味道仲淋身同豬味好濃，好好食😋煎到岩岩好，唔會太硬得黎咬落去係鮮嫩色👍🏻 埋單加埋一都係$100左右一個人，岩晒呢排減人工既我🙈🙈 CP高👍🏻

嚟馬鞍山 當然要試吓西餐 💕喺男朋友屋企附近一間西餐受到好多街坊追捧所以今晚有即管嚟試吓餐廳環境比較闊落兩個人或者一家人嚟食都good而且佢哋餐廳環境清潔優雅衛生良好見到佢哋嘅價錢都係平民價錢 但係套餐已經咩都有齊😛👍餐湯我哋要咗龍蝦湯龍蝦味嘅感覺都唔錯唔會太鹹而且好有香味👌麵包夠新鮮仲一人有一舊牛油夠晒食我哋首先要左一個鵝肝意大利risotto 😀首先要讚下佢嘅鵝肝絕對可以媲美出面高級嘅西餐廳咬落去佢嘅脂肪比例幾好入口即溶同埋佢嘅意大利飯唔會過生😁個味道都調得唔錯上面仲沈左少少芝士粉添😘男朋友叫咗一個威靈頓牛扒呢個其實好多餐廳來講都係比較有挑戰性而呢一間嘅做法都令到我喜出望外因為首先牛扒嘅屬成度掌握得唔錯而且酥皮新鮮 亦都好有牛油味 冇overcook旁邊仲放咗一啲佢調味好嘅薯蓉😘配合起上嚟都係高質之作我哋每人仲加咗$8要咗一個跟餐嘅炸薯條新鮮炸落熱辣辣 非常抵食最後要稱讚下佢哋餐廳嘅飲品 自己嗌咗一杯peach梳打 幾解渴又好香 岩晒女仔☺男朋友要左朱古力 好濃郁嘅朱古力味上面仲有啲cream 令野飲更smooth

某天晚上住馬鞍山既朋友帶我去食西餐，黎左一間叫WM cafe and bar既餐廳，環境清幽舒適，一入門就為客人量度體温，餐具都擺放得好整齊，可見衞生情況良好，我地叫左兩個set dinner,一個係WM威靈頓牛柳，外脆內熱既酥皮包住軟熟既牛柳，口感都幾特別，兩個餐都配有龍蝦湯同飲品，龍蝦湯好creamy,仲有跟左一人一片薄薄既脆麵包多士，另外仲叫左碟鹿兒島黑豚西冷配檸檬帶子青蘋果絲，兩碟主菜既伴碟擺盤都好精美，黑豚西冷厚切啖啖肉，肉質鮮味，青帶子爽口，青蘋果絲好醒胃，薯蓉真係食到薯蓉粒朋友大讚薯蓉伴碟好味。而且無限時坐幾耐，三五知己暢談好去處。

今晚同老婆去左馬鞍山食飯，抗疫期間我地都會出下去，因為其實小左好多人，枱同枱都有足夠既距離，餐廳既衛生情況都好好呢間食西餐既叫wm cafe and bar, 呢排冇酒吧去都可以黎呢度飲下酒既，睇相見到呢度既野賣相好吸引，就轉登過黎試下先黎左包包同埋餐湯，呢個蕃茄湯超好飲， 入面有d茄蓉係度，唔會飲落好水咁鹿兒島黑豚西冷配檸檬帶子青蘋果絲賣相真係好吸引，個豬排好juicy好林，仲有粒帶子真係超值呀98蚊咋WM威靈頓牛柳個酥皮好香，配埋入面小小黑松露醬加個牛真係好match下次要再去試下其他野先

今日黎左呢間餐廳嘆Set dinnner ☺️餐包❤️熱辣辣，裏面軟熟，加埋牛油半溶感覺好味道👍龍蝦湯❤️真材實料！龍蝦湯香濃細滑，味道突出！😋😋😋龍蝦汁海蝦蟹肉意粉❤️意粉彈牙，蟹肉份量多，啖啖肉😋😋龍蝦汁滿滿，大滿足👍WM威靈頓牛柳❤️必點！！非常高質有驚喜👍酥皮香脆充滿牛油香，一啲都唔會鬆散🥰牛柳冧身，非常juicy ! 菠蘿梳打❤️菠蘿汁味道唔會假，清新又解渴！雪糕忌廉梳打❤️忌廉梳打上充滿大大個雪糕，小朋友大愛😍

踩單車踩到食物沙漠 搵到一間充肌既餐廳填肚 呢輪人人都運物 揀左踩單車踩完就黎餓死 入左呢間Wm cafe食個lunch叫左個BBQ烤手撕豬菠蘿芝士漢堡配薯條 同煙三文魚千島薄餅質素不過不失 漢堡包既生菜可以多返小小會好食d 手撕bbq豬食落有小小過甜 菠蘿就應該係罐頭既 食落偏軟 塊芝士味道正常 個包幾飽肚 不過薯條凍左有偏向乾身 茄汁就幾好係偏甜個種 煙三文魚千島薄餅係偏硬身 口感係食緊塊大既梳打餅底上面有搽左千島醬既煙三文魚 但三文魚有d水標出黎 令到餅底有啲軟身 一般 菠蘿烏龍茶就貼近某連鎖店不時新出既特飲係有茶有菠蘿 抺茶latte就夠熱 奶味就唔夠出 抺茶有點澀 飲品就一般 不過呢餐未食曬就好飽 踩單車就餓扁食都okay

最近喺馬鞍山站附近搵到呢間Cafe，環境同食物都唔錯。望入去座位幾闊落，燈光偏暗，係約人聚餐既好地方～地方唔細，枱同枱之間距離幾闊，係呢個抗疫時期，呢個距離令人好安心😂亦有卡位選擇午餐既選擇都幾多，大部分都好豐富呀！仲可以叫酒！餐湯同麵包先上麵包🥯好香脆，唔需要額外加牛油🧈叫咗龍蝦湯，幾杰身未試過手撕豬肉做餡嘅漢堡大大個漢堡同好多薯條放喺木板上，睇落好豐富呀！手撕豬肉好多汁，配以新鮮既番茄醬混合。豬肉既上層放左原塊糖水菠蘿同芝士😋整個漢堡包🍔，酸酸甜甜好開胃！連埋咁多薯條🍟都食得哂呢餐好夠飽，所以只係叫咗杯熱檸茶係Dilmah既breakfast tea，而唔係用茶膽沖出嚟嘅茶底！平時好少嚟馬鞍山，雖然睇落只係一間普通嘅Cafe，但係食物嘅質素、份量都令我喜出望外！性價比非常高！除咗漢堡包之外仲有其他食物都好吸引，下次會再嚟試

搬咗黎呢度都有一排，一直都未試過樓下間餐廳🍴最近多咗時間係屋企，懶得煮，又唔想去咁遠，就決定去試試。晚餐有多款set dinner 選擇，價錢最貴都唔過$200，有餐包和飲品和忌廉龍蝦🦞湯。我哋就分別點左兩個晚餐，和一個新鮮炸起，熱辣辣，十級邪惡的小食拼盤餐湯，忌廉龍蝦🦞湯，味道香濃，且更有龍蝦肉主菜， <脆炸軟殼蟹墨汁意粉>，初頭以為只會得半隻軟殼蟹，冇諗過全隻墨汁意粉，不會太多汁，口感適中令一個主菜，< WM 威靈頓牛柳 >，平時都唔係好多地方有，估唔到呢度有得食，外面是焗得香噴噴的酥皮，內裏包裹着嫩滑的厚厚牛柳，配菜薯蓉也不差，有粒粒薯粒的口感總括來講都可以，下次喺屋企唔知食咩，就可以落嚟再試其他嘢

假期一般會約屋企人嘆下一盅兩件，但現在的疫情下，唯有兩口子自己搵食，經過呢間餐廳，門面好似頗貴咁，但睇睇門口餐牌，即時諗到唔諗就入座，約$60至$70就已經有一個午餐，包餐湯，餐包，主菜，再加飲品，真係一D都唔貴，呢個價錢居然有龍蝦湯選擇，味濃，蕃茄湯帶酸，好啱我個人口味，芝士焗肉醬意粉滿滿肉醬，Juicy，鹿兒島黑豚西冷配北海道檸檬海鹽烤雞配意粉，意粉份量多，黑豚西冷超驚喜，好厚身，肉嫩，味道剛剛好，不會過濃而蓋過肉味，雞皮隠隠有陣檸檬味，唔錯， 以呢個價錢，真係好抵食，想再抵D，而家有個驚喜快閃優惠，特別時段可以享8折，星期一至五早，午餐同下午茶仲免收加一服務費。

啱啱郊遊完，在另一個Apps搵平靚正嘢食，搵到呢一間食評不錯的西餐廳，一於同屋企人黎試吓啦！冇諗過，人流唔多，服務員態度不錯，食物質素出奇地好味，連BB都鍾意食，特別係蜜糖雞翼非常出色！牛扒煮得啱啱好，賣相也不錯！值得一試😋

以前賠樣位置都係一間唔錯既西餐，改頭換面轉埋名，行過就想試一試。雖然係cafe n bar..但一啲bar既feel都無，入內環境都幾舒服😌全份餐牌既價位都算中偏平價，我地就點左兩份最貴價既...飲品menu都整得好繽紛😂裡面環境都乾淨舒適，真係唔似酒吧！龍蝦🦞湯的確唔太濃稠，但都算夠味，一般。包似乎係自家製的，好薄，但見到有少少果乾，無咩口感都無咩味，適合沾湯食。較深色一點點個啲就係我提及的果乾，相信係紅莓乾。正餐終於出現，真係好特別，一度以為自己點錯餐/上錯菜😂威靈頓牛柳配上酥皮，好特別，都幾驚人，確實係整得幾好睇好食架！想讚一讚呢度既薯菜都整得幾好，薯蓉夠香滑，連普通既西蘭花🥦配菜都整得清甜可口！之後就係黑豚西冷配帶子蘋果絲，老實講見到咁特別嘅名都想試吓！肉質好香軟，帶子都新鮮，搭上青蘋果絲，夠晒清甜好好味😋最後配番杯凍檸茶，完美作結。

去開馬鞍山，見到呢間餐廳嘅裝修幾靚，價錢都相宜，就諗住入去食個晏晝飯～叫左兩個set lunch, 我哋揀咗龍蝦湯，味道都唔錯，有龍蝦味配埋兩片烘包～叫咗個安格斯漢堡，塊漢堡雖然有啲overcooked,但幾有牛肉味，配埋其他配菜都唔錯。薯條唔係脆個種，有茶餐廳風味，不過相對就冇咁熱氣啦另外仲叫左個雞扒拼豬扒～ 配左個燒汁，好似喺茶餐廳會食到嘅鐵板餐，幾有風味 份量比較細，比較岩女仔食！餐飲就點左凍檸茶同埋凍奶茶～～

其實今次專登開個户口寫食評因為好嬲，好想講吓野，因已經唔係第一次嚟呢間食，外表睇以為唔係一般西餐廳，今次同男友去食係絕對失望，而且唔係一般西餐廳做倒!㗎！食到全程了都好冇feel，前菜係一塊好乾麵包．配个好咸既龍蝦汤其實个汤份量係超大！建議細食嘅朋友可以先忍口，饮一半已經可以放棄改饮水，留肚食主菜威靈顿牛柳，oh..簡简單單配菜嘅材料，係少得可憐，已經好失落)同埋有冇好好照顧顧客大家嘅食量?如果唔夠食，可唔可以加个饭?！不過除咗配菜款式少同份量之外，其實仲可以-講/汁又少又咸，个牛柳竟是像个鷄包仔?128元真有驚喜！叫八乘熟切落去，仲有好多血出，叫侍應講牛柳生喎，点知厨房原個係叮番出黎!128.元食番叮威靈頓牛柳真係令我印象好深刻，个皮又唔脆，又乾又鞋，殘酷一叮!大失所望。!

見佢店舖四四正正，出面見個餐牌又唔係太贵，咪入去试吓當日坐底落完order，想先去個厕洗個手，侍應生話要在水吧扲鎖匙，經過厨房見個入面廚房佬，都冇戴口罩，仲咁啱佢又去廁所，去完見佢都冇洗手，感覺好污糟。我明白佢哋都要去厠所，但非常時期，個人衛生最基本野啦。我黎幫襯只係見間餐廳装修得幾企理，相信佢先入黎，再這，唔搏啦，都是在家食安全d。唔好諗住高高吓既西餐食肆會好d，呢店完全冇對食客嘅健康負責任，我作為客人對抱住出街食野，冇咁唔好彩中招嘅心態，不過後悔到依家😓 埋單時同店員反映廚房員工應戴上口罩，佢竟然話我們的員工好健康冇問題，喂你係煮野果個呀先生，竟然全冇衛生防疫意識😡 佢有回應話會改善嘅，之後有冇改善，就有待大家觀察喇。其實唔係特別好食，就無謂為咗個晚餐驚14日!!

真係未試過食野食到咁嬲，去到餐廳個陣，個侍應勁大聲咁喝話等陣都已經唔知咩料。我仲要咁黑仔坐緊廚房既位，d碗碟聲嘈到我都躁埋，好心就閂返個門先。呢d都算，d野食仲要等左勁耐先送到，而且又勁難食。Wow本身睇個名以為好吸引，點知伏到喊。。。又話海鹽烤雞，sorry塊雞扒只係普通燒汁味。個黑毛豬仲衰，唔好加個鹿兒島就扮上菜啦，食落直情係茶餐廳既黑椒牛扒，真係唔講都唔知食緊豬。一句講哂，好難食！完全係勁差既食飯體驗，好心冇心做就唔好做啦。